انواع وحالات صعبة للشباب في المنتديات

الكاتب : الهيال   المشاهدات : 420   الردود : 0    ‏2004-04-27
      مشاركة رقم : 1    ‏2004-04-27
  1. الهيال

    الهيال مشرف سابق

    التسجيل :
    ‏2002-11-14
    المشاركات:
    2,260
    الإعجاب :
    0
    هلا انا اليوم بحطلكم موضوع منقول من منتدى
    وانشاللله يعجبكم
    لاكن لا تزعلون يا الشباب :)
    بصراحه انا اليوم جاي وبراسي موضوع
    وبصراحه هجد المنتدى بعد تساهيل قلت خليني اسوي مشكله ههههااي
    فيه شباب بيزعلون منه واللي واثق من نفسه ماراح يزعل

    والبنات اكيد بينبسطون

    لان بجلس اتشمت بجزء من الشباب

    قلت جزء مو كل الشباب

    اللي على راسه بطحه يحسس عليها

    والله دايم تشوفون الشباب هم اللي يحتكون بالبنات والبنات دايم الاغلبيه ثقل

    <<< قال الاغلبيه يعني فيه بنات اللهم ياكافي

    من تشوف واحد لابس ساعه رولكس والا عطره كرستيان ديور

    والا سيارته زرقا صغيره

    عطتنك النظره الساحره والغمزه المخلبيه هههههااي

    المهم ماعلينا علينا من الشباب اللي يحتكون

    انا مابي اقولكم بالاسواق والا بالشوارع
    والا عند الاشارات

    لا

    ابيها تجي بالصميم <<< متعوب على الكلمه

    بتكلم عن الشباب اللي بالمنتدى

    يجي الواحد ماله ومال المنتديات

    الولد جا وبراسه يشبك بنات كيف مايدري

    ويبدا من البدايه وينزل ترحيب ورحبو فيني

    يجون الشباب ويرحبون فيه احلى ترحيب وتجيه كم بنت وترحب فيه

    ويمسك مدح بالبنت اللي رحبت فيه كيلو

    مايدري الغبي ان هالبنت ناسخه عندها وكل يوم ترحب بأي عضو بس تغير الاسم

    تكتب له نورت يالغالي

    يكتب لها نورك انتي يالغاليه

    واذا انا الغالي انتي روح الغلا

    وابو الشباب يقلبها شعر وخواطر وهي على نياتها ماجابت خبره

    عاد هو لاحول الراس فاضي يجلس يفكر اكيد انها معجبه باسمي

    عاد والله من زين اسمه تلقاه العاشق الولهان<< ومعه ددسن عراوي

    اكيد لون الخط حقي جذبها<< كاتب لون الخط بالفسفوري

    اكيد كلمة هاي في بداية الموضوع اثرت فيها<< عام الف واربع ميه وعتبه يكتبون هاي وذا دوبه يكتبها

    وكلمة تحياتي بااخر الموضوع معذبتها<< ياقدمك بس

    والا الصوره اللي حاطه تحت اسمي <<< والله كنك خالد مسعد

    والا مكان الاقامه اني ادرس في باريس ماتدري اني بحارتنا ولا قد رحت الا الشرقيه مره وحده

    والله تقرا وتتحمد الله على كماختك بباريس وداخل تتعرف خخخخ

    ((عدد المشاركات>>>30 تحت الصفر))

    مكان الاقامه>>>باريس!!

    ياروحي على الشخصيه

    وانواع الاحلام ابو الشباب

    ومن الصبح منرزع بالمنتدى ويدور البنت متصل الان

    واذا شافها متصل الان راح يدور مواضيعها

    والبلا تلقاه بالمنتدى الجاده مطلوب راي بالموضوع

    ويخش وعساه ماتكلف يخش ويحط رد سريع

    ويكتب / يعطيك الف عافيه على المشاركه
    ويطس
    ويخش على المنتدى العام وقصه محزنه ويحط رد سريع

    ويكتب / يعطيك الف عافيه على المشاركه
    ويطس
    ويخش منتدى الضحك والفرفشه وقصه تضحك ويحط رد سريع

    ويكتب / يعطيك الف عافيه على المشاركه
    ويطس
    حتى انه من زود التناحه يخش منتدى الترحيب والإهدءات

    ويلاقي واحد كاتب

    انا عضو جديد عليكم ابي ترحيب

    يحط له رد سريع>>>ويكتب / يعطيك الف عافيه على الموضوع<<< يبي ترحيب تقوله مشكور على المشاركه
    خخخخخخخخخخ
    صدق اهل العقول براحه

    توكم ماشفتوا شي

    وبعدين تعال شف البنت اللي يبيها اذا كتبت مووضع

    يروح ويفتح لك الموضوع ويحط الماسنجر (بالخارج للغدا)

