مشاهدة النسخة كاملة : ديوان الشاعر القدير / عوض بن احمد الهبيـــــلي (( شـــــــــــريف ))
رغم الآلم والضيق من كثر الاوجاع=ورغم الدموع الثايره في هدوبي
والله أحبك حب يا زين الا طبا ع=وأذنبت في حبك ولا ظن أتوبي
رغم الجراح الماكنه باقصى النخاع=رغم العروق الساخنه في صلوبي
رغم الهموم المنهكه بين الاضلاع=أحييتني ..نسّيتني.. شدة كروبي
رغم السهر لي هدّ فكري بالصراع=رغم الرعود القاصفه في سحوبي
رغم الملل من كلّ لذّات المتاع=أنت شمسي وأنت لي لذّة غروبي
ورغم شوف الموت في بعض الاسواع=أنت الحياه الساريه في جنوبي
وبالرغم من كل التشتتّ والضياع=لقيت نفسي فيك يابلسم عطوبي
وأصبحت أنا ياسلوتي فيك ملتا ع=رغم الظروف القاتله في دروبي
أموت في حبك وممشاك في القاع=أنت أرضي وأنت لي لمعة شهوبي
سوّيت لك مابين ضلعِيني قلا ع=تسكن وتسري في بحر دمّي تذوبي
ماشفت مثلك في البشر مالك أنواع=تسوى بحبك داخلي عدّة قروبي
عيوني لشوفك يامنى نفسي جياع=وأخاف من ذا الجوع تشبع من ذنوبي
عوض الهبيلي
تعبت أسير بعالم الشكّ والظنّ=وأصبحت أمشي والقدم حايرنّه
دنيا غدت تزدان من كل الفتّن=والقلب لاهي عن فضايل تكنّه
وفكري مع دنيا المشاريه أيقّن=أنّ الدنيئه خيّبت حسن ظنّه
تخفي مصانع سُمّها داخل المنّ=وما ناقص الاّ ختمها فيه جنّه
وأقول ليت القلب يصحى ويفطّن=يقرأ كتاب الله من دون ونّه
يلقى به الكنز العظيم المبطّن=اللّي يزيل الشكّ والريب منّه
في سورة الآسراء ليته تمعّن=للوالدين الطاعه اللّي واجبنّه
لو كان برّ الوالدين يقاس بالطّن=ما كا ن دنيا قا دره تحملنّه!
الخير تحت أقدامهم حيث يخطّن=ولو كانت جثثهم بداخل مجنّه
أجعل كفوفك دايم الدوم يرعّن=وأترك عيونك صوبهم ساهرنّه
وأخفض جناح الذّل من أجل يرخّن=للوالدين و طيعهم دون منّه
من طاعهم وأنصح اليهم وأحسن=يبشر جزا الآحسان مثله وثنّه
ومن عاقهم يصبح مثل أبرة الشّن=وأعظم ذنوبه في الكبائر يجنّه
من كان فيه البِرّ لا عاد يحزن=الله يشيل الذنب. ويمحيه عنّه
عوض الهبيلي
امير بيحان
23-09-2007, 07:57 PM
صح لسانك وبارك فيك
ووفقك الله لما يحبه ويرضاه
صح لسانك وبارك فيك
ووفقك الله لما يحبه ويرضاه
أمييييييييير بيحــــــــــــــان مررررررره واحــــده ؟؟؟
عموماً تسلم أخي الكريم وربنا يخلّيك وصح الله بدنك
وأتمنى أن تكون القصائد نالت على أستحسانك..
وألف شكر على مرورك الكريم وتعقيبك الجميل وكل
عام وأنت بألف خير .. وموّفق يا طيّب...
شريف
صرت أنا والضيق وأنفاس الليالي=الدمع كنًه جدًنا واحنا جماعه
حديثه الونًات وعيونه مقالي=وأحسً كنً النار بأنفاسه وداعه
يشبً ضوًه نار بالعبرات عالي=وترتاح بس نفوسنا لو ربع ساعه
في كل عبره شجَها زاحت جبالي=وزاح ضيق الصدر في ليلة ضياعه
نسمع حديث الدمع مانترك مجالي =نبحر معه في صمت نتوَسد شراعه
يمنع سوالفنا الخجل من دمع غالي=وكلَنا آ ذان نصغي لاستماعه
ولامتى؟ يادمع وعيونك دوى لي=أرهقت نفسك لاجل تمنحني النفاعه
ضحَيت من أجلي وشلاَلك همالي=وفرَجت همَي جعل تغشاك الشفاعه
يادمع. لو جفَيت من يرثي لحالي؟=ومن يخفَف داخل القلب ألتياعه؟
ومن يسلَي الضيق في ليلي تسالي؟=وانته لجسمي مثل جرعات المناعه
يادمع .لاتترك عيوني والسبالي=خايف خيالي مايصل لحظة متاعه
العقل كم قد عاش تفكيره خيالي=ولافادته الاحلام. خلاَها قناعه!!
