ديوان الشاعر \ سيف صالح عسكر العجي

[سيف العجي]

اذا تحب ادخل واقراء سيف العجي والغزل
يقول ابن العجي حالي تدهور ========== ونفسي باالمشاكل مبتليه
وعقلي قد وقف ماعدت افكر ========== ولو فكرت فاافكاري رديه
ولاشفت الهنا فاالوقت الادبر ========== ولا راحه واشعاري شجيه
فدرب الحُب خلاني مكدر ========== وفي دربه لقيت الطايفيه
فمن يوم ابتلاني جادل احور ========== بنظره هزت النفس القويه
فصدفه قد رائيته لايبختر ========== كما البطران في مشيه جريه
كما قايد لواء في جيش هتلر ========== ولكن دون بدله عسكريه
جماله قد اسرني دون مااشعر ========== ونظرات العيون الدائريه
ولو جيت اوصفه وصفه محير ========== جماله لغز ماواحد لقيه
فحسنه حسن رباني مطور =========== طبيعي فاالفتن والجاذبيه
ووجهه نور بدر الليل لاانور ========== بداء نوره على كل البريه
واعيانه مثيل اللول تبهر ========== وكم يئسر بنظره جانبيه
وانفه مثل حد السيف الابتر ========== حواجب كاالسهام الفارسيه
وفمه ورد راوي لونه احمر ========== وريقه دوعني زاد الشهيه
من الشفه عسل حالي مقطر ========== وله اسنان بيضاء مرمريه
وشعره كاالحرير اسود مخطر ========== سواد الليل باين فاالدريه
وله عنق المها لااطول ولا اقصر ========== مزين باالنقوس البابليه
وصدره مثلما بستان مثمر ========== بتفاح الحقول الباجليه
وخصره خاتم الماسي مبلور ========== وله اقدام مهره ماربيه
ونقشة ساعده لاشك تبهر ========== كما نقش القصور الومريه
جمع لابين الادب واخلاق تذكر ========== ورقه وابتسامه شاعريه
وفي علمه وحلمه قد تصدر ========== وحكمه تختلط باالعبقريه
وبه طيبه ولا يحلف ويغدر ========== وصوته كاالموسيقى الحضرميه
مؤدب طول عمره ماتكبر ========== ولا يعمل باالاعمال الرديه
رجيح العقل بس فالسن اصغر ========== وهو فالسطعش واصغر شويه
واصله يعربي من نسل حمير ========== وانا حب الاصول اليعربيه
فسبحان الذي كمل وصور ========== وكمل حسن هذا الادميه
اسر قلبي وخلاني مخدر ========== وكنه قد قصد قلبي عنيه
قده عمري واضنه عاده اكثر ========== وهو كل الحياه العاطفيه
وقدره كل يوم اكبر واكبر ========== وباحبه ولو حبه خطيه
انا لاهايم ولااجله بس لااشعر ========== انا مجنون ليلى العامريه
حقيقه عشتها فتنه ومنظر ========== وسط كل الليال الساحريه
وعشت اجمل قصص عبله وعنتر ========== انا واجمل بنيه حميريه
ولا باانسى حبيبي ذي تأمر ========== على كل الملوك العالميه
واريده لايناساني ويذكر ========== ولو في يوم وافتني المنيه
ويقراء ابيات شاعر مات مقهر ========== قتيل الحب معدوم الهويه
http://www.al-yemen.org/vb/images/statusicon/user_online.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2338092)

[سيف العجي]

قال العجي باحدد اين المشكله
==================== واكشف خطاء السلطه واسباب القصار
عسى المعارض يقتنع لاقلت له
==================== وان به مرض نفسي فلى يفتح حوار
ذي بايناقشني يبطل بلبله
==================== باالصدق نتناقش على جنه ونار
ارض اليمن مازال فيها قلقله
==================== فساد واضح ماعليه اية ستار
عاد البطاله باقيه متنقله
==================== والسرق والرشوه في الدوله جهار
والجهل باقي جزء بانستئصله
==================== والامن يتحسن بفضل الانتشار
والديوله ماضن باقي ديوله
===================== من بعد رسم الحد ذي جاب الدمار
اما الغلى غصبى علينا نقبله
===================== قده في العالم حقيه مش هدار
لو القضاء عادل يحل المسئله
===================== كان المشاكل تنجلي مثل الغبار
والشعب لو يوعى وكلن يعقله
===================== وكلنا نعمل ونبقى في اطار
كان اليمن ترقى وتبقى الاوله
===================== واطورت ارضي وجوي والبحار
لو المعارض قد صدق في مرحله
===================== وذم الاخطاء واعترف باانجاز صار
ولو كلامه مثل ذي لايعمله
===================== كان انتخبنا فكرته دون انتظار
بس المعارض لايسيها مهزله
===================== يسعى لفتنه مثل فتنة قندهار
يشتي يصل للحكم لو باالقبيله
===================== يحلم في الكرسي ولو ولع شرار
لاينكر الموجود ذي قد حصله
===================== واحيان لاينكر حلاله والديار
باالبيت الابيض لايسوي له صله
===================== يحالف اعداء الدين لااجل الانتحار
راجي من امريكا تحرر منزله
===================== قصده باامريكا يحقق انتصار
والظلم عذره والسياسه مدخله
===================== يطلب اعانه من عدو فاتك وضار
لا والذي بااسمه بدائنا البسمله
===================== مابا اقبل المحتل وارفع له شعار
وباانصح الاهبل يبطل خيبله
===================== نعم يعارض بس لايبني جدار
http://www.al-yemen.org/vb/images/statusicon/user_online.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2338333)

