• الشروط والقوانين  |   سياسة الخصوصية  |   مساعدة
  • يوميات بنت مفرووووسة

    الحالة
    مغلق و غير مفتوح للمزيد من الردود.

    حضرمية مغتربة

    مشرف سابق
    التسجيل
    5 نوفمبر 2002
    المشاركات
    14,712
    الإعجابات
    0
    [align=right]كنت شايلة صينية الشاي ورايحة لأمي وأبويا ...سمعتهم بيتكلموا عن شخص حابيين يزحلقوه، بفضول مني حبيت اعرف مين الشخص ده؟! وقلت أكمل السمع ركنت الصينية على جنب ...ياااااااه ده واضح انه شخص خانقهم أوي ..إيه ده دول بيتآمروا عليه كمان ؟ والظاهر إنهم بيحددودا له معاد يخلصوا فيه منه)


    -ما الواد أخلاق برضه

    - لا يا محمد الواد كويس آه، لكن مستواه مش أد كده؟

    - مستواه إيه !! ما هو كل الشباب كده؟ العيال هتجيب منين يعني؟

    - مقلناش حاجة بس الكفاءة يا محمد!!! يعني يبقى لا شهادة ولا مال؟!!

    - م الواد أخلاق برضه ...وكفاية أنه متدين.

    - أيوه ... وهي بنتنا اللي كخة يعني؟!

    هنا حسيت بجردل مية ساقع بيرن على أم رأسي... كل الكلام ده عليا أنا!!! هوه أنا مضايقهم للدرجة دي... طبعا بكده إتلغى عنصر الفضول ودخل عليا عنصر حب الاستطلاع مشمر عن ساعديه ودخلت الصينية المطبخ وأخدت موقع استراتيجي وركنت فيه وآآآدي قاعدة!!)

    العواطلية كتروا!

    - بنتنا مفهاش حاجة ، وزي الفل بس إتأخر عدلها .

    - هنعمل إيه بأه ما هو أنت عارف .. البلد حالها واقف ومفيش شغل والعواطلية كتروا.

    (ما شاء الله دي هتدخلني في السياسة كمان!!! وأنا مالي أنا ومال العواطلية!!)

    - أنا بقول نخليها تشوف الواد ده وخلاص يمكن يحصل النصيب .. ولو إن الواد تنح.

    - والله ما أعرف يا محمد البت أخواتها كلهم اتجوزوا ما فضلش غيرها..ونفسي أطمن عليها.

    - هنعمل إيه يعني ؟ ما أنتي شايفة اللي بيتقدم شكله ايه؟

    ( حسيت بحركة أبويا قايم من على كرسيه..جريت من موقعي ودخلت المطبخ أعمل الشاي من جديد)

    (يالهوي ..للدرجة دي أنا تعباهم؟ ولو وافقت على أي حد بيجي هيسترحوا يعني!! خلص الشاي ورجعت بالصينية لأمي والدمعة هاتفر من عيني ...ما هو نفسي صعبت عليا برضه ...وقررت أنكشها عشان تفتح الموضوع).

    - عملتلك شاي مزبوط إنما إيه كده..اشربي يا حاجة وروقي أعصابك.. أمال بابا فين (بستعبط طبعا).

    - بيتوضى.

    - ومالك مكشرة كده ليه؟!

    - ولا حاجة

    (مدت إيدها على كباية الشاي وحسيت بسؤال هيتزحلق من لسانها...فقلت أسيبها.. هي مستوية جاهزة ...و هاتتكلم لوحدها)

    - بقولك إيه يا صابرين هو مفيش شباب عندكم في الشغل؟!

    - إيه السؤال العجب ده يا آمه ...طبعا في ...ناوية تتبني حد ولا إيه؟

    - يعني محدش منهم يتقدم لك؟

    ( تنحت بشكل مقرف ..وضربت بخيالي في محيط عملي ..لقيت الشباب زمايلي مابين صنفين يا إما شباب هايف يا إما شباب بيئة..يعني م الآخر كده مفيش منهم رجا)

    - ولو حد أتقدم يعني...هتوافقي؟؟ (حسيت بوشها بيتهلل استبشارا وابتسمت لغاية ما بانت النغزة على خدها اليمين)

    - يعني في حد أتقدم بالفعل؟؟

    - يا ستي بيجي ...هو أنا عشان ما بحكيش يبقى حالي واقف ولا إيه!!