ماقد درى بالكذب مقطوع الحبالي=يمكن خياله في السما صدَق طباعه
يضحك على الواقع وكذبه مايبالي=ولايكتفي.!! حطّ الكواكب له رباعه
وانا خيالي مايحسَ بما جرى لي=كل ما تخيَل خاطري أصبح أشاعه
والواقع أصبح دمع لكنَه ظلالي=صادق وأنا قد قلت له سمعاً وطاعه
صارت فصولي الاربعه تهوى القتالي=والنفس مافيها على الحرب أستطاعه
يادمع. أنا والضيق وأنفاس الليالي=نعشق حديثك يوم خلاَنا جماعه
عوض الهبيلي
لو طرى للوقت طاري يبعدك عنّي سنين=ماقدر ياخذك من قلبي وأنتي تسكنينه
هذا قلبي بين يدينك من شمال ومن يمين=ناظريه بعين قلبك تلقي أنك تجرحينه
أجرحيه!!! ولو بغيتي خلّي عروقه تبين=أدري أنك مهما سويتي بقلبي تعشقينه
وأدري أنك لو طلعتي من بحوري تغرقين=تخنق الآنفاس صدرك خايفه لا تفقدينه
أتركي حبل التواصل بيننا......لا تمنعين!!=خايف أنك لو منعتي الوصل قلبي تعقدِينه
ما أسرني غير صوتك وكل كلمه تكتبين=وماذبحني غير لمسك!كيف عنّي تسترينه؟
كان قصدي تهمسي لي كل ساع وكل حين=وماكتبته من قصيدي كان قصدي تسمعينه
وكان قصدي أدري أنك تأكلين وتشربين=وأدري أني في منامك طيف دايم تحلمينه
كان ودّي أسمعك غنوه على الناي الحزين=دا مها أوتار جسمي تعشق أنك تعزفينه!!
ماني أوّل من يفارق وماني أوّل من يلين=بس خايف تفقديني... وتندبي الحظ وسنينه
أرجعي لي وأبشري بالفرصه اللّي تحترين=قبل ماياخذك غيري.. وتندمين وتلعنينه
بحضنك بعروق قلبي وأبعدك عن كل عين=وبرسل الدمعه تزورك.. وأخطفيها لك رهينه
ولو رهنتّي فاوضيني وأطلبي ما تشتهين=ما سجنتك وسط قلبي0 الاّ ودّي تطلبينه
وأتركي دمعي رهينه مثل مانا لك سجين=وأوعدك مافكّ قيدك دام دمعي تحضنينه
ودام لبسك للقضيه ما لمس دنيا ودين=فلا تخا في! دام قلبي وحده اللّي تذ بحينه
ودام هذا الحكم بيدي ف أدّعي ماتدّعين=مايهمك!! سامحن لك كل مرّه تطعنينه
ودامني عندك محامي وأنتي عندي تلتجين=فلا تخا في! لو تكوني مثل ريّا أو سكينه
ودام وأثبات القضايا في شهود وبصمتين=هذا كفّي .. سامحن لك لو بغيتي تشهدِِينه
أقطعي أربع أصابع تشهد أني لك رهين=وأقطعي الآبهاام لك في أي لحظه تبصمينه
واطمئني لو بغيتي كل ما حولك يزين=وكّلي الرحمن فيني.. وأبشري باللّي تبينه
الله اللّي عالم النيّات واللّي تستكين=مايضيّع قلب مؤمن دام وأحنا طالبينه
بختصرجملة كلامي وأشرحه في كلمتين=يا تشدّي الحبل حولي أو دخيلك تقطعينه!!
ولاتخافي لو بقى من نبض قلبي دقتين=أطمئنّي داام هذا الحب في (أيدي أمينه).