    وتشوف الساعه 8 بالليل


    اي غدا اللي يجي 8 بالليل<<<والله من التناحه بس

    وحتى الجوال محوله على جوال سواقهم

    ومقفل باب الغرفه هذا اذا ماهو صارق خمس ريال ورايح مقهى

    واصحابه قايل لهم انه رايح يطلع خويته عشان يسوي برستيج عندهم ويكشخ الله يخلف بس

    كل هذا عشان اللي يبيها كاتبه موضوع


    ومايحط رد سريع لا لا لا
    يحط اضافة رد

    ويخش ويفتح منتدى الترحيب ويخش على موضوع الإكسسوارات

    ويبدا ياخذ لك نقشات ورسمات وورد وقلوب

    عشان الرد يعجبها

    والورده لونها احمر والخط بالاحمر

    والاسم بالوردي

    والزخفره ورديه

    عشان تقول ياي الولد ذوق

    وهو ضايع يبي يضعها

    واخر شي يكتب لها

    لك خالص حبي وتقديري

    الوافي لك >>> الكمخه << صدق انك كمخه

    عفواً قصدي العاشق الولهان

    ويجي ثاني يوم وتجي البنت ويجي هو طاير يشوف وش قالت له

    وتكتب له مشكور احرجتني على كلامك يالغالي

    ونفس الرد يكتب لها لااحراج ولا شي

    واذا انا الغالي انتي نور الغلا ونفس الحال يقلبها شعر وخواطر

    ويجيك ثالث يوم ويرسل لها رساله خاصه

    صباح الخير << على باله ينام بكير ويصحى بكير

    ومسوي برستيج الله يصلحه

    يالغاليه حبيت اسم عليك واهنيك بحلول الشهر وان شالله اول من يهنيك بالشهر

    وتجي البنت تشوف وتلاقي الشهر ذاالقعده

    يالله حسن الخاتمه ابو الشباب مرسل يهنيها بشهر ذاالقعده

    مالقا شي يهنيها فيه قال بحلول الشهر ذالقعده

    والبنت ترسل له ياخف دمك بس <<< **** ام تلقيطة الوجه

    ويجيها بعد كم يوم ويعطيها ذيك النصبه اللي تمشي مليون

    ويكتب لها ابيك بموضوع ضروري على الماسنجر لاني قررت اترك المنتدى

    وتجي البنت على نياتها وتعطيه الايميل وتكلمه

    خير ليش بتترك المنتدى

    ويجي هو يقولها حظوري يهمك يوم تسألين عني

    وهي من باب المجامله والاخوه تكتب له انت انسان والنعم فيك وحظورك مميز اكيد يهمني

    ويكتب لها ياعمري انتي

    تصدقين حبيتك من اول رد كتبتيه لي بالمنتدى

    البنت تطير عيونها وش اللي حبيتني ؟

    انا لابترك المنتدى ولا شي بس حبيت اخذك على الماسنجر واسولف معك

    البنت/ الشرهه مو عليك على اللي يحترمك

    يالله امي تبيني

    واحلى بلوك ودليت <<< ينصر دينك ياشيخه

    ومن بكره رساله على الايميل هذي صورتي عطيني رايك




    وليش مااشوفك على الماسنجر << الضعيف مايدري ان البلوك اللي جاه يكسر العظم
    ياروحي يالصوره
    قال مكان الاقامه باريس قال والله شكله الربع الخالي




    والله انا اشوف هالشعبيه كثير بالمنتديات

    والمشكله مافيه امل ييأسون

    من بكره تلقاه مع بنت ثانيه وبكل رد نفس الاول

    واذا جا موضوع ولد كتب لك مشكور على المشاركه وتركك بحالك والردود الصح للبنات

    البلا حتى عند اصحابه ينصب عليهم شفت فلانه المراقبه مرسله لي رساله خاصه تبي تتعرف
    وفلانه الشاعره تبيني اعطيها فيس ولا فيه امل <<< اما يقول فيس صعبه شوي مو من مستواه قصدي وجه خخخخخخخخخخخخخخخخخ

    وفلانه اللي تكتب في منتدى الضحك والفرفشه عرفتها كلمتها جوال امس وتبيني اطلع معها

    ومسوي كشخه عند اصحابه مايدري ان المنتدى مايبونه ومسمينه

    عضو نشبه <<< ياروحي ياللقب

    واذا نزل موضوع ردو عليه اثنين المشرف العام ويقوله لاتنقل مواضيع

    ومشرف المنتدى يقوله بطل نسخ المواضيع خخخخخخ

    يعني لو يبيع فص فص في بسطه في شارع منصور* احسن له

    انا كتبت الموضوع هذا تدرون ليش

    عشان اي واحد من اليوم ورايح يتميلح على اي بنت

    البنت ماتقوله شي تقوله انت ماقريت موضوع


    وتعطيه رابط موضوعي


    وهو **** الساعه اللي خلفوا فيها

    وكذا اكون انا اخذت حسنات بسبت لعنته

    واخذت رضاء كل بنت تبي تفتك من كل نشبه

    وصدقوني الموضوع للي على راسبه بطحه يحسس عليها بس

    واللي بيزعل بعرف انه من السابق ذكرهم واللي بيضحك

    بعرف انه ثقيل وواثق من نفسه

    خخخخخخخ

    وهذي النهايه<<<<اخذ احلى بلوك
     

مشاركة هذه الصفحة