ديوان الشاعر القدير / عوض بن احمد الهبيـــــلي (( شـــــــــــريف ))

[إبراهيم ناصر]

نرحب بالشاعر الكبير
عوض بن احمد الهبيلي
ونأمل منه إضافة كل قصائده وزوامله هنا
ونكون شاكرين له
وله كل الشكر والتقدير



نبذه عن الشاعــــــــــر شــــــريف (( عوض الهبيـــلي ))

هو عوض احمد الهبيلي من موليد الطائف عام 1966 في المملكه العربيه السعوديه ....موظف ومتزوج واب لثلاث بنات....تخرج دبلوم علوم تجاريه....ودرس في مجال علم نفس....تحيه وتقدير لشاعرنا القدير....ونحن في انتضار قصائده لكي ينزلها لنا.....تحيات وتقدير ابو محمـــــد ناصر

[إبراهيم ناصر]

أنادي فِكر من يزهَد يقيس الطول والعرضا=يحطّ الكيل بالميزان يوزنها وهو قاضي
نهاري ضاع والسبّه ضياع القلب في النبضا=وأحسّ الدمّ في عظمي بكى من كثرة أمراضي
ولاحد حسّ بأوجاعي وصار الضيق لي فرضا=صبرت أكتم وجع ضيقي ولا حسّيت بأغراضي
ورضيت الضيق في نفسي وأنا ساكت عن البغضا=أخمّسّها وأسدّسّها ولا جت حسبة أفراضي
وقلت أتبع سراب القيظ أفضفض وأسمع الرمضا=لقيت الريح ماترحم!! أظنّ الريح تغتاضي
سريت ومالقيت الصبح!! وأنا والليل في ركضا=وأشوف الليل قد طوّل ولاشفت الفجر ياضي
ظلام الليل يجرحني ويدمي خاطري وأرضا=ولا لي غير نجماته أنا جيهن وأنا راضي
ومضيت وماحسبت أنّ البشر في قسوته يهضا=لقيت أهل الزمن مكتوب في عنوانهم هاضي
وأغّض الطرف في الزلّه وأعوّد رمشها يغضا=عيوني تضحك لغيري ولكن دمعها لاضي
أحا ول.. للبشر أظهِر معا لم لآجلها ترضا=وأنا كلّي ملا مح حزن .. أداريها ومتغاضي
أحسّ القلب وفوادي وعظمي في الجسم مرضا=ولا لي روح مرتاحه! وأحسّ بداخلي فاضي
ورحت أبحث عن اللّي في كلامه صادق اللفضا=لقيت أنّ القدر صادق ولا ينفع تعرّاضي
ألا يا الله يا رحمن ردّ الروح في الاعضا=أخاف الضيق يكتبني ضحيّه تحت الانقاضي؟
(عوض بن أحمد الهبيلي)[/QUOTE]

[شريف]

كل الشكر للغاااالي أبومحمد ناصر على أهتمامه
ويسعدني بأن أطرح قصائدي الذي أتمنى أن تنال
على رضاكم جميعاً... وألف ألف ألف شكر لك ياغالي
شريف

[شريف]

الله اللّي عزّني وأنشأ جذور العزّ عندي=كيف لا؟ وأخر نسب فيني جذوره هاشميه
لكن أنّي قد فقدت أشياء وتناسيت حدّي=حدّ الجمايل!! والآخوّه والصداقات القويّه
غصب عنّي راحت أفكاري بعالمها تودّي=صرت مثل العابر اللّي تايه بروحه وجيّه
من يردّ اللّي فقدته...؟يبشر بجودات ردّي=ومن يردّ أطراف ذهني في ميادين الحميّه
كم فقدت أصحاب لي من عقبهم بيّحت سدّي=كنت عالي في نظرهم ما تجي منّي الرديّه
ومازلت عالي في نظر نفسي ولاحبّ التردّي=لكن أنّ البعد عن الآصحاب سبّب لي أذيّه
وكنت أنا لاجيت؟ قالوا:: أقبل المزن المندّي=وكنّ ماحد في القبيله له حضور وقابليّه
كنت لاحد بي هتفّ شمّرت كمّي فوق زندي=وترتكز فيني العروق اللّي تلبّي منتخيّه...
كنت أسابق في دروب الجود طلعات التحدّي=أمتطي الجودات والنخوات لي مثل المطيّه
نابغه وأجمع شتات القوم وأرضيهم لوحدي=أبتسم في وجه غيري لين يضرب لي تحيّه
وأحمل هموم العرب والهمّ ساكن فوق خدّي=وماتبين الدمعه اللّي دو م دا يم معتزيّه...
كنت أسامح كنت أصالح كنت أعدّيها وأهدّي=كنت في أقسى المواقف ماتزعزعني الدنيّه
كنت أماري بالعلوم أرض الحجاز وحدّ نجدي=وأنتخّوا بي في الجنوب ولحنّوا لي سامريّه
الين ما ربي بلا ني بالعيون اللّي تِهدّي!=ضيّعت جملة علومي والحروف الآبجديّه
وضيّعت منّي السياده طوّ عتني مثل عبدي=وعلّمتني الكاس كنّي في زمان الجاهليّه
حرّكت كلّ المشاعر وأنعشت قلبي المصدّي=وأخطفت فزعات دمّي مثل خطف الجابريّه
فاتنة كلّ العصور يفوح منها عود ندّي=كنّ ماحد من بنات أدم سواها في البريّه
وكنّها خِلقت وفيها من شموع النحل شهدي=ذوّقتني!! من نعيم العشق جنّه ممتليّه!!!
شفت فيها شي؟؟؟ لا قبلي ولا ظنّيت بعدي=قد ر أها .... لو خياله قد تعدّى الجاذبيّه
أدخلتني في بحرها لين صار الجزر مدّي=وأذهلتني في البحور اللّي شواطيها نقيّه
والله أنّي في سماها صرت كنّي نجم وحدي=ولو جمعت لها الكواكب ما تكفّيها هديّه
جيشها يغزي حياتي وأستحلّت جوف كبدي=وأصبحت دولة عروقي في مداينها غنيّه
وأعلَنت دوله عظيمه في عَلمها لون وردي=السلام أصبح رومنسي فيه نغمه شاعريّه
شكّلت فيني حكومه حُكمها لي مستبدّي=وصرت في نفسي مسوّي لي وزاره داخليّه
وأصدَرَت مرسوم غيّر لهجتي صارت تفدّي=صرت أفدّي بالملوك وصرت أفدّي بالرعيّه
ولو ملوك الآرض مثلي شاهدوها يوم تبدي=كان خلّوها على عرش القصور المعتليّه
لو بغيت أوصف جمال الزين كنّه زين هندي=فاق في حسنه ورمشه 1000 ليلى العامريّه
بس مابغيت أمدح حلاها ودّي أنها بسّ تعدّي=من عيون الحاسد اللّي سهم عينه فيه كيّه
لعن أبو من لامني في حبّها وأغتال ودّي=المودّه ما تلا م أن كان ما فيها خطيّه؟؟
ما تلا م الاّ العلوم اللّي فقدت بنصف عِقدي=من يردّ العلم لي حتّى ولو عدّيت 100
ليت كلّ اللّي فقدته بس مؤقت صار ضدّي=المصيبه؟؟ خايف التاريخ يكتبها قضيّه!
وليت كلّ اللّي فقدته بسّ أبوي وبسّ جدّي=كان هانت في عيوني لحظة الموت الشقيّه
ودّي أرجع للعلوم الماضيه وأنهكت جهدي=أثرني مثل السجين وهي معي مثل السبيّه
من يردّ العلم فيني وأشبك أيدينه بيدّي=أو يردّ أطراف ذهني قبل تسبقني المنيّه؟

