الشاعرابوصنعاء ومواجهه جديده مع شاعرالثوره الهروجي

الكاتب : وليد المصري   المشاهدات : 1,266   الردود : 24    ‏2004-05-03
      مشاركة رقم : 1    ‏2004-05-03
  1. وليد المصري

    وليد المصري الجهاز الإداري

    التسجيل :
    ‏2003-05-10
    المشاركات:
    7,844
    الإعجاب :
    114
    عزيزي القاري الكريم هذه القصيده هي تعقيبا من شاعر يافع ابوصنعاء وهي مرسله للهروجي بعد ان قام الشاعر عصام بالرد على القصيده الاولى نيابة عن ابوه هذا هو البدع ويليه الجواب


    [poem=font="Simplified Arabic,4,black,bold,normal"
    bkcolor="transparent" bkimage="backgrounds/7.gif" border="solid,4,gray" type=0 line=0 align=center use=ex num="0,black"]
    قال ابوصنعاء راسي لايزل حيد قاسي******** لاالهروجي ولا غيره يوطـون ذا الــــــراس
    المظلع معيا والهـــــــد ف ذي باراسي******** راس ولد الهروجي فلس الـراس فلســـاس
    مامعه أي ملجاء وين يضــوي ومــــاسي********** بقبضه حتى لو عنـده كمــنـد و وحــراس
    بكسر الباب في القبضه وفي حد فاسي********* ويش من باب ذي يقـوى على ضــربة الفـاس
    ون هرب قد معي رقمه واسمه خُماسي********* بحضره حتى لــتخــفى عليـنا بتكســــا س
    لول رسلت له عـــدت جوهر ومـــــاسي*********والهـديه منــــقيها من اللــــول والــماس
    قلت له يعـتــــذر لبن الســـوادي يـواس*******لايخلي كلامه جـــاف من دون احســـاس
    لااسف ردلي بالنصــح عكـس العكاسي******** ماسمع أي كلمه زاد عل الخـل بســـباس
    جوب ابنه بداله عجــــز ولا نُعــاسي********* ضـــربت الزمـــري قاتل بتقطــع للنفـاس
    ضــربتي ماكنه خليت مثلــه يقــــاسي*********طولت الليل بالحمى مكسكس تكسكــاس
    قال لي سلم الامر؟قلت منـتــــه مقـــاسي********* لاحداحد تخـــوف صقر اوطير نـوراس
    الاسد ما بيجـــلد: هل فقدت الحـــــواسي********* نام وهــدى بلاش الخنطصه والتهراس
    شوف ابو صنعاء السلطه وأمــــره رأ سي********** أمر واحد وبا ننفيك لا ارض مــدراس
    مــثلك الان مايقـــــدر على افتــــراسـي******** وين لنــياب معاشي معك غير لجــــناس
    وكل ابنك اذا بك خـــوف من شد باسـي********* ويش بايوصـــل العاجز الى حـيد دوفاس
    يالهروجي فتـــحت الباب ذي به مائسي ******** ريـــح جاتك بتقلع كل مـبنـاء ومــتراس
    شوف سيف المهلهل في يدي لنت ناسي******* مايهـــم المهلهل الـــف من مـــثل جســـا س
    استعد استعد شوف السفن بالمـــــراسي******** نارها ما بتهــــدى نـار حـــامي ولهـــــا س
    انتهت حيلتك فكــرت لعــبة كــراسـي******** والمثل قال بانواس مـا زاد عــــل الحـــــاس
    ذاخــرج فصل الثاني حــــروفه اســاسي******** ما بُنــي دار الا بعـــد مــا وثقــــو الســـاس
    قـــوم خذ وارســـــولي بدعي الدبلـــماسي********* كـــل كلمه كتبـــناها بمعـــنا ومقــــياس
    وهد له قات من احلى غصــــون الغـــراسي******** ذي الهـــديه توديها لشـــاعر ونبــــراس
    قــــوله قد سمــعت انه مرشــــح ســـياسي******** استضافــــوه بالتلفاز وعطـــو له الكـــاس
    الف يهـــناه من عندي خـــماس ســــداسي********* ويش باقــول من بعد القُصد والتهنجاس
    غشــهم كلــهم حـــتى اصــــدقائــي وناســي********* له اساليب بالكلمات دهــنه ومـــلاس
    قد تناسي نـسي من قــبل وقـــت الــــدراسي********** والكلام الذي قاله مسـجل بكـــراس
    كــــم تنشد بائـــل احمـــد بخطبه حمـــاسي********* ما بيوخـــفى: معا ليام بايـعرفو الناس
    يالــهروجـــي تئكـــد ان ذا الكـــاس كـــاسي******** والوســـام الذي خذته يحيله وطلمـــاس
    وعد من عند شـــاعر ذي يهـــز الــرواســي*********ما ترجع ولو شمس السماء تُقطع اخماس
    ما رحمـــك حــتى لو قـــدمت ليا لتـــماسي********* او تصيح لحتى يسمع الصوت قـــنداس
    وخر الامر بيتحكم بنا حــــزب شــــــاسي********** حزب صهيون بيسي للفلسطيني دحاس
    شــــوف بغداد قد راحت بوقـــتاً قيــــاسي********** السبب تفرقتنا طمعت فيـــنا لنجــــاس
    يالهــــروجي دعـــــوت الله لك بلانــــاسي********** ويجعل الله عمـــــرك بالفرح والتــئــناس
    كلمـــــة الحــــــق باعلنها بدون التــــباسي**********انت لســــتاذ مانحـــنا سوى غـير دُراس
    وختمها بالنبي ممــطر وسقـــــو الجـــــداسي********** تشمل المصطفى والعـــم حمزه وعــــباس
     