[سيف العجي]

قصيدة عزاء في وفاة المرحوم الشيخ\عبدالله عبد الولي العجي
رحمه الله بتاريخ 3\7\2006

================================================== ==
باسمك الله ياخالق وواهب ورزاق = يامن اهديت كل انسان عروه وثيقه
كله الملك لك يالله يافرد خلاق = احمدك واشكرك فالثانيه والدقيقه
يامن احييت من نطفه بشر بعد الارفاق = وانتفخ فيه من روحك بقدره طليقه
وايضاً الموت في يدك ولك كل الاشفاق = ساعتك لو تجي للعبد نسمع شهيقه
انت ذي لاتفرج كربت العبد لاضاق = انته العون للمؤمن بكربه وضيقه
قال سيف العجي دمعي من العين دفاق = خيم الحزن في نفسي واسس طبيقه
وايضاً القلب فيه البؤس ماعاد ينطاق = والجسد قد نحل والفم قد جف ريقه
عشره اعوام في بيت العجي امرها شاق = كلها احزان لأن الاخ ودع شقيقه
قد عدمنا بها كمن رجل كان براق = فجأءه الموت ياخذ شيخ واطفى بريقه
قد خسرنا رجال الجود واصحاب الاخلاق = كل فتره ارى صاحب يفارق رفيقه
كم فجايع في العجوان دوت فاالافاق = سار كمن بطل منا خسرنا عقيقه
قهر قلبي على اصحاب الكرامه والانفاق = حن ياقلب من دنيا تبين سميقه
ياخساره على ذي كان له نور واشراق = ابن عبدالولي نسل الاصول العريقه
ذي فرقناه في لحضه بها الكون قد ضاق = فرقته سببت فجعه ونكسه سحيقه
شله الموت في لحضه وقد كان سباق = دون اشعار او تنويه والا وثيقه
غادر الشيخ عبدالله وانا ليه مشتاق = صاحب الجود ذي ماصعب اقدر يعيقه
الفرح كان به والابتسامه بااطلاق = والفكاهه في القعده وضحكه طليقه
كان عادل ومتسامح وفاالحق فتاق = كان من ميزة المرحوم قول الحقيقه
كان خير ومتواضع وللوصف قد فاق = يحضن الطفل والعاقل وكلاً صديقه
كل من حب هذا الشيخ والحب ميثاق = اه غبني على فرقا تسبب شقيقه
ربنا يرحمه في يوم قلاب الاوراق = يوم نشر الصحف والكل ماسك وريقه
يسكنه جنت الفردوس رحمان خلاق = يجمعه باالنبي ويكون دايم رفيقه
واخر القول باقدم عزائي والاحراق = لاال بيت العجي في وضع محد يطيقه
والعزاء لااخوته كمن قبيلي وسباق = وايضاً اولاده اللي قد سقاهم رحيقه
عظم الله اجر الكل اسره وارفاق = فاالفقيد الذي موته فجيعه صعيقه
ربنا استغفرك لاشي زلل او تعواق = رحمتك لان حزني قد جعلني شديقه
ختمها باالنبي ذي نوره اضحى فاالافاق = ذي يشفع لنا من نار فيها الحريقه


كلمات\ سيف صالح عسكر العجي

[سيف العجي]

