هل تتزوجيني!!!!!!!!!

الكاتب : dr.heart   المشاهدات : 905   الردود : 20    ‏2004-07-12
      مشاركة رقم : 1    ‏2004-07-12
  1. dr.heart

    dr.heart عضو فعّال

    التسجيل :
    ‏2003-11-17
    المشاركات:
    932
    الإعجاب :
    0
    السلام عليكم ورحمة الله وبركاته

    [color=660000]تتجوزيني ؟
    ـ أفندم ؟
    ـ بقولك تتجوزيني ؟
    ـ !!!!!
    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني ..
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟
    ـ لا ! .. بصراحة كدة .. إنت مش فارس أحلامي اللي باتمناه !


    *****

    ـ تتجوزيني ؟
    ـ إيه ده ؟ شكلك اتغير !
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة
    ـ ودي عدسات خضراء ؟
    ـ أيوة
    ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !


    *****

    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل
    ـ ممثل إيه ؟
    ـ ممثل أمريكاوي
    ـ أمريكاوي ؟! .. إخّييي ! .. اسمه أميريكان يا بابا .. ما تبقاش
    دونكي
    ـ دونكي دي تبقى شتيمة ؟
    ـ أف كورس


    *****

    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟


    *****

    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟


    *****

    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا
    ـ يعني مش هتتجوزيني ؟
    ـ لا
    ـ كدة أنا أزعل
    ـ ما تزعلش يا بابا .. خليك فريش
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟


    *****

    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !


    *****

    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟
    ـ روح اتنيل .


    *****

    ـ تتجوزيني ؟
    ـ عندك شقة ؟
    ـ طبعًا .. أودة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
    شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !

    *****

    ( بعد سنوات) :

    ـ تتجوزيني ؟
    ـ جبت الشقة ؟
    ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
    لسبع سنوات .. لكن المهم إنها جات ..
    ـ ـ فانتاستيك
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !

    *****

    ـ تتجوزيني ؟
    ـ إنت تاني ؟
    ـ جبتلك حمّام إنما إيه
    ـ خليه ينفعك
    ـ ليه بس ؟ .. ده ينفع لينا احنا الاتنين
    ـ وأنا مالي ؟
    ـ مش عاجبك .. مش مشكلة .. أكتبه باسمك

    *****

    (بعد سنين) ..

    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين
    خليك روش وقول : I love you
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟
    *****
    ـ تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..
    ـ رقيقة ؟! .. ده انت بدأتي تقشفي
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي
    ـ يعني إيه ؟
    ـ يعني اقطع معايا
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟

    *****

    ( بعد سنوات ) ..

    ـ تتجوشيني ؟
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني
    ـ طيب شاعدني عشان ألاقي النضارة
    ـ آهي على الترابيزة قدامك
    ـ فين ؟!!
    ـ لا دي نظارتي أنا
    ـ أيوة لقيتها ..
    ـ البشيها بقة
    ـ ططييبب
    ـ عينيكي فوق شوية .. ده بقك ..
    ـ طيب لبشهالي إنت
    ـ عقبال ما البشك الدبلة
    ـ ما تكشفنيش .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟
    ـ آه !! .. أجوشك
    ـ بالضااااابط .. هاه ؟
    ـ شيبني أفكر
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش
    ـ ربنا يوفقك
    ـ إيه ؟
    ـ ربنا يوفقك
    ـ بتقول إيه ؟
    ـ ربنا ياخدك

    *****

    (على فراش الموت)

    ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
    تتكوشـ .. كوح كوح .. يني ؟
    ـ مش شامعة
    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
    ـ أجوش مين ؟!!!
    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
    ـ إيه ؟ ..
    ـ لا .. كوح .. أبدًا .. كوح .. كنت … كح كح .. بأكح
    ـ كنت بتكح ؟!!!! .. شلامتك .. ما قلتليش ليه ؟
    ـ هو .. كوح .. إنتي .. لشة .. عارفـ .. ـة .. كوح كوح
    ـ بتقول إيه ؟
    ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
    ـ أجوشك ؟!! .. طب بش خد الدوا الأول
    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
    كوح كوح .. ـني ؟
    ـ أيوة يا حاج .. موافقة .. موافقة إنك تتكوشني ..
    ـ أخيـ….كوح كوح ..راااااً !! .. كوح كوح .. كدة أموت .. كوح ..
    كوح .. وأنا .. كوح .. مطمئن ومرتاح .. الودااا .. كوح ..ع ع ع ع
    ـ يا حاج .. يا حاج ..
    لااااااااااااااااااااااااااااا !![/color

    dr.heart
     
  2.   مشاركة رقم : 2    ‏2004-07-12
  3. بسيم الجناني

    بسيم الجناني مشرف سابق

    التسجيل :
    ‏2003-09-16
    المشاركات:
    10,620
    الإعجاب :
    0
    رغم اني تعبت من قرآتها لكن قصة جميييلة وممتعة



    تسلم يااادكتووور على الطرح الجميل ... ودااامك لمرضى المجلس..
     
