حب بلا حدود الجزء الثالث

الكاتب : صدى الحرمان   المشاهدات : 1,055   الردود : 22    ‏2004-05-04
      مشاركة رقم : 1    ‏2004-05-04
  1. صدى الحرمان

    صدى الحرمان عضو متميّز

    التسجيل :
    ‏2004-01-15
    المشاركات:
    1,519
    الإعجاب :
    0
    الجزء الثالــــــث

    ريم : العنود وش فييج وش صار لعقلج ...

    عنوودي ردي علي ……اووووووووووووووف

    (( طير عقله حسبي الله عليه))



    العنود : ولا شي بس عندي أحساس غريب يشبه أحساس خروف في عيد الضحية .
    أتصور أبوي أذا درى ..هو ذابحني ذابحني ما فيها شك بس يا هل ترى كيف الطريقة
    بيزنطني ولا بيخنقني ولا وشلون بالضبط


    ريم : أي والله يا عنوود عاد أنتي أمج هني و أخوانك هني يمكن يمكن يدافعون عنج ...
    بس المصيبة أنا أهلي مدري في لندن ولا راحوا باريس ومن زين الحظ أبوي بروحه
    في الدوحة والله بلشه أنا اصلا وش ييبني أحضر عرس نورة أحد يسوي عرسه في
    الصيف وهني بالدوحة ... أنا أخاف أبوي يطبق علي حركات المصارعة الحرة أبوي
    يعزهم وايد خصوصا اندر تيكر أذا تك الواحد من رقبته ورفعه فوق فوق ثم يقطه في
    الأرض وينط فوقه ....



    أنا : وش تحكون عنه .. لا تجلسون تحكون مع بعض وتطنشوني متمللين مني ....


    العنود : استغفر الله أحنا نمل منك أنتا ...(((ودي تيجي يا راجل بس نودع بعضنا )))..
    خبرك نهايتنا قربت على ايدك الله يسلمك ولا يحرمنا منك أجل عمي يا ريم هالأيام معجب
    باندر تيكر ... أنا أبوي من زمان عن المصارعة آخر خبره بيوكوزنا ذاك الياباني المتين ..
    اللي يبرك فوق المصارعين ويفطسون اهيء اهيء اهيء
    أنا : الله عندكم سينما يا حظكم ( منتهى تبلد الحس ) .قهر ..لحظة بروح أشوف الأفلام اللي
    عندهم ... ولا أقول لكم ستار بكس حقكم في الدوحة مو زين تعالوا كلنا نروح سوى نشوف
    الأفلام اللي عندهم ونحضر لنا فيلم
    ريم : على أمرك أنت بس تمشي وأحنا وراك ... أقول يا عنودي ظنتج بيذبحونا فرادى
    ولا جملة وفي البيت ولا في ميدان عام ...
    العنود : مو باط جبدي أنه ولا حاس خير شر ..يبّي يشوف أفلام ويحضر سينما ..متفرغ
    الأخ مرة ...
    ريم : طالعيني عدل ودي أشوف ويهج كله قبل ما يذبحونج ... والله أنك حسافة على
    الموت يا عنود
    أنا : يالله حركوا بسرعة يا سلام سبايدر مان نزل في قطر حركات رهيب كان ودي
    أشوف هالفيلم ..هييه هييه
    ريم : يالله يا عنود أذا بنموت على الأقل نشوف فيلم قبل ما نموت ..
    العنود : بس عاد مب سبايدر مان أذا بنشوف نشوف فيلم كوميدي شوي ..بس
    وش نسوي عاد ((حكم القوي ))

    وندخل ونشوف الفيلم وطبعا أنا جالس في النص .. ريم ماسكه الفشار الحلو
    والعنود ماسكه الفشار المالح وأنا أكل شوي من هذا وشوي من هذا ويوم خلص
    الفيلم طلعنا
    ريم: يالله يا عزوز نطلع من هنا بسرعة شوي وينزحم السوق في نهاية الظهر
    اللي بيتغدون واللي يبّون يحضرون سينما ...
    العنود : وهي صاجة ريم ..مو أنت شفت الفيلم سبايدر مان ..خل نروح أي مكان ثاني
    أنا : زي ما توقعت على طول مليتوا مني ..على العموم مشكورات ...هذي مفاتيح
    سيارتكم ..روحوا بروحكم أنا بروح أشوف السيتي سنتر اللي دايما يطلع في
    التلفزيون ..وثم بأطلع للمطار بروحي بأمشي ما أبي أزعجكم أكثر اللي مثلي
    أحسن له يتم بروحه طول الوقت بروحه ولا يزعج الناس ...

