تتجوزيني ؟

الكاتب : Aziz   المشاهدات : 915   الردود : 16    ‏2004-01-04
      مشاركة رقم : 1    ‏2004-01-04
  1. Aziz

    Aziz عضو

    التسجيل :
    ‏2004-01-01
    المشاركات:
    98
    الإعجاب :
    0
    [color=000099]تتجوزيني ؟
    ـ أفندم ؟
    ـ بقولك تتجوزيني ؟
    ـ !!!!!



    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني ..
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟
    ـ لا ! .. بصراحة كدة .. إنت مش فارس أحلامي اللي باتمناه !



    ـ تتجوزيني ؟
    ـ إيه ده ؟ شكلك اتغير !
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة !
    ـ ودي عدسات خضراء ؟
    ـ أيوة !
    ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي ! .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !



    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده !
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل !
    ـ ممثل إيه ؟
    ـ ممثل أمريكاوي !
    ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
    ـ دونكي دي تبقى شتيمة ؟
    ـ أف كورس !



    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟



    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟



    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل !
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا !
    ـ يعني مش هتتجوزيني ؟
    ـ لا !
    ـ كدة أنا أزعل !
    ـ ما تزعلش يا بابا ! .. خليك فريش !
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟



    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !



    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه !
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟!
    ـ روح اتنيل .



    ـ تتجوزيني ؟
    ـ عندك شقة ؟
    ـ طبعًا ! .. أودة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !



    ( بعد سنوات) :
    ـ تتجوزيني ؟
    ـ جبت الشقة ؟
    ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
    ـ ـ فانتاستيك !
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !



    ـ تتجوزيني ؟
    ـ إنت تاني ؟
    ـ جبتلك حمّام إنما إيه !
    ـ خليه ينفعك !
    ـ ليه بس ؟ .. ده ينفع لينا احنا الاتنين !
    ـ وأنا مالي ؟
    ـ مش عاجبك .. مش مشكلة .. أكتبه باسمك !



    (بعد سنين) ..
    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم !
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول
    I love you !
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟



    ـ تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني !
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..
    ـ رقيقة ؟! .. ده انت بدأتي تقشفي !
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي !
    ـ يعني إيه ؟
    ـ يعني اقطع معايا !
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك !
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟



    ( بعد سنين) ..
    ـ تتجوشيني ؟
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني !
    ـ طيب شاعدني عشان ألاقي النضارة !
    ـ آهي على الترابيزة قدامك !
    ـ فين ؟!!
    ـ لا دي نظارتي أنا !
    ـ أيوة لقيتها ..
    ـ البشيها بقة !
    ـ ططييبب !
    ـ عينيكي فوق شوية .. ده بقك ..
    ـ طيب لبشهالي إنت !
    ـ عقبال ما البشك الدبلة !
    ـ ما تكشفنيش ! .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟!!
    ـ آه !! .. أجوشك !
    ـ بالضااااابط ! .. هاه ؟
    ـ شيبني أفكر !
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش !
    ـ ربنا يوفقك !
    ـ إيه ؟
    ـ ربنا يوفقك !
    ـ بتقول إيه ؟
    ـ ربنا ياخدك !



    (على فراش الموت) :
    ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
    ـ مش شامعة !
    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
    ـ أجوش مين ؟!!!
    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
    ـ إيه ؟ ..
    ـ لا .. كوح .. أبدًا .. كوح .. كنت … كح كح .. بأكح !!
    ـ كنت بتكح ؟!!!! .. شلامتك !! .. ما قلتليش ليه ؟!
    ـ هو .. كوح .. إنتي .. لشة .. عارفـ .. ـة .. كوح كوح !
    ـ بتقول إيه ؟!!
    ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
    ـ أجوشك ؟!! .. طب بش خد الدوا الأول !
    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
    ـ أيوة يا حاج .. موافقة !! .. موافقة إنك تتكوشني ..
    ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع !
    ـ يا حاج .. يا حاج .. لااااااااااااااااااااااااااااا !!

    تتـ .. إحم .. تمت بحمد الله !


