[align=right]السلام عليكم .. اكيد بلغكم أن المجلس ما رضى يفتح عندي .. يعني انتقلت العدوى لي من الامارات ( بركات سعدون :) ) باختصار صرت اهش ذباب قدام الكمبيوتر وأنا أحاول افتح المجلس .. اليوم جاء أمر الافراج .. وفتح .. لكن اثناء غيابي سألت بعض الاعضاء في التسلية ماذا سيفعلون لو أعطيتهم الباسوورد حق لابيرنث وصاروا مشرفين لمدة عشرة أيام .. وكانت الاجابات تختلف من عضو لآخر .. بروكسي بروكسي هو مدمن مواضيع التشات والمدافع الاول عنها .. رغم ان الكل يعتقد انه مشاكس وفوضوي ( صفات مش اعضاء ) الا انه طيب وحبوب .. وكانت افكاره رائدة تذكرنا بمشاريع وادي تبن .. يعني بيغير حتى اسم المجلس وشكله وكل من فيه .. والدليل شوفوا ما سيفعله في التسلية حسبما يقول : 1- اول حاجة اعملها اثبت موضوع الدردشة بمسمار صلب 2- حذف مواضيع ذي يزن 3- كسر القمرية في راس الصفحة 4- اشتي اغير اسم المجلس من المجلس اليمني إلى المجلس اليمني بضم الميم حق المجلس 5- بدال الاقلام جنابي يعني القلم الماسي تكون جنبية صيفاني والقلم الفضي يكون جنبية خردة 6- عمل مجلس خاص للمراهقين يحطوا فيه مواضيعهم 7- عمل باب للمجلس واللي ما يعجبني بطردة من الباب وبخلي باجل حارس ( تعليق من لابيرنث : الحمد لله انك ما وصلت لي ولا بتغير اسمي .. اسمع لما بسوي منتدى باسمي بخليك مشرف وبسمية منتدى الدردشة ) امير الكلمات امير الكلمات هو من أشعل الحرب الضروس مع عصابته وبين عصابة الحديدة .. وباين عليه بيسوي عمايل لما يقع مشرف .. سألناه فكانت اجابته جادة وقال : 1- لا اسمح بغير مواضيع التسلية يعني المواضيع الاسلامية الثقافية غير مسموح بها في التسلية 2- بوقف الاسماء اللي فيها نوع من السخرية مثل مدلوز وخادم اون لاين 3- بعمل قسم خاص للمواضيع المتميزة حتى تكون عنوان المجلس اليمني ( تعليق من لابيرنث : يا واد يا تقيل :) ) المرجوج المرجوج اسم على مسمى .. صاحب مفاعل ذري قام بواسطته برج المجلس ست درجات بمقياس رختر .. رافع لواء الحرب مع عصابة الحديدة .. وكانت خططه ناريه عندما يكون مشرف فقد قال : 1- اول شي اوقف افراد عصابه الحديده وكل من تعاون معهم 2- مواضيع المجنونه مرجانه والمنسي المدوخ تتثبت اول باول واي مواضيع هبله مشابهه 3- توقيف ذويزن ولايبرنث وحضرميه شهرين بتهمه سوء استعمال السلطه 4- اي مشاركه تنزل او رد لازم يتضمن مدح ولو كان ضمني لقائد المجلس ممثل بالمشرف المرجوج والا ستحذف أي مثلا تبدأ بقول العضو : برعايه الاخ الكبير سيدي حبيبي المرجوج انزل مشاركتي .............................. 4- منح مكافئات ماليه لكل من دخل باسم المدلوز او المدلوزه او المجنون وحرفوش ......وغيره 5- اي موضوع جدي يتقفل ويتوقف صاحبه واللي رد له 6- تغير اسماء المعرفين الزاميا الى اسماء لائقه بالمجلس مثلا : عابر سبيل الى جازع طريق نقطه بيضاء الى بقعه ملونه حضرميه مغتربه === الى حضرميه برع البلاد امير الكلمات === الى سيد الهدره ضحيه حب === الى زادت عله وحده سحابه صمت === بلا صوت الحمادي === صاحب البلاد ( تعليق من لابيرنث : صدق اللي سماك مرجوج .. انا استاهل اللي خليتك مشرف :) ) البحار دينامو اعضاء الحديدة .. مدوخ الاعضاء كلهم بردوده .. صاحب تصريحات نارية .. قاعد في الروقان ولا همه من زعل ولا من رضى .. فتح قلبه لنا واخبرنا بخططه لما يكون مشرف فقال : 1- لو كنت مشرفا فانني ساكرس وقتي وجهدي لكي اقضي على برامج الدردشة 2- وبما انني في مدينة تحتوي على اكثر من عشرين عضوا سوف نعمل التسعيرة التالية عشاء + عصير = موضوع مثبت لمدة يوم غداء +عشاء = موضوع مثبت لمدة خمسة ايام عصير فقط = انزل اي موضوع يحبه العضو اللي عزمني من التثبيت خاصة لو ثبتثة حضرمية 1000 ريال في الاسبوع = حصانة من التوقيف ويترندع العضو بما يشتي ينزله من مواضيع سخيفة شرط انتكون الالف دائمة (قليل دائم ولا كثير منقطع) وفي اليوم اللي يقطعوا الالف طبعا سوف يكون توقيف جماعي وما بيجلسوا الا بالمعلوم 4-طبعا مشاريعي بالنسبة للمشرفين الحذف