درس خصوصي

الكاتب : arab   المشاهدات : 444   الردود : 6    ‏2003-10-12
      مشاركة رقم : 1    ‏2003-10-12
  1. arab

    arab عضو نشيط

    التسجيل :
    ‏2002-03-27
    المشاركات:
    359
    الإعجاب :
    0
    بينما كنت جالس على النت اتصفح بعض المواقع الممنوعة وما عندي من الشيطان طاري الا ينط في وجهي الماسنجر ويقول لي واحدة اسمها توتو طالبة اضافة ..طبعا أنا من شفت واحدة واتصربع وأجي باضغط موافق واضغط ارفض بالغلط ..وانتظرها وجلست 5 دقايق ..واحوس في لستة الأسماء ..وتوني أدري أني حذفتها بالغلط وانا اللي كنت ابي اقبلها ..قلت في نفسي ايه خلاص مالله كاتب ..وشوي ويجيني طلب اضافة من واحدة اسمها شجرة الدر ..وتوني باقول لها هلا .. الا وتقول لي أجل ترفضني يالشين قلت ما رفضتك أنا قبلتك قالت لا انا توتو داخله بايميل بنت خالتي شجرة الدر ..أجل تقبل بنت خالتي ولا تقبلني ..قلت لها يا ماما والله لا أعرفك ولا أعرف شجرة الدر ..بس أنا جيت باقبلك وبالغلط ضغطت رفض هذي كل السالفة ..وترد علي وهي معصبة لا يا شيخ تبيني اصدقك وارد عليها وكني مسوي جريمة وابيها تسامحني أي والله هذا اللي صار صدقيني ..قالت لي اذا تبيني اصدقك اممم سو أنت لي طلب أضافة ويمكن أسامحك ..وهذا ايمييلي ..وأنسخ الايميل وارسل لها طلب اضافة وتصكني برفض وتجلس تضحك ..واحدة بواحدة واحدة بواحدة انا ساعتها وصلت معي وشوي واتطاق معها بس مسكت أعصابي طبعا لازم أمسك أعصابي ...واضحك في وجهها واقول خلاص برد قلبك ,,وتقول لي تو وترسل لي طلب اضافة واقبلها ..والله من زين الأسامي ( توتو بنت أبو توتو أخت أخو توتو ) ..جلست ساعتين اتهجى في اسمها ..وتنط بنت ثانية معرفة من زمان على الماسنجر وانشغل بالقديمة عن الجديدة قصدي عن توتو ...ومادريت الا بتوتو تنقلب 180 درجة ..

    توتو: احم احم أنت بلاك هورس صاحب الموقع ولا يتهيأ لي ؟؟

    أنا: انا هو بعينه وصلتي يا أخت توتو ,,هلا بك تشرفت بمعرفتك

    توتو:لا ماني مصدقة أني جالسة أكلمك وجها لوجه قصدي اون لاين سوى ياربيه انا بحلم ولا علم

    أنا: (هذي والله الصيده ) لا ياحبيبتي أنتي بعلم انا بلاك هورس صاحب الموقع ..انشالله يكون الموقع أعجبك بس ...

    توتو: يا أخي انت روعة أنت تحفة بس ماني مصدقة اني اكلمك يعني ما توقعتك بتقبلني كذا ...

    أنا: لا وش دعوى لي الشرف اني اقبلك بس توني ما تعرفت عليك .عفوا من معي ...

    توتو: أنا أنا موب لازم تعرف هههههااااي قصدي بعدين بعدين لازم اطلع الان اشوفك بعدين يالله بااااي

    وتطلع ولا حتى انتظرتني أقول باي ولا شي ..اي واحد بيقرا الان بيقول وش الغريب هذا دايما يصير بس تونا في بداية الأحداث ...انا تقريبا شبه نسيتها ..الا في يوم تدخل مرة ثانية بعد أسبوع من دخلتها الاولى ..طبعا أنا قلت هالمرة باسلم عليها يمكن البنت مستحية ..

    أنا: هلا والله بتوتو كيفك اليوم انشالله منيحة ؟من زمان عنك عسا ما شر.

    توتو: لاحوووول **** أم الأزعاج أني اصككم كلكم بحظر وارتاح منكم ومن أزعاجكم ..ما عمركم شفتوا بنت .

    أنا : ( فاك خشيتي على أقصاها ) من أنتم ووش أزعاجة توني مسلم عليك ..وش القصة لا يكون جيت في وقت غير مناسب ..

    توتو: لا يا شيخ توني داخلة وميتين ايميل واربعين واحد يسلم علي بالله وش الحق عليه فهمني ؟؟ ثانيا أنت من ووش تبي هاه قل لي.

    أنا : أنا ماتعرفين من أنا دققي في اسمي زين أنا بلاك هورس ..ما يذكرك هالاسم بموقع بلاك هورس ..

    توتو: وش موقع بلاك هورس لا يكون الياهو على غفلة ,,حبتين يالياهو ... لاوالله يالحبيب ماعرفك ولا اعرف موقعك ..

    أنا: ( احاكي نفسي ..شكلها هذي أختها ) ...عفوا شكلي غلطان ..بس لو سمحتي كم واحد أو واحدة يستخدم هالايميل ...

    توتو: يعني وش الاسم اللي قدامك توتو بنت ابو توتو اللي هي أنا ..يعني من بيدخل على ايميلي وماسنجري غيري يا شين استخفاف الدم على العصر ..ياخوي بس لا تتلزق والله ما أعرفك روقنا ولا صكيتك ببلوك ...

    أنا : براحتك اللي يعجبك طال عمرك يمكني غلطان بس ذيك المرة أنتي دخلتي باسم ايميل بنت خالتك شجرة الدر ومدري ايش قعدتي تقولين عني كلام حلو والله كثير ...

    توتو: يالنصاب في واحدة اسمها توتو ..بنت خالتها شجرة الدر اذا تبي تنصب نصب نصبة تنبلع زين ,,أنت شكلك من اللي ما ينفع معاهم الا البلوك هين أنا اوريك ..ولا باقول لك ماني فاضية اسوي لك بلوك باطلع احسن ...

    ونفس الشي تطلع ولا عبرتني ولا انتظرتني حتى أقول باي

    أنا صرت اقول في نفسي شكل هالبنت يا خبلة يا ولد ويبي يسوي فيني مقلب ..المهم قررت في نفسي اذا شفتها مرة ثانية ماعبرها واطنشها في نفس اليوم بس في الليل تدخل الآنسة توتو وبالفعل قررت أطنشها بس أول ماهي دخلت ....

    توتو: ياهلا والله وغلاا ببلاك هورس المبدع كيفك ...ماني مصدقة أنك في ليستتي ..لحظة خلني اقبص نفسي علشان أتاكد اني صاحية مو احلم ..

    أنا: لا يا شيخة ..نعم وش تبين ..مو اليوم العصر شوي وتتفلين في وجهي ...

