حضرمية مغتربة
مشرف سابق
- التسجيل
- 5 نوفمبر 2002
- المشاركات
- 14,712
- الإعجابات
- 0
[align=right]نكمل الجزء الثاني ليوميات بنت مفروسة على ضمانه الست نفيسة
كنت غرقانة في سابع نومة وبحلم حلم جميل كنت فيه واصله لحد حافة الجبل ...صحيت على صوت ممتي ...
- انت لسة نايمة!!! ياخراشي ما تؤومي تتجهزي ..الرجل حيوصل دلوأتي ..
- راجل مين؟
- راجل مين؟ العريس ياصابرين ايه مالك هو انتي نسيتي
( رميت لحافي على جنب وأنا بقول بصوت خايفة لا تسمعني ممتي وانكد عليها في يوم زي دة)
- هتلبسي إيه؟
- العباية البيج بالايشارب بتاعها.
- عباية إيه !!! لا البسي التايير الفسدقي ...بلاش العباية بدل ما يفكرك معقدة وإرهابية!
- طيب بلاش.
- أبوكي جاب جاتوه وطبق حلويات شرقية... هنقدم معاهم شربات وشاي بس؟؟؟
- بس إيه!!! ما تدخليه المطبخ معانا أحسن...هوه مش هيقعد ساعتين ويمشي؟ ولا ناوي يتعشى!!
- وماله ما يتعشى ؟!
- ماله إيه؟!... استغفر الله العظيم ...هروح ألبس.
(بعد ساعة تقريبا رن جرس الباب وفتح له أبويا العزيز ووقفت ببص على شكله شهقت شهقة كان قلبي هيقف فيها... إيه اللي لابسة ده) مش ممكن
قعد العريس مع أهلي يجي نص ساعة ودخلت وسلمت شفويا وقعدت وتفضل والدي بتقديم العريس
- ده مصطفى مغاوري مهندس في شركة .. وابن حلال وطيب بيواظب ع الصلاة معايا.
- أهلا وسهلا
(وطالت لحظة الصمت وسيادة العريس كما أبو الهول الرد على قد السؤال و كنت بتأمل لبسه كان لابس بنطلون إسود وبلوفر بألوان بيئة والقميص كاروهات.. وملامحه قريبه أوي من ملامح سمعه اللي هو اسماعيل يس
وسأله والدي عن مرتبه فقال وكله فخر ونشوة: وفرحان أوي :
- أنا يا عمي بناخذ 500 جنية بحالهم. (من أدك يا شيخ)
وبلهجة اسكندرانية أوييافرحتك يا بو كروهات
(بلعت ريقي من الدهشة لأني لما فكرت فيها لقيت أن لأهله نسبة من المرتب غير إيجار الشقة دة إذا كان معندهوش فما بالكم بمصاريف الحياة اليومية!!!) - وعندك شقة على كده؟
( سؤال طرحته أمي ...وكان بودي أحط ايدي على بؤها ....شقة اية يا غالية بيقولك بيقبض 500 يادوب تجيب له شقة بطيخ)
- بصراحة لأ مجناهومش ، بس محوشين مبلغ ندفع بيه مقدم لشقق الإيجار الجديد.
- مش مهم يا ابني ... احنا بنشتري راجل.
( راجل !!! وأنا عاوزة أشتري استقرار، قلت لما أسأل أنا بأة لان الوضع مقلق حتى الآن)
- بتقضي يومك إزاي؟
- والله انا من الساعة 8 لغاية 4 ...قولي كده بنوصل البيت 5 يادوب نتغدى وننام ونصحى نشرب كباية الشاي مع الحاجة .وننزل نشربها تاني مع أصحابي ع القهوة.
(قهوة!!! هو بيتفضل في المرتب حاجة عشان تصرفه ع القهاوي!!!)
- على كده مفيش أي موهبة أو رياضة بتمارسها؟
- هاهاهاهاها لا طبعا معندناش وأت ..
- طيب وما عندكش طموح في الحياة
(رد ببلاهة) :
- هه!! يعني القناعة كنز.... بصراحة وأنا راضي بحالي كده.
( حطيت لساني في بؤي وسكت وفتح أهلي كذا موضوع عام كشف عن مدى سطحية التفكير أقصد القشور الباقية من التفكير وعدت الساعتين تقال على قلبي....يا ربي واحد مرتبه يا دوب ع الأد . ومالوش طموح ولا حتى حلم وما يعرفش الدنيا ماشية إزاي وله نفس يخطب ويتجوز!!! وعجبي...قام العريس وروح)
الصدمة ماكنتش في العريس بصراحة... الصدمة كان في سؤال أهلي عن رأيي!!!
وكان الحوار سخن أوي وبيحرق والحق يتقال كان واضح إنهم مش مقتنعين بالمرة بالعريس لكنهم في الأول والآخر أهل وبلتمس لهم العذر في إنهم نفسهم يفرحوا بيا... لكن الفرح بالعقل يا نااااااااااااس).