عوض الهبيلي
امير بيحان
26-09-2007, 08:23 PM
أمييييييييير بيحــــــــــــــان مررررررره واحــــده ؟؟؟
عموماً تسلم أخي الكريم وربنا يخلّيك وصح الله بدنك
وأتمنى أن تكون القصائد نالت على أستحسانك..
وألف شكر على مرورك الكريم وتعقيبك الجميل وكل
عام وأنت بألف خير .. وموّفق يا طيّب...
شريف
اولا: امير بيحان هو عمي وسيدي وتاجي راسي
ثانيا ما الومك على اسلوب تهكمك بس من حقي اسجل باي اسم احبه
ثالثا : لا تنسى انك تكتب في واحه من واحات الحرية والديمقراطية !! ولا مه ياخبير !!
رابعا : تحياتي لك والله يوفقك يا بو حمد
اولا: امير بيحان هو عمي وسيدي وتاجي راسي
ثانيا ما الومك على اسلوب تهكمك بس من حقي اسجل باي اسم احبه
ثالثا : لا تنسى انك تكتب في واحه من واحات الحرية والديمقراطية !! ولا مه ياخبير !!
رابعا : تحياتي لك والله يوفقك يا بو حمد
على رسلك علي ياأمير بيحاان يعلم الله والله شاهد
بأنني لاأقصد كما فهمت التهكّم أو السخريه وهذا ليس
من طبعي ولله الحمد .. وبالعكس من أختيارك للآسم عرفت
بأنك من أولاده وهذا شرف لنا جميعاً بأن نفتخر به...
فكما هو عمّك فهو عمّي أيضاً وكما قلت سيدنا وتاج رؤوسنا
وربنا يطيل في عمره...
ولكن الظاهر انك فهمت ردّي بتلك الطريقه خطأ... وأنما أنا كنت
أعبّر عن أستغراب فقط... وردّك يدل على انك أمير فعلاً ...
وعموماً تسلم مره أخرى ياخبير...بسّ كلمة (مه ياخبير) حقك أحنا
مانقولها ههههههههههههه.... تحياااااااتي لك وخل صدرك وسيع...
شريف
امير بيحان
27-09-2007, 08:33 PM
هذا طبعك واحنا من ربعك
خذ راحتك اخوي والله يسعد ايامك عزيز وغالي يا بو حمد
هذا طبعك واحنا من ربعك
خذ راحتك اخوي والله يسعد ايامك عزيز وغالي يا بو حمد
هذا من ذوقك ياطيّب سلمت ولاهنت..
نوى يسر ي وقلبي له مخاوي=ترك في الكبد من مسراه فجوه
لهيب النار شبّت في الحشاوي=وأحسّ الدمّ تجري فيه نشوه
يهز القلب موزون الخطاوي=يزيد النبض له في كل خطوه
نديم الروح في رمشه مكاوي=خدوده تشتعل من زود سحوه
توا دعنا ودمع الليل ضاوي=و لا ذ اقت عيوني منه غفوه
ألا ياليل خلّ الزين يا وي=بغير الشوف مالي فيه شهوه
ولو ملفاه مرهون برشاوي=ورب البيت لدفع ألف رشوه
هوانا سمح مايشبيه لاوي=ولا تلوي دروبه كل نزوه
وحاشا القلب ماينوي المساوي=حلف للزين يحذر كل هفوه
طريح الفرش ماحد لي مداوي=سوى جمعة خليلي وسط خلوه
ولا ظني على الهجران قاوي=فراق الزين عاالمشتاق بلوه
عوض الهبيلي
جيـت بسـأل لـيـه أنــا مـوعـود بالـهـمّ= تسـري سهومـه فـي عظـامـي سـامّـه
كـنّـي أنــا ويّــاه فيـنـا الــروح تنـضـمّ=داخـل جسـد واحـد غصـب متـلامّــه
عايـش معـي كاتـم علـى جــرّ النـسـمّ=وأضحـت سمانـا فـي سحبـهـا غايـمـه
سألت نفسي هل وصل لاصفحة الـدمّ؟=قالـت: همومـك فـي عـروقـك هاجـمـه
تسعى بنبض القلب لك من غير محرم=وصارت شعايرها بدمّك عايمه
