===>مــســجــات<===

الكاتب : مُجَاهِد   المشاهدات : 905   الردود : 2    ‏2005-02-12
      مشاركة رقم : 1    ‏2005-02-12
  1. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    ******************************

    ياظالمه زينك بشين السوايا
    من وين لك قلب على طول جاير
    ما بغى الدوى لا صار جرحك دوايا
    باكر على الظالم تدور الدواير
    لوهو على زينك بنلقى صبايا
    المشكله في الحب تعمى البصاير

    ******************************

    لك في نظر عيني عظيم التصاوير
    وأسمى المشاعر تنبض بقلب مفتون
    منيوم ماربيى جمعنا على خير
    ماسمعت بك واشى ولا الى يلومون
    ونا لعينك جيت كلي معاذير
    لان الحياه تهون الا انت ماتهون

    ******************************

    سافر حبيبي مابقى غير تذكار
    تذكار عين للمحبة سهيره
    سافر وقلبي من عنا البعد صبار
    مبعد من عيوني وقلبي يديره
    أجامل الضحكة وقلبي على نار
    والجمر في جوفي تزايد سعيره

    ******************************

    من دون ماأقصد ياهوى البال مريت
    قدام بابك وأنجبرت أشتكيله
    ياباب قله في عذابي تماديت
    ومرت على فراقه سنين طويله
    شوقي فضحني في عيوني وصديت
    الدمع مايرحم وماقويت أشيله

    ******************************

    مافيك عيب إلا قلبك متيني
    وتصد عني والصدود القطيعه
    إن كان واصلني فهذي يميني
    مبسوطه لك والمواصل شريعه
    وإن كان قاطعني يبالله يعيني
    مر الفراق ولا حلاوة خديعه
    لكن صبري والرجاء واليقيني
    وسيلتي عن كل بلوى وجيعه

    ******************************

    صرت أنا للحب والدمعة أسير
    في حياتي يوم راحة ماظهر
    مظهري جنه ومضموني هجير
    مرقدي تمثيل والواقع سهر
    جيت يمك وأنت عزمت المسير
    صرت ضدي مع صواديف الدهر
    الوداع فراق والموقف مرير
    والعزى ماضيك والحاضر قهر

    ******************************

    أبكي قصيده وأشبك البيت بالبيت
    وأشكي قوافي الليل من كل ضيقه
    وأدخل في بحور الشعر لامن تجليت
    وأغوص في وسط البحور العميقه
    في حبكم لاني بحي ولا ميت
    كني كسير الطير ماله طريقه

    ******************************

    حبيب(ن) خاين العشره جمع حزن البشر فيني
    كذب قلبي إذا لحظه تناساه أو تناسيته
    نسى حبي بعدعمري وخلىالهم يطويني
    وخلى الدنيا في عيني كئيبه.. ليت ماجيته
    يجي منه بعدأكثر..طعن قلبي معنيني
    يناديني على الفرقا.. واقول ابشر ولبيته

    ******************************

    تامر على روحي عسى الروح تفداك
    ياعزوتي يانور شمسي وظلي
    قلبي صويب وطاح في كف يمناك
    يمناك فيها عزتي عقب ذلي
    فالقلب وحشه والدواء في محياك
    ذاب الخفوق وكاني اخطيت قلي
    وش حي حياتي غير بسمة رضاك ؟

    ******************************

    كثر اشتياقي لك
    ( عيوني تمناك )
    ودي اضمك في عيوني
    واداريك ..
    انت الوحيد ان غبت
    ما غاب طرياك ..
    وانت الوحيد اللي
    حياتي تناديك ..
    وانت الوحيد ان جيتني
    عقب فرقاك ..
    اطفا بشوفك .. واحترق يوم ألاقيك ..

    ******************************

    طالت الغيبات يالغالي علينا
    وان تحريتك فهذا من غلاك

    لو يطول البعد ماوالله سلينا
    المشاعر همها لحظة لقاك

    ياكريم النفس مثلك مالقينا
    لك معزه زادها عندي وفاك

    ******************************

    هاك العمر اللي مضالي بدنياك
    كانك نويت تخون قلب يصونك

    لا ماهمني قلب يبيك وتمناك
    جعله يموت ولايرد لعيونك

    ******************************

    اجمع أحزانك وهمك والعتاب
    وهلها وسط صدري هلها

    لاتخاف من الملامه والعتاب
    دام أنا راضي سيوفك سلها

    فدوتك روح تحبك ماتهاب
    تتجه للموت لوتأشر لها

    تمشي بشورك ولوهو خراب
    لعنبو روح تعاند خلها

    ******************************

    غيابك بان في عيني
    لوعة بها حسرة
    ترى بعدك يعذبني
    عذاب الميت بقبره

    ******************************
     
  2.   مشاركة رقم : 2    ‏2005-02-13
  3. M A T R I X

    M A T R I X عضو متميّز

    التسجيل :
    ‏2004-06-07
    المشاركات:
    2,209
    الإعجاب :
    0
    يسلمووووووووو
    مشكور وما قصرت
    تحياتي
     
  4.   مشاركة رقم : 3    ‏2006-07-12
  5. صلاح المحياء

    صلاح المحياء عضو

    التسجيل :
    ‏2006-07-12
    المشاركات:
    152
    الإعجاب :
    0
    تسلم روحي الله يخليك
     

مشاركة هذه الصفحة