قصة ابو هاجوس والفاتنة لا لا تفووووتكم

الكاتب : أبو هاجوس   المشاهدات : 702   الردود : 3    ‏2004-01-22
      مشاركة رقم : 1    ‏2004-01-22
  1. أبو هاجوس

    أبو هاجوس عضو

    التسجيل :
    ‏2004-01-22
    المشاركات:
    22
    الإعجاب :
    0
    [[ رج الموضوع رجن مبرحن و اقطع الاتصال قبل الاستعمال ]]
    صباح الخيرات والخيارات

    [[ أبو هاجوس و الفاتنة ]]

    في يوم من الأيام وبينما كنت اقبع في غرفتي و مستلقي على بطني وافكر بعمق
    اذا بي اسمع صوت مياه تتساقط وشلالات تنهمر
    برزت أنيابي فجأة وتوقفت عن العبث بأنفي (حتى إشعار آخر)
    وأيقنت أن الصوت قادم من بيت الجيران عبر نافذتي الصغيرة
    وفي هذه الأثناء رن جرس الهاتف ترن ترن ترن
    توجهت الى جهاز التلفون ورفعت السماعه
    وقلت آلووووووو
    اذا بشخص يقول بابا فين
    قلت بابا مش موقود
    قال طيب ياثور ورى ما تقوم تطل مع الدريشه وتشوف وش سالفة صوت الماء اللي جاي من بيت الجيران
    قلت والله انك صادق شكرن على النصيحه و الشعور الطيب
    قال العفو هذا واجبنا وأي خدمه انا حاضر
    قلت من انت يالسنافي
    قال معاك ابليس .
    قال يالله اخليك الحين تشوف شغلك مع السلامه
    توجهت على الفور إلى النافذه بكل دنائه وخسه وقلة أدب ضاربن بجميع المثل والمكارم عرض الحائط
    ورفعت رأسي رويدن رويدن حتى تمكنت من النظر بشكل جيد وبكل وضوح
    يا الهــــــــي يا الهــــــــــي
    ماذا أرى
    بنات الجيران سلمى وحصه يغسلن الحووووش
    كانت سلمى ترتدي قميص وردي اللون وسروال خط البلده قامت برفعه الى حدود الركبه فقط
    كي لا تسمح لأي دنيء أو خسيس أن يشاهد ركبها السوداء هع هع
    وقبل أن أمعن النظر<<<( أكحل ) في شقيقتها حصه إذا بصوت ( بوري ) هايلكس يقول
    طيييييييط طييييييييط أبو هاجووووووووووس
    وعلمت أنه صديقي فيصل قد جاء في الموعد المحدد
    وثبت كالأسد ولبست ثوبي وطلعت لفيصل ولا يخفى عليكم أنه حرمني من مشاهدة حصه
    ولكن بحكم خبرتي أتوقع أنها كانت ترتدي مايوه اسلامي لأنهم على كل حال من عائله عريقة محافظة
    و لا تسمح بارتداء البكيني او الميني جيب
    ركبت مع فيصل وعلى الفور بادرني بسؤال :
    سمعت آخر خبر ؟
    قلت لا
    قال البارح كنت عند الشباب في الاستراحه واسمعهم يقولون ان بوووه مكان يقال له ( الشات ) مليان بنات
    قلت احلف
    قال قسمن
    قلت يالله مشينا ودنا الشات
    قال ما اعرف مكانه واخاف نروح يقولون للعوائل فقط
    قلت ماعليك اللي يسأل مايتهش
    وقفنا عند إشاره وسألت هاك الواحد قلت يالطيب وين طريق الشات؟
    ناظرني بنص عين وطنشني وماعرفت السبب الا بعدين
    وعلى هالحال مع كل واحد نسأله
    قلت اسمع يا فيصل لازم نتصل على واحد من الشباب ونعرف مكان الشات
    اتصلنا على علي وقلنا له السالفه و تشقق من الضحك
    قال اسمع تعالوا البيت عندي
    قلت يالله جايين
    وانطلقنا الى بيت علي
    فتح لنا الباب وهو مازال يضحك وقال اقلطوا يا دلوخ
    شغل جهاز الكمبيوتر وفتح على الدردشه وقال هذا هو الشات اللي تسالون عنه
    أنا حمرت خدودي وتشققت من الحياء لأني اول مره اكتشف وعلى الهواء مباشرة اني دلخ
    وبدأ علي ينقر بأنامله الذهبية على مفاتيح الكي بورد
    وانا وفيصل مفهين من هول ما نشاهده أمامنا
    قلنا انا وفيصل وااااااااااااو ياكثر البنات
    ونشوف كلام الحب اللي ما كنا نشوفه الا في افلام محمود ياسين ونجلاء فاتح
    أنا بحبك وأنا مئدرش أعيش من غيرك (امواااااااااااااااااه )
    انا انسحرت قلت لازم اشتري كمبيوتر
    واجرب الحب حالي حال خلق الله الشيون
    اللي ما يعرفون بنات الا في الانترنت << ( علل ؟)>>>>> لأن الخشه ما تساعد وما تأهله انه يتعرف على شغالة
    لكن الكمبيوتر غالي وانا ما معي فلوس
    وش اسوي وش اسوي وش اسوي
    لقيتها مالي الا ابليس يساعدني
    دقيت بيجر وخلال ثواني الا ابليس يقول أبو هاجوس حبي آمر
    قلت له السالفه كذا و كذا وش رايك
    قال بسيطه روح للنياق حقت جدك واسحب لك ناقه وعلى الحراج
    قلت ياشيخ والله انك حبيب هات خشمك
    ماودي ادخل بسالفتي مع الناقه لانها تحتاج موضوع مستقل
    بعت الناقه ورحت اقرب محمل شريت كمبيوتر
    ودعيت علي يعلمني اشلون ادخل الشات
    والحمد لله مع مرور الوقت تعلمت ادخل الشات لحالي
    وقلت لعلي يا علي ياصديقي المخلص
    قال لي سم
    قلت البزر اذا تعلم يروح الحمام لحاله وش يسوون له ؟؟؟
    قال يرمون حفاظته
    قلت يا قلبي ما ادري من وين جايب هالذكاء
    يالله قم دور لك اقرب زباله واطمر فيها لأني عرفت ادخل الشات لحالي.

