للمتزوجين فقغط

الكاتب : زيد ابن مزاحم   المشاهدات : 514   الردود : 8    ‏2003-09-01
      مشاركة رقم : 1    ‏2003-09-01
  1. زيد ابن مزاحم

    زيد ابن مزاحم عضو

    التسجيل :
    ‏2003-08-30
    المشاركات:
    157
    الإعجاب :
    0
    قصة عروسين في ليلة عرسهم

    هذا واحدن توه معرس وخلصت الزفه وهل امور الي في القصر اخينا في الله شقل حرمته
    وطمرو (دخلو)في السياره ودعس للقصيم يعني اهل العروسه في الرياض وهو ساكنن بالقصيم
    والبنيه تستحي ومبرطمه طول الطريق الرجال يسولف وهي ساكته
    الرجال يئس من البنت انها تحتسي (تتكلم)قال يا ولد مابدهاشي شكلها مسجل ومسك الخط
    في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام الله يكرمكم
    عاد هي طمرت على المرتبه الي ورا عشان تنسدح عشان يخف عليها الوجع قالك توفر وقت الين
    يوصلون محطه المهم الرجال ما وعى الا هذيك محطه ويصفط عندها
    وينزل عند البقاله وياخذ له كيس فصفص وكم من ببسي حق الطريق [​IMG]
    هو كان وده يخذ له شريط لمحمد السليم عشان يسليه في الطريق بس
    خبركم توه معرس وبايخه مشغل محمد السليم الناس تشغل عبد الحليم ولا ام كلثوم
    البنت على نزلت زوجها الا وتقز هذيك الحمامات حقت الحريم الي عند المسجد الي جنب البقاله
    قالت ياولد بيمديني اطمر وخلص ورجع قبل لا يرجع هو من البقاله
    المهم المسكينه راحت واخذت وقتها
    اخينا في هل وقت قد رجع للسياره وعلى باله مرته في المرتبه الي ورا وخبركم عبايه سودا
    واخر الليل ما انتبه انها مهيب في السياره
    وشغل الموتر ودعس
    البنيه المسيكينه طلعت وهي مرتاحه انو نقص من وزنها كم من كيلووووو

    وتناظر يا ولد وين السياره وتتلفت ما تشوف غير ابو هندل حق المحطه وابو يمن حق البقاله
    عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب
    راضيه تصدق انو مشى جالسه تأمل انه يمكن راح منى ولا منى وبيرجع
    شوي ما وعت الا هذاك الجمس الي مقبل يوم وقفو عند البقاله الي جنبها
    وتقز الحريم الي في الجمس قالت زين عائله وتروح وترمي روحها على
    الحرمه الي قدام وهي ام العيله وتقول لها خالتي انا داخله عليس وهذي قصتي والعجوز مسكت
    راسها وقالت يابنيتي انتي تعرفين سيارت زوجس قالت ايه اعرفها
    قالت قومي اطمري نلحق على زوجس
    ويعبون بنزين ويدعسون وراه
    واخينا في الله مريح وماشي بعد ما لقوه في الخط على بعد نص ساعه
    عاد تخيل حبيب القارء انك على طريق القصيم و فجئه وراك جمس يكبس بالنور بشكل مخيف يبيك توقف وش رده فعلك
    اكيد الرجال دعسسسسسسسسس قال ياولد هذولا مهابيل بيضروني ومعي عروستي

    والجمس وراه داعس يحاول معه انه يوقف المهم الذهين الي يسوق الجمس عرف وش يسوي ولع
    نور الجمس الي في الداخل عشان العريس يشوف انو الي في الجمس عائله
    وانتبه الرجال
    ونزل وهو معصب
    عاد من الي متوهق في هل موقف راعي الجمس يقول في نفسه وشلون اقوله ان مرته معنا
    يبي يجيبها بأسلوب تدريجي عشان العريس ما ينصدم خبركم مثل هل موقف وش بيقولون عنك اهل العروسه اخذت بنتنا وضيعتها
    ولله ان تلزق السالفه طول عمره والعالم يتشمتون فيه
    المهم راعي الجمس سلم وقال له اخوي ما تسنك مضيعن لك شي
    قال له العريس لا ولله ما ضيعت شي
    قال له تأكد
    قال وشلون قال رح طل على موترك شف في شي ناقص لك
    العريس قام يوسوس حتى المشكله مرته ما جت على باله
    المهم راح ودخل خشته جوى الموتر وقال يا مره في شي طاح مننا وحنى في المحطه محد رد عليه
    ويويق على ورا ويناظر طارتعيونه عمىىىىىىى وين راحت المره

