الحمدلله اخترقت البنتاقون

الكاتب : ياسرالحفيظي   المشاهدات : 553   الردود : 3    ‏2004-01-19
      مشاركة رقم : 1    ‏2004-01-19
  1. ياسرالحفيظي

    ياسرالحفيظي عضو نشيط

    التسجيل :
    ‏2003-11-08
    المشاركات:
    471
    الإعجاب :
    0
    بسم الله الرحمن الرحيم
    السلام عليكم
    الحمدلله اخترقت البنتاقون




    يشرفني كشاب عربي وسعودي باختراق البنتاقون الامريكي !!
    حقيقة كان لي حلم اني اقوم باختراق لوزارة الدفاع الامريكية
    و في يوم من الايام قررت اني اقوم باختراق البنتاقون و فعلا خططت وجمّعت جميع الادوات والبرامج اللي ممكن ان اخترق فيها احد سيرفرات (خوادم) وزارة الدفاع الامريكية (البنتاقون).

    خبرتي في البرتكول( تس بي أي بي) واليونكس والوندوز ان تي وبرمجة الاسمبلي والسي بلس بلس ساعدتني كثير في هالمشروع.

    قد يسأل البعض طيّب مادام انه قام باالاختراق وهو يعلم ان مثل هالمنتديات بإمكانها معرفة الكثير عنّك !! وعنوانك ومقدم الخدمة اللي تتصل منّه فليه يخاطر بنفسه في هالمنتدى؟

    اقول مثل ما ذهبت متخفيا الى البنتاقون .. انا الحين متخفّي من الساحة!

    عموما حددت المكان وساعة الصفر اللي اقوم فيها بالهجوم على البنتاقون

    كانت الساعة 1 بعد الظهر من يوم السبت في ايام حرب العراق(اليوم هذا خذيت فيه اجازة من العمل لعدة اسباب)

    1- ان الامريكان توهم طالعين من حوانيت الخمر ونايمين فالضغط على الشبكة العالمية قليل ! وهذه حقيقة يجب اخذها بعين الاعتبار.

    2- ان الانترنت عندنا بعد هالوقت تغصّ فمالك امل حتى ان توصل لمقدم الخدمة طبعا( لقد تعثر مرورمكالمتك).

    كنت محتفظ بالاي بي ادرس حق البنتاقون وكان اول محاولة اختراق عملتها عن طريق (التلنت) طبعا اخذت طرق طويلة جدا حتى وصلت للهدف متخفّي .

    استغربة حقيقة انه من اول محاولة اختراق لاول جدار ناري وقع تحت ايدي فقلت اكيد انها مصيده ويبون يوقعون فيني لكني كنت امسح جميع (اللوق فايلز) اللي تكون تفاصيل خط سيري موجوده

    فيها .

    صادف وجود اخوي الكبير في البيت فجئة جاني اخوي يركض بسرعة ويقول لي تعال تعال شف وش حاصل على (السي ان ان) ... حقيقة ماعطيته اهتمام لاني مشغول.

    قلت لاخوي ياليت تخليني شوي مشغول وعندي شي لازم اخلصة وبعدين اجيك.

    في الفترة هذي كنت قد اقتحمت الجدار الناري الثاني واذا بالفايلات كلها قدام عيني ... استغربة استغراب شديد وشلون البنتاقون بهذه الدرجه من الهشاشة لكن يبدو ان الاختراق السريع راجع لاني

    استخدمت برتوكول التي سي بي أي بي نظام (البوكتات) مما سهل علي طريقة الاختراق وكان ايضا لدي معجم يحوي ملاييين الكلمات وبرنامج يحاول التوصل الى كلمة السر بسرعة خياليه كنت قد

    صممته بنفسي مما ساعدني على الوصول لهدفي بسرعة وسهولة .

    كنت حاط نصب عيني واهم حاجه على شان انهم مايتتبعوني اني امسح جميع اللوق فايلز ونجحت في ذلك .. عموما

    انا ماكنت حقيقة اعرف وش ابي اخذ من الفايلات لاني مااعرف وش عندهم لكن قمت بنسخ بعض التكست فايلز وفايلات الصور اللي كانت موجوده ونزلتها بسرعة حتى اكتملت في جهازي وبعدها

    سويت قطع للاتصال وطفيت الجهاز.

    رحت لاخوي اللي اكبر منّي وطبعا اخوي مااقدر اخبي عليه شي ابد ... قلت له تدري فيه واحد سوى ارباك للبنتاقون !

    قال من؟!!

    قلت له انا ...

    قال صحيح ... قلت ايه نعم صحيح .. وعلشان اثبت لك تعال نطالع سوى وش في الفايلات اللي سويت لها داوون لود من السيرفر حقهم.

    قال يالله مشينا

    رحت للكمبيوتر وشغلته ورحت لمكان االفايلات اللي نسختها من موقع البنتاقون .

    واذا بالمفاجئة ...!!! شي ماتخيلته ... الى هذه الدرجة وصلت بالبنتاقون انهم يحتفظون بأشياء عنّا ماتوقعوتها ابدا؟؟!!!

    شي خيالي مااحد يتوقعه !!!

    انا واخوي ماتصورنا اللي شفناه

    شوفو وش حصلنا

    ..
    ..

    1- صك أرض بحي النسيم

    2- صك إعاله

    3- صك حصر ورثة

    4- منحة في الدخل المحدود ممسوح الاسم الاصلي ومحطوط اسم ثاني (شكلها مغيّره).

    5- صورة واحد سعودي

    6- كريكاتير الهليّل

    7- ملفات وورد فيها حب وغرام وهيام !!!