    توتو: آسفة والله اعرني بس لي اسبوع ما دخلت النت وداخلة من بيت أخوي لآن في بيتنا مانعيني أمي وأبوي لا أدخل النت ...وكنت مرة مشغولة يعني ايميلات واجد وألف واحد يسلم علي ..هذا السبب و الله

    أنا : طيب على العموم هلا بك..

    توتو : لا والله شكلك زعلان تكفى لا تزعل الله يخليك لا تزعل أنا ماصدقت أتعرف عليك علشان تزعل وش يرضيك وأنا اسويه لك ..تبي فويس شات يالله سو دعوة فويس شات وأنا اقبلها علشان خاطرك ..

    وبالفعل ما صدقت على الله وسويت فويس شات وتحكي معي .صوتها حلو ورائع ويدل علىأن عمرها 19-21 سنة ... ساعتها قلت يا ولد ما بدهاش ..أرسل صورتك لها البنت غرقانة لشوشتها .وبالفعل أرسلت لها صورتي وأول ما شافتها ...

    توتو: وووععع من هذا لا يكون أنت احلف بالله أنه مو أنت الله يخليك ..تكفى طمنّي .

    أنا: (والله ماني شين لهالدرجة ) ..ليه شكل الصورة ما أعجبتك بس هذي صورتي والله ..ماني شين مرة صح يعني شكلي مقبول ...

    توتو: أي مو شين الله يهديك حطمتني كنت أحسبك أطخم زي رجل أختي ..ولا ولد عمتي بس ليتك طلعت أنسان عادي للاسف طلعت شين شين مرة .

    أنا: افا يعني خلاص مافي امل مرة ..طيب وش اقدر أسوي

    توتو: شف يبي لك تروح ستديو ريما ولا ستوديو زماني ..ثانيا تعلم تبتسم في صورك المهم طلبتك اذا حكيت معك ماتجيب طاري صورتك ...اتفقنا

    أنا: اوكيه بس كلميني عن نفسك يا توتو أنتي في الجامعة صح ..طيب أي جامعة وأي مدينة ..وكم عمرك ووش هواياتك.

    توتو: الجامعة ايه الجامعة وش دراك ماشاء الله عليك رهيب أنا في جامعة الملك سعود كلية اللغات والترجمة .. عمري 20 سنة وتراني سنقل يعني لا مخطوبة ولا متزوجة ولا أرملة ..وحلوة موووت مو زي بعض الناس وبأسافر أمريكا في الصيف ..بنتمشى عاد أنا نفسي اروح أمريكا وناسة وحرية مو زي هنا ...

    أنا: ماشاء الله عليك كاملة والكامل وجه الله ..الا ماقلتي لي وش رايك في موقعي انشالله يكون أعجبك بس ..

    توتو: موقعك روعة بصراحة بس يوم شفت صورتك ماش كرهتك وكرهت الموقع وكرهت نفسي حسبي الله عليك ما قلت لك لا تذكرني بموقعك ...

    أنا: ياربيه والله مو شين لهالدرجة بس علشاني في الصورة رسمي شوي أكثر من اللازم ..لو تشوفيني في الطبيعة ولا أقول لك تعالي للنت ميتنج شوفيني ...

    وبالفعل سويت لها دعوة للنت ميتنج وشغلت لها الكاميرا وهي قبل ما تشوفني كانت تسمي وتقرا المعوذات وتدعي أن الصورة تكون حلوة ..

    توتو: والله فيك ريحة حلا طيب مرة ثانية حبيبي لا تروح استوديوهات وتصور,, ترى مو زين لك ولا للي بيشوفونك

    أنا: طيب أمرك عمتي يعني ما طلعت شين مرة كويس ...

    توتو: بس لا تصدق نفسك وتروح تغازل ترى مانت من اللي ينقال عنهم حلوين ....بس صدق ياليت شكلك زي موقعك حلو ياخي كل ما دخلت موقعك أموت على نفسي من الضحك ..فيك مني تراني ماني هينة عضوة سابقة في كذا منتدى بلا فخر مطرودة من منتديين ..أحدهم كنت فيه مراقبة ..

    أنا: افا مالهم حق يطردونك ليه طردوك ..أكيد غايرين منك ولا أنتي ما عبرتيهم ..

    توتو: لا والله بس كنت متحررة بزيادة يعني في منتدى ...نشرت صور لبنت حلوة في وضع مو حلو وقصدي والله العظيم كل قصدي أني اقول للبنات أن جسمها رهيب مرة ..أما المنتدى الثاني فسبب الطرد أن صاحب المنتدى كل شوي حاط بنت جديدة متعرف عليها مراقبة معنا ..قمت كتبت له في المنتدى كلام جامد وبينته على حقيقته وقلت الصدق أنه مرقمني ..قام زعل وحذف موضوعي وعطاني أنذار بس على مين يلعبها على مين يابن الناس وأكتب نفس الموضوع ثاني مرة مادريت الا بكرت أحمر في جبهتي بس يالله هم الخسرانين ..ثانيا بيني وبينك ناوية اتمصلح معك وش رايك تسوي منتدى في موقعك وتقضبني اياه لا يغرك تراني رهيبة أنا من ربع اللي كانوا يتصلون ايام البحرين يعني فتيته نت وأعرف كيف أهجد لك الاعضاء هاه وش قلت موافق صح صح

    أنا: ههههه ياحليلك ويا خف دمك بس ماني ناوي احط منتدى في موقعي ..واذا فكرت احط لا تخافين انتي اول من بيدري وباخليك مراقبة وش قلتي ..

    توتو: مالت عليك وش مراقبته لي ساعة أمدح فيك واقول واحط وازيد فيك وفي موقعك واخرتها مانت ناوي تحط منتدى وش فيد المواقع اللي حاطين منتديات عن موقعك هاه قل لي ليه أنت كذا ...صدق ناس ما عندها طموح ..

    أنا : اول شايفة موقعي له اسم ينتهي بدوت كوم الان ما تشوفيني جالس في موقع يستضيف المواقع ثانيا وش لي بالمنتديات لو واحد طول لسانه ابلشوني انا وسكروا موقعي ماني رايق ..ثانيا برنامج المنتديات بفلوس وأنا ماعندي .

    توتو: افا قلبت مصري ..وراك قلبتها طرارة تراني مو بنت الوليد يعني قلت لك باسافر امريكا قمت تحسبني اطير من هالقروش ثانيا ..خلاص لا تزعجني خلني بس اسافر لأمريكا وأنا اوريك والله ما أخلي ولا موقع ممنوع هنا الأ ادخله .. بس متى يجي الصيف ..

    أنا: هههههههه والله فطستيني من الضحك الناس يروحون أمريكا علشان يتمشون ولا يقعدون على النت ..صدق أنك مرجوجة بقوة ..الا يا توتو وش اسمك وليه اخترتي توتو كلقب لك ..

