قصيده الشاعرابو صنعاء وجواب الشاعر الهروجي

الكاتب : وليد المصري   المشاهدات : 2,327   الردود : 17    ‏2004-04-30
      مشاركة رقم : 1    ‏2004-04-30
  1. وليد المصري

    وليد المصري الجهاز الإداري

    التسجيل :
    ‏2003-05-10
    المشاركات:
    7,844
    الإعجاب :
    114
    عزيزي القاري الكريم هذه القصيده موجهه من شاعر المجلس الشاعر المعروف //
    صالح الزمري //ابو صنعاء الى الشاعر المعروف محمد بن حسين الهروجي الى قبيلة عنس ووصلت القصيده وهو كان في صنعاء من اجل حفل التكريم الذي ناله وقد قام ولده الشاعرعصام بالرد اليكم البدع والجواب معا
    ===================================================
    هذا بدع ابو صنعاء


    [poem=font="Simplified Arabic,4,black,bold,normal" bkcolor="transparent" bkimage="backgrounds/7.gif" border="solid,4,gray" type=0 line=0 align=center use=ex num="0,black"]
    قال ابوصنعاء سيفي لايزل حد محــتد*** سيف مجرود ع البا طل بقطعه وحــده

    كلمـــة الحق بفرضها بسيفـي المهــــند*** ماترجـــع وهـــذا القول باكون غـده

    وبعدها يارسولــــي شل خطــي معمــد*** روح لا عنس لا يد الهروجي تــوده

    وهد له عطر من عندي مقرطس مبند*** وحمل الـــورد من بستاننا الف ورده

    ولاتخـــبر منين الخــط ذي هــو مـــورد*** قوله من يوفاعه حيث ماالنار وقده

    شاعر الشعب ابو صنعاء مرسل لك الورد*** والقــــوافي منظمها كتبها بيـــده

    وبعـــد ترحيــبنا ذا يالهـــروجـــي محــمد***خف من لهجتك مالك لسانك تحده

    قد سمعنا جــــوابك عالســـوادي بتهــتد*** ضيف جـــاكم و بتسون لضيف هده

    عــنس خــير القبائل ونت عنهم بتحـــتد***عن عواد قبائل يكرمو الضيف وفده

    لاتقول ويش د خــل اليـــافعي ببن مسود*** شوف مابقبل الباطل ولا عاد اوده

    عـــادت من زمان اول ولي الكـل يشهــد***راجع الباطلي واوقفـه عـــند حــده

    ونتعنتر علي باســـوي بالرجــل مقـــيد*** وذبحه في يدي وقطع لسانه وكبده

    ونت يبن الهـــروجي قــــوم لله تحـمد*** وحــمد الله في ليلك بركعـــه وسجـــده

    قد كشفنا ملفك رغـــم انه معـقــد*** جبت اســــرار عنك من صــــد يقي بحــده

    رغــــم ماخفيت لكن ياصـــد يقي تكـد*** انني بفتـــح المعقـــود عقـــــده بعقـــده

    اول البند قالـــو كنت جـــندي مجـــند*** في قصور الامامه كنت من ضمن جنده

    اول اليوم جمهوري وباللـــيل تـــرتد*** لجــــل باتســـتلم باليــوم قرشين عـــــده

    ماتريدون ثــــوره باليمن لجل يسعد*** والاوامـــر امـــــيريه بتصــد ر بجـــــده

    بعد ما قامت الثـــوره محمد تمســيد*** رمـــز للشعب ذلحينه وهو كان ضـــده

    ردد الشعــــر بالثـــوره ولـلحان تنشـد*** والمغــــني يغــــني له وصـوته يمــــــده

