شوفو شباب اليوم وحركاتهم

الكاتب : مرجانه   المشاهدات : 857   الردود : 18    ‏2004-04-14
      مشاركة رقم : 1    ‏2004-04-14
  1. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3
    [color=330000]


    نوعية من الشباب تشوفهم في البيت غير وعند الناس غير



    أبسط مثال

    يافلان قم ود اختك المستشفى تراها تعبانه يقول هاه وش فيها مافيها الاا العافية بس اذا واحد من اخوياه تعبان يقوم يطير طيران علشان يوديه المستشفى لاا ويرافق معه والاا يافلان نبي خبز واللي يعافيك جب لنا يقول ماعلي منكم عمركم مااكلتوا سووا ريجيم وعند اخوياه يطبخ لهم لاا ويغسل الصحون بعد ..



    2_ الملابس:

    دولاب الملابس يشتكي من كثرها وما تشوفه الا بقميص واحد واتحداك يغيره ينام فيه ويقوم فيه ويصلي فيه ولايخلي أحد يغسله ، واذا جاء يطلع للسوق شوفوووه ساعه عند المرايه يعدل الغتره هالنوع ياكثره



    3_ العجازين

    وياكثرهم كثراه زي الرز ودي أشوف شاب يشيل عن اخته أو زوجته أو حتى أمه بعض الأغراض بالسوق الاا تلاقيه مطير عيونه بالبنات والضعيفه وراه تسحب أكياسها الوحدة تشوف المصريه واللبنانيه تحسدها على الذوق اللي عند رجالهم ما يخلونهم يشيلون شي



    4_ اذا تبون تعرفون الشاب فوضوي والاا مرتب

    هذي بسيطه شوفوا سيارته
    تجيك السيارة وسخه كلها غبار من يوم شراها ماغسلها لاا ويقول هذي غبار الوكالة أمحق وكاله لاوكاله ولازفت الاا عاجز يغسلها لاا واذا شفتها من الداخل ماتدري وين تحط رجلك من هذي فروة تحت رجلك واسلاك وقراطيس وفصفص ومناديل وثلاجات الشاهي لها سنه بالسيارة وبلاوي كل وصاخة الدنيا داخل السيارة والاا ريحة الدخان اللي تدوخ الراس
    لكن الشاب المرتب وهم قلة للأسف سيارته تبرق من النظافه تدخلها كأنك تدخل محل للعطور كلها نظافة وترتيب



    5_ راعي الحق والواجب

    مايخالف الحق والواجب لكن بحدود المعقول واحد يجيب لزوجته كل يوم ذبيحه ويالله اطبخي كل يوم طبخ ونفخ يعني الواحدة ودها تطلع مع زوجها وعيالها يتمشون وينبسطون وحتى اذا مااطلعوا يجلسون مع بعض يتناقشون ويتفاهمون مو كل يوم عزيمه
    والاا الإستراحات رايح استراحة جاي من استراحه وبس هذي شغلتهم وياويلها اذا احتاجت شي ودقت على جواله تقطع عليه لعب الورق هذي مصيبه



    6_ الدلع
    بنت تدلع معقوله تنبلع بس ولد يتدلع ووووووووووه قهر
    تشوف راسه ماتدري هو راس بنت والاا ولد تسريحات ماأدري من وين يجيبونها اللي فالق راسه من النص تقل ثور واللي مسويلي تسريحة بطل التيتانيك وهو يحوم الكبد يطلع شكله تقل هندي مايدرون ان الشماغ والغترة أستر لهم والله ان وسامتهم وحلاوتهم بها الشماغ اللي يستر على بلاويهم



    7_ الشباب النصابيين

    واذا تبي تتوسع وتعرف الكثير عن هالنوع فيه موضوع مستقل يتحدث عن صواريخهم

    هذولا عد واغلط ياكثرهم يجيك الواحد يقول
    يووه سيارتي ( الفراري ) اللي طالبها من برى تأخرت والله ماجت الى الحين اخاف ان عمارات نييورك طاحت عليها ..وهو زين ان معه ددسن
    ما شفتوا جوالي هذا جايبه من دبي والله ....وهو شاريه من الحراج
    ماتدرون اختاروني لاعب باالمنتخب بس اعتذرت لهم لأني مصاب والدكتور يقول لاتلعب لمدة ستة أشهر .. والمشكله تلاقيه مايعرف ولا يشوت الكورة
    لا ويزيد النصب اذا كان الطرف الآخر بنت


    8_ المعصب

    وهذا مسوي فيها شخصيه يدخل ينفخ ويطلع ينفخ يدور المشاكل دواره يحسب ان باسلوبه هذا يخوف الناس مايدري ان النوعيه هذي يكون بداخله انسان ضعيف

    _ الدلخ

    هذا كل من هب ودب يضحك عليه
    الاا في شي دايم يصير
    يجيك الشاب وهذي دايما تصير باالمدارس والأسواق اذا شاف البنت تلفت وتدور اخوها أو ابوها وطاحت عينها بعينه كذا صدفه خلااااااااااااص حبتني
    لا والاا اذا حكمت الظروف واضطرت تسأل أحد منهم سؤال دوره عاد يبدا وجهه يتقلب كل الألوان ويتخلبط وحالته حاله على باله ان البنت ( وقعت بدباديبه ) على قولة المصاريا
    والله بلشه مايدرون انهم بها الأسلوب يخوفون الناس منهم



    10_ المغرور

    ماأدري بعضهم شايف نفسه على ايش شين وقوة عين
    وأغلب اللي كذا يحس باالنقص ومن زود احساسه بالنقص يحاول يرفع نفسه عن الناس وما يدري ان من تواضع لله رفعه



    11_ الضعيف

    الضعيف ....... الضعيف والاا اقول مافيه ولا واحد منهم ضعيف كلهم ...



