شوف كيف حال القلق -- مره مره مره بيعجبكم

الكاتب : aborayed   المشاهدات : 408   الردود : 0    ‏2004-01-24
      مشاركة رقم : 1    ‏2004-01-24
  1. aborayed

    aborayed قلم ذهبي

    التسجيل :
    ‏2003-08-03
    المشاركات:
    7,186
    الإعجاب :
    0
    شوفو كيف حال القلق ...................... مرة مرة مرة بتعجبكم ...؟

    السلام عليكم مصرقعين ومصرقعات تماسيح وضفادع وخنافس

    ( الخنافس = عفا الله عما سلف )



    المهم ماعلينا

    لي فتره ما سدحت موضوع وحبيت اسدح موضوع

    من الحين للعالم اللي تحب المواضيع القصيره اقولكم روحو جيبو لي كاسه مويه وبعد ما تجيبوها انزلوا للبقاله واشتروا لي فش فاش


    موضوع قصتنا اليوم ليلة زواجي 000 من إخراج زكي قاسم كاجغملي الزنجباري من تنزانيا الشقيقه هههههههههههههههههه
    شخصيتي : القلق اسم حلوووووووووو





    في مره من المرارير اللي تمر كل يوم 12 مره

    كنت لابس البندانه زي الشغالات فيها صورة عادل امام ولابس ذاك التي شيرت اللي في ظهره دعايه لكفرات كومهو وذاك الشورت الكاروهات اللي يحبه قلبك فيه صورة دب من الجنب كذا وزنوبه الله يكرمكم وجالس اقربع واطقطق بالنت على منتدى الشوق حايص بين اقسام المنتدى وشوي يدق الجوال الا وهو الوالد الله يحفضه ذخر لي وتصير المحادثه التاليه 000

    القلق : الوووووووووووواااااع
    الوالد : وينك يالووح الحلاوه
    القلق : في الشوق <===== على باله يكلم واحد من أخوياه في النت
    الوالد : شوق لمن يشقك فينك دحين
    القلق : في مقهى انترنت
    الوالد : انت متى راح تبطل السربته الزايده ارجع البيت الحين ظروري ابيك
    القلق : تيب يابابا <===== مسوي ولد بيوت ومؤدب
    الوالد : (( تييييت تييييت تييييت تييييت ))
    طبعا فصل التلفون في وجهي كالعاده

    ياله ماعلينا

    خرجت من المقهى وركبت الدباب الطرنط حقي ورحت للبيت بعد عناء

    وصلت البيت ولاقيت ابوي وامي مسويين رباطيه ويناظروني بربع عين كأني قاتل لهم قتيل

    الا وفجأه 000

    الوالده : ياقلق نبي نزوجك
    الوالد : عساه يفلح
    الوالده : لا وش ناقص وليدي حشاشه يوفي <=== قلك عقلك امه كويتيه خخخخخخخخ
    القلق : قولوا والله
    الوالد وبحركه خطافيه استغرقت عشر الثانيه يناولني ببراد الشاهي على راسي ويقول لي كمان : جالسن نمزح معاك يا ورع

    بالله وش ذا التحطيم ورع ويبون يزوجوني ======>

    المهم تمت السالفه بين الاهل

    وبدأت القصه من هنا 000 <===== حاس بشئ ماشي عليه مليون من القارئ الكريم

    يوم الخطبه ادخل انا والوالده لغرفه كذا ثلاثه بأربعه كأنها صندقه حمام يبوني اشوف العروسه


    شوي وانا جالس ومتشمغ على بالي الملك قابوس الثاني تدخل بنت مانقول غير الحمد لله على العافيه ياله هذه حال الدنيا

    تدخل علي وهي شاليه تبسي ( قدر مدري وش يسمونها الناس اللي تنحط فيها كاسات البيبسي ) وعلى التبسي كاسات عصير تانق ابو المنجو والله ذكرتني بأيام المدرسه من قوه الغبار

