قـــصــة حـــــب .................

الكاتب : الشاعر اليمني   المشاهدات : 1,290   الردود : 31    ‏2004-12-22
      مشاركة رقم : 1    ‏2004-12-22
  1. الشاعر اليمني

    الشاعر اليمني عضو فعّال

    التسجيل :
    ‏2004-11-13
    المشاركات:
    659
    الإعجاب :
    0
    [grade="FF0000 32CD32 0000FF FF1493 FF6347"]دخلت سارة غرفتها واستبدلت ملابسها ..



    دخلت سارة غرفتها واستبدلت ملابسها ببجامة النوم ثم انسدحت على السرير تبي تنام وتذكرت انها ماكتبت مذكراتها لهذا اليوم ،فتحت درج الطاولة وطلعت الدفتر والقلم..فتحت الصفحة المناسبة وفي أعلى الصفحة كتبت :
    اليوم : الأحد…… التاريخ: 15/10/1422ه
    نزلت بيدها تبي تكتب ولكن ماقدرت ..وكيف تكتب وهذا اليوم يختلف عن غيره من الأيام، تركت القلم على الدفتر وجلست على مقعد مقابل للنافذة وجلست تطالع القمر والدموع تسيل على وجهها الجميل وعادت بذاكرتها للوراء لثمان أشهر مضت كانت في زيارة قصيرة لاحدى زميلاتها في الجامعة …مازالت تذكر جميع التفاصيل ..كانت في المجلس مع زميلتها نورة
    وتضحك هي وياها يوم دخل أخو نورة "بدر" آآآه ماتنسى هاللحظة طول عمرها كانت تضحك من نكتة قالتها نورة يوم انفتح الباب بسرعة ويدخل بدر مستعجل وتفاجىء بوجود "ســارة" تلعثم وطلع..





    ..سارة تغير حالها بعد دخول بدر..شدها بدر كثير..صحيح ماكان وسيم ولكن من يوم دخل بدر وطلع حست بشيء تغير فيها…نورة لاحظت التغير هذا ولكنها عزت هالتغير الى الحياء بعد دخول بدر…سارة استئذنت من نورة وطلعت.

    نورة راحت لاخوها وقالت: وش هالطفاقة فشلتني عند زميلتي..
    قالها: نورة وش اسمها زميلتك ذي.
    قالت : صدق أنك ماتستحي …ومشت وتركته.

    ..ســارة صارت تفكر في بدر كثير..في يوم من الأيام ذكرت هالموضوع لصديقتها "الهام" ..ضحكت الهام عليها وقالت: تبين تقولين لي ان هذا الحب من أول نظرة!!

    ..صارت سارة ساره تدق على نورة كثير وصار بدر دايم هو سنترال البيت شان يرد عليها ويسمع صوتها..
    في يوم كانت سارة تدري ان نورة رايحة عند خالتها ،دقت على بيت نورة ورد كالعادة بدر..
    قالت له: وين نورة!
    قالها: مهب فيه.
    قالت: مت تجي..وقامت تكثر أسئلة غرضها تسمع صوته أكبر فترة..
    وقبل ماتقفل الخط قالها بدر: ســـارة
    كان أول مرة يناديها بأسمها فتلعثمت وقالت: سم!
    قالها: شلون الدراسة !!
    قالت: زينة أنت شلون دراستك!
    قالها : أبد ماشية بس دعواتك لنا.
    قالت: الله يوفقك ..بس معليش عندي سؤال لقافة.
    قالها : تفضلي.
    قالت: كم عمرك؟
    قالها: كبر نورة أصلا أنا وهي توائم .
    قالت: يعني أنت مولود في 4/11/1980م
    قالها: ايه ليه!
    قالت : يؤ حتى أنا مولودة في نفس هاليوم بس انا في مستشفى الوطني
    شهق بدر وقال : حتى أنا مولود في الوطني .
    قالت : أجل القلوب عند بعض!
    قالها: أي قلوب ..خلاص اذا جت نورة بقولها سارة اتصلت عليك شان تكلمك.
    قالت : لا لا لا خلاص أنا أكلمها على جوالها.

    ..قفلت الخط وهي مستغربة من جرائتها الغريبة
    بدر في نفس الليلة تسلل لغرفة أخته وسرق جوالها وجلس يدور على رقم سارة
    ولين لقاه ورجع جوال أخته..وبعدين جلس يدور في جواله رسالة حلوه
    وبالأخير أرسل هذي الرسالة:
    سميتك قمر خفت تختفي
    سميتك ورد خفت تذبل
    سميتك شمس خفت تغيب
    بالأخير سميتك حبيبي…

    اسـغربت سارة من الرسالة خاصة أنها من رقم غريب..
    وبعدها توالت الرسايل من هالنمونة..سارة شكت في بدر..دقت على الرقم ومحد رد…بعدها بأيام كانت نورة عندها ودق بدر على نورة وقالها : ربع ساعة وجاي أخذك..
    قالت نورة: طيب يابدر.




