عبودي جاكسون وزبيده سبيرز _ قصه حلوووه !!

الكاتب : T.®.E.X   المشاهدات : 533   الردود : 6    ‏2003-12-21
      مشاركة رقم : 1    ‏2003-12-21
  1. T.®.E.X

    T.®.E.X مشرف سابق

    التسجيل :
    ‏2002-11-16
    المشاركات:
    3,544
    الإعجاب :
    0
    في يوم من الايام وفي ساعة من الساعات..كان عبوودي يشيك على ايميله..وشاف واحد من الايميلات وأعجبه وقال بضيف اللي أرسل هالايميل يمكن نستفيد منه شي..وراح يشوف المرسل..ولقاه باسم (زبيدة سبيرز) عبود في هاللحظه قال وش تبي ذي..اذا هذا ايميلها كذا نكته أجل كيف بتطلع من الداخل..خلني اضيفها واشوف
    وأضاف زبيدة..وزبيده على نياتها مسكينه قبلت إضافة عبود وياليتها ما عرفته..
    ومر يوم على الاضافه ودخلوا اثنينهم ثاني يوم وشافوا بعض
    (·-¦§¦^-|[•عبووودي•]|- ^¦§¦-·):
    سلام
    - ----•(-• زبيدة •-)•---- -:
    وعليكم
    (·-¦§¦^-|[•عبووودي•]|- ^¦§¦-·):
    يهودي لالا جد يهودي..ردي زين لا تجي الطابعه على خشتك<--- توه شاري طابعة ومستااانس
    - ----•(-• زبيدة •-)•---- -:
    لا يكثر..احمد ربك اني رديت عليك بعد..ولا المفروض الأشكال هذي ما تنعطا وجه
    (·-¦§¦^-|[•عبووودي•]|- ^¦§¦-·):
    ايه ايه طيب..المهم كيف الحال؟؟
    - ----•(-• زبيدة •-)•---- -:
    الحال نعال من شفتك
    (·-¦§¦^-|[•عبووودي•]|- ^¦§¦-·):
    خخخخخخ هذا المطلوب يا اخت......؟
    - ----•(-• زبيدة •-)•---- -:
    معك زبيدة سبيرز
    (·-¦§¦^-|[•عبووودي•]|- ^¦§¦-·):
    لووووووووول ومفتخرة بعد؟
    - ----•(-• زبيدة •-)•---- -:
    ايه مفتخره..ليه اسمي فيه شي؟
    (·-¦§¦^-|[•عبووودي•]|- ^¦§¦-·):
    لحظه شوي خليني ابلع الاسم المخيس..زبيدة سبيرز..زبيدة سبيرز..طيب يا زبيدة يصلح اسمي نفسي عبوود جاكسون؟
    - ----•(-• زبيدة •-)•---- -:
    بالله انت وش تبي انا ابي اعرف؟ ومسوي تتهزا بالاسم..ياخي ناظر اسمك انت ووجهك..الحمد لله والشكر..واحد يدلع نفسه..الحمد لله بس على العقل والنعمه
    (·-¦§¦^-|[•عبووودي•]|- ^¦§¦-·):
    ايه من حقي أدلع نفسي..لا لا تقولين لاااااا..يا حرااااام
    - ----•(-• زبيدة •-)•---- -:
    وشووو؟
    (·-¦§¦^-|[•عبووودي•]|- ^¦§¦-·):
    لا ولاشي بس
    - ----•(-• زبيدة •-)•---- -:
    طيب يا عبود ممكن سؤال وجيه لو سمحت؟
    (·-¦§¦^-|[•عبووودي•]|- ^¦§¦-·):
    اسألي وانتي ساكته <---- مدري كيف تجي بس يالله نمشيها
    - ----•(-• زبيدة •-)•---- -:
    طيب..ممكن أعرف سبب اضافتك لي في الماسنجر؟
    (·-¦§¦^-|[•عبووودي•]|- ^¦§¦-·):
