الله على الاكل اليافعي و خصوصا لما اكون حامل, المشكله اني الان واحمه على المشته و الانسانه التي اعرفها راحت السعوديه يعني اما انتظر او اسو يها لحالي وطبعا لا اعرف الطريقه. لا اعرف ايش قصتي اثناء الوحم المره اللي فاتت كان الخبز والعصيده الحامض اليافعي كمان.الله يمسي جيراني في اليمن هم اللي عودوني. ارجوكم خواتي اللي تعرف منكم ما تتاخر والا يرظيكم البيبي يطلع بوحمه.

الله يعينك ياختنا ام نوف الحلوه على الوحام ... ياريت اقدر اساعدك والله قطعتي قلبي بس ممكن اعرف هي عباره عن ايش عشان اسال اي واحده واصفها لك لاني اول مره اسمع اسم المشته ؟؟ ودمتي بالف خير وبوسه لنوف القمر تحياتي

تسلمي حبيبتي والله اكره مافي الحمل هو الوحم خصوصا لما تكوني بعيده عن الاهل. المشته تجي منفوخه مثل الكيك بس اتخن منه و طعمها شويه مثل البان بس بنكهه غريبه ويروشوا عليها جلجل وكمان اعتقد سليط جلجل, الغريبه اني ما كنتش اكلها في اليمن لكن هذا هو الوحم. شكرا عدنيه والله يعترك على من تعرف تسويها.

هلا ام نوف الله يعينك على الوحم معلش اعذريني انا مستعجله بس وجعتيلي قلبي بوحامك وان شاء الله با اساعدك انتي تقصدين المشتئه صح اذا هي ولا يهمك اول ما افضئ با اكتب لك لانها سهله جدا

كنت عاوزه ارسل لك بس ما اعرف كيف ,بس ح اكون في الانتظار و على فكره حتتعبي معاي لاني اريد طريقه الخبز في الفرن كمان معليش كل يوم نفسي بحاجه , ربنا يخليك لامك و ابوك ولا تشوفي وحش ولا غربه, الله يعينك على اللي انتي مشغوله فيه.

يا هلا با نوف خلاص يا ستي مدام انك دعيتي لي هذه الرشوه حقي ولا يهمك تامرين امر وباسوي لك كل الي تحبين بس نبي تجيبين لنا ولد حلو زي اخته نوف لكن تعالي لا تكوني انتي جارتنا زمان الي خلصتي علينا العصيده والخبز والمشتئه خخخخ شوفي هذه الطريقة كنت كتبتها من قبل في منتداء ثاني لوحده من الاخوات طلبتها مني المشتئه المقادير 4 اكواب دقيق (طحين) نص كوب زيت حبة بيض ملعقة سكر ملعقة اكل خميره 4 ملاعق حليب بودرة ذرة ملح وماء على حسب العجين ناعمه ونقدر نتحكم فيها تعجن المقادير مع بعض حتى تتكون لنا عجينه مثل عجينة الخبز لكن انعم شوي وخليها تتخمر وتحطينها في صينية الكيك ( الصينيه مدهونه بقيل زيت وطحين حتى لا تلتصق العجينه ) وبعدين تدهنين العجينه بالبيض او بالحليب واذا حبيتي رشي عليها سمسم او حبة السودا يعني زي ما تحبين لان كل واحد يسويها بشكل وغطيها وخليها تخمر مرة ثانيه حتى يتضاعف حجمها ثم شغلي عليها الفرن على درجة حراره 350 وخليها تحمر من فوق وتحت واذا حبيتي ادهنيها بقليل زيت السمسم وبالعافيه على قلوبكم

تسلمي أختي فتاة يافعية الله لا يحرمنا من خبرتك بفنون الطبخ :) اسمحي لي اجرب معاكم هذه الأكله أختي أم نوف إن شاء الله تكوني حصلتي طلبك ربنا يكون بعونك وتمر مرحلة الوحم والحمل والولادة على خير :)

هلا با اميره طبعا اسمحلك ويشرفني انك تجربي طبخاتي يالغاليه

الله عليك سويت كل شي وحطيتها في الفرن وظهر اخي بالماسنجر وهات ياكلام طبعا بدل ما تكون مشته صارت كدر بس اكيد المره الثانيه حانتظر في المطبخ بس بصراحه اكلتها حتى وهي زي الخشب تسلم ايدك.