عجوز تتحدى إبليس ..

الكاتب : الحماديه   المشاهدات : 811   الردود : 12    ‏2004-12-07
      مشاركة رقم : 1    ‏2004-12-07
  1. الحماديه

    الحماديه عضو

    التسجيل :
    ‏2004-12-07
    المشاركات:
    42
    الإعجاب :
    0
    اخواني واخواتي العضاء حبيت ان ابداء مشركتي بهذا المنتدى بقصه طريفه وتمنى ان تنال اعجابكم

    عجوز تتحدى إبليس...

    كان يا ما كان في قديم الزمان ………كان فيه أمراة عجوز قاعدة بروحها

    وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن …قالها ابليس :أنتي يا مخرفة تظنين نفسك داهيه؟؟؟؟

    العجوز: إيه أنا داهيه ……….. والنساء كلهن كيدهم عظيم خاصة العجايز أبليس: أنا أتحداك……..وبنشوف مين كيده أعظم …..العجوز ولا أبليس

    العجوز :خلاص أنا بسوي (طعه) مشكله وأنت راح تحلها واذا ما قدرت أنا راح أحلها

    وراح أفوز بالرهان. (الرهان سن للعجوز و حذيان في قفا أبليس )

    أبليس : Ok Lats Go

    راحت العجوز حق واحد من( العربجيه) هالبطاليه اللي ما عندهم شغل ويا كثرهم

    وقالت أنا بشغلك عندي فترة معينه بس……. اذا تبي فلوس لا تتدخل ولا

    تتكلم .(وافق الشاب لأنه طفش من البطاله ويبي فلوس ).

    راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش

    العجوز: رخص يا بن الحلال … ولا صنجتك بعين لو ويت رجولك

    التاجر :اذا أنتي ما عندك فلوس أخذي شيء أرخص (قماش بعشرة و لا استشوار لشعرك الطاير )

    العجوز : ما أقدر ….لازم ولا يصير شيء ما صار

    التاجر :ليش ؟؟ …..لهالدرجه …..شسالفه؟؟

    العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها

    وهو قالي أن عارضتي الزواج بأطردك من البيت وأمرني أني أشتري قماش

    غالي عشان يعطيها حبيبته ولا راح يطردني من البيت مع أن البيت بالأساس

    بيتي ولكني غلطت وكتبته بأسمه(العجوز تبكي) كذوووووووب..

    التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني

    العجوز طلعت مستانسه (فاكه فمها اللي مافيه سنون) وقالت حق الشاب روح البيت

    و بعدها راحت العجوز لبيت زوجة تاجر القماش وطقت الباب وطلعت الزوجة

    العجوز:آه يابنيتي أنا تعبت بالطريق و ما أقدر أكمل ممكن أقعد عندك أرتاح

    خمس دقايق .

    رحبت الزوجة ودخلتها وأكرمتها وجابتلها شاي

    العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.( أهب عليها)

    الزوجة:ياحراااااام نست قطعة القماش …أكيد بترجع بعد شوي وتاخذها

    بروح أحطها بالدولاب.. (ولو درت عن المصيبه اللي بتسويها كان خنقتها بالقماش )

    تاجر القماش رد لبيته وتغدى ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة ( يا إلهي ماهذا فاااار)

    (عفوا) قطعة القماش ؟؟؟؟؟؟؟!!

    وعرف أن المرأة اللي يبيها ولد العجوز هي زوجته يعني تخونه

    قام عليها وطقها وطردها بالشارع بالهدوم اللي عليها.

    الزوج : أطليعي برا أطلعي... دانتي نهارك منيل

    الزوجة : مأدرش مأدرش ولادي حبايبي الارانب حاأتي

    العجوز كانت تنتظر هاللحظه في أخر الشارع فراحت لها تركض ( تخيلو المنظر )

    العجوز: وش فيك يا بنيتي ليش تبكين؟؟؟

    الزوجه : زوجي طردني …وما عطاني فرصه أتكلم .

    العجوز: خلاص أنا بأوديك بيتي وأنا بروح أحل المشكله

    راحت العجوز لبيتها ودخلت الزوجه في غرفة بينما الشاب كان في غرفه ثانيه( ينتظر الفلوس الرجال..ماشاء الله ) وأمرته أنه ما يطلع منها .

    راحت العجوز للشرطه تبكي وتقول :كنت قاعدة في بيتي وفجأة (طلع زوجي من القبر يبغى قهوه)

    أقصد.... دخل رجل ومعاه مرأه وقعدوا ببيتي حاولت أطلعهم ما قدرت (أحتلوا بيتي ) ( لاااا القدس لنا )

    ذهبت الشرطه وقبضت على الشاب والزوجه ….وقطوهم بالسجن.

    العجوز: ها ها وش رايك يا أبليس ؟؟ دورك اللحين حل المشكله أبن أمك حلها

    أبليس : يا بنت اللذين نكبتيهم يرحم أمك طلعيهم

    العجوز: أنا راح أحلها وكأن شيء لم يكن . وراح أربح الرهان ( السن الذهبي )

    راحت العجوز تزور الزوجه بالسجن وقالت لها :أنتي ساعدتي مرة

    وأنا اللحين بأساعدك …..يله ألبسي عباتي وغطي نفسك وأطلعي من السجن كأنك أنا وأنا بأقعد مكانك.