وش.فايـده؟ يانفـس وهـذا الـهـمّ أهـيّـم=لـوّث خلايـا الــدمّ فــوق الـبـلازمــه
لابـد نلـقـى حــلّ لــه فــي أي معـجـم=مـن قبـل ماتصـبـح عـروقـي وارمــه
هتـفـت فــي هـمّـي و لا ظـنّـه بمهـتّـم=ولا ظــنّ يوحيـنـي ولا نــي هــامّــه
وجيت برسـل عبرتـي لـه دمعـي ألتّـم=حتـى البكـا وسـط المحاجـر حاجـمـه
وأرسلت له من خاطري بعـض النغـم=يمـكـن يـغـنّـي لـــه قـصـيـده هـايـمـه
وأرسلـت لـه قوسيـن فـي سُـم السهـم=يمـكـن سهـومـه تعـتـذر لـــي نـادمــه
وأرسلـت مـن مخّـي أشـارات العجّـم=يمـكـن أشـاراتـي مـعــه مـتـفـاهـمــه
لـكـن أسَــف راحــت تعابـيـري عــدم=وصارت همومـي فـي فـوادي جاثمـه
متى؟ عسى يا نفـس هـذا الجسـم ينعـم=قالـت أسَــف عـنـدك منـاعـه صايـمـه
أو هـو قـدر مكـتـوب لــك والله يعـلـم=أنــه كـتـب هـمّـك بحلـفـه جــازمـــه
ومــن يــوم أنــا أمـنــت أنّ الله قـسّــم=عـرفــت أنّ الــهــمّ نـعـمــه دايــمــه
أثــره يعلّمـنـي وأنـــا مـاكـنـت أعـلــم=أنّ الـمـوا جــع فــي فــوادي سـالـمـه
علّمنـي الواقـع وأنـا قــد كـنـت أحـلـم=وعلّـمـنـي أقـــوال الـعـلـوم الغـانـمـه
وعلّمني أنّ الصبر يدمـح لحظـة الـذمّ=وعلّـم ضميـري يـرحـم الـلّـي ظالـمـه
وعلّمني أحـذر وأنتبـه وأحتـاط وأنـدم=لآنّ الخطـايـا مــن هـوانـا نـــاجـمــه
ياهـمّ لا تهـتـم ومــا مـنّـي طلبـتـه تــمّ=أنــا حليـفـك فـــي اللـيـالـي الـقـادمـه
أجرح!على كيفك معي بالكيـف والكـمّ=أصــلاً أنــا دونـــك مـالــي لازمـــه
ولا لـي سـوى ياهـمّ غيـر القـول سـمّ=أمــر تـدلّـل ودعـوتـي لــك عــامّـــه
أسكـن بعينـي لـك تـرى العيـن تـكـرم=وتصبـح لـك الآجفـان عـنـدك خـادمـه
ومن لامني في الهمّ يجي له يوم يفهـمّ=ولــو مــا فـهـم خـلّـوه مـانـي لايـمــه
خلّـوه يجـري فـي عروقـه كـمـا الـيّـم=ولا توقـظـوا الفتـنـه تـروهـا نــايـمـه
عوض الهبيلي
لا تمنّيني على وهم وخيال= لك حياتي ترتجف أكبر دليل
كل يومٍ لك معي حالٍ وحال=ساع تذكرني وساعه لي تكيل
الصبر في الحب مافيه أحتمال= يجرح المشتاق لو فارق خليل
أن كان وصلك عندنا صعب المنال= أعتذر.. والعذر عندي له سبيل
وأن كان حبّي صوبكم ماله مجال=الله يسهّل دربكم بالتساهيل
أنا وعدتك والوعد عندي عدال=غير زولك في خيالي مايميل
عوض الهبيلي
وراك يامحبوب مكّنت القيود=وألويت قيدك في جروحي الداميه
وراك تخلف لي مواثيق العهود=وعهد الحبايب جمر ناره حاميه
وراك تغدر بي مثل عاد وثمود=ولاخفت ظلمك يخسفك في الهاويه
وراك تضميني برشفات النهود=ولا قلت باتروي العروق الضاميه
وراك تسري فوق هامات النجود=خلّ الكبر لآهل العقول الغاويه
أسهرتني وأسهنت قلبي ياعنود=وراك ترحل للديار ا لخاليه
نامت عيون الخلق واعياني قهود=تمسي المدامع في الليالي ضاويه
ذكرك على قلبي كما نسمة برود=لولاك ماخضت الحروب الباليه