    ورجع لراعي الجمس وقال هات السالفه قال يا ولد مرتك لقيناها عند المحطه انا واهلي وقالت لنا انها
    نزلت للتوليت وانت مشيت ولا دريت عنها عاد العريس كل انواع النفاضات نزلت عليه
    تلعثم ولا قدر يحكي
    المهم راعي الجمس راح وقال للعروسه يلا روحي لزوجس شوفيه مخترع عليس
    المهم العروسه ركبت مع زوجها في السياره وانطلق لسانه الي كان مربوط وقامت تتعذر له
    وتقول لا تزعل مني انا كنت مستحيه اني اقولك اني طول الخط وانا حسرانه
    وانت مشاءالله عليك ركبت الموتر وانطلقت
    هههههههههه عاد انقلب الوضع صار العريس هو الي مبرطم
    طول الطريق والعروسه الي قاعده تبربر ما بقى الا انها هي الي تسوق
    عشان اخينا في الله مرتاع من الي صار
    وبس
    هذي السالفه اتمنى النها تكون سلتكم
    والسلام عليكم

    ملطوشه من الايمير..

    الاميل هو الايمير...
     
  2.   مشاركة رقم : 2    ‏2003-09-01
  3. Poet

    Poet عضو متميّز

    التسجيل :
    ‏2003-03-30
    المشاركات:
    1,088
    الإعجاب :
    0
    :D:D:D
     
  4.   مشاركة رقم : 3    ‏2003-09-01
  5. الفارس الاحمر

    الفارس الاحمر عضو متميّز

    التسجيل :
    ‏2003-03-24
    المشاركات:
    1,042
    الإعجاب :
    0
    مساهمه ظريفه منك اخي ابو زيد تحياتي اليك ......
     
  6.   مشاركة رقم : 4    ‏2003-09-01
  7. صلاح اليافعي

    صلاح اليافعي مشرف سابق

    التسجيل :
    ‏2003-04-19
    المشاركات:
    4,198
    الإعجاب :
    0
    ههههههههههههههههههههههههههههههههههه
    ههههههههههههههههههههههههههههههه
    هههههههههههههههههههههههههههه
    ههههههههههههههههههههههه
    هههههههههههههههههه
    ههههههههههههه
    ههههههههه
    هههههه
    هههه
    هه
    الله الله يجازي بلايشك
    على هذه القصمه المضحكه
    مشكور والله يعين العروسه
    ههههههه
     
  8.   مشاركة رقم : 5    ‏2003-09-03
  9. الأحرار

    الأحرار قلم ذهبي

    التسجيل :
    ‏2003-08-11
    المشاركات:
    5,438
    الإعجاب :
    0
    حلوه
     
  10.   مشاركة رقم : 6    ‏2003-09-03
  11. aborayed

    aborayed قلم ذهبي

    التسجيل :
    ‏2003-08-03
    المشاركات:
    7,186
    الإعجاب :
    0
    كان المفروض يفتحوها له
     
  12.   مشاركة رقم : 7    ‏2003-09-03
  13. المهاجر77

    المهاجر77 عضو نشيط

    التسجيل :
    ‏2002-08-12
    المشاركات:
    346
    الإعجاب :
    0
    ههههههه

    حدث مشابه لمسلسل طاش
    شكراَ
     
  14.   مشاركة رقم : 8    ‏2003-09-13
  15. زيد ابن مزاحم

    زيد ابن مزاحم عضو

    التسجيل :
    ‏2003-08-30
    المشاركات:
    157
    الإعجاب :
    0
    اشكركم شباب علا مروركم الطيب
     
  16.   مشاركة رقم : 9    ‏2003-09-13
  17. عاشق الإبتسامة

    عاشق الإبتسامة عضو

    التسجيل :
    ‏2003-08-17
    المشاركات:
    76
    الإعجاب :
    0
    حلوة أوي
     

مشاركة هذه الصفحة