السلام عليكم ورحمة الله وبركاتة احكي لكم قصة حصلت معي وأنا مسافر من دبي الى صنعاء ... ... كنت في دبي فاظي لاعندي شغل ولامشغلة طفشان ملان رحت ابوظبي عند أصدقائي اكثرهم فيها هذا قبل لا اتعرف على المجلس يعني ماتعرفت على ابوعاهد ولا عمو البكري ولا صلاح ولاالصراري ولا البقية ... وصلت ابوظبي سهرنا وتمشينا وقلت لهم ياشباب ايش رايكم نسافر اليمن نروح نخزن ونرجع واحد قالي انا مستعد اروح معاك ودق صدرة انا لها البقية واحد يقولي تعال نروح لبنان وواحد يقول نروح مصر وواحد يقول الاردن وسوريا والاخر يقول تركيا بس انا ابا اليمن مافي الا واحد وافق انة يجي معي واتفقنا ورحت شيكت عالسيارة وبدلت تواير وزيوت وجهزت الشنطة ورحت لة البيت على الموعد كان في اليوم الثاني ولكنة تأسف وقال ما أقدر سامحنى وراي ظروف وراي مشاغل...الخ قلت لة أوكية مشكور ياحلو انا بستأذنك على أساس بروح دبي وأنا ماشي على دبي في منطقة الشهامة قلت لنفسي ليش ياجني ماتروح لوحدك والله رجعت من فوق جسر فندق الشريعة وعلى طريق العين وحدود عمان وصلت حدود عمان الساعة 6المغرب خلصت أموري وعبيت ثلاجة السيارة عصائر وماء ومسكت الخط 1200 كيلو تقريبا الى صلالة ومن صلالة دخلت حدود اليمن كانت الساعة 5 الفجر مشي بدون توقف فقط للبترول ودخلت حدود اليمن لقيت الناس نيام فقط العسكري اللي عند البوابة سألتة وين موظف الجوازات !! قال باتلاقية نايم هاناك تحت الباص كان في المكان اللي يأشر علية نحو 30 باص قال أدي 1000 قرش وانا اجيبهم لك وأخلص أمورك قلت لة جزاك الله خير خذ الفلوس بس لا تأخرني بصراحة الرجال ماقصر في خلال 15 دقيقة كان كل شي جاهز الجواز والتربتيك والتصريح طلعت من البوابة أدور قات من الصبح ومالقيت اباة عشان ينشطني بس للأسف مافي دورت مكان انام فية ومالقيت قلت با انام في السيارة بس الحر يعني الجو مش مناسب المهم واصلت المسيرة ومشيت لين وصلت سيؤن كان الوقت الساعة 11 وقدني خلاص أشوف خطوط اليمن 4 خطوط اوبهو تصدقو خط واحد فقط رحت لقيت فندق فية حوش للسيارة وأستأجرت غرفة ونمت لين الساعة 5 العصر وقمت ادور على مطاعم ومالقيت ولامطعم فية أكل زي الناس وفجأة لقيت صديق في ابوظبي من منطقة بني ياس اصلة من سيؤن عرف سيارتي وأشوفة يأشر لي من ورا ووقفت لة وسلمت علية قلت لة انا مستعجل ووووو لكن للأسف حلف لازم نروح البيت وماقصر غداني ورحنا سوق القات بس للأسف مافيها قات زي الناس خزنت معاة للساعة 11 في الليل واعتذرت منة وقلت لة وراي شغل مهم في صنعاء لازم أمشي حاول وحاولت وفزت انا مسكت طريق مأرب ومشيت فية لين وصلت مدينة مأرب وأنا بعدني مخزن اول مادخلت مدينة مأرب لمحت كافتيريا مفتوحة الساعة 4 الفجر ووقفت فيها قلت خلاص كفاية قات وبشرب شاي وبواصل أول ماوقفت عند الكافتيريا ودخلت ألا وفي سيارة لاندكروزر بيك أب (شاص) فيها 8 أشخاص كلهم مسلحين في خلال ثواني مادريت فيهم الاوكلهم داخل الكافتيريا وانا كنت لابس شورت وفنيلة فقط وانا تمالكني الخوف والفزع سلمو على ورديت السلام وقعدو يطالعو فيني وفي السيارة قالو هذي وليمتنا وبدأو يسألوني :: هم : كيف حالك انا : بخير والحمد لله هم: يا ابن الحلال كيف تجي لوحدك في سيارة مثل هذي وبدون سلاح وووو (طبعا هذا أسلوبهم يتأكدو ان ماعندي حد ولا سلاح لأن السارق جبان وانا اعرف سوالفهم قعدت فترة بسيطة في مأرب) انا : رديت وقلت لة يا ابن الحلال بالله عليك في حد أهبل يمشي لوحدة وماعندة سلاح وفي الوقت هذا هم: طيب انتة لوحدك هنا وماعندك سلاح ولاشي؟ انا: ياجماعة الخير اصحابي عددهم 3 انتظروني في الحدود مسلحين وهم نيام في السيارة (لحسن حظي ان السيارة فيها مخفي يعني عاكس محد يقدر يشوف أيش اللي في السيارة) (لكن لوفتحت باب السيارة أو تجرأو وفتحوة بينكشف المخبأ وبتبان السيارة مافيها شي لأن الليت يشتغل عند فتح الباب وكانت شغالة) انا: سألتهم تعرفو فلان وفلان وفلان اللي اعرفهم انا لانهم قالو لي انهم من قبيلة عبيدة هم: نعم وهوة يشتغل في مكان ال.... والثاني تزوج والثالث سافر (الرغم اني اعرف الاشخاص اللي يتكلمو عنهم عز المعرفة وهم عندنا في الامارات وتيقنت انهم قطاع طرق ) هم: انتو بتواصلو السفر الى صنعاء الحين؟ انا: لالالالا احنا مرهقين وبنروح عند ابن عمي ساكن هنا في مأرب هم: ايوة ممتاز لان الوقت هذا خطر محد يمشي فية مللتهم أسألة قعدنا تقريبا ساعة لحد ماملو وسلمو على وركبو سيارتهم ومشو تقريبا 500 متر ووقفو اجاني صاحب الكافتيريا ويقولي ربي ستر عليك منهم هذيلا قطاع طرق وأصلهم من الجوف مش من مارب قلت لة فعلا انا سألتهم عن اشخاص واتضح انهم مش من نفس المنطقة وقعد يحكي لي عن السرقات اللي حصلت وعن فلان اللي قتلوة واخذو سيارتة وفلان وووو طار النوم من عيوني وانتابني نشاط غريب قمت فتحت السيارة وطلعت بسرعة ومشيت تحركت وراهم وهم مشو امامي باتجاة سيؤن من الطريق اللي انا جيت منة عشان التموية يبينو لي انهم مش مهتمين فيني انا مشيت وراهم تقريبا 5 كيلو لحد مازادو السرعة وفي منعطف مايشوفوني استدرت بالسيارة وأدوس عالسيارة بكامل سرعتها بأتجاة صنعاء ووصلت في نص الوقت اللي اقطعة في الاوقات العادية كانت الساعة 7 وانا في صنعاء دخلت الفندق وحطيت راسي عالفراش ونمت نومة أهل الكهف لغاية العشاء وسلامتكم واسمحولي عالاطالة
الاخ الكريم aljree7 فية اشياء بصححها لك صحيح محافظة مأرب مشهورة بحمل السلاح والجيوب المغفرة و و و مما يثير الخوف لدى الزائر لكن اود ان اوضح لك ان مأرب ما فيها قطاع طريق ينهبون الاخرين مثل ما تقول اذا كان من قطع طريق او تقطعات فهو بسبب مشاكل مع الدولة وتكون مستهدفة الدولة لا المواطنين العاديين او مشاكل مع قبايل اخرى ويكون مستهدف ايضا ابناء القبايل هذه فيما بينهم لكن حكاية التعرض للعزل فلكل قبيلة حرمتها الذي لا يجروء شخص على اذية احد بداخل حدودها لان تعتبر هذه في وجه القبيلة وعلى حساب سمعتها ...ولو تحصنت بطفل من قبايلها بيلوذ عنك براسة لو استخدم الامر الامور التي تتحدث عنها ممكن تحدث في الجوف لكن في مأرب لا والف لا وابناء مأرب مشهورين بأغاثة الضعيف وكرم الضيف وحسن الجوار وبقية عادات العرب الاصيلة تحياتي لك
انا معك ياذو يزن بس الراجل وضح وقال انهم من اصحاب الجوف وجاءوا مارب يلقطوا رزق ....... يالجريح ربك ستر ... وبطل جنان تيجي من الامارات الى اليمن بر على خرمة قات مولعي جدا باين عليك ....
المهم حمد الله على السلامه يجاي من السفر والا كان صادوووووووووووووووووووووه اي صادوك وكانك في خبر كان وكنت اتمنيت نفسك ابره في جيب لبنانيه والا تركيه والا مصريه او دمشقيه
للتوضيح لك اخي الغالي ليس كل اهل مارب كما تقول في الطيب والبطال بالتاكيد ومش بعيد انه يكون في قطاع طرقمأربين الاصل وليس من الجوف كل شيء معقول اخ ذيزن ولا نزكي على الله احدا مع خالص محبتي
في قطاع طرق في مأرب وهذا الكل يعرفها والاغلبيه قطاع طرق وصح في الطيب والبطال هذا بكل مجتمع واكيد كمان في مأرب شقدوف
جرانديزر المشقدف نحن لا نتكلم عن نوايا بشر وطباع او انسان سيئ وانسان شرير فهذه طبعا لا احد يقدر يقول فيها شيئ الخير والشر في نفوس كل البشر لكن انا هنا اتحدث عن ظاهرة تقطع طريق وبراميل ونقطة ومسلحين وموضوع كبير اكبر من النويا هذه واتحدى اي شخص يقول ويثبت ان هناك نقطة او حاله خطف كانت لاجل سلب مواطن عادي يمني مار في سبيلة ولحاله بمارب و من اهل مارب كل النقاط وكل ظواهر خطف او قتل كانت ضد الدولة او ضد سياح اجانب لاجل الضغط ايضا على الدولة لاجل مشاريع عامه للمحافظة او كانت بين قبايل مارب نفسها وحروب القبايل فيما بينها ((وطبعا انا لا اؤيد ظاهره خطف الاجانب هذه وانكرها تماماً)) مأرب لا ادافع عنها كوني منها فقط ولكن مأرب هي من ربتني على اخلاقي هذه وخصالي التي ترونها مأرب علمتني ماذا تعني كلمة كرامة و شهامة واصاله و شجاعة وكرم وعزه نفس وجاه مأرب كانت وستظل اصل وعرق عربي عتيق وشامخ في جذر الحظارة باليمن اشكر لكم تعليقكم
. 