هذه بعض الزوامل الذي حبيت اقدمها لكم وبالمرة نحفظها من الضياع زامل / للشيخ المرحوم/ احمد ناصر الذهب يا رويسان خبرني من العايب من رماة القصا ذي صابوا الناقه با نعشي لها بالدور والحاجب يشرب المر من رعده و براقه زامل الشيخ / زبن الله التيسي يا سلام ما سندتها ام عسكر واقلت ابلح ذي تجر الخطامي بندقي نبوت من طالب الشر والمعقب ما ادخله في حزامي ما معك مني سوا الموت الاحمر لو تجيني بين ستين رامي زوامل للشاعر / محمد علي الذهب المقب بالربع يا سلام يابسي يا مقدم القوسي ما امطر الخامسي باروت بانقاسه من ذهب خالصي ذي لين القاسي كل عاصي ضربناه في وسط راســه يا سلامي ضفا واجه ولا قفا من قريش الوفاء منهاة الاسلافي يا بكيل اخلفا معبر من الصفا عادها فاللفاء بالمنع والقافــي يا سلامين عده ما قرح رعده للقيادات والسلال واحزابه محدا فك حدة ذي كسب جده لو يجي مجلس الشورى وكتابه يا سلام اعشار يالحيد ذي ربى النمــــار والحسن والبدر واولاده احفاد الحسين قالته قيفه قد الشعب في جنه ونــــــار والفسالة عار والجمل عند الحر دين زامل اهل خبزة ايام حربهم مع صرار الجشم يا الجشم قال الخبزي ارغمني على السلف البزي سلام مايقرح من المجزي وفالنفس اشمئـــاز العيب هو يخزي و لاقتل المسلب جايزي والذيب هو يغزي يروح صقر والا حط باز الجواب من صرار الجشم لا الجشم مهتزي وانا في قمته متمركزي ولا انت متحزي عن الحد ميدان البراز ..................................... ............ ما عاد حفظت البقيه زامل قيفه ايام مخرج قيفه ومراد بعد حرب دامت من عهد الامام يحيى الى حد قريب راح ضحيتها اكثر من ميتين من الطرفين يا جبـــــال الطور ذي راسيه خلف البحـــــور يالمراكب ذي تشيل الحمول الجايره تنشر البيضاء على الدور واجناح الطيــــــــور والصحاف تنشر اخبارها في القاهره زامل الشاعر/ عباد عبدالله سكران يا سلامين يا صرم عوله بالوفاء تكرم الوافد من على الراس ميزه وتقديرا ملا الحد والساحه يا قبايل تسلف وتقضي طول مكيالها زايد من عمد فالطوارف حزمها مثل قفله ومفتاحه زامل اهل الجوف بعد ما عفوا عن اهل مهدي في قتلهم واحد من اصحابهم خطا برايكم يا اعز عمله صرف ماشي يعدله وللقبايل نضهر البيضاء على روس الجناش خرجت في الزله ومولى الوجه عرفه حمله كلا بجمله من رمم لا احرم ولا اطراف العشاش الجواب من الشاعر عباد سكران يا زيدة القله لكم تاريخ ذا الحين واوله نشهد لكم جمله ونعلنها من اسبيل لا براش واحنا بذلنا الجهد كله عند حل المشكله وفي سلاكم ما نمله لو نصل عند الفراش زامل عندما نشرت مجموعه من قيفه وفي الطريق دفروا على قبيله ولكنهم ما استقبلوهم ولا رحبوا بهم قبح الفسل ذي يعجب على الشومه لن قد شرعنا من فوقكم ثاني والكرم ساس هو معلوم من يومه ما يشله عند قيفي وضبياني زامل الشاعر/ صبر القيفي يا صراري شرف الموقف الحاضر قبل عفراء تطلع الجو جعفورة والصحب كلا على وجعته صابر والجماجم قبلي الدور مقبوره زامل قيفه في المقادم قال عبدالله الجيش جيش والمعابر عطش فالنجاده محسن الذايبي لا تفرقش والذليل ارتعش من فواده

زوامل جيده جدا الاانك لم تكن مركز لمن واسبابها واغلبهانقصت منهاحروف اواحترف عاليها واطيها انما لك التحيه لانك اظهرت هذه الزوامل ولك تحيه مكرره اذا نظمتها وانزلتها مره ثانيه اخوك ابوصخر

حياك الله اخ ابو صخر وما جيت به فوق راسي لكن بعض الزوامل لو ذكرت اسبابها يمكن بعض الاخوه الذي من بعض القبايل با يغثوا من وعاد عندي زوامل ضاربه لكن كلا ولها موقف اما عن تنظيم الكتابه في الحقيقه انا ما اعرف استخدم الكمبيوتر الا قليل ما اعرف انظم قوي وحيا الله بو صخر

والمعذره انا نزلت هذا الموضوع مرتين ما عاد عرفت لاني ما اقدر استخدم الكمبيوتر قوي