    اخاف اذا عرفتي تتحطمين كليا
    - ----•(-• زبيدة •-)•---- -:
    مو انا اللي أتحطم وشف مين اللي بيحطمني بعد..من واحد ما يعني لي شي..مثلك مثل الزباله اللي جنب الكمبيوتر
    (·-¦§¦^-|[•عبووودي•]|- ^¦§¦-·):
    لا بس حبيت أقولك اني أضفتك عشان أطلع ريحتك
    - ----•(-• زبيدة •-)•---- -:
    نشوف من بيطلع ريحة الثاني في النهاية
    (·-¦§¦^-|[•عبووودي•]|- ^¦§¦-·):
    اقول مامي تراك توك صغيره على هالحركات سمعتي
    - ----•(-• زبيدة •-)•---- -:
    اقول انت..لا يكثر..الحين منيب فاضيه لك اذا فضيت لك كلمني
    (·-¦§¦^-|[•عبووودي•]|- ^¦§¦-·):
    اص ولا كلمة يا مديرة بنك الراجحي
    تعذر الوصول لكافة المستخدمين:
    اص ولا كلم.........................
    في نفس اليوم الساعه11 كان عبودي داخل من 8 وزبيدة توها تدخل بتشوف ايميلها كم فيه من رسالة وتمشي..بس شافت عبوودي .. وتوها بتصكه حظرالا عبودي قال لها:-
    (·-¦§¦^-|[•عبووودي•]|- ^¦§¦-·):
    لحظة ابيك في سالفة خطيرررة
    - ----•(-• زبيدة •-)•---- -:
    جعلك الوجع.توني بصكك بلوك وطلعت في وجهي..يا اخي وش تبي؟؟ وبعدين انت شايفني فاضيه أقعد اتكلم معك
    (·-¦§¦^-|[•عبووودي•]|- ^¦§¦-·):
    لا بس يعني هي سالفة خطيره شوي..<---- مسوي أليف
    - ----•(-• زبيدة •-)•---- -:
    طيب وشو الشي الخطير طال عمرك؟
    (·-¦§¦^-|[•عبووودي•]|- ^¦§¦-·):
    السالفة وما فيها انا باخذ من وقتك شوي ونلعب شوي من التحدي اللي اتفقنا عليه..خلاص؟
    - ----•(-• زبيدة •-)•---- -:
    طيب..بس اذا طولت في الرد ما تقولي اني قاعده أفكر في ذبة ولا شي..لأني اصلا مشغولة
    (·-¦§¦^-|[•عبووودي•]|- ^¦§¦-·):
    أقول لا يكثر يا رجلة الأعمال..كلها رسالتين وحدة من خويتك عتاب والثانيه من حسن بلونه..خخخخخخخ
    - ----•(-• زبيدة •-)•---- -:
    تهئ تهئ تهئ يا الله دمك خفيف ماشاء الله عليك..انت يوم انك تكلمني يالمدلع ما شفت اسمك؟؟
    - ----•(-• زبيدة •-)•---- -:
    يا اخي استح على وجه..أحد يدلع نفسه ولا صح نسيت فيه ناس خكاريا في هالبلد..
    (·-¦§¦^-|[•عبووودي•]|- ^¦§¦-·):
    ايش ايش..لا لا كذا انتي تطعنين في ذاتي يالعبده
    - ----•(-• زبيدة •-)•---- -:
    احلى..والله تطورت منفوحة..وصار عندك ذات وكيان..ياهوووه يا قوي انت..بعدين تعال..الحين اذا انا عبده انت وش تصير؟؟
    (·-¦§¦^-|[•عبووودي•]|- ^¦§¦-·):
    اطلع عبودي يا غبية..شف الغباء يمشي في عروقك شوفيه شوفيه..ايوه هذا هو اللي لونه اسود جنب الدم بس انتي ما تفرقين بينه وبين لونك يالعبده عشان كذا ما تدرين انتي غبية ولالا

