انــا والنــامــس

الكاتب : hope   المشاهدات : 1,268   الردود : 20    ‏2004-11-23
      مشاركة رقم : 1    ‏2004-11-23
  1. hope

    hope قلم فضي

    التسجيل :
    ‏2004-04-18
    المشاركات:
    2,521
    الإعجاب :
    0
    [grade="00008B 0000FF FF1493 0000FF 00008B"]انا والنامس

    طبعا الكل تقريبا يعرف النامس ((وهل يخفى القمر )) , بس في حاجة غريبة ملاحظة في الفترة الاخيرة , بعد ما كان النامس يجي بهدوء وبأحترام ويقبصك , اصبحوا الان بلاطجة وعيال شوارع ... يجي ويطعنك طعن, ما عادهاش قبصة زي زمان .. الان يقبصك لما يصحيك من النوم, واصبحوا بلا ذوق يجي يلبص فيك ولا يفك لك لما يرجع زي البربري ما عاد يقدر يطير ..

    كان زمان يجي لك وانت نايم ويستحي انه يقيمك .. الان يجي وانت نايم وانت تمشي وانت تأكل حتى وانت تصلي ولا تذكرونا نامس المسجد ماله مثيل حتى اسألوا الفياض ...
    ومن الملاحظ ايضا انه النامس ينتشر حتى اخر الليل يعني بعد الساعة 2 او 3 فجرا تقول الا بلا اهل يسألوا عليهم (هذا كله بسبب التسيب من قبل الوالدين) كيف يخلوا عيالهم يخرجوا في هذا الوقت ..

    وكله كوم والصوت اللي يخرجوه (( اه شنيع )) اكره شي لما يجي يزن جنب اذنك .. يخليك تكره اليوم اللي ولدت فيه .. لو يفكروا اصحاب المعتقلا ت السياسية بأستخدامه ... ويشوفوا الفعالية بيعطونا جائزة (( خليكم شاهدين حقوق الاكتشاف محفوظة))

    واللي زاد الطين بلّه انه اصبح ولا اي مبيد حشري يأثر فيهم (( اعتقد يلبسوا كمامات )) .. وعاد زادوا كل ساعة يجيبوا لنا مبيد شكل .. تصدع بالرأس وتجيب الامراض .. وما يهزك ريح يا هذا الجبل ... النامس طبعا ..
    دوخوا البشر من المبيدات والنامس يغني (على مين تلعبها ) ..

    اخيرا اذكر قبل فترة كنت اتناقش انا وصديق لي على حال المدينة اللي اعيش فيها واقله انها تشتي سفلته وانارة .. قلي : ايش من سفلته وانارة .. اول شي لازم يقضوا على هذا النامس .. النامس اهم من السفلته والانارة .. وانا قلت في داخلي:ماله هذا يتجنن له .. بس حقيقة الان..
    اضم صوتي الى صوته ...اول شيء الــــنـــــــــــــــــــــــامـــــــــــــــــس...[/grade]
     
  2.   مشاركة رقم : 2    ‏2004-11-24
  3. العمراوي

    العمراوي مشرف سابق

    التسجيل :
    ‏2002-11-24
    المشاركات:
    7,510
    الإعجاب :
    4
    في يوم ما سيأتي أحد الأشخاص ليردد هذه العبارة على أنها حكمة قالها حكيم ...

    أول شيء النامس ..



    تسلم يا غالي ... والحال من بعضه ....
     
  4.   مشاركة رقم : 3    ‏2004-11-24
  5. سامر القباطي

    سامر القباطي مشرف سابق

    التسجيل :
    ‏2004-02-03
    المشاركات:
    1,894
    الإعجاب :
    0
    موضوع رائع جدا جدا منك اخي المتالق هوب
    تسلم على السرد الجميل
    بصراحة لو تشتي الصراحة
    انا بحب النامس
    اموت فيه
    اعشق صوته لدرجة الجنون
    ههههههههههههه
    لا لا لا تقول اني امزح
    والله بجد
    مش عارف ليش النامس ما يرضي يقبصنا
    ههههههههههههههههههههههه
    الكل يصيح من النامس الا انا
    قالوا لي ان زمرة الدم حقي هي السبب
    ما يحبهاش النامس
    لانها سالبة
    ولا ادري مدى صحة هذا
    ولكن اؤكد ان الكل يقوم الصباح ويداتهم وارجلهم حمراء كلها حبوب بالرغم من انهم يتغطون بالبطانيات الكثيرة في عز الحر
    الا انا
    انام بدون بطانيات
    واقوم وانا سليم معافى
    ههههههههههههههه
    يا جماعة
    في حد يفسر لي هذه الحالة