    جيت اباخذ الكاسه الا وطيحت التبسي فوقي <==== حقد بنسبه 99،99%

    قلت وانا نفسي اناولها بالكيبورد اللي اكتب بيه على راسها (( قدر اله وماشاء فعل )) <==== مسوي رزيييين للحين

    قلك عقلك استحت البنت وخرجت من الغرفه

    الحمد لله على العافيه ونعمة العقل


    شويه شويه طب ملكت عليها

    شويه شويه جا يوم الزواج


    وهيهات يوم الزواج

    جالس في الصف مع ابوي وابو العروسه
    مافيه غير عالم رايحه وعالم جايه واشكال اول مره اشوفها (( طبعا السلاتيح هو ذولي ))

    شوي تدق العروسه جوال (( بالله ذا وقته العروسه تدق جوال وهي تتسمكر قبل الزفه وش العالم اللي مو متعوده ذي على النعمه )) <== يمدحونك ساكت ياقلق

    يدور الحوار التالي 000

    القلق : هلا والله
    العروسه : بلا هلا وبلا بطيخ وينك
    القلق : جالس العب مونابولي 000 بالله وين بكون مرزوع على عين اهلي في الصف
    العروسه : وش رأيك اسوي ضلال العيون اصفر ولا رماني ولا فيروزي ؟؟
    القلق : وش ذوق الخدم ذا ؟؟ خليه عشبي احسن
    العروسه : تتريق
    القلق : لا بس انا صريح من البدايه <==== **** شكلي ياشيخ على الاسلوب الحمش
    العروسه : اللي تشوفه
    القلق : سلام نشوفك بعدين
    العروسه : آآآه آآآآآه تيب <=== مسويه مستحيه حسبي الله بس

    شويتين ينادوني بالمايكروفون

    القلق القلق القلق ياله ياعريس روح اتلهي لحرمتك تراك طولتها وهي قصيره

    واطس لقسم الحريم

    اول ما ادخل وش العالم اللي شفتها ذي

    مافيه غير اناظر بالعالم وانواع السعابيل والفجعه الا وتاخذني امي تقول لي الله يفشلك لا تناظر ببنات الناس روح لحرمتك



    وانا اقول لها
    (( ان الرقم الذي طلبته غير موجود بالخدمة الآن ))

    واروح للعروسه

    ناظرت لوجهها 0000

    آآآآآه ياله الله يسامحك يا امي على اختيارك

    قعدت بجنب العروسه وقلت لها وش ذا الزين وفلقه القمر اللي انا جالس بجنبها

    طبعا لا تصدقو لأن اصلا عليها وجه لا لون ولا ملامح ولا حتى اسنان عدله

    عليها اسنان زي الرصيف
    وشعر قلك مسويه قصه والله زي الخنافس المقلوبه
    ولون زي لون العسل المحروق
    وعيون زي قعر الفناجيل

    والله مو لو تسوي مكياج
    ياشيخ لو تحط بويه على وجهها ماراح تصير حلوه

    طبعا انا جالس معها بالكوشه وودي انام من الطفش

    وفعلا نمت



    الا وشويه



    قربعععععععععععععععع



    <==== ماصار شئ ماصار شئ


    المهم

    واخذها وأركبها الوانيت ابو غمارة وعلى الشقه

    والعالم وراي واصوات بواري كأنه الاتحاد فاز
    وانا ضغطي ارتفع مليوووووووون


    رحنا للشقه ودخلت مسويه مستحيه

    طبعا

    وبكل برود

    وبكل قهر

    وبكل وداعيه

    وبكل عنفوانيه

    وبكل صراحه













    يجيني الوالد ولطش فيني وانواع المويه البارده تنصب على وجهي ويقول لي


    قوووووووووووووووم للدواااااااام ياعديم المسؤوليه

    بالله انا عديم المسؤوليه

    ياله حكم القوي على الضعيف وش نقول بس


    خلاصه الموضوع انه كان حلم


    وطاااااش ماطااااااش فور اووول


    منقــــــــــــــــــــــــوول
    تحياتي للجميع
     

مشاركة هذه الصفحة