    - مين بأه؟

    - ما بلاش..مش عاوزة أغم نفسك.

    - لا لا لا قولي بالله عليكى

    - واد كده زميلي ..بس حالته المادية طيييين مرتبة يا دوب ع الأد، وماعندهوش لا شقة ولا دياولو وبيعيل أخواته الأربعة زائد أمه طبعا.


    فكيها يا أم العيال

    ( فجأة تحولت الابتسامة لتجهيمة غريبة وبصيت في عينها لقيت دمعتها محبوسة ..بصراحة أنا مش عارفة الدمعة دي كانت ليه صعبت عليها ولا الموقف نفسه صعب!!! مش عارفة)

    - فكيها يا أم العيال ...مش قلت لك بلاش أغم نفسك...ما تلحييش عليا ف السؤال بعد كده

    - ده إيه القرف ده؟ هي الناس أتعمت ولا إيه؟ ما هو بناتنا زي الورد وما بيجيش اللي بيقدرهم ليه؟؟ عندك فايزة بنت خالك أحمد دكتورة و معاها عربية ومستواها حلو..مش ليها زمايل دكاترة برضه؟؟ ولا اتعموا دول كمان!!! وعندك بنت الحاجة نادية جارتنا بنتها وصلت 28 ولسه ما أتجوزش والبت بتروح النادي ولها صحاب كتير، ومحدش بيجيلها برضه !!!! وعندك...

    (حسيت بأني رميت لها حبل الإنقاذ ..أخدت نفس عميق رد لها الروح) وقالت :

    - في واد بيصلي مع أبوكي في الجامع ، عنده 28 سنة ومهندس وساكن في آخر الشارع.

    قاطعتها: خلاص هاتوه لما نشوف أخرتها

    - إيه رأيك في الخميس اللي جاي بعد العشا؟

    ردت بقرف : خلاص يا ستي هاتيه.

    طفحت كباية الشاي بصعوبة وقمت على أوضتي ...لما نشوف أخرتها إيه يا مهون هون.

    وانتظروا الجزء الثاني :)
     

    القيصر

    مشرف سابق
    التسجيل
    25 نوفمبر 2004
    المشاركات
    29,170
    الإعجابات
    0
    ههههههههههههههه

    يالله نستنى يوم الخميس بعد العشاء

    بس ها معزومين ولا نرزززز وجوهنا ؟ :p
     

    حضرمية مغتربة

    مشرف سابق
    التسجيل
    5 نوفمبر 2002
    المشاركات
    14,712
    الإعجابات
    0
    هو احنا ناقصين مش كفايه الواد المهبب ده حتيجي انته تعمل ايه لو عاوز ممكن تجي وتجيب شربات وتروينا عرض كتافك:)
     

    حضرمية مغتربة

    مشرف سابق
    التسجيل
    5 نوفمبر 2002
    المشاركات
    14,712
    الإعجابات
    0
    مستعجلين على الشبكة
    ما تستنوا لما اشوف الواد بيأولوا انه اسكندراني من جنب البحر :)
     

    الزعيم

    قلم فضي
    التسجيل
    4 أكتوبر 2003
    المشاركات
    3,053
    الإعجابات
    0
    مين الواد ده يا حضرمية

    قصه حلوه
     

    حضرمية مغتربة

    مشرف سابق
    التسجيل
    5 نوفمبر 2002
    المشاركات
    14,712
    الإعجابات
    0
    استنى لحد بعد المقابلة يالزعيم وحأولك ميييييييييين
    :)
    عجبتك يالقرصان :)
     
    الحالة
    مغلق و غير مفتوح للمزيد من الردود.