    توتو: اسمي مو شغلك ..ليه تبي تعرف اسمي .اذا تبي تناديني نادني توتو واذا مضايقك اسم توتو نادني تفاحة ..يكون أحسن ..ثانيا لا يكون على بالك انك كذا بتحتك والله لو أنك بتسوي لي منتدى ...تراني على فكرة بنت عربجية يعني كذا ولد كلمتهم بالمايك لا تظن انك عندي انسان مميز علشاني كلمتك فويس شات أبدا أبدا

    أنا : طيب يا آنسة توتو اذا ماعندك مانع وضاق صدرك وعلى قولتك أهلك يمنعونك من النت وش رايك ..تكلميني بالتليفون هذا رقمي ###########

    توتو: يا حليله الولد يستخف دمه ..أجل علشان أهلي مدري وش اسمه,, أنا وأنت نسوي وش اسمه ...معليش تعال على جنب شوي انت وش تبي هاااه تليفونات لا ....

    أنا: يا بنت الحلال وش فيك ترى الموضوع جدا جدا عادي بس انتي لو يهديك الله بيصير وش ملحك

    توتو: طيب وشوله التليفون مو علشان تقول لي بعد أسبوع ابي اشوفك مدري ايش ..طيب وش رايك نختصر المسافة واخليك تشوفني موب احسن ..بصراحة اشك ان عندك كاشف ..فانك تشوفني أحسن من أنك تعرف رقم أهلي ..

    أنا: والله انك جبتيها انا موافق ما عندي مانع بس قولي لي متى ووين .

    توتو: شف رح لجامعة عليشة البوابة الرئيسية لكلية التربية وانتظر هناك اذا شفت كاديلاك كحلي سواقه فلبيني هذي سيارتي أنت بس قز ما عليك أنا بأكون حاطة طرحة على راسي قبل لا أركب بانزلها علشان تشوف وجهي هاه وش قلت أكيد موافق يعني بتقول لا أنت ووجهك ...بس اسمع لا تروح ولا تزحزح لين تشوفني ولا أدق عليك أعلمك أن الخطة تغيرت زين مو تجلس نص ساعة وتمل ترى أخاف البنات يمسكون فيني واتأخر شويولا يصير شي داخل يعطلني .اتفئنا يا باشا ايه ولا تلحق سيارتنا ترى والله ازنطك.

    وبالفعل ثاني يوم سنترت قدام باب الكلية اللي قالت لي عليه من الساعة 11 ونص الظهر الى الساعة اربع انها تطلع أن كاديلاك أي كاديلاك يمر ما فيه,, طيب أي سيارة كحلية ولا واحدة ..مليت أبي أرجع لبيتنا بس البنت محلفتني وتقول يمكن البنات يعطلونها داخل .وفي نفسي أقول يمكن أخوها الصغير ارسل السواق يجيب له بيتزا ولا يمكن سواقهم صدم ..ومع هذا كله ما تزحزحت عن مكاني أبدا لين طحت وفقدت الوعي ونقلني سواق ليموزين الى مسشتفى الشميسي وقالوا عندي ضربة شمس ..وشبكوني في كذا مغذي وما طلعوني من المسشفى الا الساعة 12 في الليل ..رجعت للبيت وأنا حالف ان فيش الكمبيوتر بامصعه علشان لا افكر أدخل الانترنت والقى اللي ما تتسماش توتو ..وتوني قاعد في غرفتي الا تليفوني الخاص يرن ..والله من التعب مالي خلق ارفعه بس علق يرن كل ما سكت رجع يرن من جديد ..وأخيرا أقرر ارفعه وارفعه ..وترد علي واحدة وتقول لي الو ..قلت لها هلا ومسهلا .. وترد علي من معي ..قلت الظاهر انا اللي المفروض اسئل من معي ..ردت علي وليش أنت تسئل لا أنا اللي أبي أسئل ..قلت لها بس أنتي اللي متصلة علي يعني أنا اللي المفروض اسئل من معي ..قالت لي بس انا متصله على حبيبي وخط حبيبي مثابة خطي يعني انا اللي لي الحق اسئل ...وبما أني تعبان ..قلت لها خلاص **** أم الحالة أنا عبدالعزيز ..

    البنت: افا أجل مانت بلاك هورس ..شكلي غلطانة ...اسفة على الازعاج.

    أنا: لا لا أنا بلاك هورس بس اسمي الحقيقي عبدالعزيز .لقبي على الانترنت بلاك هورس ..

    البنت: دام اسمك عبدالعزيز ليه تلعب على بنات الناس وتسمي نفسك بلاك هورس هاااه متى بتعقل ...

    أنا: يا ماما كل الناس تعرف ان اسمي عبدالعزيز بس لقبي على الانترنت بلاك هورس يعني واضحة ما يبي لها شي...

    البنت: يا سلام كل الناس تعرف انك عبدالعزيز ..لا يا شيخ ما بقى الا تقول مائة عام توحيد وبناء ومن أنت علشان كل الناس يعرفونك يا شين اللي ماخذين في انفسهم مقلب ... ارس لك على بر انت عبدالعزيز ولا بلاك هورس ولا يكثر .

    أنا: اولا من انتي ثانيا انا عبدالعزيز على التليفون وفي النت بلاك هورس عجبك الحمدلله ما عجبك براحتك وش اسوي لك ..لا ترفعين ضغطي ترى اللي فيني كافيني...

    البنت: افا شانت الاخلاق ...روق يابو الشباب ...اجل في النت بلاك هورس وفي التليفون عبدالعزيز ...اجل في السيارة وش يصير اسمك خخخخخخخخخخخخ ماعلينا يا بو الشباب وش مضيق صدرك من اللي ما يستحي على وجه ورافع ضغطك.

    أنا: مو شغلك أول انتي من ومن وين عرفتي رقمي...

    البنت: ياهووووه شكل اللي معطيتك ركبة بنت وهي اللي رفعت ضغطك اعترف اعترف والله ما اعلم أحد.

    أنا: لا وش بنته بعد أنتي ...بس كنت طالع في الظهر اودي امي وبنشر علي كفر واجلس ساعة اصلحه وتوني مخلص ويبنشر الكفر الثاني بعده على طول وجلست في الشمس ساعة ابي ليموزين علشان أجيب كفر لسيارتي وتعرفين حوسة ...

    البنت: حده حده الأرنب راح هناك لا يا شيخ اجل بنشر الكفر ..معك الهيئة اعترف وش كنت تسوي عند جامعة البنات هااه قل اعترف وتقول تودي أمك سلم لي على أمك ..والله باين عليك مغازلجي خطير ..كم بنت مرقم هااه اعترف والله ما أعلم توتو بس أنت قول قول ...

    أنا: توتو هلا ,اخيرا دقيتي الا وينك يا دبة مسنترتني عند البوابة اربع ساعات لين فقعت الشمس راسي ....ويينك هااه

    البنت: لا يا شيخ وش بوابته وش دخلني مو أنت تقول الكفر مبنشر ...بس قل لي دامي طيبة معك كم بنت تعرف والله ما ازعل ..يالله يالله...