(( عوض الهبيلي ))

[شريف]

هذه بعض زوامل بيني وبين العمّ والقدير مدرّم اليزيدي..

البدع من مدرّم::
قـل اليزيـدي ليـش يـا دولـة قـطـر=من بعد كاس الشهد يسقوني مرير
أيش السبب يالحاكم الشيـخ الأغـر=يعـود مسعاكـم إلـى الـخـط الأخـيـر
كـنــا فـرحـنـا يـالأمـيــر المُـعـتـبـر=بالسعي يخرجنا من الوضع الخطير
يابن خليفه عـاد شـي وجهـة نظـر=تخرج بلدنا من لضى حوم السعيـر

وهذا الردّ منّي::
أثنين فحسه وألحقه واحـد نفـر=وأندب لنا بُرمه من اللحم الصغير
فوقه سمك طازج من أعماق البحر=ولو عاد شي فتّه مع لقمة شعيـر
وجهّز لنا مقيّل مع شامـي شفـر=نخوض في بحر السياسه ياخبيـر
أكل السياسه بلعها يدمـي النحـر=وسُمّها وسط العسل ماله ضميـر

مدرّم::
حيا بشاعـر جـاء علـى موتـر همـر=يطلب غداء من قبل ينوي عالمسير
والقات يتجهـز مـن الحـادي عشـر=شامي شفر يشتيه من قبـل الظهيـر
لـك مـا تريـده والـحـذر ثــم الـحـذر=من بعد كيفك ترتمـي فـوق السريـر
يـا ويلتـك بالـويـل لا مــدرم جـشـر=من حردته با يقذفك فـي عُمـق بيـر

عوض الهبيلي::
كريم يامـن فاتـح جيـوب الكمـر=والضيف عندك صار في جيبك خشير
الضيف في حُكم المضيّـف لا أمَـر=لكن حذاري من خيانـه مـا تصيـر
مابرتمـي الاّ اذا حـد بـي غــدَر=وماس لي كوكتيل في وسط العصير
من لهجتك حسّيت تخريـب السمَـر=وأنت الذي قرّرت تحديـد المصيـر

مدرّم::

هالليل بالريشه علـى خيـط الوتـر=إعزف ووينك وين يا شاعر قدير
وين الـذي لا قلـت لـه لبـي ظهـر=حامل سلاحـه والرهيفـه بالجفيـر
يقبل على صوت المنادي لا زجر=وقال معكم كيـف مـا سـاره تسيـر
مـا دام واالحالـه خطيـره لا مـفـر=جيناك يا من تشبه الشاعر جرير

عوض الهبيلي::

لبّيه ياسعف الهبيلـي فـي السفـر=بعزف لك الطاره على لحن المسير
بقطع بك السكّه ولو هي في خطر=وتصبح جبال الرسّ لك مثل الحرير
لبّيه ياالذيب المعـوّي فـي الغـدر=أبشر بسعدك يا اليزيدي يـا أميـر
والعفو منّك كان شـي منّـي بـدَر=مثلك فهيم الحرف والمعنى يطيـر

================= ==================

وهذا ايضاًً زامل من العمّ مدرّم

مدرم::
قال اليزيدي وين مُشرف صفحتى = يقـــــول كلمة حق من قبل الفوات
وهِمتك بانصــــــــــح جانب هِمتي = يا شاعر الصفحة معي لم الشتات
وقل كــــــــفاء بلاه يافواه أُسكتي = عن كلمة الباطل وتفعيل الحِــــنات
بـــــــسم المخوة يا مُترجم كلمتي = ترجم معانيـــــها وهات القول هات

وهذا الرد مني ..
عوض الهبيلي::