  2.   مشاركة رقم : 2    ‏2004-05-03
  3. وليد المصري

    وليد المصري الجهاز الإداري

    التسجيل :
    ‏2003-05-10
    المشاركات:
    7,844
    الإعجاب :
    114
    وهذا هو جواب الشاعر الهروجي محمد بن حسين قبيلة عنس لواء ذمار





    [poem=font="Simplified Arabic,4,black,bold,normal" bkcolor="transparent" bkimage="backgrounds/7.gif" border="solid,4,gray" type=0 line=0 align=center use=ex num="0,black"]
    بعد ياهاجسي الـــــــــبداع فك ام الرياس
    ************يسمع الناس صوت المعنسه والتعناس
    هاجسي لاورد هــــز الجـــــبال الرواسي
    *********** من جبــــال اللسي لا وايله لا مكـــيراس
    وبن سواد وبوصنعاء طهوش المحــاسي
    *********** شيعو روسهـــــم للهوجسه والتهنجاس
    ويش من روس لا الفرسي ولا بن الفراسي
    ********روسكم عند شاعر عنس هــــن روس فـساس
    باخزم اخشامكم وبتل عليكم رواسي
    *********** داخل المزرعه واخيس الارض خـــــياس
    ويلكم ويل من سجني ومن طول عاسي
    *********** من عصى دولتي يتحــــمل الميل والعاس
    خاصة مثل ابو صنعاء الزميل اللماسي
    ********* ذي تشركس وماهو عارف ايش التشركاس
    بادخله محبسي والبسه ثوب طاسي
    *********** وبتلع هاجسه وقلع سنـــــونه ولضراس
    الطريق طحس ياذي ما عرفت الطحاسي
    ************ من امامك ضياح لهبا ومن خلفك اجواس
    عود للخلف قبل المشنقه والدحاسي
    ************ ما معك من يدي غير السكاكين والامواس
    قلت لك بيرك المولس ماهو بلاسي
    ************ ماتنوس الغروس الا على نهــــر بجــاس
    هو رسطي ذهب ونته رسطك نحاسي
    ************ والرصيد الذهب ماينصرف عند نحــــاس
    قد عصام رد لك وعطاك فوق المقاسي
    ************ ظيفك وكرمـــك واسقــاك من بحرغطــاس
    الولد مثل ابوه قاسي ومصباح لاصي!!
    ************* شبل ذاك الاسد قوسه علي فوق للقـــواس
    قلت ماتشتهي الا قهوتي والحياسي
    ************ والحما والهسي والدلقســه والتهــــد واس
    دن لك دن وشعر لك معا بانواسي
    ************ شاعر الشعب ذي صــــوته قهر كل متياس
    ما لبست الوسام الا بقوة حماسي
    ************* وجتهادي وبجهودي وحبي ولخـــــــلاص!!
    هامتي عاليه في كل مكتب رياسي
    ************ في سبيل الوطن فاضت شعوري وللحساس
    ونت تحلم بال احمد وهيلا سيلاسي
    ************* واحمد الفيرسي والعيدرو س ابن طهماس
    كنت بياع القرض واليوم تساق التكاسي
    ************ وسط ابوظبي تشغلــــنا قصــــــايد وبعسـاس
    هلها يامهلهل وشــــرب امر فاصي!!
    ************* وتـــرك البعسسه والدلـــوسه والتـــعساس
    الادب ذوق ماهوشي لبن في الطياسي
    ************** مايخوض البحور الا مهندس وغــواص!!
    لا ولا هو بكبسة رز وسط التباسي
    *************** والحجار الحبش تشتي معلم ووقـــاص!!
    قالي ايش اسمك الكامل وراسك براسي
    *************** وترك العاصمه صنعاء ولـــندن وتنشاس
