بدع وجواب بين ابوصنعاء والهروجي حسب طلب اخي وليد المصري

الكاتب : أبو صنعاء   المشاهدات : 1,894   الردود : 26    ‏2005-03-29
      مشاركة رقم : 1    ‏2005-03-29
  1. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    [poem=font="Simplified Arabic,5,black,bold,italic" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black"]
    اخواني الكرام هذا البدع مرسل الى الشاعر احمد الهروجي ونزلت في شريط
    في مدينة ذمار في تسجيلات الكوماني وهذ الوجه الثاني من الشريط واتمنا من
    الاخ وليد ان ينزل الاوجه الاول
    ==
    الزمــــري قال متسلح برشـــاشي" " لا جاء لي الخصــم بادكه بذا الرشـــاش

    ماهم ابن الهروجي وخـوته ماشي" " بــوقف لهـــم كلهـــم والله ما بنحـــاش

    سيفي معيا بقطعه سـم للحنــاشي " " ومن يحـــد من طريقه مششــه مشاش

    بقبض عليهــم بيدي اقص لرياشي" " ربطه وعقــده وباســـوي لهــم كلبــاش

    قالو لك احــمد وقلن فوق لرما شي " "حياء وسهلا على راسي وفـــوق الشاش

    بذبح له الضمد وذبح خيرة اكباشي" " والقات بانحضره من عنــد بن متـــاش

    وهديه من عطر أصلي ماركة كاشي " " مخصوص له بانرشرش غترته رشراش

    وبداء كلامي معه سـيره وهــراشي" " كـلام مــثل درر ومبنقــشـــه بنــقـــاش

    ونقش الأمر في سمـره ودرداشي" " ومأ بيخفــيه يظهـــر ساعة الـــدرداش

    مهما يراوغ معـياء مابيُخفــــا شي " " بخبرتي بعـــرف الصادق من البجـاش

    وبانصحه ون رفضها طاش ماطاشي" " بعد الناصيحه يقع له بالحـجر فقـاش

    بادق راســه وبايمسي بلنعـــــاشـي" " بايلحق اخوه ذي في غــرفة الانعاش

    من واجهه الزمـري بنصاب بالخاشي " " وصابه السل وايمسي عشــاء النباش

    ماحد يـروح سلم من طعــن لنمـــاشي " " والصقر مابايهمه طــــائر الخفـــاش

    وفصل ثاني تقـــول عن جيلنا الـناشي " " جيل الكره مايساوي جيلنا بريــاش

    من صدق تحكي ترى ما الصدق معا شي" " من يسمعك با يقول العقل منك طاش

    ويش صاب عقلك ام اعيانك بها عماشي " " ركب مباصر وسوي للعيون أفلاش

    مــــاذا ورثناه ذا مــــرشي وذا راشـــي " " ونتو السبب يوم سمو جيلكم دحباش

    نصحـــتي قــــط ع المـــاضي بكلمــاشي" " مافـــيش داعي نسوي للملف فتـاش

    وفتح ملف المرض ذي في اليمن فـــاشي" " الثــار لعنه علينا من زمن لحبــاش

    نبقى مخــــوه ولا حــــرشـه وحــــراشي" " ونـــدفن اللي مضى ماعــد له بخــاش

    وننبـــذ العــنف ولا بانسـمـــع الــواشــي " "ما يطلب الرمز قلنا عاش ابوحمدعاش

    ويافـــع معا الرمز في القريـه ومجـــراشي" " من حيد حليان لا طارفة بن هشـــاش

    والعُــــرب وصاحبي ضاعــــون ببـــلاشي " " باعون لنفس لأمريكه كذا ببــــلاش

    وتفرقــــو وصبحــو عشــــرين نتـــــاشي" "وبن اليهودي يدوس القدس في لكواش

    ورض العراق احرقـو المجـول ولقمــاشي" " داسو الكرامات وسو للحياء خـــداش

    ماحــد تنكر وكــــلا خـــــاف ونحـــــاشي " " قالــون ماسيش يمريكه بنا يهـــناش

    ولا هناء مبنـــائي اتخـتــــم ولحـــــواشي " " بنيت داري حجر زرقاء من المنقــاش

    أرسلت لبـن الهــــروجي حب جهــــاشي " " نقيت له حب صافي من سبول إجهاش

    ونته عســى ماتجيب لي حب نخـــــاشي " " ومقــابل الســدر با ترسل لنا لخــــواش

    وحــــذرترجـــــع لنــا دفشــه ودفاشــــي " " ولا تقـــول ان قــد ابن الزمري حشاش

    صلو على المصطفى ماالعــين رمـــاشي " " وما تطير الطيـــور وروحـــه لعشـاش

    صــــلاه ما لبــــدر بيضــــوي ويتـــــلاشي" " وعد مالنوب تجني زهر من الأحراش
    ==
    [poem=font="Simplified Arabic,5,black,bold,italic" bkcolor="transparent" bkimage="backgrounds/18.gif" border="none,4,gray" type=0 line=0 align=center use=ex num="0,black"]
    هذا جواب الهروجي مع ملحظه وهيا انه عكس الجواب

    حيث وظع الصدر مكان العجز والعكس
    ورغم تبلغه في هذا حين ما عرضت عليا القصيده في النت
    ولكن للاسف سجلت وهي معكوسه