    أنا: اقول ماعرف احد هذا شكل واحد يعرف بنات المهم وينك اليوم وليه ما دقيتي علي دامك ماكنتي راح تجين حسب الموعد ..

    البنت : والله يا عزوزي ودي اقول لك شيئين واحد يفرح والثاني يزعل ...وش تبي اقول لك الأول ..

    أنا: عطيني اللي يفرح الأول ..وبعدين الثاني ..الله يستر منك ومن أخبارك.

    البنت: الزين اني بديت اشتاق لك يالشين وكلمتك بالتليفون واحمد ربك والله لو انك توم كروز المملوح ما كنت دقيت عليه مو أنت ياللي صورتك شيينه وووعععع قلت لك الف مرة لا تذكرني ترى يرتفع الضغط عندي كل ما تذكرت صورتك . اما الخبر الشين فانا اسمي تهاني ..وعمري 26 ومتزوجة وعندي بنت وولد ..بس ماني مطلقة بس تقدر تقول زوجي لاطعني في البيت وكاشت مع ربعه ...

    أنا: اما أنتي متزوجة صوتك يالله يالله 19 وين صرتي 26 منه تلعبين علي ثاني اللي عندها عيال وش يفضيها للنت ثانيا عقب حركتك اليوم ماصرت أصدقك .

    البنت: ياخي اسمعني تبي تسمع عيالي لحظة .تعال يا مشاري تعالي يا ريما ...مشاري قل الووو ..ريما وين لعبتك (وبالفعل اصوات بزارين ) ..هاه اقتنعت الحين ولا لا

    أنا: طيب على فرض ليه تواعديني وتخلين الشمس تصك جبهتي وتحرقني حرق..

    البنت: ابي ادبك كل ما جت بنت تمدح موقعك قمت تغازل فيها خير الدعوى سايبة ولا سايبة ...هاااه

    أنا: والله مو كل بنت بعضهم بس قصدي لا أنتي عجبتيني وأنتي قلتي لي اهلك يمنعونك من دخول النت هذا السبب الرئيسي اللي خلاني أسوي كذا ...صدقيني يا توتو

    البنت : لا يا شيخ المهم اعقل وخلك راكد بس ولا تناديني توتو في النت بس اسمي توتو هنا اسمي أم مشاري مفهوم المهم حبيت اعلمك الحقيقة قبل لا تتعلق فيني وتكبر المسألة بيننا ..يالله استئذن الآن ثانيا قبل ما أمشي في أحد يديت بنت قبل لا يكلمها بالتليفون ومسوي لي فيها صاحب موقع وتعلم الناس ..مالت عليك. يالله باي نشوفك في النت...

    بعد هالمكالمة حسيت بسطل موية بارد انكب فوق راسي ..كل شي صار بسرعة حتى ماني قادر استوعب اللي صار كله ..حاولت استرخي وانوم مير ماش ما طاع يجيني النوم جلست اتقلب على فراشي الى الفجر ..والساعة 5 الفجر دخلت النت ..وتوني داخل الا والقاها ( يعني توتو ) في وجهي ياربييه وش اسلم اصكها ببلوك وافتك ولا اسلم عليها واصير محترم ولا اطنشها ولا وش القصة ..مادريت الا هي تنط في وجهي ..

    توتو: هاه وش عندك في هالفجرية وش مدخلك النت ...اكيد بنت جديدة عارفة حركاتك وكاشفتك..

    أنا: ما طاع يجيني نوم فدخلت النت الا انتي وراك تاركة زوجك وعيالك ومقابلة النت..

    توتو: خخخخخخ صاحية اجهز لهم الفطور تعرف وراهم مدرسة ...ياحليلك صدقت أن عندي عيال الله يرجك ذوليك عيال أختي صدق انك على نياتك .الا تلقاك يالخبيث ترسم على شي يوم دريت اني متزوجة ...

    أنا: لا والله ,الله يستر على كل المتزوجات بس استغربت صوتك مو صوت واحدة 26 وعندها عيال يعني ذوليك صوتهم من الصراخ يصير حاد شوي مو ناعم صوتك ...

    توتو: احم احم شكرا شكرا في الحقيقة والواقع كنت باقول لك شي بس يوم شفت عيال أختي جنبي قلت مايضرش خل نلعب عليه شوي ...بس هذي كل السالفة.

    أنا: لاحوول وش كنتي تبين تقولين لي عادي عطيني كل الصدمات مرة واحدة ...

    توتو: يعني تتحمل مو تطيح الحين من الكرسي ..ولا تزعل مني ترى الزم ما علي صحتك والله تمرض يرتفع عندك الضغط ما ارضاها عليك والله .

    انا: لاعادي قولي صدقيني تعودت ..بس قولي بسرعة لا تخوفيني زيادة ..

    توتو: طيب انت اللي اخترت .. انا عمري 15 وفي الثانوي أولى ثانوي ولاني في الجامعة بس يوم شفتك صرت مصري وتنافق وتقول صوتك حلو وعمرك اكيد من 19-21 قلت يالله أخذك على قد عقلك ..وبالنسبة للموعد حق الجامعة فهناك كنت أنا وأبوي ناخذ أختي اللي كانوا عيالها معي أمس الليل ..بس انت جبت طاري التليفون من هنا وانا تذكرت ذاك المكان من هنا بس هذي كل السالفة

    أنا : لا يا شيخة اجل توك 15 وفي الثانوي وتبيني أصدق زين انشالله وش بعد يالله قولي مرة واحدة مانتي أميرة مرة واحدة ...

    توتو: اممم صديقتي أميرة تبيني أعرفك عليها تراها مرة حبوبة ..بس استحي أوريها صورتك لانك شين بصراحة,, انت بس صور صورة سنعة وما عليك مالك الا اللي يوريها لها ..

    أنا: أنا مابي صديقتك أنا ابيك انتي بس انتي مهبلة فيني تهبيل واخر طلعة لك أنك في الثانوي مدري وش أصدق ووش أكذب ..

    توتو : والله والله أني في الثانوي حتى اذا مو مصدق تعال انتظرني عند المدرسة ..

    أنا: لا والله أجل انتظرك عند الثانوية طيب وش ناوية علي يعتقلوني الهيئة ...

    توتو: قروي صدق جاي من ظهرة البديعة أولا عند ثانوياتنا في الشمال ماهنا هيئات ثانيا لو فيه بتكون عند المدارس الحكومية مو عند المدارس الآهلية ..أنا أدرس في مدرسة اهلية ..يعني ما في هيئة تستجري تقرب من مدرستنا مفهوم ..بس قل الصدق أنك شين وشكل سيارتك شينة زيك فخايف تجي لا تتفشل ترى روزات تلف حول مدرستنا وبعد شبحات وبي امات ..