ياطايره في الجّو طيـري وأثبتـي=عليش وجه الله لا نصبـح رفـات
ياغلّتي وش صار لـش يـا غلّتـي=هل تاه خطّ السير من فوق السرات؟
عليش صفـوه مـن سنايـد شلّتـي=خايف عليهم يعبروا فـوق الفـرات
قابض كتـاب الله وقابـض سنتّـي=بابـين في مخراجها طـوق النجـات

[شريف]

وشلون أطيع الحرف والقاف مسجون= وشلون أفكّ الشعر للناس يقرونه
أن كانه عصاني الشعر للشعر ممنون= مالي سوى أبيات للروح مرهونه
ما غير أسلّي النفس والقلب محزون=وما غير أداوي الجرح بأبيات مدفونه
ياللّي قريت الشعر للشعر قا نو ن= وله من قوافي الحرف أبيات موزونه
وياللّي تركت القلب والقلب مطعو ن= ماله سوا ك من المخاليق يشفونه
أنت الذي لك في خاطري ألف مليون=ولك خافقن يقوى على اللّي يبكّونه
ولك حب يلهب في الحشا حب مكنون= ولك حب منثور يا بنت يشرونه
تكفون ياهل الحب لا... لا تلو مو ن= خلّوا الفكر يسري مع دمعة عيونه
وخلّوا شراع الحب مرفوع بالكون= لاجل السهر يحلى على غيمة مزونه
وقولو له أني تحت الثرى مدفون= من لوعة الفرقا كنّ القلب يكوونه
عوض الهبيلي

[شريف]

ياالله يامنشي قفا العجّ عالج= ومنشي نجومك في البروج العجيّه
أدعيك أنا وأتوّسلّك بالمعارج=من نعمة النسيان تجعل لي وقيّه
الوقت جاير سدّ كل المخارج= والنفس لك في حضر تك ملتجيّه
من يوم ماجتني سموم المهارج= والروح في وسط الفلك داير يّه
مجوي وهاجت في فوادي فوالج= ليت النكد يزهد مراحه و جيّه
هذا فوادي ذاق حرّ الو ها يج= وفكري مشوّش والكبد منتهيّه
الجسم يرجف والوجع فيه هايج= والقلب له رجّاف توحي دويّه
من جرح ماكن بالعظام الموارج=أدمى جنوبي شجّ كل الز جيّه
أرتجّ عقلي وأعترتني الصوانج= شلّت خلايا المخ ما خلّت خليّه
هل هي حقيقه واضحه بالجايج؟= أو حلم كا ذب له طرق ملتويّه
ألا ليتها قرّ ت بوسط المنا هج=وأتشفّرت بعض الهروج الغبيّه
جاني خبر وقعه على النفس سامج=ضاقت به الانفاس بأوساع البريّه
في عيد ماذاقه سوى شلّة خوارج=مالومهم قد دنّسوا النفس الزكيّه
ماقدّروا الاسلام واللّي فيه حاجج=وما قدّروا ما كان في سنّة نبيّه
أطفوا بفعلتهم مصابيح المسارج= وأهدوا مع الكفّار قايدهم ضحيّه
مرحوم ياصدّام يا حمل البوارج=مرحوم ياجملة كتا يب في سريّه
مرحوم يامن هزّ في العالم مدارج= مرحوم يامن عقبك الساحه خليّه
مرحوم يامن كنت في الدنيا تعالج= وداء العرب تستأصله من غير كيّه
كل من على الدنيا مروّح ونافج=و لا تنفعه في يوم دنياها الدنيّه
ولا يحزّ بخاطري الاّ مثل دارج= بعض العرب مسرور من شرّ البليّه
عوض الهبيلي

[شريف]

من كوكب الآرض أبتديت =أركض ونفسي طافته
حاولت أجا ريه أنتهيت =وهو بقي في حالته
ثابت وانا منه أشتكيت = وملّيت حتّى قاعته
يالكوكب الآرضي حفيت = قلبي هروجك هانته
جاوبني الكوكب عليت =جرّب كو اكب فالته
يمكن تلاقي لا سعيت = راحه ونظره لافته
فكّر وقل لي لا نويت = با ودّعك في داعته
ورحلت عنّه وارتقيت= ونفسي كئيبه عافته
وفي الكوكب الدرّي سريت= وقلبي يدوّر راحته
وصلت. وماكنّي بديت= شفت الحفاوه باهته
أدهشني المنظر بكيت= كل الكو اكب خافته
شفت العطارد دون بيت= زحل رحل عن حارته
ولا عاد للمرّيخ صيت= ما كنّ بقعا جابته
والزهره اللّي كان ليت= صارت غريبه حالته
يالكوكب الدرّي أبتليت= وقد كنت عالي هامته
غريب في النور أنطفيت= وفيك الكواكب ساكته؟
والنجم من نوره محيت= والشمس تفقد طاقته
يالمشتري ليه؟أنطويت= وليه نفسك صامته؟
وعين القمر فيها قريت= بعض المدامع راقته
سألت عن مانا رأيت = وعن ماعيوني وافته
وقلت أعوّد حيث جيت= في الآرض حيث عبادته!
واندب سنيني ذي فنيت= غافل سنينه خانته
يامن على السبع اعتليت= واجب علينا طاعته
ويامن على العرش استويت= وكل الخلايق هابته
ويامن من المؤمن شريت= نفسه وبقعا باعته
كثرت ذنوبي واكتفيت= وذنبي وصل لاطاقته
وقلبي بري ممّا عنيت= عندي مبادي ثابته
لكن من ابليس انعميت= ملعون في وسواسته
ياما اتحذّرت أحتميت= وان راح جتني خالته
يارب أنا فيك أهتديت= والقلب لاقى ضالته
أغفر ذنوبي لاخطيت= وعلّقت لك شمّاعته
لاسيت ماسيته دريت= عالم وعينك شافته
وان كان عنّي قد رضيت= فعجّل لعبدك ساعته
عوض الهبيلي