    انت مظطر للخفيه اولا انت ناسي
    *************** ام عليك دين لبن اسحاق او لبن مــــياس
    باشهد الله عليك وطوعك لنت عاصي!!
    *************** طاعتي لازمه يشهد لها العام والخاص!!
    يشهد العابسي واليابسي والعراسي
    *************** وهل قرية حلاس والانسي وهل الاعماس
    ويشهد القنبسي العُبسي والعواسي
    **************** ايشهد اهل الخليج الفارسي وال عطاس
    ايشهدو لي على ذي قال هو دبلماسي
    **************** يحسب الدبلماسيه غدى ماكل اقـــــراص!!
    انتهى فصل والثاني نوجه تواصي!!
    **************** لبن سواد وبو صنعاء ومن حولهم جاس
    السلاح النظيف يحتاج رامي اساسي
    ***************** والرمــاه تختلف حـــربها لا في لعـــــراس
    من تعود لوزن اخشامها والكراسي
    ***************** لاقلب بندقه خلى الهـــــدف يطلع انــــقاس
    ون جهل وزنها سبب عليك انتكاسي
    ***************** يخطي القانصي لوكان في وسط مقناص!!
    قيسها قبل ما تقطع وروم القياسي
    ***************** ونما لم فما عد من قفا القطــــع قيــــاس
    وسئل الصنبحي يعطيك منهج دراسي
    ***************** رايد الشعر ذي قد دوس البحــــر دواس
    ذي كلامه عسل فاصي لداني وقاصي!!
    ***************** شعر ما ينتسي لابآ س ابو صقر لابــــــاس
    ليش غيبت يا بو صقر وانت الفراسي
    ****************** الجماهير لا قـــــــــوالك تحمس تحماس
    غيبتك سببت فينا الفراغ السياسي
    ***************** انت مشغول ولا انت معرض للفـــــلاس
    وان كان العرب مامنهم الا المئاسي
    ****************** ذكرهم مختزي وعـــــلامهم في تنكاس
    والبطوله لحزب الله وجبهة حماسي
    ***************** والعراق ادع له بالنصر لا تقطع اليـــاس
    وارجو المعذره والعفو لا الرد قاسي
    ***************** ما تسوق الرصاص الا المعابر ولامقاص!!
    ختم صلو على من توجه نور غاسي
    ****************** الرسول المشفع ســــيد الجـــــن والناس




    وللجميع تحياتي وصادق مودتي والمعذره على التقصير وكل عام وانتم بخير ولنا عوده
     
  4.   مشاركة رقم : 3    ‏2004-05-03
  5. ابن طاهر

    ابن طاهر عضو متميّز

    التسجيل :
    ‏2004-03-14
    المشاركات:
    1,079
    الإعجاب :
    0
    تعيش

    تعيش يالمصري ويعيش ابو صنعاء على هذه الكلمات الجيدة.......................
    وينك يا مصري ما زد شفناك من زمان
     
  6.   مشاركة رقم : 4    ‏2004-05-03
  7. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    [color=CC3366]اخي الحبيب وليد المصري المحترم

    تحيه خاصه لكم من قلب اخوك ابوصنعاء

    شكرا لك اخي الحبيب على نقلك البدع والجواب

    شكرا لك اخي والله اني ما انسى ما قدمت لي ايه الحبيب

    ومبروك على حصولك القلم الفضي فمجرد تعقيبك تكون حصلت عليه

    ويسعدني ان اكون اول المهننين لك اخي الحبيب

    تقبل تحيات اخوك ابوصنعاء
    [/color]
     