    أنا: لا والله اصلا أخاف اذا شافوني البنات اللي معك ان ينهبلون علي ويتدافعن الى سيارتي ووقتها تصير مشكلة وكارثة تاريخية ترى أنا عيوني زايغة ..يعني ..

    توتو: كل تبن عاد صدق عطيتك وجه ..تبي تجي حياك الله ولا راعي اللكزس الفضية يموت بس وافتح له الدريشة علشان يرمي رقمه ..هذا اللي ناقص بلاك هورس يهدد هو ووجهه

    أنا: بجي والله باجي بس متأكدة ما تجي هيئة وتضبطني ...ترى فيها توقيف وتعهدات وفضايح.

    توتو: خوااااف ومسوي فيها مدري ايش في موقعك أولا ما تجي هيئة ...ثانيا لو جت قل لهم انتظر أختي اللي في ثاني ثانوي بوصلها هي وصديقتها ..من قدك اذا شفتك وكنت على الطبيعة أحلى من صورتك الله يحوم كبدك قلت لك لا تذكرني بصورتك المهم لو صرت مميليح يمكن أنا وصديقتي معالي ندق على جوالك ثم نجي نركب معك ونروح باسكن روبنز على حسابك طبعا ..تراني أحب التشيز كيك والفراولة وو....

    أنا: وش معالي وش تركبون معي ..فيها ركوب أجل وباسكن روبنز وعلى حسابي..

    توتو: ضف ضف بس بادق على راعي اللكزس شكلي اذكر رقم جواله ..لان رقمه مميز مو بعض الناس يبدى ب 053 اللهم لا شماته ..يعني اذا ركبنا معك بناكلك ..ثانيا انا قلت لو صرت على الطبيعة مميليح صدق ماخذ مقلب في روحك ..المهم تجهز بكرة ولا تفشلني عند معالي ترى خويها واحد كشخه طويل ووسيم ...وعلى باسكن روبنز باسلفك 50 ريال بس اسمع انا ومعالي اربع معالق كل واحدة أنت ملعقتين بس ..

    وتوني اسكر التليفون واطمر للحلاق واقول له يضبطني ويصلح كل العيوب الخلقية اللي فيني ..وثاني يوم اسنتر عند مدرستها ...( مدرسة العفة لصاحبتيها لطيفة وطرفة ) ..وجالس عند الزاوية اللي قدام المدرسة ..حسب المكان المتفق عليه ..وتو الساعة تدق واحدة ونص الا واحد يدق على دريشة سيارتي وافتح له الا رجل معالمه تدل على أنه من منسوبي الهيئة ...طنطنطططاااا ..

    رجل الهيئة: وش عندك هنا وش جايبك ..وش تسوي هنا ؟

    أنا: ابد طال عمرك أنتظر أختي وصديقتها علشان أوصلهم زي العادة ....

    رجل الهيئة: أجل زي العادة اهاا وأنت اللي توصلهم مافي واحد أكبر منك يوصلهم ولا سواق ..

    أنا: الوالد مريض زي مانت عارف ما صار يتحمل مشاوير الظهرية يالله ينسدح ليلة الثلاثاء يتفرج على المصارعة ... و السواق والعياذ بالله حرام أنسيت أنه ليس بمحرم ..>>>>>على بالي صكيت عليه .

    رجل الهيئة: أجل ليس بمحرم ...زين ماشالله عليك كل شي الا الدين

    أنا : أجل فيها بعد الله يهديك ديننا هو عصمة أمرنا ..ولا نسيت طال عمرك .

    رجل الهيئة: الا اختك المصون في أي سنة .

    أنا : الصف الثاني ثانوي علمي وبالتحديد ثاني علمي باء .

    رجل الهيئة: الله أكبر اتقول لي في الصف الثاني ثانوي وباء معا في وقتا واحد ...انزل انزل الله يصلحك تعال اركب معنا في الصالون ..سوف نمر في الطريق على أشقائك في صف الصياعة والسربتة جيم ...

    أنا : يا شيخ وش فيك مو مصدقني بالله هذا منظر واحد بيغازل يعني ..اذكر الله بس

    رجل الهيئة : لا اله الا الله قبلك وبعدك ..ولكن ما لا تعلمه ان هذا المبنى مبنى المرحلة الابتدائية والروضة وان مدرسة العفة لصاحبتيها لطيفة وطرفة لم يفتتحا بعد المرحلة المتوسطة ولا الثانوية ..يا راعي الصف الثانوي علمي باء..وبالفعل ركبت معهم في الصالون ..ومنه لمركز الهيئة حق الشمال ولا طلعت الا الساعة 12 ..يالله دقيت على ولد خالي الكبير واحد متزوج جا كفلني وقال لهم أن ابوه مسافر وهو أكبر اخوانه ( يعنيني ) ويالله يالله طلعوني بس الحق ينقال ما ضربوني ولا جلدوني ولا سووا لي أي شي ابداااااا. آآآ ييي

    المهم وارجع لبيتنا على الساعة ثنتين الفجر ..وكل حقد هالدنيا فيني ابي اشوفها بس واعظها ما انعظته من قبل ولا اسمع صوتها واهاوشها ويرن تليفوني ..وارفع السماعة واسمع آآآآىمممووووووااااااهه ..من كبرها وطولها دوختني . وكل الغضب اللي فيني تش وطار ..المهم ..وأقول لها وش هالمقلب وش مدرسة العفة وتطلع حقت ابتدائي ومافي هيئة تجي في الشمال عند مدرسة خاصة ..طيب طيب ...

    توتو : واللهي واللهي مالك علي يمين أني شوي واعلمك مدرستنا بس مدري وش جاني تقل استحيت قمت قلت لك المدرسة اللي كانت أختي ناوية تسجل بناتها فيها ..بس البنات عيوا قالوا يا نكون مع خالتنا توتو يا لا .

    أنا: طيب أنا وش يدخلني بنات أختك كانوا بيدخلونها لين عيت شغالتهم انا وش ذنبي ليه تلطعيني هناك .فهميني.

    توتو: يا أخي امزح معك ترى والله ان ما ضحكت وسامحتني أني لا أنساك ولاعاد أجيب لك طاري ابد ابد ..ولاعاد تشوفني لا أنترنت ولا تليفون ولا شي ..ياخي صدقني بديت ارتاح لك علشان كذا احس اني امون اهيء اهيء اهيء بس شكلك ما تبيني مال مني.

    أنا: لا والله لاتقولين كذا بالعكس انتي وش حليلاتك وحبوبة بس مادري وش فيك كل يوم مقلب وكل يوم مهبلة فيني صدقيني يا توتو أني حبيتس ..بس متى تصدقيني .

    توتو: طيب طيب وش رايك نلتقي في في وين يا ربي وين ايه مطعم أبراج الدجاج ؟؟؟

    أنا: مطعم ابراج الدجاج ما غيره ..يعني انتظرك برا ولا وشلون ...