  4.   مشاركة رقم : 3    ‏2004-07-12
  5. dr.heart

    dr.heart عضو فعّال

    التسجيل :
    ‏2003-11-17
    المشاركات:
    932
    الإعجاب :
    0
    هههههههههههههههههههههههههههههههههه
    تسلم اخ بسيم
    هى طويله لكن اظنها كانت ممتعه ؟!!!!!!!!!!1

    وحلوه هذي من مرضى المجلس هههههههههههههههههههههههه

    مشاركتك اسعدتني
    dr.heart
     
  6.   مشاركة رقم : 4    ‏2004-07-12
  7. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3
    هههههههههههههههههههههههههههههههههههه


    من جد مصاريه:)

    يعطيك العافيه:)
     
  8.   مشاركة رقم : 5    ‏2004-07-12
  9. فاقد الامل

    فاقد الامل عضو متميّز

    التسجيل :
    ‏2004-03-14
    المشاركات:
    1,862
    الإعجاب :
    0
    [color=CC0000] خههههههههههههههههههه




    خههههههههههههههههههه




    خههههههههههههههههههه




    خههههههههههههههههههه




    خههههههههههههههههههه



    والله حلوووووووووووووه منك يادك يابو الدكدكه بكلها :D




    يارب يخليك لمرضى المجلس يارب .. يارب متحرموش من الخدمه ديت :D


    خههههههههههههههههههه [/color]
     
  10.   مشاركة رقم : 6    ‏2004-07-12
  11. الفوضوي

    الفوضوي قلم ماسي

    التسجيل :
    ‏2004-04-06
    المشاركات:
    26,302
    الإعجاب :
    22
    ههههههههههههههههههههههههههههههههه
    هههههههههههههههههههههههههههههه
    هههههههههههههههههههههههههه

    رهيييييييييييييييبه يا دكتور هيرت

    صدقني شكلها كذا ;)



    تسلم الصراحه ضحكت من قلبي
     
  12.   مشاركة رقم : 7    ‏2004-07-12
  13. لابيرنث

    لابيرنث مشرف سابق

    التسجيل :
    ‏2002-05-11
    المشاركات:
    7,267
    الإعجاب :
    0
    هههههههههههههههههههههههههههههههه

    ههههههههههههههههههههههههه

    قطع الحب وسنينة

    آل حب آل .. يا خي جتهم نصيبة هم والحب بتاعهم ( على قولة ماري منيب )

    تسلم يا دكتور هارت على هذه القصة الحلوة والمضحكة

    لك التحية والتقدير
     
  14.   مشاركة رقم : 8    ‏2004-07-13
  15. حضرمية مغتربة

    حضرمية مغتربة مشرف سابق

    التسجيل :
    ‏2002-11-05
    المشاركات:
    14,712
    الإعجاب :
    0
    بكمل باقي القصة بكرة
     
  16.   مشاركة رقم : 9    ‏2004-07-13
  17. سمير محمد

    سمير محمد مشرف سابق

    التسجيل :
    ‏2002-09-26
    المشاركات:
    20,703
    الإعجاب :
    0
    اللقب الاضافي:
    نجم المجلس اليمني 2003
    معاناة الشباب ..

    ليست مقتصرة على مصر فقط ..

    طريقة جميلة في التعبير .. وأسلوب جديد .. تحياتي لك
     
  18.   مشاركة رقم : 10    ‏2004-07-13
  19. LoOoOoVe

    LoOoOoVe عضو نشيط

    التسجيل :
    ‏2004-07-01
    المشاركات:
    254
    الإعجاب :
    0
    ههههههههههههههههههههههههههههههههههههههههههههههههههههه

    هههههههههههههههههههههههههههههههههههههههههههههه

    ههههههههههههههههههههههههههههههههههههه

    هههههههههههههههههههههههه

    هههههههههههههه

    رااااااااااااااااااااااااااااااااااااااااااااااااااااااااااااااااااااااااااااااائعة

    بس يا ترى منقول والا أصلي ؟؟؟؟؟؟؟؟؟؟؟ خخخخخخخخخخخخخخخخخخ

    حقيقة إبداع جميل وخيال واسع .. الله يبارك لك ..

    بس ليه خليت الشايب يموت كان خليتهم يتزوجون حرام عليك :(

    يعني كل ما مريت من ************** قلت خلاص حيتفقوا على العرس

    :))

    خخخخخخخخخخخخخخخخخخخخخخخخخخخ

    جميلة جدا بارك الله فيك

    تحيتي
     

مشاركة هذه الصفحة