السلام عليكم اشتي تلفون نوكيا فيه اهم شي هذة المواصفات: [mark="ff0000"]ملون بلوتوث[/mark] وانا مااشتيش مطور ولا موديل جديد ولا تقنيات ثانيه مثل تحميل ملفات او فيديو او... لانه استعمال شخصي محدود او تجيبوا لي موقع فيه انواع الموبايلات بالاسعار في الامارات او تنصحوني باحلى تلفون بالنسبه للبنات :) بس يكون رخيص مش غالي (لانه مابش معي فلوس كثير) وربنا يعطيكم العافيه

طلب جديد الاول من نوعه :) طيب نشوف المواصفات قلتي لي بلوتوث وملون اهم شي ؟ في اول جهاز هذا nokia 6230 مواصفات روعه والاكثر استخداما عند النساء في الامارات ويتوفر بلونين و ما بنقول ان سعره غالي بالنسبه للي فيه من مواصفات رائعه وطبعا في واحد يشبهه بس الفرق ان هذاك ( اي ) يعني nokia 6230i ------------ الجهاز الثاني 6670 بلوتوث ملون شكليا حلو و و و و ---------- جهاز يشبه اللي قبله لكن اعتبره احلى ويعجبني الكفر الملون بلون احمر واسود بس اعتقد انه باليمن ما زال غالي ..؟؟ بس تلفون العمر .. وفي كمان مجموعات ثانيه بس انا جبت مجموعه ونشوف الشباب ونعطيهم فرصهه يجيبوا لنا تلفونات اخرى وصورها بس محد يجيب الساحر لان البنات يكرهوا شكله ;) بالنسبه للاسعار الاماراتيه راح اجيبها بس في حالة تم اختيار جهاز معين ..!! بجيب سعره :) القيصر

اممممممممممم بلوتوث وملون واعمال محدوده وحق جعث ولوك ورخيص مالك غير الملك ومنه مافيش جديد اغلبهم مستعمل ونظيف بس فيبه عيب واحد على حسب ما اشوفه انه ما يقراش عربي بس مزاياه احسن من غيره فيه ميزه اذا مشغل الاسبيكر وحطيته قريب منك يوطي الصوت والبلوتوث مداه اقوى ويلقط ازيد من الساحر والفارس هذا غير قوه استقباله في مناطقه ضعيفه الارسال في اليمن ما يحتجش انتي فايرس (مالوش فيروسات ) استهلاكه للبطاريه قليل وفيه كيمره ومسجل صوت وحجمه كبير

حلو يا زهر الطيف مشاركة جميله منك القيصر

اخ قيصر عجبني الاول في حجمه لانه صغير:) والثالث من شكله بس كبير:) اما الثاني ماعجبني :) بس اشتي اعرف الاسعار ولو عاد فيه ثاني بس مافيه كيمرة بيكون احسن (بس ما اظن انه فيه تلفون بلوتوث ومافيه كيمرة !صح؟

اخي زهر الطيف شكل التلفون فيه مميزات كثيرة !! بس ايش نوعه؟؟يعني رقم كم؟ ومشكور على مشاركتك

المشاركة الأصلية كتبت بواسطة صنعانيه اخي زهر الطيف شكل التلفون فيه مميزات كثيرة !! بس ايش نوعه؟؟يعني رقم كم؟ ومشكور على مشاركتك هذا يلقبوه الملك وهو اول واحد من فاته (يعني اول واحد فيه بلوتوث وكيمره وملون) فيه ميزات موجوده فيه فقط اما بقيه التلفونات فهي توزعت عليهم المزايا يعني فيه ميزه النوتس تكتبي رساله نصيه وترسليها بالبلوتوث او الملتميميدا بس بدون ما تضيفي برامج كما في الساحر والدمعه (الاصدارات الاخيره منهم فيها هذي الميزه) وهو ممنوع في السعوديه بمرسوم ملكي لحد الان على ما يخبرونا الشباب وهو رقمه 7650 وله برامج كثيره اما بخصوص سعره فهو نادرا ما تلاقي منه جديد واذا لقيتي بيكون بنفس سعره القديم 1300 درهم اماراتي (طبعا سعره جديد ثابت ولا نزل من لما صنعوه) اما مستعمل فتلاقي بحاله ممتازه مابين 300-500درهم اماراتي ( طبعا الناس يدورور التلفونات الدلع ولانه ما يكتب عربي فهم ما يحبوش استخدامه ) بس بصراحه تلفون اعتز فيه جعثته الى يوم ما قال بس

انت بتقول ان التلفون حق الجعث !!يعني ينفع لكم يالشباب :) بس العيب فيه انه بالانجليزي يكتب وهذا اللي ما نشتيه :) وانا اشتي قيمته مايزيد عن 900 او 1000 درهم لاني مفلسه :)

المشاركة الأصلية كتبت بواسطة صنعانيه انت بتقول ان التلفون حق الجعث !!يعني ينفع لكم يالشباب :) بس العيب فيه انه بالانجليزي يكتب وهذا اللي ما نشتيه :) وانا اشتي قيمته مايزيد عن 900 او 1000 درهم لاني مفلسه :) طالما هذا السعر الي حاطاه وتقولي مفلسه اشتري الماجد الي حطه القيصر اول حاجه وسعره جديد على حسب طلبك بتلاقي بدبي وميزاته كمان حلوه وتريقة حفظ البيانات كمان سهله او شوفي نوكيا 3230 حلو كمان وبتلاقيه الان بالسعر الي قلتيه او نوكيا 6021 واسعارهم رخيصه بالحدود الي تشتيها بتلاقيهم وكمان يمكن اقل اذا هم مستعملين بحاله ممتازه (يعني واحد شراه وما عجبوش وبطر وشراء غيره)

انا ليش قلت اقل من 1000 لاني شفت في الانترنت اسعار اغلبها فوق الالف من هذة الانواع اللي جبتوها لي واكيد اذا فيه بلوتوث بيكون فوق هذا السعر .فانا طلبت اقل من 1000 لانه يمكن مافيش والصراحه وبلاش كذب انا ماعندي غير 350 بس ممكن اتسلف اذا حصلت التلفون المناسب .وبعدين بنقضيها بالتقسيط :)