    توتو: ايه مطعم أبراج الدجاج وش شايفني قليلة ولا قليلة ولا تحسبني أتعشى فلافل لا يا عيوني اذا مو بوفيه مفتوح ما يهنا لي بال ..ثانيا وش برا شايفنا سواويق بنتقابل برا لا جوا أدخل قسم العوايل.

    أنا: قسم عوايل وش يدخلني نسيت أني شاب عزووبي يعني من بيدخلني ..

    توتو: يا ربيييه منه ومسوي نفسه في موقعه شي ..طيب تعال بشغالتكم لفلفها بعباية وادخلوا عادي ..ولا صح شكلك تخاف ان الشغالة تعلم امك ساعتها تتوهق ..اممم طيب وش رايك أنت ما عليك أدخل وبس ولا احد راح يسالك أنت من ولا وش تبي وأنا بانتظرك جوا ..هاه وش قلت ..

    أنا: اوكيه طيب وشلون بأعرفك ..اذا لا سمح الله دخلت جوا ..

    توتو : افا افا يا ذالعلم ليتني مت قبل لا أسمعها منك حسبتك بتقول قلبي بيدلني عليك أول ما أدخل ..ولا بأعرفك لانك أحلى واحدة في الكون تطقها كذا في وجهي وشلون بأعرفك ..

    أنا: لا لا والله مو قصدي بس اللي اقصده أني شوفي ضعيف فيمكن أتلخبط بينك وبين غيرك ..ولا على قلبي اكيد قلبي بيعرفك أول ما أشوفك ..

    توتو : أرجوك خلاص جرحتني ..المهم ماعلينا أنا بالبس بنطلون جنز وتي شيرت أحمر وباربط راسي برباط أزرق بس انت قل لي وش بتلبس ..علشان أأأأععععرررفففككك؟؟

    أنا: رباط أزرق ؟؟؟ يعني قصدك ايشارب ..ثانيا ليه تسألين مو أنتي شايفة صورتي على العموم أنا بالبس بنطلون برتقالي وتي شيرت أخضر ..وجزمة حمرا وأنتي بكرامة ..

    توتو: لااااااع ما قلت لك لا تجيب طاري صورتك ياخي أنا وش مسوية لك ليه تصر تذكرني بهالمأساة ارحمي يا أخي ثانيا ايشارب وووععع يا شينها في حلقك صدق يا شين القراوى اذا تطوروا ايشارب ووعععع . رباط يعني شي اربط به شعري وأجمعه فيه فهمت يا راعي الايشارب .

    أنا: طيب اوكيه فهمنا خلاص بس وش ودك أجيب لك هدية ..ورد ولا علبة شوكولاتة .....وش تحبين يا حياتي ..

    توتو : دامك والله مصر فبصراحة انا بتدلع عليك ...في ساعة كونكورد مرصعة بالالماس قيمتها تقريبا 6000 ريال وش رايك تشتريها لي ..والله بتكون أحلى هدية ..

    أنا: وشوو ما أسمعك شكل الخط فيه تشويش الو الو تسمعيني تبين باونتي ..قليل في حقك باونتي بس على كيفك اذا تبين باونتي خلاص باشتري لك كرتون .. وغيره يا عمري وش تآمرين به .

    توتو : لا والله أجل باونتي مابي منك شي ..وباطلع أحسن منك وأجيب لك كرتون جالكسي ..بس أنت لا تجيب معك شي لان بنات أختي بيجون معي وما بيهم يفضحون فيني ..بس لا تتأخر الساعة 9 القاك هناك .يا ويلك لو تتأخر .

    وبالفعل رحت هناك ولما جت الساعة 9 قريت كل المعوذات ولأول مرة في حياتي أدخل مطعم قسم عوائل ..واشم عطورات ماعمري شميتها وأشوف اشكال ماعمري شفتها ,واجلس أدور على واحدة لابسة جينز وتي شيرت أحمر ورباط شعر أزرق وما لقيت .وشوي وأشوف واحدة بهالمواصفات ..واقوم أقرب منها وأكحكح ..وتشوفني ذيك البنت وتطنش ..وانا أمشي وراها وأكحكح ..وفجاة تدخل في احد جلسات العوايل ..وعلى بالي أنها تبيني أدخل جنبها .. وتوني أقرب الا أسمع حرمة كبيرة كانت معهم في الجلسة تقول ..وجع وش قلة الأدب ما بقى الا يدخل ..ساعتها عرفت أن هذي يا أمها يا أختها قلت لنفسي يا ولد خلك بعيد يمكن البنت هي من نفسها بتطلع وتجي يمك ..وبالفعل جلست بعيد عنهم اراقب وانتظر وهي (يعني توتو ) كل شوي تدخل وتطلع ..وشوي شوي ..دخلت وجلست وبلطت في الجلسة ..وانا مرتز انتظر .وشوي تجيني بنت مميليحة تمشي يمي .وتقرب وتقول لي هلا ..طبعا أنا وش جا في بالي ( قلت هذي يا صديقتها يا قريبتها وتوتو تبي تختبرني وتبي تشوف وشلون باتصرف لو جتني بنت باكون مخلص ولا ابو عيون زايغة ..) ساعتها طنشت البنت .والبنت تمشي شوي وترجع لي وتقول لي بكل أدب ورقة ممكن تجي وراي شوي ..وأنا ولا على بالي ..وتقول البنت لي بلا ثقل تعال شوي اسمعني باقول لك كلمتين وبس ..وارد عليها بكل عنجهية ..لاحوول يا بنت الناس الله يرزقتس أنا مديت روحي بعيد تكفين ..أرجوك لا تشبهيني ..وتعصب البنت وتقول بكيفك ....وأنا أجلس انتظر عسا توتو تترك الأكل شوي وتجي يمي وتعبرني ..وانا انتظر حزروا فزروا من جاني ...لا لا لا غلط مو توتو جاني نفس ذاك الرجل اللي في الهيئة وينصاني .سيحان الله صارت بيننا عشرة ومودة أول ما شافني قال هااه هالمرة تنتظر أختك اللي في الصف الثاني ثانوي علمي باء ولا ثالث متوسط جيم ...رديت عليه طال عمرك لا لا مو هالمرة عاد ..اسمعني طال عمرك أنا باقص لك السالفة وأنت احكم ..قال لي خير اخلص بس وين عايلتك ..ولا تكثر حكي وبلاش قصص.

    أنا: طال عمرك اليوم العصر ..أمي وخالتي والبنات جوا يتغدون في هالمطعم تعرف بنات يحبون الطلعات وسعة الصدر ..المهم يوم رجعوا الا اختي اللي في صف سادس ابتدائي ألف ..تبكي وتصيح ..ونجتمع عليها كلنا في البيت أمي وابوي واخواني والشغالات .وتقول لنا ان بكلتها طاحت منها في المطعم ..ويا ذا القهر ..واويلاه بكلت شعر أختي طاحت في المطعم ..وأهلي معزومين في عرس وجالسين يتجهزون ..ومافي وقت يجون معي يدورون على البكلة عاد أنا طقتني الشهامة وقلت لهم لا تخافون أنا بروح بنفسي وادور على البكلة ..المهم وتوني داخل المطعم والله يشهد وادور على الجلسة اللي كانوا اهلي فيها علشان أدور فيها على البكلة ..