    ريم : سامعة يا عنووودي بيروح الستي سنتر .. فاهمتني الستي سنتر 3 طوابق
    يعني فوق فوق فوق تحت تحت


    العنود : والله سامعتنه يا ريم ..أقول عزوزي ما بتروح السنتي سنتر بروحك..
    وش رأيك أحنا بنروح و أياك أنا وريم
    أنا : لا لا ماله داعي أنتم بنات الله يستر عليكم ..يشوفكم أحد معي في الستي سنتر
    تنفضحون يكفي اللي شافوكم معي هنا في اللاند مارك ...أنا ما راح أطول في الستي
    سنتر كلها شغلة سريعة بأطلع فوق ثم بأنهيها
    ريم : وش تطلع فوق وتنهيها نو نو نو سوري أنت في قطر يعني أنت ضيفنا بنروح
    و أياك الستي سنتر وبعدين نتمشى على الكورنيش وفي الليل بنعزمك على العشاء ...
    كم عزوزي عندنا
    أنا : لا وش عشا ناسين أن رحلتي آخر العصر ... تذكرتي معي ..و أغراضي جاهزة
    في الفندق ..


    العنود : أهليين معاه التذكرة وأخوه ما طرش له البيزات ...ويبّي يروح الستي سنتر ..
    عزوزي والله ثم والله .. ما بتسافر اليوم ..حلفت أنا عاد يالله وش عندك ...علي الطلاق
    من جاسم ولد عمتي اللي ناشب في بلاعيمي وأنا ما أبيه ..))) يااااااحراااام
    والله كسرت خاطري

    ما بتروح اليوم ..هاه ناوي تشرد جاسم وتخليه مطلق ...
    ريم : أي والله ..عليها الطلاق من جاسم ...ما بتروح .. ألا قولي لي يا عنود عمي
    ألى الآن ملزم على جاسم ... مو راضي يقتنع أنج ما تواطنينه بعيشة الله
    العنود : أي والله شايفة وشلون ..وش جاب لجاب ..هو بدوي بحت .. من بر لبر وكل
    سنة يطلع للمقناص .. وأنا حدي أزرع ورد واسبح في بركتنا ... هو يحب سلامة العبدلله
    و أنا مالت عبدالمجيد عبدالله وراشد الماجد وطقتهم ..وغير ذي كله ..اذا جا بيدلعني
    يقول لي يا هيش ( هيش = كلمة بدوية تعني يا مرة )
    ريم : الله يهديه عمي بس وش لج بجاسم ..والله الزين سعود ولد خالتك .. ولا ثامر ..
    ولد خالج .ناس هاي وكشخة ومتخرجين من أمريكا ..مو جاسم راح يدرس ببريطانيا لغة ..
    رجع معلمهم العربي و حمس القهوة ..وصيد الضبان
    العنود : ويرحم والدينج لا تذكريني ..ترى يضيق خلقي ..أنا أصلا مابي من عايلتنا هالمرة
    ابتلش في جسوم ..شايله هم أذا طلع البر وصاد حبارى أو ضب وقطع لي عكرته و لا شي
    ثاني بيقطه علي ويقول يالله اطبخيه ..والله لا أدوخ وأطيح في المطبخ

    ريم : طيب كلمي امج يمكن تلقى لك حل ..وتقدر تقنع ابوج بيني وبينك أنا شايلة هم لو
    تزوجتي جسوم وشلون بأشوفج وأطلع معج .. أخاف يكون زي أخوه حمد تم حابس
    مرته ما تطلع الا في العيد تزور أهلها نص ساعة وترجع
    أنا: أقول تبون شي تشربونه فيما تخلصون سالفتكم وش دخلنا بجاسم وثامر وحمد ومرته ...
    داخ رأسي أنا بروح الستي سنتر هاه بتجون معي ولا لا
    العنود : لا أمش و أحنا وراك ..قصدي ريلنا على ريلك ما بنهدك تروح مكان بروحك ..,
    ونروح للستي سنتر ..طبعا سوق كبير وكشخه ومليان ناس ... ومن خوفهم علي كل
    واحدة ماسكة يد من يديني ..وكل شوي ساحب أيديهم بشويش ومقربها لي أكثر يعني
    زي مشية العرسان أول الزواج ( حطوا مية خط تحت أول الزواج )!!!!!!!!