زامل موجهه للاخ سيف العجي كلمات ابوفهد السحاقي
===================================
قال ابو فهد شم المسك والعنبر == في مد ينة جبن ذي كانت الفسطاط
من يمر منها بطيب يتعطر == من شذها يصاب المرى بالاحباط
اين سيف العجي يشهد على عسكر== ذي تجبر علينا امم الشفاط
والاجار لايسلم ماعلم واكثر == نقد فوري بلا مهله ولا اقصاط http://www.al-yemen.org/vb/images/statusicon/user_offline.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2143207) ====================================
جواب سيف العجي
====================================
قد جبن هي كما هي ماشي اتغير == المجاري بها من كثرت الشعاط
والسبب اهلها ذي محدا فكــــــــر == قصدكم تقضو الحاجه ولو خباط
خاطبو مسعد الدوشان مش عسكر == وابحثوا عاالسبب ذي امم الشفاط
لاتواير ولا دــــــيزل في المــــــوتر == قصد مسعد يئجر مايهم افراطhttp://www.al-yemen.org/vb/images/statusicon/user_online.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2153633)
==========================================
عسكر الشيخ ذي لا نحونا اتبور==لقط الحب بعد الناحزه لقاط
قد تولى على التحسين في البندر== وودعه في الغرق بالوحل والمخاط
مركز الناحيه مابه عمل يذكر == والمجالس تذيب ووفت المشراط
والسبب ذي ظلمنا فيصل المحضر== والذي باعناهو طائر الوطواط

وتحياتي للاخ جبر الجلهم والاخ قناف وعفوا النت ضعيف لاكهربه ولاماءhttp://www.al-yemen.org/vb/images/statusicon/user_offline.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2155235)
================================================== =======
ياسحاقي بعقلك دايماً فكر ============= لاتقع شي امام المجتمع خراط
انت والي رائيته خلفك اتعسكر =========== ذي من امثالكم باربطه رباط
لاتكلم على فيصل ولا عسكر =========== هم اساس النزاهه بطل اللقاط
كل من كفو واسمه دايماً يذكر =========== والحسد هو مصيبتكم وفيه افراط

[سيف العجي]

نداء= للصمبحي- والمجربي- والعلفي - والقطنه - وابو الفتوح -وابو عيبان - ومدرم - وغيرهم
قال العجي باوجه ابياتي لااعضاء المنتدى
========================= للمبتدي والعضو والمشرف وذي قد هو قديم
اخوان بانبقى في المجلس على طول المدى
========================= وان تختلف الاراء قد المضمون واحد مستديم
حتى ولو ماقد تلاقينا جمعــــــــنا المقصــــــدا
========================= القصد هو هذا الوطن يصلح ويبقى في نعيم
والان بااتوجــــــه لزمره فاضله تتواجـــــــــدا
========================= لأن قد هم اركان الادب والشعر والقول الحكيم
المجربي والصنبحي وابو الفتوح المرشــــــدا
========================= والعلفي الشاعر وابو عيبان مشرفنا الكريم
والعم مدرم والقطنه كل واحد مشهــــــــــــدا
========================= وابن العجي احمد وابو عاهد وذي هو مستقيم
با خاطب الرواد فاالمجــــــلس وكــــــل العُمدا
========================= عـــــــقالنا كمن مثقــــف كل من فيهم حميــــــم
اهل النصيحه والنقاده كل من فيهــــــم شـــــدا
========================= اهل الوفاء والصدق والحكمه وكل واحد حليم
قال العجي لي عندكم خدمه فلى تذهب سُدا
========================= خدمه بسيطه لااجل ماواحد في ارائه يهيم
تشكـــــــلوا لجنه من الحكــــــــام ذي تتفقـــــدا
========================= لجنه تقيم كل شاعر او مثقف او فهيــــــــــم
من اجل مااحد ينظلم فينا وندخـــــل في عدا
========================= من اجل ردع اهل الفتن وطرد ابليس الرجيم
تفرقوا مابين اهل العلم واصحاب الردا
========================= من اجل مايبقى الطبيب العام في صف الغشيم
لجنه تقيم من هو الافضل وتعمل مرصدا
========================= وخاصتاً فاالشعر ذي قد شفت به بعض الدويم
الشعر يشتي له رقابه والذي به غردا
========================= لأني رائيت الشعر موضه كل واحد به زعيم
كم ناس ذي شفته يخربط قالوا ان عاده بدا
========================= لاقافيه يوزن ولا موضوع لايردم رديم
ولا سئلته قال انا علمني الشعر اسعدا
========================= والشعر عمره مايعلم هاجسه يطرم طريم
لاتجعلون الشعر كاالتهريج من جاء وردا
========================= يااهل الثقافه انقذون الشعر ذي وضعه وخيم
ارجو ان كل انسان يفهمني ولا يتعقدا
========================= هذا كلامي عام للجمهور ماعندي غريم
بشكل عام اديت شعري ماقصدت اي احدا
========================= اقصد حماية شعرنا الشعبي من اصحاب التليم
عسى ان كمن جيد يسمعني ويبدا يرشدا
========================= من اجل يبقى للابد تراث ماضينا القديم
والختم بااذكر سيد الامه وهاديها احمدا
========================= بكل اسماءه انا صليت عاالهادي الرحيم
http://www.al-yemen.org/vb/images/statusicon/user_online.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2140955)

[سيف العجي]