حبست حبك ذاب في دمّ الكبود=أنا اشهد أنّ رموش عينك راميه
أسرتني يازين من بدّ الجنود=سجنتني و قيود سجنك حاليه
هزّيت عرش القلب في لحظة صدود=واتناثرت منّي حروف القافيه
وأدميت فكري والهواجس لي شهود=وابيات شعري لك مباني عاليه
يارثوتي للقلب ذي يمسي شرود=تصبح شرايينه دماها لاضيه
مفتون في حبّك وفي لمس الجعود=مفتون برياق الشفاه الصافيه
الراس فيني شاب من كثر الرعود=في ذمتي حتى سلوكه طافيه
قدهو مثل مكتوب من عهد الجدود=كان الوجع في الراس وين العافيه؟
ياللآسف.. مازلت في نفسي تحود=المشكله..!! كلّي مشاعر دافيه
عوض الهبيلي
وش حاجتك ياخل في الحب تجفيني؟=أدميت قلبي فوق تجريح العيون
وضّحت لك حبّي على صفحة جبيني=واضح وضوح الدمع في رمش الجفون
وأدّيت لك روحي وسيتك نون عيني=لا سامحك يا زين خيــّبت الظنون
كنــّك على تجريح خلّك تستهيني=هل مادريت أنّ الـمحبّ لازم يصون؟
دفــّنت حبـّات الهوى بينــك وبيني=والزرع دو ن سقاه لا يمكن يكون
مافادك المعروف في عشرة سنيني=مسرع هدمت الحب في لحظة جنون
ما عاد با طرّيــك ولا ودّي تطرّ يـني=ما دامـك أتنـكّرت وأذبلت الغصون
لـنته ولا مـثلك ولا غـيرك يسيني=بنساك واطوي الحب في بطن الكفون
أقدر على التجريح بحلف لك يميني=لـكن أصيل الطبع في طبعه حنون
لا الحقد من طبعي ولا عمره يجـيني=قدري وصل لا فوق غيمات المزون
بلقى سوى حـبـّك يقـدّر لي حنيني=بقعا ملانه طيب من عطر الدخون
عوض الهبيلي
الشريف N
18-10-2007, 06:47 PM
بالفعل احســــــــا س شاعر وليس غريب عليك فهذا الشبل من ذاك الاسد ..... بالتوفيق
بالفعل احســــــــا س شاعر وليس غريب عليك فهذا الشبل من ذاك الاسد ..... بالتوفيق
الشريف N حيّاك الله ياطيّب وأتشرّف بمتابعتك
ومشاعرك الجميله والصادقه فلك كل الشكر والتقدير..
شريف
عفواً للتأخير وسوف أعود اليكم لطرح باقي
القصائد ولكم الشكر ....
وهذه من قصائدي السياسيه ولكن بطريقتي
الخاصه أتمنى أن تعجبكم ...
لا تسألوني عن بحور الشعـر وأنهـاره= ولا تنشدوني فيه؟ مدري فيه كمّ قطـره؟
أغوص في بحر الهواجس وأوزن أوتاره=و لاسألت البحر عن سيله وعـن نهـره
من باطن الهاجس أفكّ الحرف وأسـراره=وأفكّ شفـرات الطلاسـم للمـلأ جهـره
وأبروِز المعنـى وأعلّـق حبـل أفكـاره=على جدار الشعر. أصير وسام في صدره
أنا تركت اللـول والآصـداف محتـاره=وأنا تركت الحـوت والآسمـاك منبهـره
محتار من شعري رماد الجمر في نـاره=ولادرى؟ هل هو خرج من نار أو جمره؟
فلا تسألوني كم بحور أجتاحـت أشعـاره=ما همّني!! مادمت أنا شاعر على الفطره
وماهمّني!! مـن قـال أنّ الآرض دوّاره=دام الفلك يشهد بنـور الشمـس والقمـره
أنّي أنا شاعر أقيـس الحـرف وأمتـاره=وأجمّع البيتين.. وأقسمهـا علـى عشـره
عندي لكم كوكـب رحـل خـلاّ مـداره=من يسنده؟ مسكين حاول. وأنكسر ظهـره
