شوف مين فينا حيغلب مين

الكاتب : مواسم الخير   المشاهدات : 314   الردود : 0    ‏2004-09-09
      مشاركة رقم : 1    ‏2004-09-09
  1. مواسم الخير

    مواسم الخير عضو متميّز

    التسجيل :
    ‏2004-08-20
    المشاركات:
    1,225
    الإعجاب :
    0
    الفساد يستشري في جسد الوطن اليمني بالطول والعرض والارتفاع
    أناس يسكنون الفلل الفارهة ويركبون السيارات الفخمة ويتباهون في كل شئ

    وعلى العكس من ذلك الفقر والبؤس يسيطران على غالبية الشعب

    وليس وحده اليمن الذي يشكو الفساد

    وفيما يلي قصيدة للشاعر فؤاد أحمد نجم يلخص فيها الوضع ويرسم لوحة فنية رائعة لوضع اجتماعي معاش

    وأرجو ان تنال مكانها في المجلس السياسي وألا ترحل للمجلس الأدبي لأنها سياسية بمنظور أدبي

    هما مين و إ حنا مين .. ؟
    هما الأمرا و السلاطين ..
    هما المال و الحكم معاهم ..
    و إحنا الفقرا المحرومين
    حزر فزر شغّـل مخك
    شوف مين فينا بيحكم مين ؟!!
    ..............
    إحنا مين و هما مين ..
    إحنا الفعلا البنايين
    إحنا السنة و إحنا الفرض
    إحنا الناس بالطول و العرض
    من عافيتنا تقوم الارض ..
    و عرقنا يخضر بساتين
    حزر فزر شغل مخك
    شوف مين فينا بيخدم مين ..؟؟!!
    ................
    هما مين و إحنا مين ؟؟
    هما الامرا و السلاطين
    هما الفيلا و العربية
    و النساوين المتنقية
    حيوانات استهلاكية
    شغلتهم حشو المصارين
    حزر فزر شغل مخك
    شوف مين فينا بياكل مين ..؟؟!!!
    ....................
    إحنا مين و هما مين
    إحنا قرنفل على ياسمين
    إحنا الحرب : حطبها و نارها
    و إحنا الجيش اللي يحررها
    و إحنا الشهدا بكل مدارها
    منكسرين أو منتصرين
    حزر فزر شغل مخك
    شوف مين فينا بيقتل مين ..؟؟!!!
    ................
    هما مين و إحنا مين
    هما الامرا و السلاطين
    هما مناظر بالمزيكا
    و الزفة و شغل البوليتيكا
    و دماغهم طبعاً استيكا
    بس البركة بالميازين
    حزر .. فزر شغل مخك
    شوف مين فينا بيخدع مين ..؟؟؟!!!
    .....................
    هما مين و إحنا مين
    هما الامرا و السلاطين
    هما بيلبسوا أخر موضة
    و إحنا بنسكن سبعة في أوضة
    هما بياكلوا حمام و فراخ
    و إحنا الفول دوخنا و داخ
    هما بيمشوا بطيارات
    و إحنا نموت بالاوتوبيسات
    هما حياتهم بامب جميلة
    هما فصيلة و إحنا فصيلة
    حادي يا بادي يا عبد الهادي
    يا اللي عليك قصد الغنوادي ( الغنوة دي أو هذه الاغنية )
    لما الشعب يقوم و ينادي
    يا إحنا يا هما في الدنيا دي
    حزر فزر .. شغل مخك
    شوف مين فينا حيغلب مين
     

مشاركة هذه الصفحة