[شريف]

السلام. لكل من يقرأ السلام= والكلام. أحلى بعد ردّ السلامي
جيتكم والعذر منكم في الكلام= لو معي تقصير في جملة كلامي
غبت عنكم بسّ غيابي مايلام= وأجتهاد المرء مابعده ملامي
لوقلت بسرق من مشاعركم.حراام=وأصبح حلال أنكم تسمّوني حرامي
بسّ. صدقوني في مجالسكم مرام= وأن وجودي بينكم غاية مرامي
ولا منعني منكم لحظة غراام= لا. وربّ البيت يفداكم غراامي
الظروف اللّي رمتني بالسهام= ما كفاها ماحملته من سهامي
والنفس ماتقوى على بعض القيام=والجلوس أصبح يعاني في القيامي
عقلي وقلبي زايدأنفاسي نيام= والهواجس من أحاسيسي نيامي
غبت عنكم والمشاعر في ظلام= ونصّ تفكيري غدى كلّه ظلامي
ونصّ فاقد وعي من عشرين عام= ولامعي منّه سوى عشرين عامي
ودّي أشرح ماتعانيه العظام= ولاظنّ في شرحي تجمّلني عظامي
جيتكم بالعذر في شهر الصيام= وخايف أن الدمع يجرح لي صيامي
عوض الهبيلي

[شريف]

ياصاحبي ركّز مع لعب الورق وسط الحروف=وأنتبه!!! لعبي ترى في الحكم مايحتاج أكّه
وأرقص على فوز القلوب ونبضها مثل الدفوف=والخساره لو تجي من صاحبك مسموح بكّه
ركّز على سرّ التفاهم بيننا ركّز وشــــوف=ماباقي الاّ في مصافح وجنتك خطوه وتـكّه
أموت في راحة يدينك والآصابع والـكــتوف=فيك من طعم الفواكه لو عصرته وسط جكّه
قالوا ترى ماحكّ جلدك غير ظفرك والكفوف=وأنامانفعني غيرظفرك ليت في جلدي تحكّه
أنت الآساسي في حياتي رغم عن كل الآنوف=أنتبه!!! غيرك ترى حاسد يناظر فوق دكّه
أن كان لك فرض الضحيّه فالضحايا لك ألوف=يفداك قلبي كان ودّك باالضحيّه دوك ذكّه
وقالوا وراءك ياعظيم المرجله أنثى هنــوف=واليوم أنا محتاج لك خلّك ورى ظهري وركّه
وخلّك معي نبض ومشاعر بسّ لايلفاك خـوف=ومثل ما زكّيت حبّك خذ فوا دي لك وزكّه
كفّ واحد مايصفّق وان صفق صو ته ضعوف=ليتك تحقّق حلمنا والــمســتحيل يصير سكّه
خايف من الدنيا عليك تزعزعك بعض الظروف=مرتاب قلبي ياالغضي ماحد سواك يزيل شكّه
وخايف تضاريس الطبيعه تجعل بشمسك كسوف=بابٍ تجـيه الريح ريّح خـاطرك يا زين صكّه
خلّك معي نبحر على شطّ المحـبّه والضفوف=أنت التنفّس في حياتي تنشرح بك كلّ ضكّه
خايف مسامات العروق الضاميه بعدك تسوف=تعال وانعش جسم ضامر في شذى عطرك وعكّه
لا يهمّك من يقول أنّي مثل قــيظ الهــــفـــوف =ماني سر اب القــيظ بسّ عذّالنا ناوين فكّه
وخايف يجي أمر العذل نندم على سبق السيوف=خلّك معي قبل الملوك تحلّ في قبري تلكّه
وخلّك معي نسعى على زمزم ونتعبّد نطــوف=و بعد ما يشهد علينا الشرع نعكف وسط مكّه
الشاهد الله في حدوده ودّي أنعم بالـــهنوف=وفي غير حدّ الله تحرم شوفته لو قا ل هكّه
ياصاحبي سرّ الورق يحتاج ترتيب الحروف=وزّعتها لك وأطمئن حكمي ترى ما فيه يكّه!
وياصاحبي تسعه حروف أركنتها فوق الرفوف=عيّت توّضح لي مــعــاني تسبق الحرفين(كّه)؟
عوض الهبيلي

[شريف]

كانت حياتي لك من أوّل. فبركه= ماحسبت الطيش يجري في دماك
من جنون الطيش وأهل الصعلكه=أخذت منهم ما يحققّ لك مناك
ورميت قلبي في نيار التهلكه= وأطعمتني من كل ما تبّت يداك
وراوغتني وأحدثت عندي دربكه= وصرت متعوّد على هزّ الشباك
كم عطيتك كل دربي تسلكه= و ما ذكرت أني منعتك مبتغاك
كم غفر قلبي وعقلك أربكه= كل ما هوّن غدى فيه أرتباك
وكم صبرت وجُمّ غيظي أمسكه= أقول خاف الصبر ينفع في رجاك
مابقى لك غير دمّي تسفكه= الظاهر أن الكِبر في الدنيا عماك
لكن خلاص القلب غيرك حرّكه= يوم أنت مستهتر تفرّط في رضاك
جزاك أنا قرّرت أخوض المعركه= وأبدأ حياتي من بداية منتهاك
واحد سلب روحي وروحي تملكه= وردّ قلبي رغم ويلا ت الهلا ك
أهداني أحساسه وحبّه حوّكه= وقال لي بالحرف (لك روحي فداك)
وضمّ قلبي بالمشاعر وأشركه= وخفّف الحكم المؤبّد من قضاك
له كل ما فيني حلاله يشبكه= ولو طلبته . ماتردّد (قال هاك)
ولو أمرته هدّ حيله وأنهكه= من أجل يرضيني ويجعلني ملاك
ولو أمرته هدّ برج المملكه= ونزّل البرج المعلّق في سماك
قف!! تأمّل في ضميرك وأدركه= من قبل مايوقع ويصبح في الشراك
وأدفن الماضي بقلبي وأتركه= يمكن مع الآيام يغفر لك خطاك
سوّيت لك داخل حدودي جمركه= ألتزم !! وأحذر !! تعا ود الآنتهاك
عوض الهبيلي

