مكتـبة ابـوصـَريـمه الشعبـيـة ...

ابوصريمه

قلم فضي
التسجيل
10 فبراير 2007
المشاركات
3,928
الإعجابات
8
...((( يـا لآيـمـي فـي النـاس )))... كلمات :- عبدالله ابوصريمه

15/11/2020م

يا لآيمي في الناس ، هَـوّن على الناس ،،، يارُب غالي مَـلّ ربعه وناسه
ولا تدق اجراس ، مشدودة الباس ،،، لاما تحيط الوضع باكمل دراسه
عاد الرضا ما قاس ، معيار الاجواس ،،، ولا رضي حِـسـّـه بقيمة قياسه
ما دام والكَـبـّـاس ، له عِرق دسـّـاس ،،، ما باتفيد الهَـمهـَـمه والفِراسه
لو للحَـميـّـة ساس ، ما سَــنـّـها اليأس ،،، ولا مقتها الله مقت النجاسه
خل التقى مقياس ، يكفيك الإفلاس ،،، ومن قـَـبيل المعرفه والكياسه
لا ياخذك وسواس ، له وحي خنـّـاس ،،، يخلط عليك الامر لاجل التباسه
ويجعلك تحتاس ، بارباع واخماس ،،، حالك وحال السامري من مساسه
احذر وكـن حسّاس ، محكوم الاحساس ،،، والصبر لكن صبر مرفوع راسه
ما يقبل النبراس ، يتجرع الكاس ،،، لو كان فيه الموت يهناك كاسه
والصمت ماله راس ، يا طيب الساس ،،، بعضه مذله لا يغر التماسه
ما ضاقت الانفاس ، من ضيق الاحباس ،،، ضاقت مجاري حبسها والسياسه
والحر بين انكاس ، سايس وسواس ،،، ثورة غبونه خامدتها حواسه
يعد للانجاس ، تطهير واكناس ،،، وللوطن والدين حبه وباسه
والعهد ذي بين المآتم والاعراس ،،، يشهد على رفع البنا من اساسه
>>>
كلمات :- عبدالله ابوصريمه
>>
15/11/2020م
>

#ابوصريمه