    أخذت سارة الجوال بزعمها بتدور رسايل حلوه بس هي راحت شيكت على رقم بدر..وطلع هو نفسه..
    ومن بعد هاللحظة صارت ترد على الرسايل برسالة مشابهه
    واستمر الحال بينهم على كذا قرابة شهر
    وبعدها قررت تدق عليه..مسكت الجوال وتبي تدق عليه الى هو يدق عليها
    أول مارفعت السماعة عليه قالت: توني بدق عليك.
    قالها: خير ان شاء الله!
    قالت : أبد هاليومين رسايلك صايرة مكررة.
    قالها: ياهو ياملكعة بس عموما أي شيء مني حلو..
    قالت: من عاقل ياثقة .
    ضحك وقال: شيء طبيعي أكون وأثق من نفسي ..وسكت..
    قالت: طيب ليه داق !!
    قالها:أبد اشتقت لك..
    قالت : الله واكبر من متى !!
    قال: سارة اسمعيني زين انتي عارفة زين اني احبك فبلا لكاعة..
    ..سارة في هاللحظة ماتوسعها الأرض من الفرحة..وعم صمت بينهم بعد كلمة بدر لين قال: آلو سارة!وينك
    ..تلعثمت وقالت: موجودة عن أذنك أهلي يبوني..فمان الله
    سكرت الخط والعرق مغرق جسمها ويدينها ترتجف فهمي وان كانت تعرف بحبهم لبعض الى انها لم تتوقع هذي الخطوة الأخيرة والجرائة الي كانت عليها..




    . مع الوقت صارت سارة دايم مع نورة مهب عشان نورة بس لعيون بدر.
    "نورة" منتبهه للموضوع ومسويه نفسها ماتدري..مره من المرات
    وكانت هي وأخوانها مجتمعين قالت: اليوم بتجيني صديقتي "سارة" وجلست تلاحظ تعابير وجه بدر…صارت دايم تسوي هالحركات ..في يوم من الأيام كانت سارة عند نورة..ويوم دخل بدر البيت قالت له نورة: بدر ترى سارة عندي..مسك يديها بقوة وقالها شوفي..أنا جيت لهذا الغرض..أبي أدخل على سارة .
    قالت: منت صاحي ،وأرتفعت اصواتهم ودخل بدر عند سارة وقفل الباب وراه
    وجلس خمس دقايق مع سارة..وطلع ونورة زعلانه مررره.

    ..بعد الحادثة هذي بشهر دخلت سارة المستشفى تبي تسوي عملية وطلبوا خمس اشخاص يتبرعون بالدم..وكان بدر أول واحد..
    استمرت العلاقه بينهم وبدر يوم بعد يوم يحب سارة اكثر وأكثر وصار مجنون سارة..ارسل لها في احدى المرات رسالة مذيلة بهذي الأبيات:



    انت الذي قبل اعرف الحب حبـيتك
    وأجمل هـدية عـطاها الله مـفتونك
    وأنت الذي في رقيق الهـمس ناجيتك
    بأبياتي اللي تبدد غيـمة ضـنـونك
    أسـامر الطـيف لامـني تمـنـيتك
    لو خنت نفسي وخنت الناس ماأخونك
    يـاللي حـضنتك وسط قلبي وخبيتك
    حتى عن أهـلك وهـم ناس يودونك
    ياكيف ترضى بقتلي يوم صـافـيتك
    وأنت الوحيد الي بمـوتي يـعـزونك



    ..في يوم العيد تواعد بدر وسارة في احد الحدائق وهما يسيران في الحديقة مشبكين يديهم قالت سارة: بدر حبيبي بكرة بسافر واذا جيت من السفر أبيك بموضوع..قالت : في وقته أعلمك….

    في صباح يوم 15/10/1422ه تقابل " بدر وســارة" وقالت سارة: حبيبي
    قالها : عيديها.
    قالت: حبيبي.
    قالها: الله ياحلوها منك..تصدقين من يوم عرفتك ماقلتيها الاأربع مرات
    مرة قلتي بدر: أحبك
    والثانية يوم العيد واليوم مرتين وبس.

    قالت : بدر أسمع علاقتنا من اليوم بتنتهي..!!!
    قالها : لــــيــــــه!!!!!!!!!!!!!!!!!
    قالت: أنخطبت وعجبني الي خطبني وهو بعد يقرب لي.
    قالها: مغصوبة ياسارة!
    قالت: لا بس علاقتنا بتنتهي عند هذا الحد.