    يتبع ---
     
  2.   مشاركة رقم : 2    ‏2003-12-21
  3. T.®.E.X

    T.®.E.X مشرف سابق

    التسجيل :
    ‏2002-11-16
    المشاركات:
    3,544
    الإعجاب :
    0
    - ----•(-• زبيدة •-)•---- -:
    يا خف دمي بعد..خفيف دم ما شاء الله عليك
    (·-¦§¦^-|[•عبووودي•]|- ^¦§¦-·):
    محد طلب رايك..اهم شي رايي ورأي المجتمع العام
    - ----•(-• زبيدة •-)•---- -:
    اها عرفت ليه تقولي عبده..بسبب التحليل الكهروكيميائي لكلمة عبوودي تطلع لنا هالحروف ع ب و د ي هذي الحروف تمثل كلمة عبود بإزالة الحرف الأخير المشتقة اصلا من كلمة عبد..عشان كذا يا عبد اص ولا كلمة
    (·-¦§¦^-|[•عبووودي•]|- ^¦§¦-·):
    شفتي انك تافهه..وبتتمين طول عمرك تافهه تدرين ليه..لأن كلمة عبودي=تدليع لإسم عبدالله <---- يقال له جاب اختراع جديد
    - ----•(-• زبيدة •-)•---- -:
    لا يا شيخ..جد حرام..كيف انا ما عرفت هالشي من البدايه..اقول عبيد لا يكثر وناظر اسمك (عبد....الله) يعني انت عبد يا عبد
    (·-¦§¦^-|[•عبووودي•]|- ^¦§¦-·):
    خلاص قفلي الموضوع لأننا وصلنا لاسم الله وما يجوز نقعد نحرف ونخربط في الاشياء هذي
    - ----•(-• زبيدة •-)•---- -:
    اها طيب
    (·-¦§¦^-|[•عبووودي•]|- ^¦§¦-·):
    خخخخخخخخ فيك حيل تكملين؟..احس انك خلاص بتصيحين خلاص خلاص رحمتك..دمعتك امسكيها لا تطيح انتبهي
    - ----•(-• زبيدة •-)•---- -:
    لاااااا أرجوك ارحمني انني اتوسل اليك عبوودي خلاص انا ما اقدر استحمل بصيح..أقول لا يكثر لا يجيك كف
    (·-¦§¦^-|[•عبووودي•]|- ^¦§¦-·):
    خخخخخخخخخ بنت وتعطيني كف..يؤيؤيؤ كيف تجي هذي؟؟ الله اعلم

    وقعدوا على هالحال وكل واحد يذب على الثاني مدة ساعتين وولا واحد منهم قام يتصفح ولا موقع..حتى من زود الحماس كل شي مسكر الا المحادثه هذي وكل واحد ينتظر الثاني يرد عشان يرد عليه رد اقوى.......وبعدين

    (·-¦§¦^-|[•عبووودي•]|- ^¦§¦-·):
    اقول انا ماشي ولا تصيحين بس لنا موعد ولقاء آخر
    - ----•(-• زبيدة •-)•---- -:
    فارق..تقلع من قدامي لأشوتك
    (·-¦§¦^-|[•عبووودي•]|- ^¦§¦-·):
    انا اتقلع طيب شكرا
    - ----•(-• زبيدة •-)•---- -:
    العفو..كل يوم تعال

    ومرت الايام على هالحال وكل يوم ملافخ ودبج ودبيج بين الشيون زبيدة وعبودي .. وفي ذات مرة من المراريت دخلت الأخت زبيدة وعبودي كان داخل من فتره

    (·-¦§¦^-|[•عبووودي•]|- ^¦§¦-·):
    لييييييه؟ <--- خشه غلط يبيها تنتبه
    - ----•(-• زبيدة •-)•---- -:
    طيب خلاص عرفنا حركاتك..ياخي غيرها يا قديم
    - ----•(-• زبيدة •-)•---- -:
    المهم انا منيب فاضيه لك انت ووجهك..اليوم انا بروح محل (.....) وبشتري العاب وخرابيط لحفله البزران اخواني تبيني اجيب لك هديه يا ماما؟
    (·-¦§¦^-|[•عبووودي•]|- ^¦§¦-·):
    خخخخخخخ الحين انا البزر..ههههههه طول عمرك ظريفه وفكاهيه ودمك خفيف..انا احس ان دمك اخف من دم الظواطير سبحان الله
    - ----•(-• زبيدة •-)•---- -:
    اقول لا يكثر بس..هذرتك واجده ما تخلص اعوذ بالله

    وطلعت زبيدة..وعبودي ما صدق حكي وقام قشع كل عفشه ومشا للسيارة وعلطوول راح للمحل اللي قالت عنه زبيدة سبيرز
    وانتظر وانتظر وانتظر لين شاف وحده توها شابه في عمر الزهور وقاعده تشتري اغراض حفلة بزران قام الملقوف وراح لها وقال لها:
    عبوودي: زبيدة؟؟
    البنت: وش شايفني انت وش تقوول انت شايفني عبده..<--- وجهها صار اخضر فسفوري
    عبوودي: انتي زبيدة سبيرز؟
    زبيدة: اقول يرحم امك ابعد عن وجهي <-- وهي ترتجف من الموقف والتناحه