    الزوجة:مشكووورة ….لكن أنتي ؟؟؟

    العجوز: مالك شغل مثل ما طلعتك بطلع نفسي.

    تمت عملية الهروب بنجاح…. ( رامبو )

    الوالي أمر الحراس يحضرون المسجونين عشان يحكم عليهم

    حضرت العجوز والشاب وقال لهم الوالي :ليش قابضين عليكم وشو مسوين؟؟ ( هات بيبسي يا عسكري من البقاله )

    ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

    طابه علينا وماخذينا السجن . ( جيبلي معاك واحد حليب تكفى ).. العجوز شحادة..

    عصب الوالي وهزأ الشرطه( يخرب بيوتكم ) وما عطاهم فرصه يتكلمون ويقول:غلطانين وتبون تتكلمون.شين و قوات عين

    طلعت العجوز من الوالي مستانسه وعطت الشاب فلوس وأنهت خدمته عندها.

    راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست القماش عندها وأن زوجته بريئه

    وقالت خذ قماشتك لأن ولدي سافر هو و زوجته الجديدة.

    رجع التاجر زوجته وتأسف منها و راضاها بعد. ( انا اسف يام شليويح )

    العجوز : وش رايك يا أبليس أنا فككت السالفه سهله .. تضحك ( هذي المره فاكه فمها بس بالسن الذهبي )

    أبليس :أنتي ربحتي لا ما صدق ااااااااااااااه.... يبكي

    وعاد أبليس يجر أذيال الهزيمه

    وما زالت العجوز تضحك وتقهقه حتى سقط السن الذهبي في داخل كرشتها

    مسيكينه ما لحقت توريه خوياتها .......

    مع تحياتي الحماديه
     
  2.   مشاركة رقم : 2    ‏2004-12-08
  3. همــس الحنين

    همــس الحنين عضو نشيط

    التسجيل :
    ‏2004-10-24
    المشاركات:
    448
    الإعجاب :
    0
    والله النسوان داهيه
     
  4.   مشاركة رقم : 3    ‏2004-12-08
  5. Dilemma

    Dilemma مشرف سابق

    التسجيل :
    ‏2004-06-27
    المشاركات:
    9,147
    الإعجاب :
    0
    ههههههههههههههههه
    مسكينة هذه العجوز..
    ومشكور على موضوعك الجميل
     
  6.   مشاركة رقم : 4    ‏2004-12-08
  7. سامر القباطي

    سامر القباطي مشرف سابق

    التسجيل :
    ‏2004-02-03
    المشاركات:
    1,894
    الإعجاب :
    0
    هههههههههههههههههه
    والله قصة طويلة بس حلوة بصراحة
    إن كيدهن عظيم
     
  8.   مشاركة رقم : 5    ‏2004-12-08
  9. صالح السبيعي

    صالح السبيعي عضو فعّال

    التسجيل :
    ‏2004-10-01
    المشاركات:
    583
    الإعجاب :
    0
    الله يجيرنا من العجاجيز
    تسلم عزيز على موضوعك الجميل
     
  10.   مشاركة رقم : 6    ‏2004-12-08
  11. الحماديه

    الحماديه عضو

    التسجيل :
    ‏2004-12-07
    المشاركات:
    42
    الإعجاب :
    0
    مشكورين على مروركم
    من جد كان مازق ههههه
     
  12.   مشاركة رقم : 7    ‏2004-12-08
  13. الزعيم

    الزعيم قلم فضي

    التسجيل :
    ‏2003-10-04
    المشاركات:
    3,053
    الإعجاب :
    0
    حماديه علي وزن حمادي

    يعلم الله


    يمكن يجي اليوم اللي نلاقي فيه وحده لقبها الزعيمه كمان


    علي العموم

    صحيح ان كيدهن عظيم

    ويكفي انهن خرجن من ظلع اعوج

    واحلي تحيه
     
  14.   مشاركة رقم : 8    ‏2004-12-08
  15. حبيب الشعب

    حبيب الشعب عضو متميّز

    التسجيل :
    ‏2004-08-15
    المشاركات:
    2,463
    الإعجاب :
    679
    على فكرة شي يقرب لك الحمادي .....
     
  16.   مشاركة رقم : 9    ‏2004-12-09
  17. الحماديه

    الحماديه عضو

    التسجيل :
    ‏2004-12-07
    المشاركات:
    42
    الإعجاب :
    0
    الحمادي مايوقعليش بس يمكن نكون من نفس القريه الله اعلم .
     
  18.   مشاركة رقم : 10    ‏2004-12-09
  19. الحماديه

    الحماديه عضو

    التسجيل :
    ‏2004-12-07
    المشاركات:
    42
    الإعجاب :
    0
    شكرا لمروركم
     

مشاركة هذه الصفحة