  8.   مشاركة رقم : 5    ‏2004-05-03
  9. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    Re: تعيش

    ==================================================
    [color=6600CC]شكرا لك اخي الحبيب بن طاهر المحترم

    شكرا لك من القلب على تعليقك الطبيب

    تقبل تحيات اخوك ابوصنعاء
    [/color]
     
  10.   مشاركة رقم : 6    ‏2004-05-04
  11. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ==================================================
    شكرا لك اخي الحبيب وليد المصري المحترم

    شكرا لك اخي على نشرك البدع والجواب

    واتنما ان تحصل على شريط التسجل

    الذي سجل حسب ما قالي عصام الهروجي

    شكرا لك مره اخرى وتقبل تحيات اخوك ابوصنعاء
     
  12.   مشاركة رقم : 7    ‏2004-05-04
  13. وليد المصري

    وليد المصري الجهاز الإداري

    التسجيل :
    ‏2003-05-10
    المشاركات:
    7,844
    الإعجاب :
    114
    بسم الله

    في البدايه اود ان اشكر الاخوه في المجلس على شعورهم الطيب

    واقول للاخ ابو صنعاء تسلم ولا شكر على واجب وبالنسبه للكاسيت انا معزوم في عرس يوم الخميس بمنطقه مجاوره لذمار ولوكان نزل فساحصل عليه

    وربنا يبارك فيك على تهنيتك على حصولي على القلم الفضي شعور اخوي نبيل

    من اخ وصديق عزيز وانشاء الله نرى لك الجديد والحديث في الساحه الشعريه


    وللاخ ابن طاهر شكري الجزيل على مروره الكريم وله اسما التحايا القلبيه

    ونقول له موجودين يابن الاجواد ومشاغل الدنيا تلهينا مع الف سلام
     
  14.   مشاركة رقم : 8    ‏2004-05-05
  15. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    بصراحه لازلت اقلب اوراق البدع والجواب وبالتأكيد وجدت كثير من ملامح القوة في البدع والتي واجهها الجواب بشراسة ....

    وبالتأكيد كان قصد الشاعر ابوصنعاء هو ان يكسر عصى الهروجي بهذه القافية الصعبة والتي استولت فيما يبدو على اغلب المفردات ...

    ومع تحفظي الشديد جداً على بعض هفوات الهروجي الكبيرة في جعل الصاد سيناً الا انه والحق يقال اتى بالكثير من الجديد والملفت للنظر ....

    وانا بصراحه اتسائل ... كيف جاء بحرف الصاد وهو شاعر مخضرم كما في البيت التالي:

    ذوق مـاهـوشــي لــبــن فــــي الـطـيـاســي
    ************** مايخوض البحـور الا مهنـدس وغـواص!!
    اعتقد كان بامكانه ان يوظف مفردة غطاس ... بدلاً من غواص .... حتى وان تكررت المفردة فتكرارها ارحم من مجيئها هكذا...

    فعلا غلطة الشاطر بـ 1000....

    لا اجد عذراً للهروجي في هذا ..... وربما ان تكلمت معه وتذكرت ساتبين منه

    وبقي انه كما اسلفت الجواب كان في القمة بلا منازع مع اعترافي لبوصنعاء بالبراعه في البدع ولكن كما يقال لايكون اكبر من البدع الا الجواب....


    والشكر موصول للنمر وليد المصري على نقله للبدع والجواب ...

    والى الملتقى ........
     
  16.   مشاركة رقم : 9    ‏2004-05-05
  17. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ======================================================
    [color=660033]اخي الجبيب وليد المحترم

    تحيه لك من القلب على كل كله قلتها

    واريد من ان تسئل عن موقع الكوماني

    لقد قالي عصام ان الكوماني يريد ان يكون

    له موقع ينزل من خلالها القصايد المسجله

    ولك مني كل الشكر



    تقبل تحيا اخوك ابوصنعاء
    [/color]
     
  18.   مشاركة رقم : 10    ‏2004-05-05
  19. الوحدوي

    الوحدوي شاعر شعبي

    التسجيل :
    ‏2002-04-13
    المشاركات:
    4,703
    الإعجاب :
    18
    يا شوقاه ما اجمل القصايد التي تكون حامية الوطيس بدع جميل ومركز وجواب
    لا يستهان به وهذا مانحب نراه ونسمعه دمتم وسلمتم والسلام عليكم
     

مشاركة هذه الصفحة