    [/color]
     
  2.   مشاركة رقم : 2    ‏2004-01-04
  3. ابن الاصول

    ابن الاصول قلم فضي

    التسجيل :
    ‏2003-07-21
    المشاركات:
    2,607
    الإعجاب :
    0
    هههههههههههههههههههههههههههههه
    تسلم ياعزيز
    رااااااااااااااااائع
    موضوع في غاية الرروووووووووووووووووووووووووووعة
    اضحكتني كثير
    تسلم
     
  4.   مشاركة رقم : 3    ‏2004-01-04
  5. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    ههههههههههههههههههههههههه
     
  6.   مشاركة رقم : 4    ‏2004-01-05
  7. الجوري

    الجوري مشرف سابق

    التسجيل :
    ‏2003-01-13
    المشاركات:
    2,812
    الإعجاب :
    0
    [glow=FF0033][​IMG]

    هذا الحب الابدي

    هههههههههههههههههههه

    قصه حلوووه وظريفه

    يعطيك الف عافيه



    [​IMG]

    [​IMG]

    جــــوري الـــحـــبـــوبه

    [​IMG]

    [​IMG]
    [/glow]
     
  8.   مشاركة رقم : 5    ‏2004-01-05
  9. Dr ahmed omerawy

    Dr ahmed omerawy مشرف سابق

    التسجيل :
    ‏2002-11-06
    المشاركات:
    3,485
    الإعجاب :
    0
    و حياتك يا عزيز هات لي ويفر لذيذ ...

    حلوة منك يا عزوز ....





    و دمت ..
     
  10.   مشاركة رقم : 6    ‏2004-01-05
  11. العنيدة

    العنيدة عضو

    التسجيل :
    ‏2003-12-20
    المشاركات:
    52
    الإعجاب :
    0
    هههههههههههههههههه
    فنانه
    والله حلوة
    تسلم اخوي
     
  12.   مشاركة رقم : 7    ‏2004-01-05
  13. عاشق الليل

    عاشق الليل عضو متميّز

    التسجيل :
    ‏2003-11-10
    المشاركات:
    1,032
    الإعجاب :
    0
    حلوووووووووووووووووووووووووووووه مررررررررررررررررررررررره خااااااااااااااااااالص

    اتعضوااا يا اولو الألباب
     
  14.   مشاركة رقم : 8    ‏2004-01-05
  15. هدية

    هدية قلم ذهبي

    التسجيل :
    ‏2002-12-13
    المشاركات:
    5,715
    الإعجاب :
    0
    [color=0000CC]الله يرجك ويرج اللي قال لي اقري الموضوع
    اصبحنا واصبح الملك لله
    موتني من الضحك
    حلوة ياعزيز منك على ئد سنك
    مدري من اللي كان يقولها ذي:D [/color]
     
  16.   مشاركة رقم : 9    ‏2004-01-05
  17. ذي يزن

    ذي يزن «« الملك اليماني »» مشرف سابق

    التسجيل :
    ‏2000-09-26
    المشاركات:
    34,433
    الإعجاب :
    55
    [frame="1 80"]
    [color=990033]أية الحلاوة دي كلها
    أية العظما دي كلها

    اه يا عزيز يا أوبها



    حلووووووووووووة جدا جدا جدا
    اخ منك يا عفريت
    أنت لطشها من أي حته بالضبط

    خد مني النكتة دي رد على موضوعك الظريف جدا

    كان فية عجوز قاعد يتشمس تحت الشمس مع زوجتة العجوزة في الجنينة
    العجوزة المكلكعة حبت تدلع شوي على جوزها وقالت له
    فاكر يا عزيز زمان لما كنت بتبوسني في عيني

    قام عزيز وباسها في عينها

    قالت له : فاكر يا عزيز لما كنت بتعلب بشعر راسي .

    قام عزيز حط ايدة على شوية على الشعر الابيض في راسها وحركها يمين وشمال شوية

    قالت له : فاكر يا عزيز لما كنت بتعض وداني ((أذني))

    قام عزيز ومشى للبيت وتركها

    أنخضت العجوزة وقالت : يا عزيز أنت رايح فين اوعاك تكون زعلت مني ؟!!!

    قال لها : أبدا يا روحي بس رايح أجيب طقم السنان ((الاسنان))
    :)
    [/color] [/frame]
     
  18.   مشاركة رقم : 10    ‏2004-01-05
  19. Aziz

    Aziz عضو

    التسجيل :
    ‏2004-01-01
    المشاركات:
    98
    الإعجاب :
    0
    هههههههههههههههههههههههههه

    الله يقطع ابليسك يا ذي يزن قصه جدا حميله
     

مشاركة هذه الصفحة