زامل بدع من ابو صخر موجهه لسيف العجي وجواب سيف العجي
================================================== ================= يامؤتمرالله عليك المستعان=سته عشر عام قد زلجنا دردحه
منعآه يامنعآه وطنا لايهان=ووحدة الامه تضيع في مسرحه
قولوا لمن اصبح من الدنيا ملان=يسرح بوجه ابيض وربي يسمحه
قد قالها ابـــــو صخر خوضي يابنان= وكل واحد يشتبح في مطرحه
هذه امانه والامانه لاتلأن=ولاتستر بالصلاه والمسبحه
العدل وا لثارات شاهدها عيان=وعجزشامل كل شي قد سطحه
اهوين على ذاك الشعار ضاع الحصان= شعار شامخ في يدش يامرقحه
الجواب

قال العجي بااصدر لكم هذا البيان ==== تصريح غير اللي زميلي صرحه
السيف في يدي وانا فوق الحصان ==== لااجل اليمن باصلح اكبر مشرحه
فاالمؤتمر باابقى وقد لي فيه شان ==== باابقى دفاعه دوم وابقى مرزحه
وان به غلط بااوقف امام اكبر جبان ==== واصرخ بصوتي لا ويمكن شرشحه
باالحــــــق بااتكلم ولا عبر فـــــــلان ==== باابقى مناضل لااجل ذي لانطمحه
ماانا كما بو صخــــــر ذي ماقط بان ==== الا اذا شي فايــــــده ذي تفرحــــــه
فاالمشترك يمشي باامر الصولجان ==== لاراي له مقبــــــول ماهل مشبحه========================================

[سيف العجي]

بداية المواجهه في رد ابو صخر على سيف العجي
المشاركة الأصلية كتبت بواسطة سيف العجي http://www.al-yemen.org/vb/images/buttons/viewpost.gif (http://www.al-yemen.org/vb/showthread.php?p=2111739#post2111739)قال العجي قد باستمر فاالخط ساير === فالمؤتمر حزب المشير
بابقى معه باالحق مابا كون حاير === واكون واثق فاالمسير
من داخله باحارب اصحاب العماير === كان استشاري او وزير
لأجل اليمن بابقى مع اصحاب الضماير === لأجل الوطن يبقى قرير
باحارب الرشوه وكل انسان جاير === والقاضي النذل الحقير
بااوقف امام الظلم وارباب النكاير === وكل متئامر خطـــــير
واهل اللقاء ذي قسمونا لاعشاير === تفكيرهم شفته قصير
احزاب غداره قدي ام الكباير === باالكذب يكسونا حرير
بااوقف امام المشترك ذي شفت غاير === ذي للفتن دايم يشير
المؤتمر لو يصلح اوضاع الدواير === ويعين الصالح مـــدير
مازال الافضل بينهم فيه البشاير === ناره ولا جنة جريــــر
افضل من الشوعي واصحاب الشعاير === ذي مالهم ايت مصيــر
لأجل المصالح يعملوا عبوا الغراير === من رايز او تونـــي بلير
قد صاحب اللحيه بحلمه صار طاير === وبجانبه عربيــــد زيـــر
لن تخدعوا شعبي بقسام الفطايــــر === لان شعبنــــــا عنده ضمير
ياذي جمعتوا لليتامى والضرايـــــــــر === وقلتوا انتوا اهـــــل خير
تتقاسمو ذا المال وانا ادي امــــاير === ماشفت اصلاحي فقيــــــر
وكيف نئمن ذي يسوي لي حفاير === وفي بلادي ياحفـــــــــــير
ولا امن الشوع ولو قد كان زاير === لــــــــــو حــــــج للبيت الكبير
محد من اجل الشعب متحزب وثاير === حتى ولـــــو شكله مثير