    رجل الهيئة: خلصت قصتك ..ماعندك شي تقوله بعد ..اقول يالله بس ...

    أنا: عارف والله عارف قصدك الصالون صح ... انت بس قل لي وين الصالون انا انشالله اذا لقيت البكلة لحقتكم من تلقاء نفسي ..وانشالله ما أتاخر عليكم ..عسا بس لي مكان مو يكون الصالون مليان

    رجل الهيئة :..اقول قم بس يالله ..لا تعطلنا ولو صالوننا مليان مثلك نجيب له صالون خاص فيه تستاهل انت ..

    وبالفعل اقتادوني للمركز وكالعادة يجي ولد خالي يكفلني ويتعهد لهم أني ماعاد اكررها ..وتوني راجع للبيت على الساعة 3 ..ويرن التليفون وانا في خاطري اني امسك التليفون واشدخ به في الجدار ...وارفع السماعة وتطلع لي توتو

    توتو: الووو يا أخي انت غبي ولا تستهبل نفسي افهم ..

    أنا: انتي اللي وينك ساعتين انتظرك تطلعين تعبريني وانتي لا حس ولا خبر.

    توتو : انت يا غبي اجل سهى أقصد شجرة الدر بنت خالتي تجيك تكلمك وأنت مطنشها ولا تعبرها وتقول لها الله يرزقتس أنا مديت وين عسا ما شر ..البنت تبيك تلحقها لاني ما اقدر اطلع ولا اتحرك معي أمي واختي الصغيرة ..وهي تبي تقول لك توتو ماتقدر تشوفك اليوم وتقول لك اطلع لان الهيئة اليوم مسوين تفتيش .وانت مطنشها الضعيفة رجعت البيت وقامت تصيح يعني وين ما تطقها هالبنت ما في حظ ,,الولد اللي هي تحبه ماغير 24 ساعة يسمع ( عزازي ) ومطنشها ماعمره سمعها كلمة رومانسية وانت جيت وكملت عليها ...

    أنا: افا والله ما كان قصدي أنا كنت أحسبه ....كنت احسبها بنت لعابة ...ولا مشبهة علي بس لو ادري والله كان لحقتها ثانيا هي مبين عليها حليوة ودلوعة وش مصبرها ..على ذاك الولد.

    توتو: الحب أعمى ما تشوفني صابرة عليك اسبوعين ..وأنا ما شفت الا صورتك اللي تروع يااهوووو **** ابو الدنيا ما قلت لك لا تذكرني بصورتك ياخي أنت ما تفهم ليه كل شوي تذكرني بصورتك فهمت.

    انا : طيب خلاص ماني مذكرك بصورتي ولا شي فكيني بس والله تعبت ...مابي كرتون الجالكسي ..عطيه بنات أختك.

    توتو : وش جالكسيه ..ايه لا حرام عاد انا مشتريته لك أنت بالذات .. لا تكسفني لازم أعطيك اياه ..

    أنا ك طيب وشلون لا تقولين مطعم أبراج الدجاج ولا ..مطعم عمو حطبة لكوراع الضببة ...تراني صرت شبهة عند الهيئة خلاص يكفي.

    توتو : لا تعرف هرفي حق التخصصي ..القاك هناك في قسم العوايل اقعد برا لين اطلع لك أنا واشر لك أدخل فهمت علي ..مو تتفلسف وتدخل زين مفهوم .واذا قربت بنت منك تكلمك ولا قالت لك شي تكفا عطها وجه .زمن زينك يا براد بيت اللي البني بيموتون عليك ..ولا من زين صورتك ..يوووه رفعت ضغطي وش قلت لك لاتجيب طاري صورتك أنت ما تفهم ولا تستخف دمك ..

    أنا: تبين فيفادول يخفف حرارتك ..بس خلاص ما صارت ..قلت لك طيب ..بس هرفي عاد الله يهديك ..من عقب مطعم أبراج الدجاج ..الى هرفي ... عسا مو مطفرة بس ترى معاي قروش ..اسلفك يا عيوني.

    توتو:مطفرة هاااه مطفرة ..طيب خلاص مافيييه مافيه رح لأي بنت توديك مطاعم سيقان النعام بعد يكون احسن ..أنا مدري أنت وش معجبك في نفسك ومخليك تآخذ مقلب في روحك ..

    أنا: واللهي امزح معك جست جوكينق ذاتس ال خلاص أصلا مافي أحسن من فلافل هرفيي خخخخخخخ اقصد سلطتهم كذا على كيف كيفك .. طيب موعدنا الساعة 9 اتفقنا .

    وبالفعل رحت هناك من 8 ونص ..وانلطعت نص ساعة على ما جت واحدة (توتو ) واشرت لي أدخل ودخلت وقعدت أمشي وراها تقل بودي جارد وكل شوي يركض وصاكني واللي يلعب كورة وشايتها علي وانا ماغير امشي ورى توتو على بالي بتوديني مكان صاد وتفتش لي وتعطيني كرتون الجالكسي ..بس للأسف .

    توتو: اسمع تروح الحين للكاونتر وتقول طاولة 8 كم حسابها وتدفع ..زين ؟؟

    أنا: اوكيه بعدين ارجع أجلس معكم صح؟

    توتو: عما في شكلك وش تجلس معنا وين في كابريه في بيروت ..توكل على الله .معي بنات ناس وحلوات يهبلون وش تجلس معهم وتتفرج عليهم.

    أنا: لا العفو مو القصد ..بس يعني مكشخ وطاق مشوار بس علشان أشوفك بعباتك ولثامك وخلصنا ..وفوق ذا كله أدفع قيمة عشاكم ..زطيب وين الهدية وين جالكسيي ..

    توتو: جالكسييك ماع والباقي كلوه بنات أختي ...بصراحة اشتهوه وانكسفت احرمهم منه مساكين نفسهم في جالكسي ..ترضى اصير قاسية مع بنات أختي.

    أنا: طيب وأنا وش لي طيب ولا حبة مرة.

    توتو : لا والله ماكانش يتعز ماتعرف وشلون بنات أختي يعزون الجالكسي شي خيالي .

    أنا: طييب اوريك ,,,عناد ماراح ادفع خلي بنات أختك يدفعون قيمة عشاك أنتي واصحابك .....هذا اللي ناقص .

    توتو : يا حليلك اجل مانت دافع ..لا حبيبي بتدفع غصبا عنك قل ليش ...

    أنا: لييششش؟؟

    توتو: ان مارحت الحين ودفعت للكاشير والله لا أصرخ باعلى صوتي واقول انك تلاحقني لك نص ساعة وبغيت تحط يدك على .........(محذوفة رقابيا ). عاد أنت ماشالله عليك معروف ولك سوابق عند الهيئة ..هاه بتدفع بالطيب ولا لا.