[شريف]

أخواني الشعراء قبل أن أكتب هذا العنوان ترددت كثيراا ولكن أبت القصيده العشريه
الاّ أن يكون الشيطان محور وعنوان هذه القصيده وذلك لآنها من صنع الشيطان والعياذ بالله
.. تمعّنوا جيداا في القصيده المكوّنه
من عشرة أبيات وعشرة قوافي نعم عشرة قوافي !!! وكتبت في عشر ساعات
ولاتخافوا من العنوان فالقصيده (غزليه) لمن يفهم معانيها ....فلنبدأ...

( القصيده العشريه )

مذبوح جرحي ناح مااتحمّل يبوح= يحلم سعيفه عام لااتحنّا ضوى
مجروح صرحي صاح يتململ جروح=يرحم سقيفه حام يتمنّا الدوى
مطروح رمحي طاح يتبسمل بروح=أعدم بسيفه قام سممنّا الهوى
يلوح صبحي ضاح يتظلّل ير وح=أقسم يخيفه زام جنّا وأنطو ى
مسدوح سنحي زاح يتسلّل يزوح=لملم خريفه لام غنّا والتو ى
مسموح فرحي راح يتأمّل طموح=يرسم صحيفه هام مااتهنّا سوى
ياروح روحي فاح بالصندّل يفوح=يسلم تريفه تام لا أ تثنىّ كوى
مزوح يمحي الآح يتشعّل وضو ح=سلهم وطيفه ضام بالضنّا حوى
مملوح شرحي لا ح يتزمّل ينو ح=مرهم رهيفه سام تتعنّا الغوى
ممدوح برحي ساح يتكمّل جبوح=ينعم غريفه دام دنّا وارتو ى
عوض بن أحمد الهبيلي

[الفارس الهبيلي]

الله الله والله لما شفت الموضوع واطلعت عليه اعجبت به كثير ويعلم الله اني كنت افكر قبل شهرين ليش مليكون في المجلس ديوان لشاعرنا القدير شريف وكنت ناوي اسويه انا ولكن قلة خبرتي في التعامل مع الجهاز منعتني لكن سبقني ابو محمد الغالي وانا اشكره كل الشكر على جهوده واتمنى من ابو بلقيس يملا لنا الديوان قصايد قديم وجديد ولا يبخل علينا وتحياتي لكم جميعا المخلص لكم عبدالكريم الهبيلي

[شريف]

الله الله والله لما شفت الموضوع واطلعت عليه اعجبت به كثير ويعلم الله اني كنت افكر قبل شهرين ليش مليكون في المجلس ديوان لشاعرنا القدير شريف وكنت ناوي اسويه انا ولكن قلة خبرتي في التعامل مع الجهاز منعتني لكن سبقني ابو محمد الغالي وانا اشكره كل الشكر على جهوده واتمنى من ابو بلقيس يملا لنا الديوان قصايد قديم وجديد ولا يبخل علينا وتحياتي لكم جميعا المخلص لكم عبدالكريم الهبيلي

تسلم ياعبدالكريم ياغاالي ويسلم غاليك...
ولك الشكر على شعورك نحوي دائماً وأن شاءالله
أكون موّفق في أختياري لما يعجبكم دائماً وأكون عند
حسن الظن.. ويعلم الله بأنّ الآخ أبومحمد فاجأني بالموضوع
مع أنه لم يكون في بالي حالياً.. ولكن ونزولاً عند رغبته
سوف أكون معكم هنا ولك الشكر وللغالي أبومحمد ولكل
من يتابع قصائدي..
عوض الهبيلي

[شريف]