    لجل بايصـــرفو له را تبه ذي تجـــمد*** هكذا يالهروجي الف عيـــبه ونقــــده

    ذا خرج فصل والثاني شروطه مشــد د*** امر مفروض وحذر يالهروجي ترده

    نفذ الا مـــر لــو حبيت ياشـــيخ نســـتــــد*** تعتذر قول واضح ولسوادي تكـــده

    شرطنا شرط واظح امر منا محـــد د*** وكفنا الشر يالصاحب وذا الــــباب ســـده

    ون رفضته ترنا رجع الصـــقر حــد حـد*** اول انـــذر من عندي موجه بشــده

    شـــوف انا يافــعي واليافعــي ماتـــردد*** لوعد وعد يصدق به ويوفي بوعـده

    يافــــعي حــر مستعمــر ولاذل لحــــمد*** انتبه يالهروجي شوفنا الان عــمــده

    شوف يافـــع نظيفه مابه ايت مـــولــد*** صـــافيه من شـــوائب ماتغير بجـــلده

    وعادنا اتخبرك عن حال امه مشـــرد*** لجلهم ياصديقي رد حســره ونهـــــده

    عيني تبكي على ما صار فيهم ووبنهد*** والعرب بالملاهي يسمعو صوت ورده

    وين بغداد وين القدس اصبح مــــــرمـد*** وين ذي با يحـــرر ذا وذي بايــــرده

    ياءلاهي دعـــــوتـك اجعل العمر يمــــتـد*** للهروجي : وبصحــــه الاهـــي تمــــده

    لنه الشــــاعر النـــبراس بعد ابن مخــــــلد*** من مثــيل الهـــروجي مايجد بي بلـده

    لاهنا تــــم ابوصنــــعاء وختـــــم وشـــــــيد*** كد لبن الهروجي شرع يقطر بشُهـــده

    ونت يابن الهروجي احسن القـــول والــرد**** ونتبه من غلـــط ياتي مقلف بزبـــده

    وعن النبي صل مايمطر على حيد مرفـــد*** وعد ما تتبرق الامزان ا و حن رعده

    وكــررون الصلاه ما يقـــروء سـورة الحـمد*** من يزور النبي المختار ياسعد سعده

    =======
    وهذا جواب الشاعر//عصام اللهروجي
    //قبيلة عنس
    رن جوال ابو اوســـــــا ن في للية الحـــــــد**من معي قال ابوصنعاء بصفه وجنــــده
    قلت يا مرحبا بالضيف ع الراس والخـــــــد** من طرق با بنا با لود نا حــــنا نــــــوده
    لاالسماء يا د خا ن االمرجل ا شتل وصعــد**ونتشر فوق صنعاء والمكلاء وصعـده
    ونت ياحصن حســــا ن الاصـــيل الممجــد** مــد حضنك لبوصنعاء ورحب بوفــده
    با لنيا به عن الــــوالــــد تكــــفـــلت با لــــــرد** وان يقول ويش دخلي قله اللوم عنده
    ايش ذي دخله يلعب عراض ابن مســـــود** مــــثل مــــارد انا ردي مقـــــا بل لــــرده
    وكلمة الحــــق ذي في فرضها قد توعـــــد**قــُا لت الحق هو عند السوادي وعنــــده
    ما هنا ك فـــرق بين مسعـود ولا مسعــــد** سيب يا والدي صالح ويكفــــك عبــــــده
    ياترى سيفـــه الي قا ل هو حــــد محتـــــد** سيف مجــــرود ع الباطل بقطعه وحــده
    ربماء راس ابوصنعاء بذا السيف يحصد** سهل يابو عصام قطعــــه عليا وحصده
    بالفهــــن سير يا صا لح تـــــبرد تـــــــبرد**ودرس المصطلح وفهم بجمعه وفــــرده
    الاسد في مخا ليبــــه ريت ابن مســــود** ونته اليوم ضيف الشبل صــــيده بصيــده
    تنتقد بو عصام انه على الضيف يهـتــد** قلت ضيفه وصل وفعل على الضيف هده
    سلفنا الضيف لاهو جيد نحنا له اجــود** والســــوادي وصل شايل عــلينا مهــــــده
    من تواضع نرحب به ومن هــد ينهــد** با يقــع له غداء ما شا ف قبله وبعــــــده
    هكــــذا عنس عا د تها قــد ك با تكـــــد** من تقــــرب لها با لشــبر تقضيه مــــــده
    ويحك الريح ياصالح من الجــزر والمـد** كل ماقـــلت عندك ضد لضــــد ضـــــــده
    اهبل الجن قد خــــــيم بــــراسك وغـــرد** يس با زطيره او رد عقــلك ورشــــــده
    قــــلت ودك تقـــيد ني وعـــــادك مقــــيد** كيف يستنجدو بك ونت محتاج نجـــده
    طا قــــتك لا تحملها زياده عل الحــــــد** والطريق وعر والموتر معك شبه خرده
    قل لذاك الصديق هو عيب بالزور يشهد** جندي المام ماهو غير جدك وجــــده
    واللـــهروجي بميثاقه وعهده مخــــــلـد** في سبيل النضال من اجل ثوره ووحده
    لا لاجل الوظيفه او على نيل مقعـــــد** انما مــــو طنه غاية مــــراده وقصــــده
    لا تفكر شعاع الشمس با يحجبه حـــد** من قد الله رفعه ما العـــــرب با تــــــرده
    ذا خـــــرج فصل والثاني برقمــه تقـــــيد** امر مرفوض عنوانه وفصله ونــــقده
    اسحب الشرط وتذلل وحاسب على الغـــد** لنت من خـــــرب ابو عبده ولنته بغده
    يا حنينك حنين الصـــــيد لصقر عــــــمــــد** كذب لو قالو ان العصفـــــره باتصيده
    بحسبك حقــــــل تجريب السلاح المــــزود** وجعلك للمـــــلا عبره لكسره وشده
    خـــــــوفي ان انت باتتعب من الاخـــــذ والرد** والسفر شاق والمشوار يبعد ببعده
    صـــــح يافع نظيفه ونت عنهم مـــــــــــفرد** وفسل الناسذي يعرض كراعه وزنده
    سلم الامـــــــر ياصالح لنا قـــبل تجــــــــلد** من عصاء امرنا يجلد ثلاثين جلده
    ونهو امر العرب قد لبسو الـــــثوب لسود** كل واحد معه مسمار في وسط خده
    حرب بوش في الخليج والشام كربض مده** والبنوك في يده والنفط والجند جنده
    والعرب رجعـــــــو جمعتهم السبت والحـــد** واليهود فوقهم بالقــــــدس هد وهده
    من ذكرهم مـــــــرض ايضا ويعيا ويكـــــــمد** كيف يصحا البدن والجرح في كل معده
    قلت ما قلت ياصاالح وعفـــــــــــــوك اذا قـــد** طال ردي على بدعك وخذ فيه مده
    ونت شــــــاعر وتاريخك صراحه ممجــــد** نلت كل احـــــترامي والثنا والمــــــــــوده
    والصلاه السلا م ما طــــــير السعد غــــــرد** تبلغ المصطفى والال ما حن رعده
     