وكوكب ينادي في الفضا ضيّـع مسـاره=وأخوانه العشرين ماحد هـمّ فـي أمـره
والخصم واحد للآسَف مخمور في بـاره=والظاهر أنّه قد سقاهم كاس مـن خمـره
كوكب مع كوكـب وكـلاً دقّ مسمـاره=وناحت مجرّاته.. وكلاً قد صدع جـدره
ياكوكبيـن النـور شعّـي كـل أنـواره=وهاتي مساريج الدجا. تحرس على فجره
أيّاش أعني وأسمعي المضمـون ياجـاره=من بعد نظره واحده .. ودّي معش سمره
أشكي عليش النفس وليه النفـس أمّـاره؟=وليه سوء النفس واقف كالحجـر عثـره؟
أرجوش ياجاره تنادي الجـار مـن داره=ولاتخاافي!! الجار عاف الحُب من نظره
ماعـاد ياجـاره تكفّـي نظرتـه شـاره=مسكين ؟ أصبح في عيونه جزء من شَعَرَه
جيت أنسج الدمعات لـش أبلـغ عبـاره=فلا تتركين الخصم يتلـذّذ علـى العَبـره
ودّي أطـوّل هاجسـي لكـن؟ خسـاره=مُتّ من صمت الكواكب مُـتّ بالحسـره
فلا تسألوني عن قياس الحـرف وأمتـاره=أخاف أقسم الشطرين وما تقبل على عشره
عوض بن أحمد الهبيلي
ياهاجسي دوِّن وعلِّق له قوافي=وأحذر يسيل الحبر من نبعك يجفِِه
سطَّر له الكلمات موزونه رهافي=وارسم بحرفك روعة أخلاقه وعفِِه
وقل له عسى ماصار في قلبه خلافي=هل عاد يذكر في الهوى حمله وخفِه
وهل عاد يذكر يوم ضمَّيت الكفافي=أو قد نسي ذاك الحنان اللَي يلفِه
غايب وصار الكون من عقباه طافي=والاعيان ماتبصر قفا نوره مكفِه
جيته أطفَي شوقه اللَي كان دافي=ولمَا لمسته زاد شوقي . قلت طفِه
جيته أخففَ خوف في أحشاه خافي=وأقول له ما قد نقص في الحب وفِه
وجيته أهوَن فزعة الجنس اللطافي=وفيني هوى عذري وصافي من مهفِه
صفَى لي النيَه ونفسه تعشق أوصافي=ولقيت نفسي واقفه في وسط صفَه
همس لي وقال أنَه عشق حرفي وقافي=وأنا قلت له يفداك هذا الشعر قفِه
ويحلف ويقسم بالذي شاف الخوافي=أنَّي ملـكتـه رغـم عـن عيـنه وأنـفه
مدَيت له كفَي يلامس كفَـه الشافي=وحسَيت قلبي يرتعش في وسط كـفَه
سكبت له من كاس حبَّي شهد صافي=وقـلـت له داخـل عـروقـك هاك نـفِه
له نهر في جسمي وله عدَة مرافي=وهو سكبني نهر واصل حدَّ كتفه
بنيت له مرسى تعلاَّ فــوق الاكتافي=داخل بحر الاعيان له شاطي وضفِه
واللَي جمع قلبين بشهود الزفافي=أنّ القلــوب أتوالفـت من غيـر لـفِه
شوفه دوى للنفس وخدوده مشافي=وقربه مناعه للجسم من كـل قـفِـه
شفـّـي وصل حدَّه ولا قد قال كافي=وهو يقول أنّي عبرت حــدود شَفِه
قارنت هذا الكون به في كيل وافي=وثقلت على كفَي موازينه بكفِه
طرفي هجر نومه ولذَات الغوافي=من يوم شاف السحر في عينه وشِفِه
لكن قدرنا صا ر في الاعوام جافي=و لا قـدر ينزاح!! ولو حتّى بدفِـه
كم ياسنين العمر أثقلتي الخفافي=وصرنا قضيه للزمن داخل ملفِه
يا بهجة الدنيا و ناسي لاتخافي=ما دام عاد الرمش يتهنَى برفِه
وياهاجسي دوِّن وعلِّق له قوافي=وأرسم بحرفك روعة أخلاقه وعفِه
( عوض الهبيلي )
vBulletin® v3.8.5, Copyright ©2000-2010, Jelsoft Enterprises Ltd.