طاح الحطب والحياه حلوه

الكاتب : الهيال   المشاهدات : 244   الردود : 0    ‏2004-01-26
      مشاركة رقم : 1    ‏2004-01-26
  1. الهيال

    الهيال مشرف سابق

    التسجيل :
    ‏2002-11-14
    المشاركات:
    2,260
    الإعجاب :
    0
    عادي طاح الحطب .... وانت الحطب


    المشهد الاول :

    وحده مزيونه بالحيل ..... ووحبيبه

    بس تخون

    وشو أسوي بجمالها ؟؟؟ ... بيلخذه الزمان وتبقى عجوز

    عادي ........ طاح الحطب والحياه حلوه



    المشهد الثاني :

    ملتزم ..... يصلي كل الفروض واذا تعب ... فوت صلاة الفجر واذا شبع راحت عليه صلاة العصر

    وعنده دش ... ويجذب وااااااايد .... واذا صحى الصبح ... مشط اللحيه

    عادي ........ طاح الحطب والحياه حلوه



    المشهد الثالث :

    غني وظالم .... يطرد المساكين .... يستغل الضعاف .... مغرور وفاسق ... مجلسه عامر .... كلن يبهر له

    ومع ذلك يجمع حسنات .... من كثر اللي يسبونه

    عادي ........ طاح الحطب والحياه حلوه



    المشهد الرابع :

    يكد ويدرس ويشتغل .... لأجل مستقبله .... تزوج وياب عيال .... وبعدين تقاعد

    صار يسكن في مكان وعياله وأمهم في مكان ... والسبب العيال .... صار دار المسنين بيتهم

    عادي ........ طاح الحطب والحياه حلوه



    المشهد الخامس :

    تغازل وتاخذ الارقام .... وتطلع مع هذا وتواعد هذاك .... ويوم طاح الفاس في الراس .... صااااحت

    راحت لأمها تشتكي غدر الزمان .... طبطبت عليها أمها وقالت :

    ولا يهمج .... سفره لمصر وشوية سيوله وترجعين بنت

    عادي ........ طاح الحطب والحياه حلوه



    المشهد السادس :

    مرفوع الكف أبيض ... وصاحبه وسط البياض ... بعضهم يصيح وبعضهم عادي

    دفنوووه ... وصاحو شوي واخر الليل سكارى

    عادي ........ طاح الحطب والحياه حلوه



    المشهد السابع :

    سيارة مسرعه ... وتدعس لها واحد .... مسكين هندي .... والشرطي ربيع الطايش

    والخطأ نصه على الهندي والباقي كله على الطايش

    واخر الليل ... الطايش يلعب ورقة

    عادي ........ طاح الحطب والحياه حلوه



    المشهد الثامن :

    غرشة ماي ... ما تضره ... طايحه في السياره .... يطالعها بنظرة غضب .... زعلان منها

    فتح الجامه وفرها في الشارع ... واذا يلس مع ربعه قال : (( متى بنتحضر ))



    المشهد التاسع :

    أهم شي الكندوره نظيفه ... الغتره مكوايه ... والساعه ماركه ... والنعال بشوتي ... والسياره ما يطلبه البنات

    والتيلفون ما يسكت إما بنات ... والا البنوك تبي فلوسها

    عادي ........ طاح الحطب والحياه حلوه



    المشهد العاشر :

    سطحية ... مغروره ...غبية ... متكبره ... ويا ليتها حلوه

    تبي تتزوج واحد مواصفاته (( ما يقول لا ... أنيق ... متعلم ... دخله ممتاز ... يحب السفر ))

    وبعد سنتين تلاقيها في النت إدور واحد يرضابه زوجه

    عادي ........ طاح الحطب والحياه حلوه



    المشهد الحادي عشر :

    فتح الكمبيوتر ... دخل المنتدى ... كلامه ما يتعدى ان الموضوع روعه ورهيب ... وهو ما قراه ولا يعرف منووو كاتبه

    بس يبى يزيد المواضيع موضوع ... ويزيد همومنا هموم ... علشان يصير صاحب لقب الالف موضوع ... ويتميز

    والمشكله يتميز

    عادي ........ طاح الحطب والحياه حلوه



    المشهر الاخير :

    الكذب إثم ... ومع ذلك نستخدمه ... وندري ان هذا حرام ... ومع ذلك نجربه

    نتذكر السهرة والفرح والسفر ... وننسى الجالسين على كتوفنا .. ونتناسى انه معاهم كتاب يسجل افعالنا ونياتنا

    كل شي محسوب ... حتى النظر .... نسينا ان ورانا يو ... علامات قربت ... ومع ذلك كلنا ناسين

    إن تميت على حالك تتناسى ... لازم تعرف إن ذاك اليوم مب عادي وانت الحطب والحياة فانية



    منقول
     

مشاركة هذه الصفحة