  2.   مشاركة رقم : 2    ‏2004-04-30
  3. الوحدوي

    الوحدوي شاعر شعبي

    التسجيل :
    ‏2002-04-13
    المشاركات:
    4,703
    الإعجاب :
    18
    مغامرات يابو صنعأ قصايد رايعه فعلا البدع جميل والجواب اجمل هكذا نريد لمجلسنا
    وشعارنا الكرام ان يتجاوزو الحدود وان يتبارو مع الغير حتي نستطيع ان نجذ ب
    عددا من الشعار الكبار في الداخل؟
    شكرا يابو صنعأ وبادره طيبه وللجميع خالص تحيات ابو اكرم محمد الصوفي
     
  4.   مشاركة رقم : 3    ‏2004-04-30
  5. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    اولا الشكرا الكثير لاخي وحبيبي وليد المصري

    على نشره للبدع والجواب

    ثانياً الشكرا الجزيل لاخي الحبيب ابو عاهد الذي شجعني

    على ارسال هذي القصيده الى الشاعر الكبير الهروجي

    واتمنا التوفيق والاستمرار

    واشكراخي وليد مره اخرى وتقبل تحيات اخوك ابوصنعاء
     
  6.   مشاركة رقم : 4    ‏2004-04-30
  7. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===============================================
    [color=6600CC]مرحبا بالحبيب الغالي المحترم

    شكرا لك اخي الحبيب على هذا الكلام الطيب

    فان ريت انه مغامره فانت تعرف تلميذك ابوصنعاء

    اعز المعرفه ما يقدم على طوه الا وهو عارف كيف يخرج


    شكرا ك اخي الحبيب فابتشجيعك اخي الغالي نستمر

    على فكره هذا طلب من الحبيب ابوعاهد وله الشكر

    تقبل تحيات اخوك ابوصنعاء
    [/color]
     
  8.   مشاركة رقم : 5    ‏2004-04-30
  9. صلاح اليافعي

    صلاح اليافعي مشرف سابق

    التسجيل :
    ‏2003-04-19
    المشاركات:
    4,198
    الإعجاب :
    0
    الله الله الله

    ابو صنعاء اخذ الصدارة بكل جدارة

    كان البدع رائع رائع رائع
    والذي زادة روعة هي نبرة التحدي
    ثم التتطرق الى حال الامة..
    لله درك ابا صنعاء..