والتوقيف وبئس المصير لانكلن بكم واسحلكم وسوف اخذ بالنواصي والاقدام واكلم ولي امر ذي يزن انه يجلس بالساعات يحذف مواضيع عباد الله وما يذاكر الماجستير طبعا الباقي معروف وسوف ارسل الى عنوان جامعة حضرمية لكي يغلقوا المنتدى هناك طبعا بالنسبة للمشرف المخلوع لابيرنث ما يهمكم يا شباب انا سوف اتواصل معاه علشان ينزل مواضيع مهمة للعضو ويرجع متالق كما كان واوعدكم بمواضيع حساسة من عندة مثل المخاط وحاجات كذا ( ملحوظة من لابيرنث : الحمد لله انه مش مشرف .. ربك يقيد وحوش :) ) الحمادي الحمادي العضو الحساس صاحب المواضيع المبدعة والافكار المتجددة .. لا ننسى انه من اكبر المناصرين للعضوات ( قاسم امين المجلس :) ) لذا فقد قال : 1- اول شئ اثبت كل مواضيع البنات 2- ثاني شئ احذف مواضيع اللعب والسجن والخرابيط هذه الى المجلس السياسي على شان يرحوا انفسهم شويه من الدكم والضرب 3- وكل من ينزل موضوع ويقلي اطالب بالتثبيت احذف الموضوع على طوووووووووووووووول واثبته له في الملاحظات 4- اعمل جمعية واقبضها انا الاول ( ملحوظة من لابيرنث : لا تنسى انك طالبت بتثبيت المواضيع امس .. يعني بنصدق بعدين وبنحذف مواضيعك :) ) رحالة ملكة جمال المجلس بلا منازع .. عضوة يعني ما يحتاج .. فكانت افكارها وخططها مختلفة لأنها عضوة فقد قالت : 1- كل شخص أعرف إنه داخل باسمين بطرده .... وكل موضوع يعجبني بثبته .... وإللي ما يعجبني بحذفه 2- بخلي بعض الأعضاء ..... يغيرون الأسماء إللي بالإنجليزي للعربي .... 3- بسوي فريقين ...... فريق للبنات وفريق للعيال ونسوي على قولت المصارية .... هيصة وزمبليطة وحرب عالمية ثالثة بواسطة النت 3- كل شخص ما يعجبني ..... بخلية يكرة معرفته برحاله ... لأني بحذف مواضيعة ..... مثل المجروح مدري المنجرح وشيخ الأخدام وغيرهم ( تعليق : وليش الاذية ؟؟ قدك تمام ملكة جمال ولا تشتي الاعضاء يرموك بالطماطم ؟؟ :) ) هوب عضو متميز وخاصة بمواضيعه النقدية اللاذعة واهمها عجايب يا يمن .. لذا فهو بلا شك ينوي على اشياء منها تعديل الحال المايل .. انظروا ماذا سيفعل : 1- اولا باكون ادخل باليوم ستين مرة ... وباضطر تقريبا الى التعليق على كل المواضيع (يعني وجع راس) طبعا فاتورة التلفون بطلع عشرين الف بس مش مشكلة بأضطر اصبح مرتشي (يعني ما اثبت ولا موضوع الا بزلط ) مش لاني وسخ لا بس عشان فاتورة التلفون ما بيرضيكم انطرد من البيت 2- اولا اي واحد يضبح بي على طووووول باقرح مواضيعه كلها ولا بأخليه يشارك بموضوع (كده حر مزاج ) 3- واللي بينزل مواضيع احسن مني برضه بعامله بالمثل عشان اكون انا الكل بالكل 4- وحبايبي حتى لو مواضيعهم تافها من قلبها باثبتها كلها برضه (حر مزاج ) حد بيعترض (على طول حذف ) مش والف 5- طبعا انا مشرف التسلية (اي واحد من المشرفين يوم ضايقنا بأنتقم منه انتقام شنيع (برضه حر وكمان قلبي اسود ) وعنادي كبير ومشكلاني ايش يخارجكم يا مشرفين مني وبرضه الاعضاء ولا باسيب واحد يالله تلاحقوا اعماركم (حسنوا علاقتكم فيبي انا باقع مشرف ) لابيرنث وعدنا ( ملحوظة من لابيرنث : اللي يسمعك بيتفجع .. دلى دلى لا ينكع لك عرق .. يا رجال شكلنا بنعمل هكبة عشان ما تقع مشرف :) ) المنسي عضو خفيف على القلب .. يعني مافي داعي تشربوا سفن اب بعد مواضيعه لانها تمترط بسرعة :) .. كنت اتوقع انه سيجعل شعار المجلس صورة لروبي ولا نانسي عجرم .. لكن فاجئني بجديته وبخطط صارمة لتحسين المجلس .. انظروا ماذا سيفعل : 1- بثبت عشرين موضوع من حقي " كلها منقولها " 2- كمان بسوي مساواه بين البنات والعيال يعني مش مواضيع البنات يقوم لابيرنث يثبتها ل 3 او اربعه ايام وموضوع المنسي يثبته 24 ساعه بس ( ملحوظة من لابيرنث : اتضح انني ثبت له موضوع وقال لي انه لطشة فنزلته على طول :) ) 3-بسوي موضوع بخرج فيه كل الي في نفسي على المشرفين والصراري والمتمرد يعني ليش ذي يزن متعند لي وعامل تحالف ضدي مع رمال الصحراء كل ما سويي موضوع يخربوه ويحذفوه ....الخ ( ملحوظة : الله يرحم مقاتيلك :) )[/align]