    سكت بدر لحظات صمت طويلة ثم رفع راسه ومسح دمعه نزلت وقال:


    ..سارة..أحلى أيام عمري قضيتها معك كنت لحظاتها أسعد أنسان بالوجود
    الأشهر الي عرفتك فيها مرت كأنها دقايق وأشكرك على كل لحظة سعادة قضيتها معك وأبيك تتأكدين أني ماحبيت أحد غيرك ولا أتوقع بيجي اليوم الي أحب أحد زيك….فمان الله حبيبتي…

    وقام بدر وترك سارة لوحدها..


    مسحت سارة دموعها الي ماتدري هي دموع حزن على فراق بدر أو دموع فرح أو دموع ندمها على فعلتها..ماتدري ليه هالدموع..

    قامت وأمسكت القلم وكتبت على المذكرة:


    " اليـوم قتلت بــدر"

    ان شاء الله تعبجكم القصه..

    ت ح ي ا ت ي
    [/grade]
     
  2.   مشاركة رقم : 2    ‏2004-12-22
  3. الشاعر اليمني

    الشاعر اليمني عضو فعّال

    التسجيل :
    ‏2004-11-13
    المشاركات:
    659
    الإعجاب :
    0
    الموضوع غاية في الروع مش لانة الدي جايب الموضوع بس لانة انا تعجبن قصص الحب والاكشن
     
  4.   مشاركة رقم : 3    ‏2004-12-22
  5. سحابه صمت

    سحابه صمت قلم ماسي

    التسجيل :
    ‏2004-03-24
    المشاركات:
    13,628
    الإعجاب :
    0
    [grade="00008B FF6347 008000 4B0082"]
    اقترب منتصف الليل
    واقتربت ذاتي
    تطرق ....
    تحمل الياس على بابي
    ذاك هو حالها اقرب الى حالي
    كل يرتب افكاره
    مابين هم وحلو
    نمضي نحلق نسافر على طريق السطور لنحط رحالنا على اوراق ....الغروب


    تحياتي العذبه لك اخي لا تبالي اكتب فهناك من يرى ويسمع [/grade]
     
  6.   مشاركة رقم : 4    ‏2004-12-22
  7. الشاعر اليمني

    الشاعر اليمني عضو فعّال

    التسجيل :
    ‏2004-11-13
    المشاركات:
    659
    الإعجاب :
    0

    شكر أ لك على مرورك اختي سحابة صمت وانا سعيد بردك الطيب الداف
     
  8.   مشاركة رقم : 5    ‏2004-12-22
  9. أسيرة الاحزان

    أسيرة الاحزان عضو فعّال

    التسجيل :
    ‏2004-11-12
    المشاركات:
    508
    الإعجاب :
    0
    مشكــــــــــــــور اخـــــــــــــــوي

    قصة حزينه
    حرام ليش كده عملت ....حــــــــــرام

    اقول اخوي..امكن تمازحه
     
  10.   مشاركة رقم : 6    ‏2004-12-22
  11. Sheba

    Sheba عضو فعّال

    التسجيل :
    ‏2004-12-11
    المشاركات:
    887
    الإعجاب :
    0
    الحب كلام فارغ ........ياويلي على الي يؤمن فيه.
     
  12.   مشاركة رقم : 7    ‏2004-12-22
  13. سحابه صمت

    سحابه صمت قلم ماسي

    التسجيل :
    ‏2004-03-24
    المشاركات:
    13,628
    الإعجاب :
    0
    من كلامك دلاله كامله على انك تؤمني فيه
    المعذره .....
     
  14.   مشاركة رقم : 8    ‏2004-12-22
  15. aljree7

    aljree7 قلم ذهبي

    التسجيل :
    ‏2004-08-30
    المشاركات:
    5,926
    الإعجاب :
    0
    موضوع طوييييييييييييييييل



    برجع بعدين



    السموحة ياشاعرنا


    لنا عودة
     
  16.   مشاركة رقم : 9    ‏2004-12-22
  17. Sheba

    Sheba عضو فعّال

    التسجيل :
    ‏2004-12-11
    المشاركات:
    887
    الإعجاب :
    0
    من كلامي؟ يا ريت اني مؤمنه بالحب، كان عشت كل الاوهام الي يوصفوها وكان ما جرحت ولا انسان.
     
  18.   مشاركة رقم : 10    ‏2004-12-23
  19. Dilemma

    Dilemma مشرف سابق

    التسجيل :
    ‏2004-06-27
    المشاركات:
    9,147
    الإعجاب :
    0
    Well, that was the reason of attacking me.

    Sis. these words let me know how you are suffering.
    Anyway, this will explain that you are Introvert..

    Thanks
     

مشاركة هذه الصفحة