    أنا : لا بس والله بادفع قسما بالله بادفع تبين كل اللي موجودين هنا يتعشون على حسابي مستعد بس كل شي الا حاولت احط يدي على ..... هذي فيها سجن الحاير مو مركز هيئة ولا تعهد من ولد خالي ..

    توتو: طيب يا شاطر ولا تنسى تعطي الفلبيني خمس ريال بخشيش المسكين وسيم مو زي بعض الناس وصورهم الشينة وشكله يديت خويته الممرضة ويشتري لها هدايا يكسر الخاطر موووو.

    وبالفعل رحت ورجلي فوق راسي ودفعت الحساب حق عشاهم (185 ريال ) وخمسطعش ريال بخشيش لان في المحل 3 فلبينين ماعرف توتو تقصد من فيهم ..والله قلبي طايح وش عرفها بحاول يحط يده على ........

    وارجع البيت وانا اهوجس .واتلفت لا يكون وراي صالون هيئة ولا جمس مباحث ...وتوني أوصل البيت ..الا تليفون يرن ..وتطلع لي توتو.

    توتو:هع هع هع وراك طلعت وأنت ترجف عسا ما شر لا يكون سحلية عضتك بس ...

    أنا ك لا ابد كنت افكر في شي وناسي وين انا فيه هذي كل السالفة ...ممكن اسئلك سؤال؟

    توتو: لحظة افكر اخليك تسئل ولا لا ...امممم يالله اسئل بس لا تكثر ترى البنات اللي عندي يبون يطلعون يروحون لقهوة يشيشوون كككككككك العب عليك ابي ارجعهم لبيوتهم تعرف صغار واهاليهم يخافون عليهم.

    أنا: هل أنتي تحبيني ولا لا ثانيا ليه تسوين فيني هالمقالب والحركات يعني لا مؤاخذة وش سويت لك؟؟

    توتو:والله اني معجبة فيك الى حد ما واحبك حب بس مو مرة يعني شي يليق لك ولشكلك ..المهم ليه أسوي بك كذا ..أنا اقول لك ..لاني منغثة من أهلي اللي كل شوي يقول انتي صغيرة واصبري لين تكبرين واذا دخلتي الجامعة ساعتها تقدرين تطلعين وتسوين وتسوين ...يا أخي ليه معتبريني صغيرة كل هذا علشاني في الثانوي وجيت أنت وكملت عليهم كل قصصك يا مع جامعيات يا بنات متخرجات ..مرة مستهتر أنت وخشتك ببنات الثانوي ترى بنات الثانوي يشيبون ديرة فاهم ..مو بس انت واشكالك يعني في المستقبل القريب عبّر بنات الثانوي وعلى فكرة ترى بنات الجامعة راحت عليهم ..نصهم يبون الستر وبيغثونك زواج وما زواج بس المستقبل القريب لبنات الثانوي ..بس هذا اللي ابيك تفهمه واذا تبي اتركك براحتك.

    أنا : لا لا من يقول لك أني ابيك تتركيين اصلا أنا كحل عيوني بنات الثانوي وش الجامعياات وووععع اصلا الجامعيات كبار ..بس في سؤال آخر من جدك شريتي لي جالكسي وماع ولا تنصبين علي ..

    طاااط طوووط ...ان الهاتف اللي تزهم عليه حاليا منصك يعني ماهو بالخدمة افهم ولا تتصل عليه مرة ثانية ( شكلها يا سكرت في وجهيي لأن سؤالي بايخ أو أحد دخل عليها ) المهم تحذير عام للشباب ..كماهو متضح من القصة بنات الجامعة راحت عليهم الله يهديهم وعتقوا صاروا عجز يالله حسن الخاتمة والزواج ..ننصح بالاتجاه لطلبات المرحلة الثانوية .....فكما هو واضح أنهم صاروا يخوفن الله يهديهن ويزيد رجتهن ....ويعيننا عليهن وعلى مقالبهن هذا والله أعلم ....بلاك هورس.
     
  2.   مشاركة رقم : 2    ‏2003-10-12
  3. جراهام بل

    جراهام بل مشرف سابق

    التسجيل :
    ‏2003-04-05
    المشاركات:
    12,156
    الإعجاب :
    0
    اتقي الله

    من اللي بايقرأ هذا كله...بايأخذ مننا اسبوع عشان نقرأه كامل...وفي اعضاء راح يقرأوه بالتقسيط..
     
  4.   مشاركة رقم : 3    ‏2003-10-13
  5. احلى عيون

    احلى عيون عضو متميّز

    التسجيل :
    ‏2003-09-16
    المشاركات:
    2,376
    الإعجاب :
    0
    يييييييييييييييييييييييييييييييييووووووووووووووووووووووووووووووووو مكثر الكلام اللي يقرأ الموضوع يخبرني المضمون
     
  6.   مشاركة رقم : 4    ‏2003-10-13
  7. م/ محمد أسد

    م/ محمد أسد قلم فضي

    التسجيل :
    ‏2003-06-05
    المشاركات:
    4,873
    الإعجاب :
    0
    الحمدلله قريت الموضوع في زمن قياسي يقدر بـ 60 دقيقة

    وهنا ملخص الموضوع
    شخص يدعى عبدالعزيز مسمي نفسه بلاك هورس في الانترنت تتعرف عليه في الماسنجر طالبة ثانوية تعمل فيه عدة مقالب تموت من الضحك ...........


    وفي الاخير يحط نصيحة بان طالبات الثانويات افضل من طالبات الجامعات لانه طالبة الجامعة اصبحت عجوز وراحت عليها...................

    تحياتي للجميع
     
  8.   مشاركة رقم : 5    ‏2003-10-13
  9. الغزال الشمالي

    الغزال الشمالي مشرف سابق

    التسجيل :
    ‏2003-09-15
    المشاركات:
    11,596
    الإعجاب :
    0
    قول والله يا ملاك الحب ان هذا اللي مكتوب في القصة الطويييييييييييييييييييييييييلة هذه؟؟

    مشكور اخوي على القصة بس لو اختصرتها لنا يكون احسن
     
  10.   مشاركة رقم : 6    ‏2003-10-13
  11. الصـراري

    الصـراري مشرف سابق

    التسجيل :
    ‏2001-09-01
    المشاركات:
    12,833
    الإعجاب :
    3
    مقالب ..ماتخطر ببال ابليس :)
    تلميذ هو بمدرستهن :)
    الأسلوب المشوق في السرد والمقالب العجيبة تشفع للطول :)
    أسعد الله روحك :)
     
  12.   مشاركة رقم : 7    ‏2003-10-13
  13. DEDO

    DEDO عضو متميّز

    التسجيل :
    ‏2003-03-24
    المشاركات:
    1,553
    الإعجاب :
    0
    شكراً لك ملاك الحب على الملخص ....
     

مشاركة هذه الصفحة