كويس انك نقلت اللي انا كنت بسويه بدال ما اتعب واكتب من جديد والآن نشتي انتخابات نزيهه وشريفة وبنشوف من بيفوز بالإشراف

بخخخخخخخخخخخخخخخخخخخخخخخخخخ اما لو رحالة مشرفه با احرق المجلس لانه بالفعل بيقتلب من مجلس الى ...... بخخخخخخخخخخخخخخخخخخخخخخخخخخ رحولة بتفهم لانه ماشاء الله عليها يعجبهاها الاشياء

ههههههههههههههههههههههههههههههههههاااااااااااااااا ااااااي امانه انه موضوع شيق يبرينث لكن للمه اسم حرفوش ماعجبك .............................. انا لو طلعت مشرف بدل لبرينث لمدت عشره ايام اول شي اعمله ععلق لبرينث بكانبه كهرباء لمدت عشره ايام عشان مايرجع ويغير رايه ( يخلعني ) واعين حضرميه تصرف الاكل تعطيه الوجبات لانه معلق . واكيد معيرجعش بعد 10 ايام لانها حضرميه بتكون تعطيه حبه حنضل الصباح وحبه اليل . ثني حاجه بعملها بصرف لكل عضو كيلو طماط ثلث حاجه عخلي خالتي تجري لمن توصل ذمار وهي بالخط عخلي ذويزن يسوق بابور مفحط ويهرول ويقتلها وتجي الشرطه وتقبض عليه وتسجنه 20 سنه . ويحاكموا حضرميه لانها قتلت لبرينث 20 سنه سجن وعكون مشرف للابد .

لابيرنث كان عاد باقي كلاااااااااااااااااام كثير بس انت مدري انك عملت لي حظر ان الجهاز عندك علق ... يتبع :D

ههههههههههههههه وربي انك متالق بكل معنى الكلمه تحليل ولا اروع طريقة طرح الموضوع جميله وشيقه للمتابعه تحليل نفسية الأعضاء بطريقه عجيبه كله كوم وتغيير اسماء الأعضاء اللي بيفعله المرجوج كوم ربنا يعطيك الصحه ويرجع بالسلامه اخي احمد لا بيرنث أي حس تملكه؟

خههههههههههههههههه يااااااااااااسلملم علووووووووك يالابيرنث صرااااااااااحه .. المفروض يسموا المجلس هذا مجلس التحليل والتسليه :D وربك ستر أنه البحار مش مشرف ..

[align=center]يا وليد بنوصي اصحاب الكويت يقطعواالمجلس لمدة شهر المره القادمة مدام يومين فقط خلتك تمخمخ كل هذه المخمخه وتوضع هذا الموضوع الرهيب كيف عاد لو قطعناه شهر باتفجأنا بمسلسل افتح يا مجلس ابوابك نحن الاعضاء :) لا فعلا كلام كبير جدا :)[/align]

الحمد لله اني ما دخلت النت هذي الفترة يا احمد والا كنت قلت لك كلام .. موضوع جميل ...

المشاركة الأصلية كتبت بواسطة DEDO الحمد لله اني ما دخلت النت هذي الفترة يا احمد والا كنت قلت لك كلام .. موضوع جميل ... فضايح يعني ؟ :D