يايمه

الكاتب : غربـ الروح ـة   المشاهدات : 563   الردود : 6    ‏2005-03-13
      مشاركة رقم : 1    ‏2005-03-13
  1. غربـ الروح ـة

    غربـ الروح ـة قلم فضي

    التسجيل :
    ‏2005-03-02
    المشاركات:
    4,281
    الإعجاب :
    0
    يايمه منتهي جيتك وطالـب منـك الغفـران
    اقبّل قاعـة اقدامـك واغسلهـا بدمعاتـي

    يايمه كـل مافينـي يناديلـك انـا ندمـان
    طلبتك قولي سامحتك وردي لوجهي بسماتـي

    انا ادري قلبك الطيب كسرته بصدمة النكران
    غلطت وغلطتي هذي تعيّـر كـل غلطاتـي

    تشوفي الشيب يايمه ترى ماجا وانـا فرحـان
    وربي اللي رفع ذاتك ونـزل للـردى ذاتـي

    فقدت الراحه من بعدك فقدت الطيبه والتحنان
    بدونك راحتي غايه بيدينك هـذي راحاتـي

    انا بعدك ولا حاجه انا بعدك تـرى عميـان
    اشوف ولا اشوف اللـي يورينـي مسراتـي

    انا وسيد الشقى والهمّ من بعدك غدينا اخوان
    يجيـب همـوم هالعالـم ويرميهـا بمتاهاتـي

    صدقتي يوم قلتي لي تدين اليوم بـس تنـدان
    رميتك فـي بداياتـي ورمونـي فـي نهاياتـي

    انا من شالك بايده ورماك باسفـل البركـان
    نخيتينـي وطلبتينـي ولا حصلتـي نخـواتـي

    مثل ماهنتي بعيوني عليهـم قلبـي يمـه هـان
    رموني وبعتهم فزعه وانا الدمعـات فزعاتـي

    يايمه لاتضنينـي انـا مـن فعلهـم زعـلان
    سواةً فيك سويتـه وسـووا فينـي سواتـي

    يايمـه يالله ضمينـي ودفينـي بهالاحـضـان
    انا ادري فيك مشتاقه وهمك بـس ملاقاتـي

    يايمه حيييييل ضميني ابي ارتـاح انـا تعبـان
    تعبت اهرب من ذنوبي ابيك آخـر مسافاتـي

    ابسمع منك اي كلمه لصوتك مسمعي ولهان
    ابسمع يمه بصوتك ابذكـر فيهـا نشواتـي

    اشوفك ساكته يمه غفيتي والا انا غلطـان ؟؟
    غفيتي يابعد عمري تعبتي مـن مواساتـي ؟؟

    يايمه طالبك قومـي اذا لـي بعيونـك شـان
    اشوف الموت بعيونك عساها تخيب هقواتـي

    تعالوا يابشر شوفوا انـا محتـار انـا تلفـان
    انا امي ماادري وش فيها انا ماادري انا احاتي

    شنو ؟؟ امي انا ماتت ؟؟ لا لا ترى غلطـان
    انا امـي ماتخلينـي علـى حزنـي ووناتـي

    انا امي قلبها طيب ولايمكن تبكـي انسـان
    انـا امـي ماتبكينـي ولاتتمنـى اهـاتـي

    يايمه صح مامتي ؟؟ وصح الموت تـو ماحـان
    اذا متي انا بعـدك ابقضـي ويـن ساعاتـي

    يايمه قومي يايمـه وقولـي المـوت لا ماكـان
    انا جيتك وانا ناوي اببـدي فيـك جناتـي

    تركتيني ومتي ليه ؟؟ تركتينـي وانـا غرقـان
    ولا مسموح ياوليـدي ولا تلعنـك لعناتـي

    انا الجاني وانا المجني وانا المخطي وانا الندمـان
    وانا بيدي رميتـك ايـه وبعثرتـه ملفاتـي