يتبع.............................................. ......................
تراه منقول بتصرف يا الاستاذة صاحبة السمو
كنت غرقانة في سابع نومة وبحلم حلم جميل كنت فيه واصله لحد حافة الجبل ...صحيت على صوت ممتي ...
- انت لسة نايمة!!! ياخراشي ما تؤومي تتجهزي ..الرجل حيوصل دلوأتي ..
- راجل مين؟
- راجل مين؟ العريس ياصابرين ايه مالك هو انتي نسيتي
( رميت لحافي على جنب وأنا بقول بصوت خايفة لا تسمعني ممتي وانكد عليها في يوم زي دة)
- هتلبسي إيه؟
- العباية البيج بالايشارب بتاعها.
- عباية إيه !!! لا البسي التايير الفسدقي ...بلاش العباية بدل ما يفكرك معقدة وإرهابية!
- طيب بلاش.
- أبوكي جاب جاتوه وطبق حلويات شرقية... هنقدم معاهم شربات وشاي بس؟؟؟
- بس إيه!!! ما تدخليه المطبخ معانا أحسن...هوه مش هيقعد ساعتين ويمشي؟ ولا ناوي يتعشى!!
- وماله ما يتعشى ؟!
- ماله إيه؟!... استغفر الله العظيم ...هروح ألبس.
(بعد ساعة تقريبا رن جرس الباب وفتح له أبويا العزيز ووقفت ببص على شكله شهقت شهقة كان قلبي هيقف فيها... إيه اللي لابسة ده) مش ممكن
قعد العريس مع أهلي يجي نص ساعة ودخلت وسلمت شفويا وقعدت وتفضل والدي بتقديم العريس
- ده مصطفى مغاوري مهندس في شركة .. وابن حلال وطيب بيواظب ع الصلاة معايا.
- أهلا وسهلا
(وطالت لحظة الصمت وسيادة العريس كما أبو الهول الرد على قد السؤال و كنت بتأمل لبسه كان لابس بنطلون إسود وبلوفر بألوان بيئة والقميص كاروهات.. وملامحه قريبه أوي من ملامح سمعه اللي هو اسماعيل يس
وسأله والدي عن مرتبه فقال وكله فخر ونشوة: وفرحان أوي :
- أنا يا عمي بناخذ 500 جنية بحالهم. (من أدك يا شيخ)
وبلهجة اسكندرانية أوييافرحتك يا بو كروهات
(بلعت ريقي من الدهشة لأني لما فكرت فيها لقيت أن لأهله نسبة من المرتب غير إيجار الشقة دة إذا كان معندهوش فما بالكم بمصاريف الحياة اليومية!!!) - وعندك شقة على كده؟
( سؤال طرحته أمي ...وكان بودي أحط ايدي على بؤها ....شقة اية يا غالية بيقولك بيقبض 500 يادوب تجيب له شقة بطيخ)
- بصراحة لأ مجناهومش ، بس محوشين مبلغ ندفع بيه مقدم لشقق الإيجار الجديد.
- مش مهم يا ابني ... احنا بنشتري راجل.
( راجل !!! وأنا عاوزة أشتري استقرار، قلت لما أسأل أنا بأة لان الوضع مقلق حتى الآن)
- بتقضي يومك إزاي؟
- والله انا من الساعة 8 لغاية 4 ...قولي كده بنوصل البيت 5 يادوب نتغدى وننام ونصحى نشرب كباية الشاي مع الحاجة .وننزل نشربها تاني مع أصحابي ع القهوة.
(قهوة!!! هو بيتفضل في المرتب حاجة عشان تصرفه ع القهاوي!!!)
- على كده مفيش أي موهبة أو رياضة بتمارسها؟
- هاهاهاهاها لا طبعا معندناش وأت ..
- طيب وما عندكش طموح في الحياة
(رد ببلاهة) :
- هه!! يعني القناعة كنز.... بصراحة وأنا راضي بحالي كده.
( حطيت لساني في بؤي وسكت وفتح أهلي كذا موضوع عام كشف عن مدى سطحية التفكير أقصد القشور الباقية من التفكير وعدت الساعتين تقال على قلبي....يا ربي واحد مرتبه يا دوب ع الأد . ومالوش طموح ولا حتى حلم وما يعرفش الدنيا ماشية إزاي وله نفس يخطب ويتجوز!!! وعجبي...قام العريس وروح)
الصدمة ماكنتش في العريس بصراحة... الصدمة كان في سؤال أهلي عن رأيي!!!
وكان الحوار سخن أوي وبيحرق والحق يتقال كان واضح إنهم مش مقتنعين بالمرة بالعريس لكنهم في الأول والآخر أهل وبلتمس لهم العذر في إنهم نفسهم يفرحوا بيا... لكن الفرح بالعقل يا نااااااااااااس).
يتبع.............................................. ......................
تراه منقول بتصرف يا الاستاذة صاحبة السمو