وهذ ردي عليك ياسيف


باشن عليك الهم واصناف الذخاير&&&وبر كك مثل البعير
مهما بقيت ياسيف ماشي به بشاير&&&تقعد بها ولاتطير
من داخله ماشي معك غير الغواير&&&من اين للبغله ضمير
لجل الوطن ياسيف سايرمن تساير&&& وضع اليمن اصبح خطير
قدحولوها يافتى دولة حضاير &&&واصبح الجاهل امير
بهدي لكم قاضي على اطراف السناير& تروني كيف الجزير
قاضي ظلم وانامتابع له وثاير &&&مع الدليل المستنير
تجمعوااهل العمايم والعشاير &&&مع النيابه والوزير
وانته تحكحكها وتطلع باالاماير &&&ياسيف كثرت الهدير
تكفربنا من بعد تنضيف الخباير &&&وبعد تحقيق المصير
تريد ان تحدث بتهريجك خساير &&&عادنت ياضلعي صغير
والظلم والتزوير من ام الكباير &&&يا ويلكم من ذالنكير
والعدل اساس الملك رديت الستاير&& على الجرايم والنحير
قد اليمن صلعاءمن بعدالضفاير &&&والشعرالاجعدوالحرير
كيف اتصلح وانت ماشي لك تواير&&&مثل الامم كيف اتسير
ماهل متعصب ومتعجرف مغاير &&&وضيفتك شب النفير
ويش اتصلح ياعجي شلة هزاير &&&وانت متخلف ضرير
ماهل اذا في مؤتمر تشرب عصاير&&وتعصر الدنيا عصير
ياالله ياعالم وكاشف للسراير &&&استرعلى الشعب الكسير
وكشف لخي سيف العجي كل البصاير&حتى يقع شاعر بصير
وقله ان الدود ذي تلقاه طاير &&&في مخبئه دودي كبير
ولا تحملنا سبب نكبت ينا ير &&&ولاسبب بيعة عسير

[سيف العجي]

قال العجي ياذي تشاركتوا ========== محد راءى محصول ذا الشركه
الخمسه اللي قد تعانقتوا ========== قد كل واحد قاتله شـــــــــــــكه
مفضوح كله ليش مثلتوا ========== وان تضحكوا ماغطته ضحكه
ماشي تقارب لو تجمعتوا ========== باتدخلوا فتنه على الفكـــــــــه
شملانكم ذي فيه رسمتوا ========== مابه كفاءه يـــــــدخل السكه
ليش اختياره ليش رشحتوا ========== خاف القياده قـــــد بها ركه
الانسي جاهز ولا اخترتوا =========== وياسين جاهز يدخل الدبكه
اهوا عليكم يوم فـــكرتوا ========== تطلعوا شملان للـــــــدكه
امام فارس تعرفوه انتوا ========== رمز اليمن والخيل والحنكه
ذي ضمكم لما تقاتلتوا ========== والا نسيتوا قتلــــــة الشبكه
الشعب رشـــح ذي به اجحتدوا ========== ذي من زمن حافظ على التركه
=====================================
قال الطهيفي ليش زورتو = === في مسرحيه كلها حبكه
ياحاج قلي فين حجيتو ===== وحزبكم ما قد عرف مكه
مال الوطن والجيش سخرتو=== والحكم والاعلام لك هكًه
وبالنتايج ما تشرفتو ====== ما دام كل اعمالكم عكه
يا كم تشنتجو وهسترتو ==== = وكم وقعتو داخل البركه
با لخيل والخيال عنطزتو=== ==== اكيد قد صابتم الحكًه
ومثلما الثيران ناطحتو======= مرافسه بالشيش واليكًه
وكم لهذا الشعب بكيتو === وكم وضعتو في الطريق شوكه
لو شي بصر فيكم تثقفتو====== ياعقل فارغ مثلما التنكه
والمشترك ذي به تشفيتو== قد صاب حزب الزور بالوعكه
باقي لكم دهفه وروًحتو ===== او ترجعو للحق في سلكه
ذلحين لا شي صدق وفيتو=== ما قد وعدتو خلو الضحكه
===================================
ياابن الطهيفي كان فتحتو === لاشي وقع تزوير او ربكه
والعذر هاذا ذي تعذرتــــو === كاذب وفي مضمونه الركه
لان به مراقب دولي احضرتو === وايضاً مراقبكم ولا حركه
ذا مستواكم كيـــــف ماكنتو === والشعب بابه لااجلكم صكه
هو عيبكم لما تئمركتــــــو === واغروكم الموساد باالعلكه
شوعي واصلاحي تناصرتو === والناصري واحزاب محتكه
ضد الوطن كم تأمرتـــــــو === دم المواطن لن يتم سفكهhttp://www.al-yemen.org/vb/images/statusicon/user_online.gif http://www.al-yemen.org/vb/images/buttons/report.gif (http://www.al-yemen.org/vb/report.php?p=2071449)

[سيف العجي]

من هاجس سيف العجي
ياسلام الاف قال العجي تملى اليمن === ساحة الاحرار وارض الكرامه والحنان
مقبرة كل الغزاه العزيزه من زمن === منبع الثورات والحريه عبر الزمان
ارضنا حُره بفضل الزعي المؤتمن === صانع الوحده وفاالارض صمام الامان
ذي بعهده قد رائينا التقدم فاالوطن === مثل ابو احمد ولا شفت فارس للحصان
شعبنا اختاره بكل البوادي والمدن === لأجل تبقى ارضنا دوم في عزه وشان
مانبا شملان والا العزب واهل الفتن === اقنعوا يااهل المصالح فلن نقبل مدان
لانبا اصلاحي مشوش ولا شوعي عفن === لو حلفتوا فاالمصاحف وقدمتو ضمان