    .. وجلسنا نمشي في السوق وكل ما حسيت أهتماهم قل فيني أطمر للدور الثالث
    ساعتها يلزقون فيني بقوة .....
    ههههههههههه
    (((ولو الرجال ذكي ماينخاف عليه )))


    .ويمر الوقت ويخلص العصر ويجي المغرب و أجوع وأبي أتغدى وندخل مطعم
    ايطالي في السيتي سنتر ..وياليتنا ما دخلنا المطعم ,, طبعا ما في هناك قسم
    عوائل ولا أفراد كلهم صالة واحدة ..وجلسنا على الطاولة ..وطلبت الأكل وجلست
    اشفط العصير فيما يجي الأكل ... والا بنت متلثمة جالسة على طاولة مع عائلتها
    مشتغلة قزقزة فيني ( قزقزة كلمة سعودية تعني مطالع بالخليجي تخزني بعيونها ) .. ....


    طبعا التفسير المنطقي اللي في رأسي أنها بنت مقهورة شافتني مع بنتين وكل واحدة
    تمسك في يدي و تدلعني ...

    طبعا أنا أطبق الحكمة القائلة زيادة الخير خيرين وقمت أشتغل مع البنت نظرة بنظرة ..
    ولا بيهمني حاجة ... وجا الأكل وقمت أكل وأطالع البنت ..وهي وعائلتها خلصوا أكل
    وطلعوا أهلها وسبقوها وجت البنت ناحيتي وياليتها ما جت
    يا ترى من هالبنت و وش تبي بعبدالعزيز ..؟؟؟!!!







    تبغون تعرفون……!!!!!






    ملزمين …………









    امممممممم اجل تابعوني مع الجزء الرابع ….
     
  2.   مشاركة رقم : 2    ‏2004-05-04
  3. صدى الحرمان

    صدى الحرمان عضو متميّز

    التسجيل :
    ‏2004-01-15
    المشاركات:
    1,519
    الإعجاب :
    0
    الظاهر ما حد عجبها القصة



    مشكورين جمعياً
     
  4.   مشاركة رقم : 3    ‏2004-05-04
  5. ابوبسام

    ابوبسام قلم ذهبي

    التسجيل :
    ‏2002-11-21
    المشاركات:
    8,926
    الإعجاب :
    0
    عاجتنا


    ما تعجبنا كيف .... بس لازم الواحد يكون متابع للجزأين السابقين


    استمري


    ولا يهمك .... الحين يجون



    خالص المودة
     
  6.   مشاركة رقم : 4    ‏2004-05-05
  7. صاحـ السـمو بـة

    صاحـ السـمو بـة قلم ذهبي

    التسجيل :
    ‏2004-03-28
    المشاركات:
    6,627
    الإعجاب :
    0
    صدى كملي بليييييييييز

    بسرعة حطي الجزء الرابع مافيني صبر :(

    يسلموووووووو يسلمووووو يسلموووو صدى الحرمان راااااااااائعة
     
  8.   مشاركة رقم : 5    ‏2004-05-05
  9. صدى الحرمان

    صدى الحرمان عضو متميّز

    التسجيل :
    ‏2004-01-15
    المشاركات:
    1,519
    الإعجاب :
    0



    الف شكر الك يا أخي
     
  10.   مشاركة رقم : 6    ‏2004-05-05
  11. صدى الحرمان

    صدى الحرمان عضو متميّز

    التسجيل :
    ‏2004-01-15
    المشاركات:
    1,519
    الإعجاب :
    0
    \




    أوكية و لا يهمك
     
  12.   مشاركة رقم : 7    ‏2004-05-05
  13. الدودحية

    الدودحية عضو متميّز

    التسجيل :
    ‏2004-02-04
    المشاركات:
    1,990
    الإعجاب :
    0
    لا حلوين متابعينك يالله الجزء الرابع والاخير :D
    مش تعملي لنا مسلسل مكسيكي :D

    تسلمي
     
  14.   مشاركة رقم : 8    ‏2004-05-05
  15. الزعيم

    الزعيم قلم فضي

    التسجيل :
    ‏2003-10-04
    المشاركات:
    3,053
    الإعجاب :
    0
    مسلسل حلوا





    تحياتي الي





















    magint
     
  16.   مشاركة رقم : 9    ‏2004-05-05
  17. الفوضوي

    الفوضوي قلم ماسي

    التسجيل :
    ‏2004-04-06
    المشاركات:
    26,302
    الإعجاب :
    22
    خطبة الجمعه
     
  18.   مشاركة رقم : 10    ‏2004-05-07
  19. صدى الحرمان

    صدى الحرمان عضو متميّز

    التسجيل :
    ‏2004-01-15
    المشاركات:
    1,519
    الإعجاب :
    0


    و الله فكرة حلوة وش رايك انتي أختي












    ههههههههههههههههههههههه




    أوكية لا يهمك
     

مشاركة هذه الصفحة