    ===يا رب تسبل علين ثوبك الكماش ** وتنصر الحق واشغل كل غشاشي
    الحمد لك ما يلوح البارق الرماش** وما يصب المطر والرعد رجاشي
    وامست سيوله تهيش للحدود هياش** ويصبح الزرع يتفندش تفنداشي
    ذكر النبى ذي يرشرش للكبد رشاراش** ويشفي القلب من بعد التوناشي
    صلوا عدد ما السحايب هنطشت هنطاش** وتروي الارض من بعد التعطاشي
    يقول ابو سهم با انش الفراش نشناش**ماشي غرض لاكتليك السم وفلاشي
    حتي ولو شفت خصمي يكثر القشقاش** با اسطر عليه في المجله حكم قشاشي
    يا مرحبا املاء المشارق لا بني عياش** ومن مهاشم دهم لا بيت كنداشي
    ومن تعز العزيزة لابني بـــداش** ومن كرش لاجبل شمـــروخ وخبـــاشي
    الفين يا مرحبا با لدش والدشداش** والدردشه والسياسه والتديباشي
    يا ضيف ترحب علي ثرب الكباش دغاش** وفي المقالي عسل صاف ومهراشي
    با افرش الارض بالورد الندي فراش** وازهم عربسات يرسلها في الادشاشي
    ولاقد اوفي قراة اعصر له النواش*** واخيشه داخل الزنبيل خياشي
    والطشه في الصوابر بالكفوف لطاش** واقص من نوعته قدة لطراشي
    واقرش اللحم حق الزمرى قراش** واقسمه للحنيذ اعشار واحداشي
    لاما تراجع من الهستار والقشاش** يعلن من الهوجسه والشعر فناشي
    ما تدروا الاوقد في الزمري قشاش** من بعد كثر المهاري والتبهشاشي
    ما دام برقط عصيدة با اكسر المحواش** في قنحته وامشع اكبادة بمهباشي
    لطمه نمر با تفرطش ناهد فرطاش** با لضربه القاضيه تقضي علي الحاشي
    اما انت يا زمري ما تودي الحواش** ما عاد صنوي محمد زاد بقاشي
    اعطاك معشر قصير احلا من الخشخاش** لكن وين انت يوم قسام الامشاشي
    ما شفت في راسك الا ذبذبه وشواش** تارة مدوخ وتارة في تبر غاشي
    يا شاعر الشعر مثل الصيد في المدهاش** كلامه الغاز واحكامة من اقوى |شي
    للاخذ والرد والعقاد والنداش** والتضحيه والصيانه والتبلاشي
    والزمرى حرك المطحن ويا جشواش** وفي وادى الشعر يتقهش تقهاشي
    وارسل لنا شعر لا يعتاش ولايقتاش لكن قد با نجوب خير من ماشي **
    ولا فما شي معلم يشتغلا فراش** الناس با يسالوني كيف مطراشي
    مسكين ذى غرته قوارة الطنفاش** يصبح يدغش غبار الجو دغاشي
    هواجسه وسط بطنه وبشه وباش** مثل الحواقن تبا براح وقواشي
    يا أحوش العين حق الزمري حواش** ما تدوروا إلا وهو يجزع تهماشي
