وش قمة القهر في اعتقادكم..!!

الكاتب : قطرالمحبه   المشاهدات : 630   الردود : 13    ‏2003-09-25
      مشاركة رقم : 1    ‏2003-09-25
  1. قطرالمحبه

    قطرالمحبه عضو نشيط

    التسجيل :
    ‏2003-06-23
    المشاركات:
    409
    الإعجاب :
    0


    مراحب بالجميع

    هناك مواقف كثيره تحصل حوالينا وتخليك في قمة القهر فمن ضمن هذه المواقف
    ما يحصل هنا مثلا :

    للبنات اولا :
    1-اذا كنتي عندالكوافيره وفيه وحده توها مخلصه من المكياج والتسريحه بس مسكينه
    صايره خلقه وودك تقولين لها او توضحين لها والادهى والامر ان الكوافيره تقول لها
    ( واو جنان وروعه ما فيه مثلك احد ) وتطلع هالمسكينه وهي تدربي راسها ومستانسه
    ولما تطلع سمعوا الطامه الكبرى تقول المزينه وهي تضحك وتستهتر ( يي ما ابشعهــــا )
    بتكونين في قمة القهر شوي وتطق عروقك .

    2_ اذا رحتي مثلا لعرس ولابسه فستان حلو وفنتك وتتمشين " يا ارض اتهدي ما عليكي أدي"
    وفجاه تلقين وحده لابسه نفس الموديل كانه كربون والطامه الكبيره اذا صار نفس اللون

    3_اذا كنتي نايمه وتحلمين بحلم حلو وفجأه تجيك امك وتقول لك : فزي قومي
    انتبهي لا تتفتقين من القهر هههههه

    4_اذا طبختي كيكه وفرحانه انك اول مره تطبخين ونافخه راسك على اهلك انك دخلتي المطبخ
    ذاك اليوم . وتقريبا خلصت خلطة هالكيكه وحطيتيها بالفرن وتروحين وتجين وانتي تناظرين وتحترين
    على احر من الجمر بس الكيكه ما تحركت من مكانها لازقه بالصينيه يا ربي : انتفخي ، انفشي ؟؟ ما فيه
    فايده وبعدين تتذكرين انك ناسيه البيكنج بودر هههههه استلمي عاد التهزيء قمة القهر والاحباط

    والحين خلونا نشوف الشباب والاشياء الي تقهرهم : قمة القهر هي اذا قعدت في حلاق هندي وتقعد تحلق بين الهنود وهم طايحين
    فيك ؟؟ وانت داري انهم طايحين فيك ؟ بس ماتدري وشيقولون ؟؟
    ...........................................
    قمة القهر هي ... لما تغسل سيارتك وتزركشها وتعلق فيها ريحة السفينه
    (قديييم) وتحطهاعند باب بيتكم ويجي صغير من شياطين الفريج ويشخطها
    بسيم من الرفرف الى الرفرف ان خليته بتموت ماراحت حرتك وان جلدته قالوا
    ايا صغير تحط راسك براس ولد صغير ياهل ؟؟
    ...........................................
    قمة القهر هي .... لما تشوف برنامج افراح وتهاني وانت توك عزوبي
    .....................؟
    .........................................قمة القهر هي ... لما تشوف
    لك مزيونه تفطر الجبد وتفقع القلب في سوبر ماركت وتقعد تخطط انك
    ترقمها وتقعد تشتري اغراض واجد مالها داعي .. حجارات .. وقفل؟ ...
    وصلصه ؟ .. وتفلس ويوم تجي البنت تاخذ الرقم تكبس عليها امها وتخلي
    رقمك طايح على الرف ؟؟ ههههههههه انا ما سوي هالحركات .
    ............................................
    قمة القهر هي ... لما تطيح من طياره وتطيح لك على باص بنات ولاتطيح الا
    في حضن السايق ؟؟؟
    ...........................................
    قمة القهر هي .... لما تكون في تاسع نومه (كيفي بغير سابع) ومتلكوت في
    اللحاف وتوها غافية عينك ويجيك واحد عله ويقومك من النوم ويقولك : انت
    نايم ؟؟؟؟
    ..........................................
    قمة القهر هي ... لما تكون راز نفسك في موترك وكاشخ به وهو دين وعمى عين
    ويجيك شايب غشيم متعافي ويدعمك لا وتسامحه وهو المخطي وينشب في حلقك
    ويقول صلح موتري ؟ خصوصا عاد اذا كان موتره دتسن 84 ورفرفها الايمن
    مصبوغ بمعجون ؟؟