    عموما
    اقول السفلته قبل النامس وقبل كل شئ
    حرام عليكم خلوا النامس يعيش له في حاله
    ايش سوا بكم
    هههههههههه
    اضم صوتي الى صوت النامس لرفع الظلم والاضطهاد الذي يلاقيه
    تحياتي
    نبراس اليماني
     
  6.   مشاركة رقم : 4    ‏2004-11-24
  7. حبيب الشعب

    حبيب الشعب عضو متميّز

    التسجيل :
    ‏2004-08-15
    المشاركات:
    2,463
    الإعجاب :
    679
    والله ياجماعة صدق الهوب ... النامس عندهم مايرحم ... لما أروح

    عنده النامس يعمل حفلة فوقي (( أصلا دمي حالي )) ... ربنا يصبركم

    ياهوب ....
     
  8.   مشاركة رقم : 5    ‏2004-11-24
  9. الســـاهــر

    الســـاهــر قلم فضي

    التسجيل :
    ‏2003-05-24
    المشاركات:
    2,904
    الإعجاب :
    0
    ههههههههههههها موضوع رائع اخي هوب
    ذكرتني لما كنت في عدن و قبصات النامس و على قولتك كله كوم و طنين النامس جنب الاذن كوم

    الله يعينكم عليه
     
  10.   مشاركة رقم : 6    ‏2004-11-24
  11. حبيب اليمن

    حبيب اليمن قلم فضي

    التسجيل :
    ‏2003-09-20
    المشاركات:
    3,058
    الإعجاب :
    0
    هههههههههههههههههههههههههه


    يااخي موتنى من الضحك


    نحن نندد ونشجب بكل وسائل التنديد والشجب ( حال العرب)


    بصراحه لابد من جمعية حقوق الانسان


    تقدم شكوه الى جمعية حقوق الحشرات


    يشوفولنا حل معاهم
     
  12.   مشاركة رقم : 7    ‏2004-11-24
  13. قلب الأسد

    قلب الأسد عضو متميّز

    التسجيل :
    ‏2004-11-21
    المشاركات:
    1,327
    الإعجاب :
    0
    حتى النامس في اليمن لايتمتع بالحقوق مثل نامس خلق الله.


    اقرءوا الامتيازات اللي يحصل عليها النامس في امريكا :.

    لكل نامس في امريكا من حين يولد الى مايموت معاش تقرره الدوله له لاعاله اسرته ولذلك النامس مايقابص الامريكان لان معه معاش يصترف منه.!!!

    لكن عندنا النامس ماشي له معاش فيجبره الوضع على مقاحصه الناس ...!!!!!!!!
    هههههههههههههههههههههههههههههههههههههههههههههه
     
  14.   مشاركة رقم : 8    ‏2004-11-24
  15. بسيم الجناني

    بسيم الجناني مشرف سابق

    التسجيل :
    ‏2003-09-16
    المشاركات:
    10,620
    الإعجاب :
    0
    ههههههههههههههههههههه

    قرأت الموضوع اليوم الفجر كانت الدنيا مطر بالحديدة

    طفت الكهرباء وانا اقرأ

    بعد المطر تعال وعينك ماتشوف الا النامس ذكرتك وانا اضحك

    الصراحة سرد رهيييييييييييب والله اني ضحكت من قلبي

    خاصة حق االبلاطجة وعيال شوارع
     
  16.   مشاركة رقم : 9    ‏2004-11-24
  17. الحمادي

    الحمادي قلم ماسي

    التسجيل :
    ‏2003-12-24
    المشاركات:
    17,855
    الإعجاب :
    1
    يا هوب


    اصلا الحكايه وما فيها


    انه الحشرات اللي زي كذا


    دائما تحب اللي دمهم عسل زيك :)













    ايش رايك نفختك صح ;)
     
  18.   مشاركة رقم : 10    ‏2004-11-24
  19. الفضولي

    الفضولي عضو نشيط

    التسجيل :
    ‏2004-06-30
    المشاركات:
    309
    الإعجاب :
    0
    ههههههههههههههههههههههههههههههههههه

    مله كذا النامس حق الحديدة عدينه سركين

    هههههههههههههههههههههههههههههههه
     

مشاركة هذه الصفحة