اعشق الرومانسية

الكاتب : زيدان   المشاهدات : 586   الردود : 2    ‏2005-03-29
      مشاركة رقم : 1    ‏2005-03-29
  1. زيدان

    زيدان عضو فعّال

    التسجيل :
    ‏2004-04-14
    المشاركات:
    508
    الإعجاب :
    0
    [poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    واحد اسمه خالد جاه مرض و قالوله انه بيموت

    كتب الشعر للخوة يقول له فيه

    ان يتزوج حبيبته و يبي من أخوة هذا انه يخليها تنساه

    اقرأ القصيده والله تستاهل ... وراح تعرف معنى الحب والعشق ------------------


    وصاتي لك من بعدي ........ تموت فيها علشاني

    ابيها تعيش و تحيا بك ........ واظل بالذاكره مفقود

    وصاتي لك تنسيها ........ ملامح وجهي و تنساني

    وتعزفها قصيدة حب ........ على عكس اللي عزفته بعود

    وصاتي لك تبعدها ........ عن اشعاري وقيفاني

    تراها مغرمة بالحيل ........ ويشهد لي عدد الردود

    وصاتي لك تسايرها ........ ترى فيها من احزاني

    طلبتك لايضيق بالك ........ طلبتك والطلب مردود

    وصاتي لك تناديها ........ حياتي..عمري..ازماني

    انا عودتها دايم ........ ادلعها وانا موجود

    وصاتي لك تعاملها ........ بطيبه قلب و احساني

    تراها تذرف الدمعه ........ ودمعتها بليٌا حدود

    وصاتي لك تحفظها ........ سور وآيات قرآني

    وتخبرها عن الميت ........ رحل لايمكنه بيعود

    وصاتي لك ترسمها ........ على قبري وأكفاني

    ابيها لوحة تبقى ........ على طول الزمن محدود

    وصاتي لك تمازحها ........ وتشوف الضحكة بأسناني

    سعيتك ياضحك هالكون ........ طلبتك لاتصير جلمود

    وصاتي لك تقهويها ........ من دلالي و فنجالي

    تراها تعشق السمرا ........ ويكفيها دخون العود

    وصاتي لك تركبها ........ على خيلي و على حصاني

    وربي فارسة من قلب ........ شهادة ماهي لشهود

    وصاتي لك تسفرها ........ بلاد الشام و لبناني

    ترى يحلالها تقطف ورده ........ وردة من بلد الورود

    وصاتي لك تراقصها ........ على الحان رحباني

    ترى فيها عرق خالة ........ وفيها من جنون السود

    وصاتي لك تحببها ........ فأبونورة بعد هاني

    وتنسيها ندم غلطة ........ انا فيها ترى المقصود

    وصاتي لك تكرهها ........ في تاريخي و عنواني

    أبيها تلعن اللحظة ........ وتلعن كل فرح موعود

    وصاتي لك تكلمها ........ عن المجني وعن الجاني

    وتخليني انا الظالم ........ وانا من حرق الاخدود

    وصاتي لك تشبهني ........ بدم أحمر قاني

    وانا هالقاتل السفاح ........ مجرم من عصر نمرود

    وصاتي لك تحلفها ........ تتوب تحبني ثاني

    ترى يكفيها ماعانت ........ ويكفي حيلها مهدود

    وصاتي لك تنسيها ........ وصية قالها لساني

    أنا اخبرك رجل موقف ........ وانت قدها وقدود

    صديقي مالقيت غيرك ........ يعرف وشلون تنساني

    أمانه ضمها بقلبك ........ ترى خالد....رحل مايعود














































     
  2.   مشاركة رقم : 2    ‏2005-03-29
  3. شريف

    شريف شاعر شعبي

    التسجيل :
    ‏2004-05-15
    المشاركات:
    3,193
    الإعجاب :
    0
    أخي زيدان قصيده تستاهل النشر لما فيها
    من حزن عميق وفكره في منتهى الجرأه
    أخي وأنا أقرأ القصيده سرحت بخيالي بعيد
    الى هذا الشاعر والى مدى حبه الشديد
    الذي يعتبره أمانه أو وصيه لابد أن يوصي
    بها وهو ينتظر الموت ..قصيده معبره فعلا
    أخي زيدان سلمت على مانشرت وعلى
    ماأخترت ولك مني أجمل تحيه .. وتسلم
    أخوك شريف
     
  4.   مشاركة رقم : 3    ‏2005-03-30
  5. زيدان

    زيدان عضو فعّال

    التسجيل :
    ‏2004-04-14
    المشاركات:
    508
    الإعجاب :
    0
    اخي شريف شاكر لك كلماتك الرقيقه وهذا انما يدل على الشاعر المرهف شريف صاحب الاحساس الجميل ودائم نوعية الشعر التي تطرحها تحتاج الى صدى كي تصل اللى الاعماق
    متمني لك التوفيق عل الدوام
    هب النسيم ونسمة " الشوق " مرســــال ...
    تحمل " سلامي " من ندى الورد مليون ...

    [​IMG]
    [​IMG]
     

مشاركة هذه الصفحة