    وجيت من الهنا مفلس وقلبي من الضنا خسران
    تركتيني على نـاري اعـدد فيـك زلاتـي

    ولاني مرضياً ربـي ولانـي تابـع الشيطـان
    انا بعـدك تـرى مابيـن نهاياتـي وبداياتـي

    يايمه منتهي جيتك وكلـي مرتجـي غفـران
    وشفت الناس تلعنـي وتحذرنـي مـن الآتـي
     
  2.   مشاركة رقم : 2    ‏2005-03-13
  3. سالم عمر البدوي

    سالم عمر البدوي شاعر شعبي

    التسجيل :
    ‏2004-12-20
    المشاركات:
    865
    الإعجاب :
    0
    ولاني مرضياً ربـي ولانـي تابـع الشيطـان
    انا بعـدك تـرى مابيـن نهاياتـي وبداياتـي
    المقطع السابق لم افهمه ! رجائي توضيحه نثرا !
    ياغالي اعزك الله لقد ابكتني كلامك , نحن في الغربه وقصيدتك ذكرنا الاهل والخلان وفي مقدمتهم الام الام الام .
    بارك الله فيك وماقصرت.
     
  4.   مشاركة رقم : 3    ‏2005-03-13
  5. سعدون

    سعدون قلم ســــاخر

    التسجيل :
    ‏2001-08-29
    المشاركات:
    5,326
    الإعجاب :
    48
    ياعم سالم

    الكـــاتب ........ ليـــس رجـــل

    بــل فتـــاة أسمها ( كليو باترا بنت جعبـــل بن توت عنخ آمـــون )


    وبشـــكل عام القصـــيدة / جــــيده , ياكليو باترا ...... والأسلوب مش غريب ..........!!!

    ولي ملاحظـــات ,,,,,,, ولكن الوقت ضيـــّق , ولايسمح بذلك


    ومرحبا في مجلس الشعر الشعبي
     
  6.   مشاركة رقم : 4    ‏2005-03-13
  7. كعدان

    كعدان عضو فعّال

    التسجيل :
    ‏2004-11-24
    المشاركات:
    568
    الإعجاب :
    2
    الا وا سعدون



    كيف عرفت جعبل و من اين عرفته رجأ لا تضحك على اسما اصحابنا
     
  8.   مشاركة رقم : 5    ‏2005-03-13
  9. وردة بلادي

    وردة بلادي قلم ذهبي

    التسجيل :
    ‏2005-02-02
    المشاركات:
    5,256
    الإعجاب :
    0
    قصيدتك ولا اروع
    وكل حرف يحرك وجداننا واحساسنا بالام انها اعز واغلى مافي الوجود
    واتمنى ان محد يزعل امه............... صح لسنك ولا فض فوك

    مع تحياتي
    وردة بـــلادي
     
  10.   مشاركة رقم : 6    ‏2005-03-14
  11. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    يايمه منتهي جيتك وطالـب منـك الغفـران
    اقبّل قاعـة اقدامـك واغسلهـا بدمعاتـي


    قصيدة منتهى الروعة ..

    وقمة في التعبير تدل على هامة كاتبها

    كليوبترا :

    هل هذه القصيدة من تأليفك ؟

    ان كانت كذلك فصح لسانك ملايين يالشاعرة

    وان كانت من اختيارك فالشهادة ان ذوقك جميل

    واختيارك اجمل ..

    وياهلا وغلا ملايين ماتنعد

    وفي انتظار مشاركاتك القادمة
     
  12.   مشاركة رقم : 7    ‏2005-03-14
  13. اسيرالحزن

    اسيرالحزن عضو نشيط

    التسجيل :
    ‏2004-03-02
    المشاركات:
    392
    الإعجاب :
    0
    جميلة فعلا تستحقين عليها الشكر
    فهي قصيدة لهاصدى كبيرولكنة بطريقة الهمس
    اتمنى لك التوفيق
    وننتظرالمزيد
     

مشاركة هذه الصفحة