[سيف العجي]

ياذي لكم في كل ساعه معتقد === وكل لحضه لاتجونا باالردود
ياذي لكم في كل ساعه معتقد ======= وكل لحضه لاتجونا باالردود
سيتوا لقاء زايف وكلاً قد ورد ======= المشترك ذي قد تشكل باالوعود
كم قد ضحكتو عاالشباب المستجد ======= كم شاب طيب عندكم اصبح حقود
سيتوا غسيل الخ للي جوا عدد ======= تدرسون الشاب كي يصبح حسود
يكفيكم التظليل في عقل الولد ======= لاتجعلوا الاجيال تحرق كاالوقود
يااهل المشاكل والفتن واهل العُقد ======= ياذي بقيتوا للعدو اوفى جنود
لاتفتنوا مابين ابناء البـــــــــلد ======= ياذي حلمتوا تفصلوا وحدة عقود
تاريخكم معروف مملي بالنكد ======= يامن تسترتوا بمبداء او سجود
قد جيت افضحكم واروي من نشد ======= وكل حزب اعطيه حجمه فالصدود
الناصري قد كان يعدم من سجد ======= والشيخ كشك اكبر اماره للحشود
والبعث ظالم كان حكمه مستبد ======= والطاغيه صدام عاده فاالوجود
اما الشيوعي ذي باارض الله فسد ======= قد جار في حكمه وكم مارس جحود
انكر وجود الله مابه من زهد ======= وشكل الجبهه واجتاز الحدود
كم ابرياء صفوا بنعوه والعند ======= وابطال من حجاج والعالم شهود
فاالمنطقه سوا مجازر باالعدد ======= ياكم غدر في ناس قد كانوا رقود
اما مرض الاصلاح قد صاب الكبد ======= وداء قاتل فاالمفاصل والعــــــــمود
لان برد كابل سبب امراض الجسد ======= ومعسكر التجنيد ذي راس الحيود
فيهم مرض فاالعقل من فتره عمد ======= هستيريا باسم التناحر والصمود
باسم الجهاد الشخص منهم يجتهد ======== يحرق بلاده لااجل تحقيق البنود
تفكيرهم قد فيه حبلاً من مســــــد ======== لايعملوا لااجل المصالح والنقود
هذه حقايق للذي ليهم وفـــــــــــد ======= من اجل يحذر من شياطين النجود

[سيف العجي]

الاخوان الاعزاء سااوافيكم بباقي الديوان فيما بعد

وتقبلوا خالص تحياتي

[عصيمي]

"]ابن العجي راس يا الحجاجيه ضاربي وجيبي الصوت من الا العضربي

[سيف العجي]

جــــــــــــــــــــــــــديد سيف العجــــــــــــــــي
================================================== ======