    وانحاشت على طول وركبت السيارة وتركت الاغراض بلا حفلة بلا هم
    مسكينة زبيدة قعدت ثلاثة ايام ماهي مصدقة الموقف ومن اللخمه ما دخلت النت ولا حتى طلعت من البيت وبدت تحس بالوضع وترجع طبيعيه بعد ثلاثة ايام ودخلت النت ولقت عبوودي @@
    (·-¦§¦^-|[•عبووودي•]|- ^¦§¦-·):
    خخخخخخخخخخخخخخخخخخ اجل شايفني عبده لالا خلاص منتي عبده
    - ----•(-• زبيدة •-)•---- -:
    انقلع

    وطرررررقشع..بلووك قوي(حظر للي ما يفهم معنى بلوك)
    وزبيدة ما صدقت عطته بلوك الا وهي حاطته دليت تبي تنساه مره..ونسته بعد ما مضى على الحذف حول الشهرين وعبودي بعد نساها وكل واحد راح في طريق..لين جا يوم من الايام ودخل عبودي شات..ودخل باسم الليل..وهذاك اليوم بالذات طقت في راسه تشبيك بنت..الا يبي يشبك بنت ولا مب طالع من الشات
    طبعا دخل هو على أكثر من بنت ولا وحده عطته وجه لين دخل على وحده نكها الحزينه
    «·´?´·•[• الليل •]•·´?´·»:
    هاااااي
    ·°¯`·• الحزينة •·´¯°·:
    نعم
    «·´?´·•[• الليل •]•·´?´·»:
    نعامة وش نعم..ردي السلام زين
    ·°¯`·• الحزينة •·´¯°·:
    شكلك طفل توك داخل الشات ومسوي قوي
    «·´?´·•[• الليل •]•·´?´·»:
    لا يكثر بس أعرف الشات قبل ما تشوفين امك وابوك
    ·°¯`·• الحزينة •·´¯°·:
    اها يعني يبيلك وقت شوي تتدرب عليه
    «·´?´·•[• الليل •]•·´?´·»:
    المهم كم عمرك؟؟ أو من وين؟؟ أو وش اسمك؟؟
    ·°¯`·• الحزينة •·´¯°·:
    والله لو اني بطلع جواز..مير الجوازات ما يسألون كل ذا
    «·´?´·•[• الليل •]•·´?´·»:
    ههههههههه <-- مسوي يضحك يبي يسلك معها ولا هو لو ما وده يشبك كان اختلف الوضع
    «·´?´·•[• الليل •]•·´?´·»:
    خلاص مابي اعرف الا انتي من وين بس؟
    ·°¯`·• الحزينة •·´¯°·:
    من الرياض ارتحت؟؟
    «·´?´·•[• الليل •]•·´?´·»:
    طيب ممكن تعطيني ايميلك عشان ألقاك دايما؟؟
    ·°¯`·• الحزينة •·´¯°·:
    اقول عاد عطيتك وجه
    «·´?´·•[• الليل •]•·´?´·»:
    على العموم هذا ايميلي واتمنى انك تضيفيني Hotmail.com@.........<-- مسوي اسلوب الولد
    ·°¯`·• الحزينة •·´¯°·:
    @@@ هذا ايميلك انت متأكد؟
    «·´?´·•[• الليل •]•·´?´·»:
    لالا حق ولد الجيران مسلفنياه يوم وقالي رجعه بكره..ايه اجل حق مين؟
    ·°¯`·• الحزينة •·´¯°·:
    وانت بكل مكان..خلاص بضيفك واتفاهم معك
    «·´?´·•[• الليل •]•·´?´·»:
    طيب

    وانتظر عبوودي لين جته الاضافه Hotmail.com@.........
    عبودي(في نفسه):يؤ هذي زبيدة..يا سلاااااام رجعنا لأيام المطاقات يا هووووووو..<--- مستانس ما كان يونسه الا زبيدة
    ويقبل الاضافه ويكلم زبيدة

