يبه وشلونك .. مـلل هالكون من دونك ..

الكاتب : إبن مـأرب   المشاهدات : 579   الردود : 0    ‏2001-10-20
      مشاركة رقم : 1    ‏2001-10-20
  1. إبن مـأرب

    إبن مـأرب عضو

    التسجيل :
    ‏2001-10-08
    المشاركات:
    11
    الإعجاب :
    0
    أخواني وأخواتي ..

    اسمحوا لي بطرح هذه الرائعة عليكم .. اعجبتني فأحببت مشاركتكم فيها ..

    إنها رائعة بنت تنعي والدها .. فماذا قالت :


    يبه شلونك
    ملل هالكون من دونك ..
    يبه شلونك ؟؟
    وتمضي رحلة الدنيا..
    بليا طلة عيونك..
    يبه شلونك ؟؟
    وشلون المرض وياك ؟؟
    بعد ماهدك بدنياك..
    عساها تغمض جفونك ؟؟
    تبي تدري عن احبابك ؟؟
    عن عيون تغنا بك ؟؟
    عن قلوب دفنها الشوق..
    واذا جاها الغفا جابك ؟؟
    .. يبه امي تخيلك دوم
    تغني لك مع القمرا..
    يبه واللي خذاك بيوم..
    خذا بكريتك عفرا..
    خذا.. وياماخذا.. وياما..
    خذا ناس يحبونك
    يبه حنا غدينا كبار..
    توفقنا وتخرجنا..
    يبه ماعاد فيه صغار..
    يموج بهالزمن كل شي..
    وحنا ماتموجنا..
    على ذاك العهد نسري..
    نبيع العمر والدنيا..
    ولا تخلف بنا ظنونك
    يبه شلونك ؟؟
    تبي تدري عن اخباري ؟؟
    عن افكاري وتذكاري ؟؟
    اشيلك داخلي جمره ..
    وبعيون الحزن عبره..
    تغرقني .. وتحرقني..
    اشوفك نجمة تجبر..
    مراعيها .. يراعيها..
    واشوفك للرجوله اسم..
    اذا شد الزمن تقسى..
    واحلم من معاني الحلم..
    احسك مقبل بكرى..
    وعيا لايجي بكرى !!
    يبه تذكر زمان مر؟؟
    لاقالو عمر؟؟
    هو احلى مابهذا العمر..
    يبه تذكر مجالسنا ؟
    مقلطنا ومجلسنا ؟
    وحارتنا ومسجدنا ؟
    يبه تذكر هدايا العيد ؟
    صلاة العيد؟ وبشت العيد؟
    يبه تذكر سوالفنا ؟
    لاجل هذا ..
    وكل هذا ..
    اقول اليوم يابيي ..
    ملل هالكون من دونك .
    ______________-
    ويرد الاب في لحده قائلا :
    يابنتي يابعد عمري
    انا ودعت فادعي لي
    عمر خلص وأنهيته
    بقى عمرك ياعمري انت
    يابنتي يكفي اللوعة
    يابنتي تكفي العبره
    يابنتي هذي الدنيا
    عسى ربي يسامحها
    خذتني فجأة عنك
    وصوتك صار يصحبني
    احبك موت وانا بالموت
    احبك يابعد سلواي
    كتمت الحب في دنياي
    ولا اخبرت ياعمري
    ولكن بعد ماراحوا
    تركوني نايم اممدد
    تذكرتك على بالي
    بغيت اطلع واركض لك
    ولكن ماقدرت اطلع
    لقيت اصخور قدامي
    ولكن انتي انفاسي
    بعد ماقطعت انفاسي
    يابنتي لاتناسيني
    يابنتي لاتخليني
    بدعواتك ودعواتك
    سلامي لك وكل البيت
    ترى والله احبه زود
    نعم اذكر مجالسنا
    نعم اذكر سوالفنا
    نعم اتذكر البسمات
    بعد اذكر تمازحنا
    ذكتي يوم اصوت لك
    وعند الباب اناديكي
    وانتي تلبسين حجاب
    واقول ابسرعه صيفنا
    وجيتي تركضي يمي
    وقلتي خلاص مشينا نروح
    ذكرتي يوم نروح البر
    ونقعد ناكل البسباس
    ونلعب مع بعض واصراخ
    ذكرتي ياامل دنياي
    ضحكت وكنت مستانس
    لعبت وكنت سلواكم
    وماظنيت في لحظه
    افارق وابتعد عنك
    نصيحة اسعدي عمرك
    ولا تبكين ارجوكي
    وشوفي كل هالدنيا
    تراها ماتساوي شي
    ألا ياليت ارجعها
    ولو ساعة واقول الله
    واسبح واذكر الخالق
    وبعده اخذك يمي
    وابوسك بوسة موادع
    واطبعها بعالي الراس
    سلم راسك وانفاسك
    سلامي يابعد عمري
    ولاتنسني بالدعوة
     

مشاركة هذه الصفحة