يقول ابن العجي قد كنت مغرم
==================== وقلبي كان هايم في غرامه
غزاني الحب باالجيش المنظم
==================== وقد احتلني واعلن نظامـــــه
وقايد جيشه الغـــــدر المنظــــم
==================== سلاحه الزور والكذبه حسامه
وكان الدرع بسمه وسط مبسم
==================== ومتستــــر بااحلى ابتسامه
وهذا الجيش ذي مشاه فنــــدم
==================== اميــــــره ماسكــه كل الزعامه
وهي باالجيش والقايد تحكـــــم
==================== ولا تعرف حلاله من حـــــــرامه
قد احتلت فؤاد انسان مســـلم
==================== على غفله وقد دقت عظــــامه
وخلتني باارض الله مهيــــــــــــم
==================== خدعني الحب ذي فااول كلامه
جذبني حسنه اللي هو مهندم
==================== ودور الحب ذي اتقن ختـــــامه
حسبت انه وفي وانه متيـــــــــم
==================== وفكرت ان انا سبـــــت هيامه
وانـــــه باالوفــــــاء والحب ينعم
==================== واني باانتعــــم داخل خيامه
ولكنه دخــــل محتــــل يحـــــــكم
==================== وحكمه قـــــد تميـــز باالظلامه
وانا ذي قمت للخــــاين اتمـــــــم
==================== حسبت انه من اصحاب الشهامه
ولكنــــه طلــــع لاعب مخضـــــرم
==================== ممثل فــــــذ فاافــــلام الدرامه
وفي كذبــــــه وفي غــــدره معلم
==================== ولا احد قـــد قــدر يمسك زمامه
جلست اعـــــوام وانا حـــب مجرم
==================== ثلاثـــــه اربعـــه فيني غشـــامه
بغمــــزة عيــن خلاني اســـــــلم
==================== واتراجــــــع واستسلم امامــــه
جمالــــــه ذي جعلني بـــه متيم
==================== ودي قد ذلني اكثــــــر قوامـــــه
ورقــــة منطقـــــه خلتني اعجم
==================== وسهــــم العين ماشي به سلامه
تحاشيتــه وكنـت اهرب ولا اهتم
==================== وهـــــو نحوي مكثـــــف اهتمامه
سقانــــــي مٌر من كاسه وعلقم
==================== وانا اسقيتـــــه عسل وادي تهامه
وجرعنـــــي من الكــاس المسمم
==================== وشفت الغـــــدر منه والنمامـــــه
وفجأه اكتشفــــت انــــه منجـــــم
==================== منافق دوم حانــــــب في زحامه
وان الحب عنـــــده فلم موســـــــم
==================== وراكن في خــــداعه عاالوســــامه
وقصــــده بس يتسلى ويرجـــــــــم
==================== ووقت الصـــــدق يبداء في خصامه
وذي حبــــــه يضلي يطعــــم الدم
==================== ويبقى طـــــول عمره فاالندامـــــــه
ولا باينفعـــــه مهمــــا ينـــــــــدم
==================== ولا ينفــــــع صيــــاحه واعتصــــامه
انا اللي حبهـــــا فيني تراكــــــــم
==================== وانا ذي لأجلهــــــا نكست هـــامه
وفيت الوعـــــد ذي نا فيه ملــــــزم
==================== ومحبـــــوبي اخلـــــىْ باالتزامه
من الصـــدمه لساني صـــار اعجم
==================== ومــــاهل هاجسي ناتف حسامه
وقلبـــــي ياعبـــــــــــاد الله ورم
==================== وغــــــدره قد تــــــرك فيني علامه
سنين اسعى لااسعـــــاده واكرم
==================== وادفـــــــع اجرته جنب الرســـامه
عشقته عشـــق مابه دوم يحلــــم
==================== وضفت العـــــام حقي فـــوق عامه
واثاره لايخطط لـــــي ويرســــــــــم
==================== وحبــــــه بس كـــــي ينجز مهامه
كأن بيني وبينــــــه ثــــار يعــــــــــدم
==================== خلق ذا الثـــــــار وانـــواء انتقامه
وقصـــــر الحب قد جـــاء له وهـــــدم
==================== ولا بقــــى اثر لـــــي من حطـــامه
لحـــــق بعــــد المصالح لااجل ينعم
==================== حسب باالمــــا يلقى انتعـــــامه
انا بااحلــــــف هو الخسران وابصم
==================== باأنه مايهنــــــى باالعمـــــامــــه
ولــــو فاالشهـــــر الاول بايعمــــــــم
==================== وفي باقـــــي السنه يلبس صرامه
لعـــــه يدخل في الجـــــو الملغــــم
==================== ولا يحضــــــى بحبــــــه واحترامه
ولا يطعــــــم قلص من مــــاء زمزم
==================== ويلقـــــى زام يفرض فوق زامه
عنــــك غلطان ياذي لاتنهجـــــــم
==================== لأن ماشـــــي قفص اسعد حمامه
ولا يشبــــــع ابد ذي هــــــو ملقم
==================== وعبــــــــد المال ماشي به كرامه
وباصلـــــي على المبعوث واختم
==================== يطيب الخـــــط ذي قـــد به ختامه





===============================

[سيف العجي]

تحذيررررر من سيف العجي لمن يحاول تشهيررررره

--------------------------------------------------------------------------------

ابن العجي قال ياذي مااعجبك شعري
===================== الشعر ماهو محرم ياقليل العقل
الشعر للفضفضه فاالموقف القهري
===================== الشعر احساس فيه الشخص يتئمل
بحر الغزل من بحوري لاانت ماتدري
===================== اما الهجاء بحر واسع من دخل يقتل
بحور عنــــدي كثيره كلـــــها تســــري
===================== اسئل عن ابن العجي لاانته غشيم اسئل
بحوري الهايجــــه باالمــد والجــــزري
===================== فيها الخطر والهوايل والبلى الازول
كمن مودف وصل للشاطي المغــــري
===================== كــــل ماتعمق شــــويه مشيته تشتل
لأني انا المـــوت للي يشتي الشــــري
===================== وانا عـــلاج المعقد ذي قــــده اهبل
ذي يحترمني انا باسلمه عمـــــري
===================== وباارفعه فوق راسي دوم ماينزل
يصبح اخي او ابي يصبح دفاء ظهري
===================== يكون صاحب وفي فاالمرتبه الاول
وانسان اشوفه يحاول قلقلة قصري
===================== والله مابا اتركه او عنـــه اتساهل
هذا العدو الـــذي لايحفـــــر القبـــري
===================== لكـــن انا بااقبره من بعـــد ماعلعل
انا الذي بااجعله عبره مدى الـــدهري
===================== عبره للأجيال والجيل الذي يقبــــــل
كرامتي راس مــــالي تستحق عمــــري
===================== وعـــزتي شـــامخه مايوم تتزلزل
هذه نصيحـــه لـــذي لاينشــر السحري
===================== يامـــن تبث الـــدعايه عننا بطــــل
لأنــــك ابد ماتحمـــل حرق من جمري
===================== ياجاهل اعقل وذا التحذير لك مرسل