    صرت اطفي الاضاءه واشعل الشموع علشان استانس مع الاجواء الرومنصيه
    وكان فيه وحده بالشات اسمها الفاتنة
    يعجبني اسلوبها ملكعه وخبله في نفس الوقت
    قلت هذي لازم اتعرف عليها لو يصير اللي يصير
    بعد تفكير عميق قلت يا ولد اطمر على البرايفت وقلها الساعه كم ؟
    قالت انت دلخ والا تستدلخ
    قلت لا والله دلخ ما اعرف استدلخ
    قالت طيب الساعه يادلخ عندك في زاوية الشاشه
    قلت أي والله معليش اخذت من وقتك الثمين
    قالت لا عادي حصل خير
    قلت تشرفنا والله وفرصه سعيده
    قالت انقلع الله لا يسعدك
    وفي هذه الأثناء وكما جرت العاده رن جرس الهاتف
    (آلو باب فين )
    هلا ابليس
    هلا أبو هاجوس ادري انك طايح في ورطه لكن اسمع البنت تحب اسلوب الاستعطاف
    حاول انك تستعطفها باي طريقه وبكذا تكسبها
    قلت شكرن
    كشرت عن انيابي
    ورجعت للبرايفت بكل قوة
    قلت يا فاتنة للأسف ما تستحقين النعمه اللتي انعم الله بها عليكي
    قالت ليه وش انا مسويه؟
    قلت ربي أعطاكي نعمة اليدين وتستغلين بها ضعفي وقلة حيلتي وتتفننين في تعذيبي وشتمي وانا ما اقدر ارد لأن مالي الا يد وحده وما اقدر اكتب بسرعه زيك
    وامطرتها بوابل من الدموع اهئ اهئ اهئ اهئ اهئ اهئ
    قالت يا أبو هاجوس والله آسفه ما كنت أقصد
    قلت روحي الله يسامحك ما توقعت في يوم من الأيام تنجرح مشاعري بهذا الشكل المهين
    قالت يا أبو هاجوس افهمني بس خلني اشرح لك موقفي
    قلت لا تشرحين شي انا مادري وش سويت في هالدنيا علشان تصير لي كل هالبلاوي
    قالت يا قلبي يا أبو هاجوس والله اني حبيتك خلاص سامحني
    ومنذ هذه اللحظه ولدت أعظم قصة حب في التاريخ
    أبو هاجوس والفاتنه على غرار روميو وجوليت وعنتر وعبله
    كنا نقعد ساعات على الشات وتدور بيننا اجمل عبارات الحب والغزل
    وكل يوم اتعلق فيها اكثر واكثر لدرجة اني سميت وحده من نياق جدي الفاتنه تخليدن لذكراها
    واستمرينا فتره على هالحال
    الين جاني ابليس في يوم من الايام وانا منسدح
    قال لي قم لا نامت أعين الجبناء ؟؟؟؟؟؟؟
    قلت وش السالفه ؟
    قال افا يا أبو هاجوس افا والله ماهقيتها منك كنت احسبك ذيب
    و تاخذني الحميه واقمز قلت انا اخووو فريال
    قال اسمع ماودك تشوف الفاتنه على الطبيعه وتكحل عيونك
    كشرت عن انيابي مرتن اخرى
    وتوجهت الى الشات ولقيت الفاتنه يا قلبي تنتظرني
    قلت يا فاتنه لازم اشوفك واملى عيوني منك
    أخاف يا خذني الموت قبل اشوفك
    قالت لا لا يا أبو هاجوس ما اقدر اهلي مايخلوني اطلع
    وبعد العديد من المحاولات والهجمات المرتده السريعه وافقت
    وحددنا المكان والزمان
    ورحت اتزين عند حلاق هندي في حارتنا
    وخليته يسوي لي ميك أب وبدي كير ومني كير
    ولبست شلحتي عفون اقصد ثوبي
    وكشخت اللي يشوفني يقول الليله عرسه
    ركبت سيارتي و وصلت المكان المحدد
    وياشين الانتظار الدقيقه كانها ساعه
    وانا واقف جاني هاك الرجال قال لي انت أبو هاجوس؟
    قلت ايه انا أبو هاجوس تبي بيني اسلم لك على هاجوس ولدي
    قال لا
    قلت هذا يمكن محتاج
    طلعت خمسه ريال ومديتها له
    قال لا لا لا انت فهمتني غلط
    انا الفاتنه
    قلت انت افتاتنفه ؟<<< قلت كذا من الصدمه
    وبعدها لا تسألوني وش حصل لأني دخلت في غيبوبه لمدة ستة أشهر عدن ونقدن
    وأول ما صحيت من الغيبوبه لقيت باقة ورد عند راسي عليها كرت و شيك
    سحبت الكرت مكتوب عليه مع تمنياتي لك بالشفاء العاجل
    المخلصه للأبد
    الفاتنة