مرحبا بالجميع لقد أرسل الآخ والآستاذ الفاضل أبو مازن القاضي
قصيده موجهه لي وللآخ محبوش وأستجابة له فقد أكملت الردّ ولكن
اليكم أولاً قصيدة الآخ أبو مازن القاضي ::قال فيها
ياقادة الامه معانا رددو= هذا شعار الشعب كلٌن ردده
عاشت فلسطين العروبة ناشدوا= حرة ابية مستقلة ماجده
واتصالحوا واتحالفوا واتوحدو= كونوا امام الخصم يدٌاً واحده
وشاهدوا طفل الحجر واستشهدو= من ما يقدٌم من ملاحم خالده
الى متى في السلبية تتكايدو= الى متى ذا الوضع واحنا نشهده
اذا اردتم في الكتب تتخلدو= أمثال من تاريخنا قد خلٌده
من ما زرعتوا للامم با تحصدو= كلٌن وما قدٌم وما تذرا يده
مع قضيتنا اذا با تصمدو= القدس هاتاك الديار الصامده
لللاجئين في الديار اتشردو=لازم يعودوا كل من لا معمده
نادوا بتحرير البلاد اتأكدو=إن شعبكم معكم ونبض الأفئده
لاودكم في الذاكرة تتمجدو=كلن يفكر كيف با يبني غده
لا تسجدوا للبيت الابيض واسجدو=لله وحده سعد من قد وحٌده
انتو لها لكن نبا تتساعدو=على الكرامة حرٌها والبارده
في ملتقاكم في الرياض اتفقٌدو=كل القضايا العالقة والمسنده
وشيدوا مجد العروبة شيدو=تاريخنا على الكواهل سؤدده
سؤال ذي حير حضرنا والبدو=ومنٌه القادات شبه مقيده
هل نجحت امريكا بتحويل العدو؟=وهل وقعتوا في شباك المصيده؟
هل مسلمي ايران صح اتيهودو؟=وامريك واسرائيل قوم مجاهده؟
طهران عاثوا في العروبة وافسدو!!!=وحاربو لسلام حرب مشدده!!!
لأستراتيجية الحرب اوجدو=قوة حديثة بالعلوم مشيدة
صحيوا بوقت العرب ساروا يرقدو=ماحد يصحي قوم كانت راقده
احتلوا القدس الشريف وعربدو!!!=واغتالوا الدره وصابوا والده!!!
داسوا على قرآننا يوم الحدو!!!=واجروا علينا في المعامل أكسده!!!
وبوش والجيش الصليبي وحدو!!!=وابنا اليهودي بطٌلوا لليهوده!!!
ياقادة الاسلام بالله اسعدو=يهنا صلاح الدين يهنا مرقده
لا ذه سيوف الحق ذي قد جاهدو=فا اشلا لهذا السيف يرجع مغمده
في الما العكر يا قوم لاتتصيدو=ولا تظلٌوا في المياة الراكده
اعدائنا جيش { الصليب } اتفيدو=الارض والانسان { واهل المايده }
لا توقعونا في الضلالة واهتدو=من قبل ما للسيف كلن جرده
في وجه اخوه لأن الاخوه يفتدو=بعضاتهم بالروح هذه قاعده
واستنجدوا قوات فارس واسندو=قوات باكستان قوة زايده
وأنقرة وابناء جاوه واخمدو=فتنه متى ما الجنب يسند ساعده
هذاك رأيي في الأصايل والغدو=ما اغيٌره للنار حمرا واقده
به مقتنع با اشعر وبا اشدو به شدو=وبا تغنى به تِلا واتهجده
يا ابن الهبيلي لا انتهينا فابتدو=بالرد والمحبوش لازم يورده
وطفوا النار الكريهة واوقدو=نار الضيوف اللي لهبها صاعده
لن الكرم فيكم وغيري يشهدو=شبوة ويافع بالكرم متفرده
ولا هقيت الشعر هم من يقصدو=ويلقوا الابيات جند مجنده
الغوا وضيفوا او لرأيي عمٌدو=مقبول عندي من رفض او أيده
وازكى تحية من قبايل حايدو=كل الفتن لجل الاخا لانفقده
وفي الحظا قدها لهم وانعودو=يقودوا ابطال النضال المارده
للين والدولار ما ذي يعبدو=في ذا المجال تشوفهم متمرده
خولان في الجودات ما يترددو=يا جيش متسلح سيوف مهنده
وبعدهم لجيال ما يتبددو=قوة فريدة للنشاط مجدده
في الختم صلوا واشكروا واتحمدو=ورددو للقدس عاشت ماجده

((وهذا هو ردّي))
طلبت من ذهني هواجيس البدو=وجتني شياطين الهواجس مارده
اليوم يوم الشعر عندي وأقتدوا=قا يست ردّي بالمتر واليا رده
خدمه لأبومازن وكيده للعدو=ما با نخلّي شا رده أو و ارده
يشكي هموم الآمّه اللّي أوجدوا=فجوه كبيره في ديا نه وا حده
ضاعت حقوق الدين يوم أتباعدوا=وخلّوا ذراع الكفر تقوى ساعده
يا أمّة الآسلام قيسوا وأزهدوا=هل عاد برق الغيم يسبق راعده؟
وهل عادكم للفرض با تتساجدوا=أم تركعونه؟؟ دون أدنى فا ئده؟؟
وهل عاد بعد الصوم باتتعايدوا=أم صار عيد الغرب عاده سا يده؟؟
وهل عاد شهر الحج باتتوافدوا=أم تصبحوا مثل الضحيه سا جده ؟؟
وهل عاد طيرالصبح يفرح بالشدو=أم هي الغصون اللّي تشلّه جا حده؟
يا أمّة الآسلام هبّوا نا شدوا=في نصرة الآسلام كتله صا مده....
ما خابت الآقوام يوم أتساعدوا=ولا خاب من عايش لربّه عا بده..
أنسوا جيوش الغرب كيف أتواجدوا=هذا كلام أهل الفئا ت الكا يده
وهذا قدر لابد ما تتكا بدوا!!=قد قالها الرحمن أيه شا هده ..
فيها أمتحان المؤمنين اللّي غدوا=ما يتبعون أبليس لحظه عا مده !!
أنسوا مصالح لآجلها تتجا هدوا =وأ تذكّروا أن عاد بقعا نا جده..
ياقدس وين اللّي عليك تعاهدوا=وين الكلام اللّي هروجه ز ا يده؟؟
متى عسى بجيوشهم يتحاشدوا=متى عسى نفرح بنصرة قا يده؟؟
وهذا العراق الغرب فيه أتعاقدوا=وأترمّلت في الآرض كم من ما جده؟
يوم أشعلوا نار الفتن وتواردوا=الله يجعل نارهم متخامده..
يوم أستباحوا الدين هدّوا وأعتدوا=الله يقطع صلب شلّه فا سده ..
كانت لهم كابل ذريعه وأبتدوا=بتنفيذ خطّتهم بنبره حا قده !!
واليوم يا بيروت فيك أتمددّوا=والجرح ينزف مالقي له ضامده
وأمتدّ هذا الجرح يوم أتساندوا=ذوّب جبال الثلج تا ك الجا مده
وحوّطوا كل الحدود و سدّدوا=كل المنافذ والجسور الشا يده..
حيتان في بحر الخليج أتوالدوا=والبحر في وسطه محازي واجده
أسرار لو بانت عليكم تر مدوا=ولا عاد ينفع كحلها يا الرا مده !!
أتكاتفوا وتصا مدوا وتواعدوا =من قبل ما تصبح جثثكم ها مده.
نا ديت ياشعب العرب تتوا حدوا=ونعبر سوى منفذ حدوده وا عده
وناديت في دمج العروبه فاهتدوا=والنفس مابين الضلوع تر اوده
ناديت ياتونس تعالوا وأنشدوا=لحن العروبه وسط أوبرا عايده
ناديت ياالدوحه فلا تترددّوا=ذوقوا حلاوى السلطنه في المايده
ناديت يا أهل الرفاع أتجندّوا=وسط الفجيره جندكم في را يده..
ناديت ياشعب الكويت أتسعودوا=وتصبح رياض العز وسطك خالده
ناديت ياصنعا اليمن تترا فدوا=في عرس عمّان الحسين تسانده
ناديت في الصومال لاتتشردّوا=وأدعوا لبنغازي تجيكم فا رد ه
ناديت في السودان لاتتمرّدوا=أما كفاكم هي لكم كا الوالده ؟؟
ناديت في المغرب كفى تتحاسدوا=أما كفى باريس فيكم حا سده ؟؟
ناديت ياأرض الدمشق تصامدوا=والشئ مايعطيه ذي هو فا قده؟
وناديت يا أهل الجزائر تفتدوا=بغداد تصرخ في بلا د الرا فده
أيران باكستان وأهل الآوردوا=وبلا د سونامي الى الله حامده..
ياتركيا لاتصبحوا تتبا عدوا=وتتركون الغرب فيكم لا بده ..
يا قادة الآسلام هل با ترتدوا=وا قي يصون الدين يخسا صا يده
عندي أمل بالله فيكم تهتدوا =وتبدّ لون النار جنّه با رده؟؟؟
لاتغرسوا كذب السياسه تنصدوا=الكذب في الآسلام ثمره فاسده..
يارب عجّل بالفرج هدّ العدو=خا يف يعدّوني من أهل القاعده؟؟
عوض الهبيلي