[سيف العجي]

ابن العجي قال يابنت اوقفي حــــــدش
===================== مالش في الفلسفه والزنط والنباش
سلاحش الحسن والغمزات من رمشش
===================== وصغر سنـش وبسماتش يسين ارباش
جمالش اللي يخلي الشخص يعجب بش
===================== ضحكه وبسمه وصار الادمي يهواش
اعوذ باالله من لعبش ومن غــــدرش
===================== اعـــوذ باالله من تمثيلش الغشـــــاش
انتي تسلي وابن النـــــاس قد حبــــش
===================== قد هو مهيم وله فتره مشــى ممشاش
لاتلعبي فاالمشاعـــــر اتقـــــي ربــــش
===================== من قبل تنوي وتسري حـــددي مسراش
لان المحبه مــــرض فاالقلب لاينهـــش
===================== ممكن يكــــون النهايه للــذي حبــــاش
جربتش اعوام واتضررت من كــــذبش
===================== دخلت بحرش وجاني الموت في مرساش
انـــا الغبي ذي بعنانــه مشى دربــــــش
===================== وانـــا الذي طـــول عمري كنت اتمناش
سنين احبش واعزش واقترب جنبش
===================== وكنت اظن ان قلبش باالمحبـــه هـــاش
كنت احسب ان الوفاء والحب من طبعش
===================== وانش ستبقي وفيه للـــذي اعطـــــاش
ذي كــان جـاهل مغفل مافهــم قصدش
===================== ومـــا عرف ان أنتي تهـــوي الــدرداش
مثلتي الحب وادخلتيه فــــي فلمــــش
===================== من غيـر مااعرف دخلت المنزل الهشاش
وكنت احبش ومـــن حبش احب اهلش
===================== واحب كـــل اسرتش واحب مــن سماش
من غير رحمه غـــدرتي باالذي زلش
===================== ذليتي الشخص ذي ضمش وذي عــزاش
سيتيه لعبـــه مــن العابش ولا همش
===================== سيتيه مثل النــــصع في فوهة الرشاش
اتقنتي الــــدور عندي قـــد ظهر فنش
===================== غدرتي الشخص ذي قد كان حبه كــاش
انــا ضحيت سهام الغـــدر من طرفش
===================== وانـــا قتيل الجبين اللي ظهر مـــن لاش
كنت احسبش بنت ناس اجــواد لكنش
===================== تحبي اللعب باالجـــوكر ومـــار البـاش
واحسنتي اللعب رغم الصغر في سنش
===================== كسبتي اللعب وانتي في وسط مخبـــاش
لـكن عرفتش وشفت اسلوبش المربش
===================== كشفت غدرش ولكن مااستطعت انساش
بس لازم انساش واتغلب على سحرش
===================== وكـــل يـــوم العنش انتي وذي ربــــاش
واحاربش دوم واكشف ذي تقع مثلش
===================== واحذر الناش من ذي مثلش الاوبــاش
لولى الحياء لاافضح اعمالش واعري بش
===================== يالاعبــــه باالمشاعر بان لي مغزاش
حتى ولو بان متأخـــر وقــــــد عشعش
===================== بس بااجعلش عبرت التاريخ للي عاش
يابنت ســيري امــــانه وافحصي دمش
===================== مابا تلاقي ولا طشـــه بوسط احشــاش
حـــــرام ماعـــــبر امثالش وبــــاطنش
===================== وادبـــش دوم ياذي محـــــدا ربــــــاش
والان يــــابنت لازم تمسكــي حـــــدش
===================== تــــوبي من الغدر والتمثيــــل والنـــواش

[عصيمي]

جزيت شكرا وزوجت بكرا وصح الله لسانك ايها الشاعر الشاب المتالق والى الامام واكرلك الشكرمع التحيه

[ابوهديل]

صح لسانك يا سيف العجي .
فتح المجرب - البحرين

[ناصر العجـــــي]

صح لسانك يابن العـــــــــــم
سلم لي على يوسف وباقي الشباب :)

[al-ajji]

سيف العجي حيو ظيوفي اتمنااا لك اتقدم ولازتهاااار شد حيلك

[al-ajji]

سيف العجي كون واثق في نفسك وخلك قردعي نشتي نسمع لك المزيد حبيبي الله يخليك سمعنااا اكثر وكثر مشكووور سيف انا من مشجعيك