    (·-¦§¦^-|[•عبووودي•]|- ^¦§¦-·):
    خخخخخخ هلا بالقاطعين..قصدي اللي حاظريني وحاذفيني
    - ----•(-• زبيدة •-)•---- -:
    نعم وش تبي يالقلق..يعني ما افتكيت منك في الماسنجر وتجيني في الشات..لا حوووول
    (·-¦§¦^-|[•عبووودي•]|- ^¦§¦-·):
    على الأقل اذا كنتي بتحظريني ولا بتحذفيني عطيني خبر عشان انا اسوي مثلك
    - ----•(-• زبيدة •-)•---- -:
    ههههههاي ومن انت عشان اعلمك؟؟ أمير ولا وزير انت ووجهك..حدك زبال ويخب
    (·-¦§¦^-|[•عبووودي•]|- ^¦§¦-·):
    يعني تبينا نرجع زي اول وتقعدين تصيحين علي و تحظريني ..مهيب حركات رجال ذي
    - ----•(-• زبيدة •-)•---- -:
    وانا رجال الحين يا دونكي؟
    (·-¦§¦^-|[•عبووودي•]|- ^¦§¦-·):
    والله ما ادري بس احس كذا خخخخخخخ
    - ----•(-• زبيدة •-)•---- -:
    لا يكثر..انت كذا تطعن في انوثتي
    (·-¦§¦^-|[•عبووودي•]|- ^¦§¦-·):
    يااااااي ياحياتي يا انوثه خخخخخخ..أي انوثه اللي تتكلمين عنها وانتي لو تشوفيني قدامك مسكتيني ورجفتي فيني لين غفلت<--- معد صارت زبيده ذي صارت اندرتيكر (مصارع)
    - ----•(-• زبيدة •-)•---- -:
    لا يا شيخ وش شايفني مصارعه ولا ملاكمه لا قدر الله؟
    (·-¦§¦^-|[•عبووودي•]|- ^¦§¦-·):
    أٌول أها بس عطيتك وجه أكثر من اللزوم يا وجه القرد
    - ----•(-• زبيدة •-)•---- -:
    خخخخخخخخخ اذا وجهي قرد انت وش يصير وجهك..غوريلا مثلا؟لالا يكرم الغوريلا انت وجهك يشبه امممم..عليك وجه تقول تمساح قاعد يتثاوب
    (·-¦§¦^-|[•عبووودي•]|- ^¦§¦-·):
    وين الناس خلهم يضحكوون..يا ناس شوفوها تنكت آه ه يا قلبي أحس انك طعنتيني في الصميم جنب الشريان الأيسر حق القلب بتلقين عماره تحتها بقاله جنب البقاله بشوي طعنتيني..آآآآآآآه تهئ تهئ تهئ
    - ----•(-• زبيدة •-)•---- -:
    g2g<---- مستعجلة تبي تطلع
    - ----•(-• زبيدة •-)•---- -:
    لو أقدر اتكي معك كان والله ما خليتك بس لنا لقاء قادم
    (·-¦§¦^-|[•عبووودي•]|- ^¦§¦-·):
    تقلعي الله يرحم والديك يالله اشوف قدامي