    وسحبت الشيك مكتوب عليه يصرف للأبو هاجوس10000 ريال فقط لا غير
    عباره عن بدل خطــــر
    إبليس


    انتهى



    يا شباب أنا عضووووووووووووو جديدددددددددد
    فاليت ترحبووووووووووووووا فيني
    بايات
     
  2.   مشاركة رقم : 2    ‏2004-01-22
  3. أبو يمن اصلي

    أبو يمن اصلي قلم فضي

    التسجيل :
    ‏2003-09-20
    المشاركات:
    4,691
    الإعجاب :
    0
    [color=0033CC]
    ههههههههههههههههههه
    ههههههههههههههههههه
    هههههههههههههههههههههههههههههههههههههه
    ههههههههههههههههههه
    ههههههههههههههههههه
    الله يقلع اباليسك كلهم ونياق جدك والفاتنة وبنات الجيران.
    ياخي انت فظيع. روح ياشيخ ألف أهلا ومرحبا

    شكلك عضو اسبيشل خالص. جيت وربي جابك.

    شوف احنا معانا اباليس مليان هنا وانت اجيت المكان المناسب.
    [color=FF0000]مشاكس, بحار, ولد الحمايل, ابن المطري, السبعين, فلان , علان [/color]
    اطلعوووووو له
    قصدي رحبو به. [/color]
     
  4.   مشاركة رقم : 3    ‏2004-01-22
  5. الســـاهــر

    الســـاهــر قلم فضي

    التسجيل :
    ‏2003-05-24
    المشاركات:
    2,904
    الإعجاب :
    0
    ههههههههههههههههههها

    الله يقطع ابليسك يا ابو هاجوس انت وحكايتك العجيبة هذه

    يا هلا و يامية مرحبا بك

    و لاتنسى تسلم لنا على الفاتنة

    تحياتي
     
  6.   مشاركة رقم : 4    ‏2004-01-25
  7. أبو هاجوس

    أبو هاجوس عضو

    التسجيل :
    ‏2004-01-22
    المشاركات:
    22
    الإعجاب :
    0
    هلا والله بأبو يمن أصلي شكراً على ترحيبك الحار لي وأن شاء الله راح أكون عند حسن ظنك .
    ======================================
    الساهر هلا والله سلامك وترحيبك في وصل لأكن سلامك للفاتنة ما راح يوووووووووووووووصل لأسباب أمنية هع هع هع
     

مشاركة هذه الصفحة