احذروا يامغتربين من العين

الكاتب : فتى مأرب   المشاهدات : 769   الردود : 3    ‏2000-12-18
      مشاركة رقم : 1    ‏2000-12-18
  1. فتى مأرب

    فتى مأرب عضو

    التسجيل :
    ‏2000-12-13
    المشاركات:
    113
    الإعجاب :
    1
    السلام
    العين حق هكذا أخبرنا النبي صلى الله عليه وسلم
    ولي انا تجربة مأساوية مع العين وأجزم بأنها السبب من الحين لا تجون في الأخير وتقولون ماهو من العين لأني بصراااحة وبكل فخر أحسن واحد يسوق في السعودية يعني ماني غشيم , الحكاية اني لما نويت اسافر اليمن للمرة الأولى قلت اشتري سيارة كشخة الواحد يستعرض بها قدام جماعته ويرفع راس هله وربعه , عشان يقول الناس ماشاء الله عليه اغترب وطلع بنتيجة من غربته , المهم اخوكم راح واشترى سيارة فورد كراون فكتوريا 97 لون عنابي على بنفسجي يعني بصراحة لون صعب , المهم نزلت وانا في الطريق والله ما يشوفها احد الا ويوقف مكانه يناظر فيها واللي يصيح واللي يقول وللللللل واللي مدري وش يقول المهم لما وصلت عند هلي تعرفون عاد في الريف وبدو مو موالفين على كذا سيارات , ماشافوها من هنا الا وراحوا مثل المجانين ليل وصبح عيال عمي يتمسحون فيها حتى قالولي ان واحد فيهم كان ينام عندها مايرضى يدخل البيت واللي جننهم كمان اني مركب عليها جهاز انذار يعني تلمسها بس تقوم تصيح , عاد الاولاد عجبتهم هذي مره , خلاصة الكلام عشان ما اطول عليكم وانا راجع ومعي اهلي طبعاً وبعد ماعديت صنعاء وانا نازل من مناخة طلعت لي ذيك التريلا وبقدرة قادر مالقيت نفسي الا تحتها والله العظيم ان فيه قوة خارقة طلعت السيارة من خطها والا انا مو مسرع اصلاً بس كيف صار المشكلة كمان اني ما اتذكر شي اللي اذكره ساعة دخولي تحت التريلا , وتجيك ذيك اللحظات والله انها اسود لحظات بعمري اناظر في ابوي الاقية المسكين راسة ينزف دم غزير واخواني ورى اللي اغمي عليه واللي يبكي عاد سبحان الله رغم ان الصدمة من ناحيتي لكن ماصار فيني شي , بعد ذيك اللحظة صارت احداث مؤلمة مو وقت اكتبها الحين بس الشاهد من القصة انه رجعت السعودية وسحبت السيارة معي حتى هناك ولما وصلت هناك بعتها بتراب الفلوس لأنه ناس نصحوني ما اصلحها لأن فيها عين وبالفعل اتضح بعد ذلك ان فيها عين بتقولون اشلون , انا اقولكم , اللي شراها مني دخلها ورشة والسمكري اللي كان يصلحها طاحت على رجله حديده وهو شغال في السيارة وقطعت اصباعه والمسكين عنده الغرغرينا يعني الحين بيقطعون رجله كلها , وصاحب السيارة راح لصاحب الورشة عشان يطلع السيارة يوديها ورشة ثانية فاختلفوا على الحساب وصارت قضية كبيرة وصلت الان الى الحقوق المدنية والى الآن لم تنحل القضية وأقسم بالله ان السيارة صار لها الآن تسعة أشهر في الورشة وملسه ماخلصت وسمعت مؤخراً ان اللي شراها مني يدور لها زبون لأن نفسه قنعت منها , وش رايكم هين ولا مو بعين ,, وسلامتكم
     
  2.   مشاركة رقم : 2    ‏2000-12-18
  3. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    الحمد لله على السلامة

    عزيزي فتى مأرب:اشكرك على طرحك للموضوع
    والحمدلله على سلامتك وسلامة الوالد ومن كان معك وهذا اهم شئ 0
    وبالنسبة للعين لاشك في ذلك لأن النبي صلى الله عليه واله وسلم يقول: (العين حق)وهناك من العلماء من أفرد موضوع العين ونوادر مايحصل بسببها للناس في كتب خاصة 0
    والله يحفظ الجميع0
     
  4.   مشاركة رقم : 3    ‏2000-12-20
  5. فتى مأرب

    فتى مأرب عضو

    التسجيل :
    ‏2000-12-13
    المشاركات:
    113
    الإعجاب :
    1
    ياحيف الشوم

    ياحيف الشوم صحيح , كل اللي قروا الموضوع استكثروا فيني كلمة الحمد لله على السلامة , يعني بينقص منهم شي , يلله عشنا وشفنا .

    شكرا اخي المشتاق
     
  6.   مشاركة رقم : 4    ‏2000-12-20
  7. صالح الخلاقي

    صالح الخلاقي عضو متميّز

    التسجيل :
    ‏2000-07-21
    المشاركات:
    1,182
    الإعجاب :
    1
    عين اخي مارب اعوذ بالله من العين
    على فكره استمتعت بقراءه هذه القصه وتصلح كاتب قصص ؟
     

مشاركة هذه الصفحة