    ومرت الايام وهم على هالحال كل يوم مطاقه جديدة لين مرة فجأة انقطعت زبيدة عن النت اسبوع اسبوعين ثلاثه أربعه شهر.. حس عبوودي بشي داخل قلبه يقرقع وقام يسأل عنها ويلف ويدور ويحوس لين عرف انها في المستشفى
    لين مرة من الايام دخلت زبيدة..عبودي دخل عليها بدون شعور
    (·-¦§¦^-|[•عبووودي•]|- ^¦§¦-·):
    هلا وغلا زبووده
    - ----•(-• زبيدة •-)•---- -:
    وشووووو..أذكر اني اذا دخلت تقولي وش تبين داخله خير اي خدمه هذا كلامك العاده..عسا ما شر فيك شي انت اليوم؟
    (·-¦§¦^-|[•عبووودي•]|- ^¦§¦-·):
    لا والله بس حبيت اتحمد لك بالسلامه..وابي اعرف وش مرضك
    - ----•(-• زبيدة •-)•---- -:
    الله يسلمك..بس كيف عرفت اني كنت في المستشفى؟؟
    (·-¦§¦^-|[•عبووودي•]|- ^¦§¦-·):
    ههههه والله عرفت بطرقي الخاصه..المهم انتي كيف صحتك الحين ان شاء الله بخير؟؟
    - ----•(-• زبيدة •-)•---- -:
    والله الحمد لله بصحة وعافية..بس انت وش فيك اليوم صاير لطيف..خير عسا ما شر؟
    (·-¦§¦^-|[•عبووودي•]|- ^¦§¦-·):
    انتي ما عليك مني..اهم شي تطمنت عليك..طيب وشو المرض؟
    - ----•(-• زبيدة •-)•---- -:
    لا بس انكسرت رجلي ولا قدرت ادخل وبعدها سافرت ورجعت هذا كل ما في الامر
    (·-¦§¦^-|[•عبووودي•]|- ^¦§¦-·):
    ولا تعلميني ولا شي..كني جدار عندك :(
    - ----•(-• زبيدة •-)•---- -:
    يؤيؤيؤ عبيد منت صاحي اليوم..عبودي وش فيك ياخوي؟
    (·-¦§¦^-|[•عبووودي•]|- ^¦§¦-·):
    لا والله مافيني شي بس حبيت اتطمن عليك واشتقت لك مره والله واشتقت لسوالفيك واستهبالك علي
    - ----•(-• زبيدة •-)•---- -:
    تسلم..بس انت متغير..اول اذكر اني ادخل تغسل شراعي قبل ما اقول أ<-- يعني قبل ما اتكلم
    (·-¦§¦^-|[•عبووودي•]|- ^¦§¦-·):
    لحظه لا تكملين..انا عارف وش بتقولين..خلاص انا خبزتك زين يا زبيده وجا الوقت اللي بقولك فيه انك غير عندي..انتي غير كل اللي عندي والله..في البداية اضفتك عشان اسلي نفسي بس بعدين اكتشفت انك دخلتي قلبي وزادها يوم شفتك في المحل ذاك اليوم يوم كنتي بتشترين لاخوانك الصغار أغراض الحفله وانحشتي
    - ----•(-• زبيدة •-)•---- -:
    هيه وش تقول انت..منت صاحي اليوم انا متأكده
    (·-¦§¦^-|[•عبووودي•]|- ^¦§¦-·):
    هذا الكلام اللي عندي وكان داخل في قلبي من زمان وجا الوقت اللي اقولك اياه وانتي فكري فيه
    - ----•(-• زبيدة •-)•---- -:
    يا غبي انت اصلا طول عمرك غبي..شف والله لو اني وشو ما استحملتك طول هالوقت الا وانت غير بعد عندي ولا لو انك مثل اي واحد كان من زمان وانت بلوك وديليت
    (·-¦§¦^-|[•عبووودي•]|- ^¦§¦-·):
    (بغا يغمى عليه من الفرحه) صدق والله.؟؟ زبيدة انا اتكلم جد يا زبيدة
    - ----•(-• زبيدة •-)•---- -:
    وانا امزح معك الحين؟ قاعده اتكلم جد يا عبود
    (·-¦§¦^-|[•عبووودي•]|- ^¦§¦-·):
    خلاص اجل..انسي كل اللي فات وخلينا نبدا من جديد
    - ----•(-• زبيدة •-)•---- -:
    طه<---يعني طيب=خلاص=اوكي
    (·-¦§¦^-|[•عبووودي•]|- ^¦§¦-·):
    كيفك؟ (ما قد سألها هالسؤال في حياته)
    - ----•(-• زبيدة •-)•---- -:
    نمام الحمد لله وانت كيفك؟
    (·-¦§¦^-|[•عبووودي•]|- ^¦§¦-·):
    دوم يا رب..انا تمام مدامني اشوفك
    - ----•(-• زبيدة •-)•---- -:
    تسلم
    (·-¦§¦^-|[•عبووودي•]|- ^¦§¦-·):
    الله مير يسلمك
    - ----•(-• زبيدة •-)•---- -:
    ايوه تقولي وين طلعت اليوم وين رحت ووين جيت؟