    12_ راعي التفحيط

    هذا اذا فتحنا راسه تلاقي مخه تقل جريش من كثر ما يفتر بها الشوارع لا يفهم ولا يدري وين ربي حاطه ماعنده ما عند جدتي



    13_ راعي الطرب

    وهذا ما يجلس بدون مسجل في غرفته الاستريو يشتغل على أعلى صوت قمه في الازعاج واذا طلع بسيارته الله يعين المسجل لاا ومركب سماعات اضافيه علشان يطلع الصوت صح اذا وقف عند الاشارة شوف ملامح وجهه متشقق من الفرحة كأنه مسوي انجاز



    14_ راعي الأرقام

    هذولا ساكنين باالسوق ماادري ماعندهم بيوت تضفهم 24 ساعة بالسوق وطابعين ارقامهم ماليين كرتون ويالله توزيع حتى بعضهم يذب الرقم على شغالاات وهم مايدرون تروح توري كفيلها الرقم شوف شوف بابا هذا هديه



    15_ أبو راس يابس

    ) هذا ماتقدر عليه يموت باالعناد تجيه باللين يشوف نفسه تجيه بالعين الحمراء كسر راسك وهذا ينفع معه المثل ( ابعد عن الشر وغني له )



    16_ الحساس

    وهذا واحد بالمليون تحتاج ميكروسكوب علشان تدور عليه بس اذا لقيته لا تفرط فيه لأنه ينشرى بالملايين












    تحياتى[/color]
     
  2.   مشاركة رقم : 2    ‏2004-04-14
  3. ألحمادي

    ألحمادي عضو متميّز

    التسجيل :
    ‏2004-07-13
    المشاركات:
    2,184
    الإعجاب :
    0
    ههههههههههههههههه

    تذكرينا بواحد اعرفه


    هو حركات نص كوم



    يوم رحت انا وهو مطعم عازمنا على اساس على العشى
    وطبعا هو شايف نفسه
    وقت الحساب نسى الفلوس في البيت
    هههههههههههههه
    لو تشوفو موقفه وايش عمل
    قلي خلاص انا باروح اغسل ايدي . وبعدها ما عاد لقيتوش
    ههههههه الرجال فحط
    وتكعفت انا الحساب

    مشكوره مرجانه

    لكن غريبه فين كلمة ( ........ ) مش موجوده تحت الموضوع:D
     
  4.   مشاركة رقم : 3    ‏2004-04-14
  5. الحزن المهجور

    الحزن المهجور عضو نشيط

    التسجيل :
    ‏2004-04-05
    المشاركات:
    390
    الإعجاب :
    0
    السلام عليكم ورحمة الله وبركاته......



    اختي مرجانه انا اشكرك كثيرا على هذا الموضوع الشيق الذ ابهرنيبما يحتوي من معنى تجاه الشباب في هذه الايام برغم اني من جنسهم لكني لا اوافقهم على ما يفعلوة في حياتهم.....



    مع تمنياتي لك بالمزيد من المواضيع الشيقه وكمان لا تنسي هناك نوازع عن بعض الصبايا وسلبيات اكثر من الشباب هذا مجرد تنويه فقط........



    اما عني فانا أميز بالنوع الحساس.....
     
  6.   مشاركة رقم : 4    ‏2004-04-14
  7. مشاكس

    مشاكس قلم ماسي

    التسجيل :
    ‏2002-12-14
    المشاركات:
    16,906
    الإعجاب :
    0
    يا بنت الحلال وصلت الى النص وضبحت

    ما فيش ولا ميزه كلها شقدفه في شقدفه

    امرنا الى الله دخلنا الموضوع يعني ضروري نقولك مشكوره:)
     
  8.   مشاركة رقم : 5    ‏2004-04-14
  9. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3








    وووووووااااااااااااااااااااااااااا















    نسيـــــــــــــــــــــت














    ملطووووووووووووش:D
     
  10.   مشاركة رقم : 6    ‏2004-04-14
  11. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3



    :rolleyes:
    ايــــــــــش قصدك؟؟؟؟؟؟؟؟؟؟؟
     
  12.   مشاركة رقم : 7    ‏2004-04-14
  13. شمعة أمل

    شمعة أمل عضو متميّز

    التسجيل :
    ‏2002-12-05
    المشاركات:
    2,198
    الإعجاب :
    0
    موضوع جميل ..

    وقد لاحظت ظاهرة .. سماع الاغاني بصوت عال جدا في السيارة ..
    فاذا نحن بره في الشارع ونحس ان اذاننا ستنفجر من الصوت العالي .. فما هو حال الشباب داخل السيارة ؟؟
     
  14.   مشاركة رقم : 8    ‏2004-04-14
  15. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3
    على قولك اختى
    شمعه امل



    تحياتى لج
     
  16.   مشاركة رقم : 9    ‏2004-04-14
  17. مشاكس

    مشاكس قلم ماسي

    التسجيل :
    ‏2002-12-14
    المشاركات:
    16,906
    الإعجاب :
    0
    لا تخافي قصدي ان الموضوع كله حش على الشباب وما فيش ولا ميزه طلعتيها فيهم:)
     
  18.   مشاركة رقم : 10    ‏2004-04-14
  19. مرجانه

    مرجانه قلم ماسي

    التسجيل :
    ‏2003-11-11
    المشاركات:
    21,548
    الإعجاب :
    3




    طيب هذا هو الواقع المرير بالنسبه لكم
    خخخخخخخخخخخ



    تحياتى
     

مشاركة هذه الصفحة