• الشروط والقوانين  |   سياسة الخصوصية  |   مساعدة
  • خطط دبلوماسيه للشباب {اللي حاب يخطب}

    DeAdMaN2005

    عضو
    التسجيل
    20 مايو 2005
    المشاركات
    34
    الإعجابات
    0
    السلام عليكم ورحمة الله وبركاته

    : اما بعد اخواني واخواتي
    <<<< سؤالي فيها عربيه فصحى
    بالبداية أحب أقـول لكم ان النتيجـــه "فتـــاكة" ومضمــونه "ميه ميه"
    ويالله... بسم اللــــه :





    . تروش وصنفر بدنك بليفة خشنه وأذا ماحصلت ترى ليفة المطبخ تفي بالغرض

    2. اذهب الى حلاق معتبر أبو الفين او ثلاث آلاف ريال وعندك خيارين لبناني او تركي ( يمكن ان تتصل بصديق أو تأخذ رأي الجمهور ) وخله يصلح لك ذقنك ويحف لك وجهك

    3. ألبس ثوب جديد ومكوي تمام أو بدله رسميه حلوه من أفخم محلات الملابس ما ابي اقولكم اسم المحل علشان لا تصير دعايه

    4. كب علىنفسك نص علبة عطر من النوع الغالي علشان يقضي على ريحة المعسل والزجاير الي معلقه في ملابسك.

    5. اشتر هدية للخطيبة من أرخص المحلات واحرص تكون مغلفة مضبوط كأنها من أفخم المحلات ولا تنسى ان تزيل السعر عنها

    6. خذ معاك جوال الساهر او الزلزال واذا ما عندك أتسلفه من أحد أصحابك ولا تنسى توصيه يزعجك بالمكالمات والرسايل

    7. احفظ لك كم نكته من الأنترنت وكم بيت شعر من كتاب الأدب حق أخوك اللي في الثانوية لزوم الشاعرية والثقافة .

    8. خذ معاك كم حبة شوكولاته لزوم تصرف اخوها الصغير ليكون يلزق فيك.


    والآن ماذا يجب أن تفعل وانت في بيت ابوها:

    1. خلك ثقيل وشخصيه يعني جنتل لا يكون تصير مجنون من أول يوم علشان يعرفو أنك اسد. <<<<<<< حلو هاذا البند من النصايح

    2. وزع أبتسامات في كل مكان وعلى كل الى تشوفه ماعدا الخدامة.

    3. اذا شفت أخوها الصغير خذه وبوسه لمن يطفش وعطيه الف ريال (يعني انك حنون وتحب الاطفال).

    4. تكلم كثير مع خطيبتك عن جمالها وحسنها وروعة ملابسها وتفلسف بكم بيت شعر من اللي انت حافظهم وأنت مغمض عيونك يعني أعمل فيها قيس بن الملوح

    5. تكلم عن الثقافة والتربية والمجتمع والمثل العليا وتأثير تلوث البيئة على زراعة قصب السكر في البرازيل

    6. اذا جابوا لك الفاكهه والتورته {يعني الكيكه} لا تاكل بشراهه يعني اعمل فيها اتيكيت وانتبه يتملى وجهك وبراطمك {يعني شفايفك} بالكريمة حقت الكيكه

    7. اذا لزق فيك اخوها الصغير أرمي له الطعم يعني الشوكولاته واذا مانفع.عليك ان تستخدم نظرية (علي وعلى اعدائي) وتعطيه كف. (و تعال قابلني انشالله اذا شفتها مرة ثانية)



    هي هي هي

    انصحكم بالتجربه

    -----------------
    from email
    deadman
     

    الجوكر

    مشرف سابق
    التسجيل
    26 يناير 2003
    المشاركات
    54,689
    الإعجابات
    8
    مشكوووووور على النصيحه

    بنجرب طول حياتنا تجارب في تجارب


     

    ABN_ALSHAHEL

    عضو متميز
    التسجيل
    10 أكتوبر 2002
    المشاركات
    1,131
    الإعجابات
    1
    الموضوح حلو بس نست حاجه

    [align=justify]الموضوح حلو بس نست حاجه وهي السياره الذي حاطها الجوكر والسياره احسن من الشياكه والدلع كله روح بالسياره بس
     

    Dilemma

    مشرف سابق
    التسجيل
    27 يونيو 2004
    المشاركات
    9,147
    الإعجابات
    0

    اعطي اخوها الصغير الف ريال عشان ابين لها اننا حنون واحب الاطفال.:D:D:D