    وقد اتى الرد من ابن الهروجي بنفس الروعة والجمال
    حيث استطاع الرد تقريبا على كل بيت من ابيات البدع..
    نرجوا منكم الاستمرار..

    والشكر موصول للغالي وليد المصري على نقله لنا مثل هذه الدرر..
    ولكم مني كل الود والتقدير والاحترام..
     
  10.   مشاركة رقم : 6    ‏2004-05-01
  11. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ===================================================
    [color=0000FF]شكرا لك اخي الحبيب الغالي صلاح البعالي المحترم

    على هذا الكلام المشجع والمميز الذي انا اعرف

    انه اتى من قلب صديق واخ حبيب

    اخي الحبيب تشجيعك له الدور الاول فانت دئماً

    توقف معي شكرا لك من القلب وتقبل تحيات

    اخوك ابوصنعاء
    [/color]
     
  12.   مشاركة رقم : 7    ‏2004-05-01
  13. الشاعرالشعبي

    الشاعرالشعبي عضو نشيط

    التسجيل :
    ‏2003-06-09
    المشاركات:
    445
    الإعجاب :
    0
    بصراحه القصيده تحتاج الى وقفه خاصه وموضوع جواب عصام هو ماشدني الى ذلك
    لي عوده قريبا وشكرا للاح المصري على نقل القصيده ولناااااااااااااااالقا
     
  14.   مشاركة رقم : 8    ‏2004-05-01
  15. ابوعاهد

    ابوعاهد عبدالله حسين السوادي مشرف سابق

    التسجيل :
    ‏2000-11-28
    المشاركات:
    10,212
    الإعجاب :
    15
    فعلا كما قال الوحدوي بدع ابوصنعاء كان فيه نوع من المغامرة .....
    ومثل هذه المغامرة مطلوبه لكل شاعر فلابد له من خوض غمار المساجلات مع الكبار... لصقل الموهبة ... فمثل هذا الاحتكاك يورث لدى الشاعر مجموعه كبيرة من الفوائد والانتفاع بخبرات الاخرين .....

    وانا انصح كل شاعر في بداية طريقه ان يساجل الشعراء .. ويجول ويصول ليجد نفسه يوما ما في مصاف الكبار مستفيدا من جولاته وصولاته ....

    لازلت اشد على يد ابوصنعاء .... وبدعه هذا كان لاينقصه سوى رد الشيبه هههههه خصمي اللدود الحبيب الوالد محمد حسين الهروجي .... مع ان عصام كفى ووفى وكيف لا والشبل من ذاك الأسد ....

    واتوقع ان الايام القادمة ستحمل الكثير من الاخبار الساخنة في مجال المساجلات مع آل الهروجي...

    لن استبق الاحداث وانما كل شي ياتي في وقته ......

    اكرر اعجابي بقصيدة ابو صنعاء .... واعجابي بالمفاجئه الكبيره وهي جواب الاستاذ عصام الهروجي بالانابه عن والده الشاعر محمد حسين الهروجي .....

    والى الملتقى في الايام القادمة ...... التي ستحمل الكثير والمثير حقاً .....

    مع مودتي
     
  16.   مشاركة رقم : 9    ‏2004-05-01
  17. الموسمي

    الموسمي عضو

    التسجيل :
    ‏2003-08-21
    المشاركات:
    5
    الإعجاب :
    0
    قصيده رائعه بدع والجواب رائع
    تحياتي

    ابوعبود
     
  18.   مشاركة رقم : 10    ‏2004-05-01
  19. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    ========================================================
    [color=330099]حياالله الشاعر الشعبي المحترم

    منتظرين رايك ايه الحبيب

    سلام من القلب ابوصنعاء
    [/color]
     

مشاركة هذه الصفحة