    8- ملف وورد فيه كم هائل من ارقام البركسيات

    9-صورت احد الامراء في .............الرياض

    10-معلومات عن احد القضاه المرتشين في جده

    11-اسماء بالهبل لجميع قبيلة غامد ؟؟؟؟؟والله اعلم انهم يجمعون معلومات عن الاسماء المشابهه للي عندهم عن احداث سبتمبر

    استغرب اخوي مرة ... وانا هم استغربت بعد!! معقوله وصل الامريكان لهذه الدرجه انهم عارفين كل شي عنّا .. قلت لحظة يااخي خلني اشوف برنامج الاختراق اللي عندي وبعد

    التحري من الايبي ادرس اللي في البرنامج لقيته..........



    ..

    يخص سيرفر البلدية اللي في جنب بيتنا !!! لاني نسيت الاي بي للبلدية في البرنامج ولا غيرته.

    طبعا اخوي درى وش السالفة وعينك ماتشوف الا النور.

    [اخوي] بنتاقون انت ووجهك هاه ... البلدية اللي في جنب بيتنا .. بنتاقون هااااه

    [أنا] لحظة يااخي ......... المسألة ...فيهـ....

    [اخوي] اقولك شب (شت أب) بس هذا اللي فالحين فيه ماعندكم الا الكلام الفاضي

    [اخوي] انتو حق نت بص هالبرنامج الخايس اللي كل من هب ودب صار يتجسس على المسلمين .. ياخي جهازي صفارات الانذار فيه ماتسكت كل شوي وواحد يحاول يدخل على جهازي

    ..

    [أنا] يابن الحلال خلني اقولـ ............

    [اخوي] اسكت لا أصنك على عينك الحين .. تدري من اللي اربك البنتاقون ؟

    [أنا] من ؟!!

    [اخوي] هذولا عيال الصرب يوم صار الحرب عليهم خلو النظام الالكتروني الامريكي يرقص على كراع (قدم) ..ودوة صفرات الانذار في البيت الابيض والبنتاقون والاف بي اي والسي اي

    ايه .... و و و

    [اخوي] جيدين على كمبيوترات الناس المساكين ... كم مسكين دمر جهازة وسرقت اسراره وفضحوه في الله وخلقه

    [اخوي] لا وما عاد الا كمبيوتر البلدية بعد.. !!

    [أنا] عاد وش نسوي فيهم سيرفراتهم كذا .. قديمة من على عصر جدي يشغلونها اما بنتع كنها ددسن فاضيه بطاريتها ولابالهندّل .. اي واحد صغيّر مبتدأ في الهاكنق ممكن يوقفها عن العمل-


    [اخوي] اقول مالت عليكم !! طيب هذي فيها اسرار وملفات خاصة!

    [أنا] قلعتهم اما يحطون كمبيوترات مثل الناس ولا لاعاد يستخدمون الكمبيوترات

    زعل اخوي علي وطلع وهو يتحلطم ويقول ... قال بنتاقون ...قال ...

    .............................................................. انتهى

    ايها الاحبّه .. طبعا القصة سابقة الذكر كانت من بنيّات افكاري ولم يحصل منها شيء .. ماحنا كفو .. نغزو البنتاقون .. عموما .. قمت بتدوين عدد محاولات الاختراق لجهازي

    الشخصي ووجد رقم خيالي وشيء عجيب

    اكثر من 20 محاولة اختراق لكل ساعة. وشباب صربيا وقفو سيرفر البنتاقون اكثر من ساعة.

    فما رأيكم انتم ؟؟؟؟ [/B]
    منقول (للهباله)
     
  2.   مشاركة رقم : 2    ‏2004-01-19
  3. هدية

    هدية قلم ذهبي

    التسجيل :
    ‏2002-12-13
    المشاركات:
    5,715
    الإعجاب :
    0
    [color=0000FF]الله أكبر عليك ياحفيظي
    عيشتني في حلم جميل
    والله فوق الخيال
    وبعدين
    بممممممممممم
    على أرض الواقع
    صدمتني صراحة
    في موضوع للمتمرد في التسلية بعنوان سؤاااااااااال برئ
    روح رد عليه من أولاد أفكارك أقصد من بنيات أفكارك
    عموما فعلا البنتاغون لن يخترقه إلا شخص يعرف قيمة الجهاد الحقيقي
    أما اللي عندنا يعرفون يخترقون أجهزة البنات
    ويعملون **** ويفضحون المسلمين
    هذا اللي الله قدرهم عليه
    أما على الكفار-مش بوزك-هذا بالتايواني
    شكرا لك وبارك الله فيك
    موضوع رائع فعلا وابداع منك حقيقة
    وعلى قولة الشاعر الحلمنتيشي
    [poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    إذا لم تكن لي والزمان شرم برم=فلا خير فيك، والزمان ترللي


    [/color]
     
  4.   مشاركة رقم : 3    ‏2004-01-19
  5. ياسرالحفيظي

    ياسرالحفيظي عضو نشيط

    التسجيل :
    ‏2003-11-08
    المشاركات:
    471
    الإعجاب :
    0
    السلام عليكم

    تشكري اخت هدية على مرورك الطيب
    وحلوحلو جداًجداً شعر صاحبنا
    الحلمنتيشي



    إذا لم تكن لي والزمان شرم برم ـــــــــــــــــ فلا خير فيك، والزمان ترللـي
     
  6.   مشاركة رقم : 4    ‏2004-01-19
  7. تلميذ الزمن

    تلميذ الزمن عضو متميّز

    التسجيل :
    ‏2003-12-10
    المشاركات:
    1,669
    الإعجاب :
    0
    انا كنت بصدق عملك
    بس
    فاجأتنا بانها قصة مزيفة
    واعتقد ان رد اختي هدية هو الرد المناسب
    وشكرا على القصة المسلية
     

مشاركة هذه الصفحة