    والحين الي عنده شي بالفعل يقهر زياده على الي حطيته يسجله اهنيه..... ماعليكم أمر ويالله ورونا شطارتكم


    ترى الي يقهر البنات من تأليفي واللي حق الشباب شي من تجارب مسموعه ههههه

    تحياتي لكم
    قطرالمحبه
     
  2.   مشاركة رقم : 2    ‏2003-09-25
  3. ولد الحمايل

    ولد الحمايل قلم ذهبي

    التسجيل :
    ‏2005-03-31
    المشاركات:
    5,159
    الإعجاب :
    0
    اعوذ بالله من قهر الرجال اما قهر الحريم هين


    شكرا حبيبي
     
  4.   مشاركة رقم : 3    ‏2003-09-25
  5. قموره اليمن

    قموره اليمن عضو فعّال

    التسجيل :
    ‏2003-07-15
    المشاركات:
    608
    الإعجاب :
    0
    ههههههههههههههههههههههههههههههههههههههههههههههههههههههههههههههههههههههههههههههههههههههههههه الله ياخذ ابليسك .. يا دب المنتدى
     
  6.   مشاركة رقم : 4    ‏2003-09-25
  7. ابن الاصول

    ابن الاصول قلم فضي

    التسجيل :
    ‏2003-07-21
    المشاركات:
    2,607
    الإعجاب :
    0
    راائع

    مشكووووووووور اخي موضوع رائع
    وجميل تسلم اخي الحبيب
     
  8.   مشاركة رقم : 5    ‏2003-09-28
  9. قطرالمحبه

    قطرالمحبه عضو نشيط

    التسجيل :
    ‏2003-06-23
    المشاركات:
    409
    الإعجاب :
    0
    ولد الحمايل وووو أبن الاصول

    يسلموووووووووا يا الغالين على تواصلكم لي
    تحاتي
     
  10.   مشاركة رقم : 6    ‏2003-09-28
  11. قطرالمحبه

    قطرالمحبه عضو نشيط

    التسجيل :
    ‏2003-06-23
    المشاركات:
    409
    الإعجاب :
    0
    ههههههه قموره

    دبة اليمن ......انا دب هههههههه شكرا والله لتواصلك دوم وياي .الصراحه دونك يا دبة اليمن المنتدي ما يسوئ شئ ......
    وتحياتي لك
    قطرالمحبه
     
  12.   مشاركة رقم : 7    ‏2003-09-28
  13. سامية اغبري

    سامية اغبري كاتبة صحفية

    التسجيل :
    ‏2003-08-06
    المشاركات:
    2,186
    الإعجاب :
    0
    قمة القهر هي القمة العربية
     
  14.   مشاركة رقم : 8    ‏2003-09-29
  15. قطرالمحبه

    قطرالمحبه عضو نشيط

    التسجيل :
    ‏2003-06-23
    المشاركات:
    409
    الإعجاب :
    0
    سامية اغبري

    سامية اغبري
    نتقبل قمة قهرك القمة العربيه ......وشكرا على تواصلك.
    تحياتي
     
  16.   مشاركة رقم : 9    ‏2003-09-29
  17. مزون

    مزون عضو

    التسجيل :
    ‏2003-08-13
    المشاركات:
    90
    الإعجاب :
    0
    ..........

    هههههههههههههههههههه
    (( الله يسامحك في موقف من هالمواقف استوا معاااي)))
     
  18.   مشاركة رقم : 10    ‏2003-09-29
  19. المنجرح

    المنجرح عضو متميّز

    التسجيل :
    ‏2003-05-06
    المشاركات:
    1,058
    الإعجاب :
    0
    قمة القهر يوم يوم يكون عندك كفيل كل ماتتخاصم معاه يقلك إسكت ولا ترى بجي أسفرك
     

مشاركة هذه الصفحة