    والحاج دحباش قد عوش وفيها عاش** ولا قبل لا بريطاني ولا شي
    عينك على قرطلة ذي زادت الوشواش** وخلفة لي سرايا كلها اوباشي
    وزادت المغنجة والطيش والطناشي ** ودربت قافلة ثرثار وفشفاشي
    والثار من عندنا قد غادر الوناش** وأنتو دخلتوا فا أسوق التمقداشي
    قالوا لقفتوه بالبخار والفراشي** أظن يا زمري ما عاد تخزاشي
    أما العرب قد كنايتهم تعد أبواش** ما عاد حد من عقوبة خالقة خاشي
    أشوف من قابلة بالمنظر البشاش ** وهو يغالط وينولة تخيواشي
    معزتة فوقهم كوشت كواش** ولا حدا طاق يتميل وينحاشي
    وكل واحد على الثاني يسي حراش** وبينهم بين موداشي بموداشي
    أما اليهودي ولا حد نكشة نكاش ** لو سل سيفة وتم الكل قشواشي
    وكم معان جنود للحشد والجياش** ضد الرعايا تشوف اقصى تويحاشي
    وإن شي شعوب ضايقت حاكم على الهباش** يرجع يقبل ويركب له معا الماشي
    حب المناصب قفطهم عقلة المقماش ** وبنك دولي يتم الكل قلحاشي
    أرهق بلاد العرب بالطفش والطفاش** حتى تسيطر على قطاع الأفياشي
    ومجلس الأمن للغطاي والجرماش** ضد العروبة يخلى ظهرها واشي
    يفرض على المسلمين الحظر والفرتاش** وحرب شعواء قفا مخنق وكماشي
    كوفي عنان المسن القاتل الرهاش** لجرجبوش خربش البلدان خرباشي
    معناه لولا مريكا كان هو ما عاش** ولا غزا شي ولا أخذ شي ولا أدا |شي
    شفتة على ما يحوشة جرجبوش يحتاش** هذا الذي بين أنه لاش في لاشي
    واهل العراق كدشوا باعراضهم كداش** قد كان صدام خلاهم من ارقى |شي
    وهم بشن الدعايا فرششوا فرشاش** وزرعوا الشر للمرضع وللناشي
    لو استمروا مع صدام في المحشاش** كان استراحوا وشلوها في الاغباشي
    والختم صلوا على من نور وجهه فاش** ذي هطشة في بساط النور هطاشي


    مع تحيات اخوكم ابوصنعاء
     
  2.   مشاركة رقم : 2    ‏2005-03-29
  3. قلب الأسد

    قلب الأسد عضو متميّز

    التسجيل :
    ‏2004-11-21
    المشاركات:
    1,327
    الإعجاب :
    0
    ماشاء الله
    قصائد قويه جدا من الشاعر ابو صنعاء والشاعر الهروجي هذا اذا دل فانما يدل على تمكن الشاعرين من قدرتهما الفائقه في مجال الشعر الشعبي .
    صح الله لساني الشاعرين والى الامام ومزيد من الابداعات الشعريه .
    تحياتي لكما.
     