[شريف]

ماكنت أقول أنّ الصبر فيه علّه =أثر الصبر طوّق على العنق زلاّت

ملّيت وأملاني الملل ألف زلّه = وماعاد أميّز بين سمعي والآصوات

يسوق لي كثر الصبر في النفس ذلّه=وأعز نفسي عن خطا الغير بسكات

يامن جرحت الروح والعمر كلّه=وين المشاعر وين ذ يـــك المراعات

موجوع صبري ملّ قد فاض خلّه=وقد ضاق صدري ماحمل من معانات

ياكيف يرجع خاطري في محلّه=وياكيف يرجع قبل تظهر علامات

وياكيف بشفي جرح قلبي وغلّه=وبعض العلاج يزوّد الجرح طعنات

ساكت ولالي من عنا الصمت دلّه=لكن أصون الدمّ في قلب مامات

أن جيت أدوّر في لظى الوقت ظلّه=لقيت ظلّي يحرق القلب ساعات

ولو جيت بشكي كثر همّي وقلّه= ماغير أفضفض للورق بعض الآبيات

الصبر وا جب لكن الناس علّه =والخلق تخطي لكن الصمت زلاّت

عوض الهبيلي

[شريف]

أنا أنسان وإحساسي يدفّي كل أحبابي= أنا من قال لآنفاسه تغنّي لآجل تطريبه

أنا الآحساس وزّعته وعندي غيره حسابي=يكفّّي كل من يوجد بأرض الله وأرضي به

أنا كّلي سحابة غيم أغطّّّي الخلق بسحابي=وأظلّل كُل من أطري على باله وأهلّي به

أنا ماقد جرحت الخلق أجامل لحظة عتابي=وأراضي كُل من يزعل وأضحّي لآجل ترحيبه

أنا اللّي مارضى فيني عدوّي قبل أصحابي=وأنا من حطّّ فوق الجرح كلمه تشفي اللّي به

أنا من قال للدنيا تعالي وأقري كتا بي=تحسّ غموض في سطري وحرفي صعب تركيبه

أنا في داخلي مغرور!!أفاخر بأخر أنسابي=ولكن مارضت نفسي غرور النفس مالي به

أنا اللّي ساهر ودمعي على الخدين ينسابي=سكبت بحور وعيوني اذا جا الليل تسري به

أنا اللّي أبتسم والحزن واقف لي على بابي=أحبّ الصدق وأتعامل معه في عزّ تكذيبه

وأنا ما حسّ بي الاّ أنين الجرح بثيا بي=وجرح بداخلي ينزف يفوق الوصف تعذ يبه
عــوض الهبيلي

[شريف]

أسقيت لي روحي وروحي تالفه=وبعد الضما والجوع عاشت من جديد
وملكتني وأطراف جسمي حالفه=حلالك تحرّكها على منته تريد
مادام في حبّي عروقك والفه=أقسمت أضخّ الدّم لعروقك يزيد
ومادام تعشقني ونفسي شافّه=حراام تمنع نفس حللّها المجيد
كم لي وأنا ترجّاك تنهي السالفه=كم قد جبرت شموع دربي لك تقيد
و ليه مترددّ عيونك خايفه=توكّل على الرحمن خلاّق العبيد
وش. خوّفك خلاّ دموعك ذارفه=لا تجعل العذّال منك تستفيد
ماشوف حد غيرك ونفسي عايفه=من كل خلق الله قريباً أ و بعيد
يامشتكي سيل الظروف الجارفه=أنهكت قلبي صار في نبضه وحيد
لاترهبك بعض الهروج الزايفه=لابد ماتفرج وينزاح الجليد
الاشوار في الدنيا غدت متخالفه=ومن شاور الشيطان شيطانه مريد
خلّك على شوري ونفسك عارفه=أني على عهدك ولايمكن أحيد
عندي أمل باللّي عيونه شايفه=يجمع هوانا واللقا يصبح أكيد
عوض الهبيلي