    ودخلوا سواليف هو وياها وكل يوم يتواعدون على وقت يدخلون فيه سوا..وكل يوم سواليف توصل ساعتي او ثلاث..ودايما كذا لين جا يوم من الايام
    - ----•(-• زبيدة •-)•---- -:
    هلا عبوودي
    (·-¦§¦^-|[•عبووودي•]|- ^¦§¦-·):
    هلا وغلا زبوودتي
    - ----•(-• زبيدة •-)•---- -:
    عبدالله انا بقولك خبرين وكل واحد اخطر من الثاني وواحد بتنبسط منه والثاني ما اظن
    (·-¦§¦^-|[•عبووودي•]|- ^¦§¦-·):
    طلعي كل اللي في قلبك لي يا زبووده
    - ----•(-• زبيدة •-)•---- -:
    الأول يا عبوودي..انا مالي غيرك والله وانت او وآخر حب مر علي في حياتي انت الوحيد اللي حبيته من كل قلبي ولو تطلب عيوني عطيتك اياها
    (·-¦§¦^-|[•عبووودي•]|- ^¦§¦-·):
    (مو مصدق انها هي اللي تتكلم) وانا بعد والله مالي غيرك اشكي له همومي واحزاني واحبه الا انتي يا زبيده
    - ----•(-• زبيدة •-)•---- -:
    طيب..بس بقولك الخبر الأهم انا يا عبودي
    (·-¦§¦^-|[•عبووودي•]|- ^¦§¦-·):
    انتي وشوووو؟
    - ----•(-• زبيدة •-)•---- -:
    انا في المرض الشين (السرطان) وتذكر يوم ادخل المستشفى كان بسببه وانا ما كان ودي اقولك وازعلك..الا يوم جا الوقت اللي احس ان نهايتي قربت ولازم اقولك بالحقيقه
    (·-¦§¦^-|[•عبووودي•]|- ^¦§¦-·):
    لاااااااااااااااااااااااااااااااا لا تروحين وتخليني
    - ----•(-• زبيدة •-)•---- -:
    عبودي معليش اذكر الله وخلنا نكمل حياتنا عاديه لين اموت برحمته..وشف انا بعطيك ايميل اعز صديقاتي اذا صار شي او شي راسلها على ايميلها وشف..وهذا ايميلها Hotmail.com@.........
    (·-¦§¦^-|[•عبووودي•]|- ^¦§¦-·):
    كيف نكمل حياتنا عاديه وانتي عارفه ان هذي آخر ايامك؟
    - ----•(-• زبيدة •-)•---- -:
    عشاني عبود حاول انك تخفي كل مشاعر زعلك وكلمني طبيعي
    (·-¦§¦^-|[•عبووودي•]|- ^¦§¦-·):
    (وهو خانقته العبره) والله بحاول..وعشانك لو تامرين بعيوني ما بخلت بها عليك
    - ----•(-• زبيدة •-)•---- -:
    تسلم عيونك عبوودتي
    (·-¦§¦^-|[•عبووودي•]|- ^¦§¦-·):
    زبيدة انا والله ما ادري وين اروح بعد ما تموتين وكيف بيكون وضعي
    - ----•(-• زبيدة •-)•---- -:
    ياخي عيش حياة سعيدة..ترا اذا قلت الكلام هذا مرة ثانيه بزعل عليك والله
    (·-¦§¦^-|[•عبووودي•]|- ^¦§¦-·):
    اوكي خلاص
    - ----•(-• زبيدة •-)•---- -:
    معليش عبود بس والله انا الحين بروح وبحاول ارجع الليل اوكي؟
    (·-¦§¦^-|[•عبووودي•]|- ^¦§¦-·):
    اوكي انتظرك..بس انتبهي على نفسك
    - ----•(-• زبيدة •-)•---- -:
    ان شاء الله..باااااااي حبيبي
    (·-¦§¦^-|[•عبووودي•]|- ^¦§¦-·):
    بااااي :(