  4.   مشاركة رقم : 3    ‏2005-03-29
  5. شريف

    شريف شاعر شعبي

    التسجيل :
    ‏2004-05-15
    المشاركات:
    3,193
    الإعجاب :
    0
    أستاذي العزيز أبو صنعاء أنت لاتكتب الا
    كل جميل ولاتنتقي الا الدرر ..بأمانه
    بدع في منتهى الروعه وجواب لايقل عنه
    روعه .بالرغم من طول القصائد الا أن القارئ
    لايمل من قراءتها لجودتها ..سيدي أنا أحس
    بأن شهادتي فيك مجروحه مهما كتبت..
    سلمت أيها البحر الهائج وسلم راعي الجواب
    ولك مني أجمل تحيه ......وتسلم
    أخوك الشريف
     
  6.   مشاركة رقم : 4    ‏2005-03-30
  7. أبوسيف الجانحي

    أبوسيف الجانحي شاعر شعبي

    التسجيل :
    ‏2003-05-16
    المشاركات:
    1,628
    الإعجاب :
    0
    بدع وجواب في منتهاء الروعه ســـــــــــــــــــــــلامــــــــــــــ لابو صنعاء والهروجي ""
     
  8.   مشاركة رقم : 5    ‏2005-03-30
  9. سالم عمر البدوي

    سالم عمر البدوي شاعر شعبي

    التسجيل :
    ‏2004-12-20
    المشاركات:
    865
    الإعجاب :
    0
    اعزك الله ياغالي ودام ظلك !
    امام شعركما اقف لاسمع واتابع فقط فانت وصاحبك في القمة بارك الله فيكما وفي عقبكما !
    كلام يهز الوجدان وله خاصية غير عادية في اختيار القافية وهكذا ما هو ديدنك ياشاعر الوحدة , يسعدني كلامك شعرا كان ام نثرا لهذا اسجل اعجابي بك دوما حاضرا كنت ام غائبا , ولهذا قد تكون شهادتي فيك مجروحة لانك منذ او ل مقابلة دخلت القلب وتربعت فيه ياغالي , لاعدمناك اخا وصديقا وشاعرا !
     
  10.   مشاركة رقم : 6    ‏2005-03-30
  11. الـطاهش

    الـطاهش عضو نشيط

    التسجيل :
    ‏2005-03-29
    المشاركات:
    267
    الإعجاب :
    0
    تسلم يا ابو صنعاء وصح اللسان

    بدع وجواااب روعه

    وقد استمعت لها في الشريط

    وعاد القُلب الثاني حق الشريط

    اجمل تسلمو ودمتم
     
  12.   مشاركة رقم : 7    ‏2005-03-31
  13. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===
    مرحبا فيك خي الحبيب قلب الاسد المحترم

    احيك من القلب واقول اهلا فيك على عيني وراسي

    واشكرك من القلب اخي الكريم

    وتقبل تحيات اخوك ابوصنعاء
     
  14.   مشاركة رقم : 8    ‏2005-03-31
  15. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===
    اخي ونور عيني وصديقي الحبيب الشريف ابن الشريف

    لوتعلم كم يسرني تعقيبك الطيب الذي احس انك قريب مني

    وكائني اعرفك شكرا لك من قلب اخوك ابوصنعاء

    وتقبل تحيات اخوك ابوصنعاء
     
  16.   مشاركة رقم : 9    ‏2005-03-31
  17. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===
    مرحبا باخي وحبيبي الغالي الجانحي المحترم

    شكرا لك من القلب على حضورك الدائم

    تقبل تحيات اخوك ابوصنعاء
     
  18.   مشاركة رقم : 10    ‏2005-03-31
  19. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===
    هلا بالاصيل ابن الاصيل اخي واحبيبي سالم عمر المحترم

    لو تعلم كم يسعدني وحضورك الدائم وانزاد فخرا حين ارى

    تعقيبك الطيب والمميز شكرا لك من القلب

    وتقبل تحيات اخوك ابوصنعاء
     

مشاركة هذه الصفحة