[شريف]

سألت النفس عن خاطر وعن كسره وعن ضمّه=وبسأل عن وجع شدّات فوق ضلوع ملمومه
سألت النفس عن فاعل وأداة النصب في كمّه=وبسأل عن صدى المجرور وسط ونّات مكتومه
سألت النفس عن فتحه تضمّ الجسم وتلمّه=صروف النحو تتعذّب سبب أفعال مسمومه
وانا بسأل عن الموصول وصلة الرحم يايمّه=عن الماضي عن الحاضر عن العرّاف ونجومه
انا بسأل عن الظالم وشرط الجزم في فمّه=عن المفعول من لامٍ تهدّ الشخص وعزومه
انا بسأل عن حروفٍ تعلّ القلب و تسمّه=عن الآمر عن الناهي عن الموصوف وسلومه
انا بسأل عن الآعراب عن التنوين عن همّه=وحرفٍ جرّ بأفعاله هوى التأنيث وسهومه
وخمس أفعال تتحرّك يلامس كفّها البصمّه=وعن واوٍ يتيمه في حنين العطف مغرومه
والضمير المستتر نايم ولا صحّاه حلمه=الله وأكبر ياالضمير اللّي تلذّذ في حلومه
لقيت أن البشر ساكن قواعد تخرم الذمّه=بني أدم بقايا حرف ولكن ضاع في نومه
ولاتنفع عسى ياليت يوم الحشر واللمّه=كٌلّن في خبر كانا وأداة الشرط محمومه
أنا فيني العروبه دمّ ولالي في هوى النمّه=أنا عربي على أي حال واذوق الستر بهدومه
سؤالي وش علا قتنا بكمّ أفعا ل مغتمّه=ومن لام العقل لا تا ه أنا والله ما لومه
ولكن أفهموا المعنى ومعنى الشاعر بدمّه=واذا حرفي فعل نا قص تركت الشعر وهمومه

[شريف]

هذه مساجله بيني وبين الآخ العزيز أحمد العزّاني
والبدع كان من الآخ أحمد العزّاني ::

يامرحبا حيًا الزعيم الهبيلي=مايمسي الماطر على الارض همًال
أحنا نرحب جم لا جا قبيلي=عادا تنا نر فع مقا ما ت لبطا ل
انا اشهد ان ابن الهبيلي أصيلي=تاريخهم يشهد على مر لجيال
الجيل لول ذي شهد له وجيلي=سجل مكارمهم بصفحات واسجال
بيحان معروفه وربي وكيلي=ماقلت غير الحق والحق ينقال
ماحد حكمها غير ذاك الهبيلي=معروف في حكمه وقوله ولفعال
والان ذا مدًي ووزني وكيلي=وانته ترى وافي وشاعر وكيال
ذا فصل والثاني ترى انهدً حيلي=من وقتنا لغبر ومن جور لحمال
ماحد تعب في غربته من مثيلي=والوقت يلعبها معي لعبة أطفال
لافكني فكًه ولا ا خلى سبيلي=ماغير حمًلني على جنبي اثقال
وانا ترى قد الحمول الثقيلي=والوعل لافضفض يفضفض للوعال
شفني سمعت ان الآمل مستحيلي=في ذا الزمن ذي يهدم افكار وامال
أحيان حمله فوق لكتاف ميلي=واحيان طول الوقت تلقاه ميال
ذا ياعوض ترحيب مني قليلي=والعفو من قصران في بعض الاقوال
وختمها ذكر النبي في مقيلي=مارددو عمًى وطه وا لا نفا ل

وكان لابد لي من جواب على هذا البدع الرائع ...
واليكم جوابي على الاخ احمد العزاني
حيًا براعي الجود والشرع النبيلي=ماسال وسط الحيد قطره وشلاًل
حيًا ملان الصين وامريكا وتشيلي=وما غرًد القمري على كل موًال
بالصاحب اللًي جاوز حدود الزميلي=وحطً له موقع سرى جهةالشمال
في القلب ساكن مالقينا له بديلي=غير العيون اللًي تحيطه بلسبال
عارف شروع القبيًله واحد صميلي=واهله على الجودات بانواع واشكال
الجيد يااحمد من نفع فيه الجميلي=والجيد من صفًا النوايا ولعمال
والجيد من يصبر وماجاله يشيلي=ويحمل على كتفه مثاقيل الجبال
توكل على الرحمن خلًه لك كفيلي=وانا معك يمناك في كل لحوال
ذا فصل والثاني عيا دمعي يسيلي=واقف وكوًن داخل العين تمثال
والعين متحف للقمر ونجوم ليلي=ولا يفتح المتحف لثالثهم مجال
من جورماقد شاف في الوقت الهزيلي=قد ذاب تمثاله على صدري وسال
حاولت أقيس الحرف ذي أشعل فتيلي=وانا معي رختر يقايس كل زلزال
لكن عجز حرفي وأعلنت الرحيلي=حتى قياسي ماقدر كثرت به أعطال
من جور هاجس حيًر الجسم النحيلي=راعيه قد هندًس وأكمل في الجمال
والختم صلى الله على طه الخليلي= وأزكى صلاتي له وتغشاهم الآل
عوض الهبيلي