    وجا الليل ولا دخلت واليوم الثاني والثالث والرابع وعبودي ما شاف زبيدة
    ودخلت صديقة زبيدة وشافها عبودي وراح علطول يكلمها
    (·-¦§¦^-|[•عبووودي•]|- ^¦§¦-·):
    هلا ممكن اعرف وين زبيدة بسرعه؟
    صديقة زبيدة:
    ما اقدر اقولك
    (·-¦§¦^-|[•عبووودي•]|- ^¦§¦-·):
    الا بتقولين
    صديقة زبيدة:
    خلاااااص زبيدة راااحت الله يرحمها
    (·-¦§¦^-|[•عبووودي•]|- ^¦§¦-·):
    (الدموع تنزل)لااااااا لاااااااااااااا لااااااااااااااااا مستحيييييييل..كيف صار هذا ومتى؟
    صديقة زبيدة:
    معليش ما اقدر اجاوب عن شي بس زبيدة قبل ما تموت قالت لي اذا شفتيه واعديه في المكان اللي اشترت منه اغراض حفلة اخوانها الصغار عشان بعطيك امانه قالت لي وصليها لعبودي
    (·-¦§¦^-|[•عبووودي•]|- ^¦§¦-·):
    الله يرحمهاااااااا..الله يرحمهاااا
    (·-¦§¦^-|[•عبووودي•]|- ^¦§¦-·):
    خلاص بجي بس متى تبين والوقت متى؟وكيف أعرفك ؟(وجه عبدالله مسكين انقلب اسود والله رحمته)
    صديقة زبيدة:
    انا شكلي كذا كذا ولابسه كذا والساعه 9 لازم تكون هناك بااااي

    وتقابلوا في نفس الموعد وشافها وسلمته الامانه وراحت..وهو رجع البيت وكانت الامانه رساله..عبودي فتح الرسالة وبدا يقرا

    من زبيدة إلى عبودي:
    هلا عبدالله كيفك ان شاء الله مستانس؟؟..عبدالله انا الحين على فراش الموت..عبودي اذا مت لا تحزن علي هذا طلبي وعندي طلب ثاني..ابيك تعيش حياتك مثل ما كانت قبل ما تعرفني...عبودي والله حبيتك من كل قلبي ولا أقدر انسى الحب هذا مهما طال عمري او قصر..عبود لا تنسى تنفذ طلباتي.................احبك

    حبيبتك المخلصة..زبيدة

    عبودي مسك الرسالة وجلس يبكي ويصيح وما يدري وين يروح..وكل يوم يناظر الرسالة ويتذكرها..وعاش حياته على ذكرى حبيبته اللي ماتت

    ----------------------------------

    طبعا يا شباب ويا بنات هالقصة غير واقعيه..وهي من نسج الخيال..الخيال الله يخليه لنا..........

    سلامووووووو عليكووووووووو
     
  4.   مشاركة رقم : 3    ‏2003-12-21
  5. T.®.E.X

    T.®.E.X مشرف سابق

    التسجيل :
    ‏2002-11-16
    المشاركات:
    3,544
    الإعجاب :
    0
    على فكرة - منقوله
     
  6.   مشاركة رقم : 4    ‏2003-12-21
  7. وهــwahajــج

    وهــwahajــج عضو متميّز

    التسجيل :
    ‏2003-08-01
    المشاركات:
    1,935
    الإعجاب :
    0
    قصه حلووووووووه في بدايتها
    بس صارت فلم هندي في الاخير

    على العموم يعطيك الف عافيه وتسلم على القصه المبكيه
     
  8.   مشاركة رقم : 5    ‏2003-12-21
  9. عاشق الابتسامات

    عاشق الابتسامات مشرف سابق

    التسجيل :
    ‏2003-03-28
    المشاركات:
    5,630
    الإعجاب :
    8
    هههههههههههههههههههههههههه
    في البداية اقول من اللي مثل زبيدة و عبودي بالمسنجر
    طلعت منقولة
    هههههههههههههه
     
  10.   مشاركة رقم : 6    ‏2003-12-21
  11. الجوري

    الجوري مشرف سابق

    التسجيل :
    ‏2003-01-13
    المشاركات:
    2,812
    الإعجاب :
    0
    [glow=FF99FF][​IMG]

    يؤيؤيؤ

    ايشكلو هذا

    بديتها حلوه

    بس النهايه مدري اشلون

    يسلموو على النقل


    [​IMG]

    [​IMG]

    جــــوري الـــحـــبـــوبه

    [​IMG]
    [/glow]
     
  12.   مشاركة رقم : 7    ‏2003-12-21
  13. الســـاهــر

    الســـاهــر قلم فضي

    التسجيل :
    ‏2003-05-24
    المشاركات:
    2,904
    الإعجاب :
    0
    حرام عليك يا تي ركس ليش خليت النهاية محزنة

    كنت الفت من عندك و خليت عبووودي تزوج زبيدة سبيرز و خلفوا صبيان و بنات
    كذا كان احسن

    على العمووووم مشكووور

    تحياتي لك
     

مشاركة هذه الصفحة