احلى نكت

الكاتب : الابن الصنعاني   المشاهدات : 448   الردود : 1    ‏2003-07-11
      مشاركة رقم : 1    ‏2003-07-11
  1. الابن الصنعاني

    الابن الصنعاني عضو متميّز

    التسجيل :
    ‏2002-09-30
    المشاركات:
    1,789
    الإعجاب :
    0
    بسم الله الرحمن الرحيم
    السلام عليكم ورحمة الله وبركاته
    الحمدلله والصلاة والسلام على رسول الله وعلى آله وصحبه أجمعين

    ( نكت حلوة)

    واحد مسطول بيلعب كورة . خدها على صدره و طلعها من مناخيرة


    دى حصلت ) مش نكتة)
    سالو ا الوزير اليمنى (ع ب ) : ما رايك فى البان كوسوفو
    قال :و الله احنا بنشرب البان المراعى


    اثنين مساطيل قاعدين بيشربوا فى الخلاء . جه البوليس . و احد هرب و التانى
    حط نفسه فى الطين . الظابط لقى حاجة بتلعب فى الطين .
    طلعه . قال له :بتعمل ايه ؟ المسطول رد: هو يا افندم الانسان مخلوق من ايه؟
    رد الظابط : من طين . قال المسطول : شوفت ! و شرفك انا لسه مخلوق دلوقت حالا


    اتنين صعايدة اتقابلوا . الاول قال للتانى : هو ابوك بيتآلط علينا ليه ؟
    التانى : ليه يا عم ؟ الاول : من ساعة ما مات محدش عاد بيشوفه !!

    واحد مسطول رجع مع صاحبه البيت الفجر . مراته بصت من البلكونة.
    بقينا الفجر و لسه جاى , اطلع يا منيل". قال لها : اطلع فين ؟؟؟
    انزلى شوفى جوزك مين فينا

    واحد بيقول لصاحبه : شايف الست اللى واقفة هناك دى ؟بتضرب كل يوم جوزها
    بالجزمة !! .قال له : و عرفت ازاى ؟؟رد : اصلها مراتى


    واحد بيقول لصاحبه : انتهت على ايه الخناقة بينك و بين مراتك امبارح؟؟
    رد : هه ...دى جت لغاية عندى و ركعت قدامى !!قال له يا سلام و قالت لك ايه ؟
    قال له : قالت لى : "اطلع من تحت السرير يا جبان"


    مرة واحد ماشي في الشارع فقابل واحد تاني شكله مش على بعضه و مستعجل اوي و
    بيقول : لو سمحت من فضلك قلعني الجاكتة
    فالاولاني قال له : نعم؟!!!
    فالتاني قال : قلعني الجاكتة بسرعة
    حاضر.. حاضر و راح مقلعه الجاكتة
    لو سمحت بقه قلعني الكرافتة
    إيه؟!!
    الكرافته ..الكرافته بسرعة
    حاضر.. حاضر و راح مقلعه الكرافته و هو مستغرب اوي من الراجل الغريب ده : ها
    يا سيدي اي خدمة تانية!!
    اه .. معلش فكلي زراير القميص
    لااااا دانت زّودتها اوي .. كده تاخد برد يقلب بنزلة شعبية حادة تاخد أجلك
    من فضلك فكها .. بسرعة .. ارجوك
    ُافففففف.. وادي زراير القميص خلاص فكتها.. دا كان يوم إيه المهبب ده, ها أي
    اوامر تانية؟
    أيوه قلعي بقه القميص
    يا سيدي عييب .. مايصحش كده , د إحنا فى الشارع خللي عندك دم ... .. يا حول
    الله يا رب !!
    أرجوك.. أرجوك بسرعة.. مافيش وقت
    دي وقعت إيه المهببه دي, أنا كان إيه إللي جابني من الشارع ده..وادي القميص
    هاااا.. إيه تاني!!
    إرسملي على ظهري خطوط بالطول و خطوط بالعرض
    حسبي الله و نعم الوكيل .. إنت مجنون ياراجل أنت؟؟!!
    من فضلك .. أرجوك
    رسمتلك زفت بالطول و زفت بالعرض
    رقملي بقه المربعات إللي إتكونت على ظهري بالأرقام من 1 إلي 40
    يا صبر أيوووب .. بقه إنت معطلني كل ده علشان تلعبني سيجه على قفاك؟!!!!
    بسرعة لو سمحت .. أرجوك رقمهم ... من فضلك مش قادر
    أديني رقمتهم...
    لو سمحت بقى أهرشلي في المربع رقم 33



    في ثلاثه صقور واحد منهم غبي تحدوا بعض من يصيد اكبر فريسه فرجع الصقر الاول
    ومنقاره فيه دم قالوا له خير قال شفتوا الشجره اللي هناك قالوا اه قال في تحتها
    فار اكلته
    جاء الصقر الثاني ومنقاره فيه دم قالوا خير قال شفتوا الحجره هناك قالوا آه
    قال في تحتها ارنب اكلته وبعد شوية رجع الصقر الغبي هو مليان دم قالوا خير قال
    شفتوا العامود الي هناك قالوا اة قال انا مشفتوش


    واحد بعربية شبح واقف فى إشارة مرور جنب واحد بعربية سيات، صاحب العربية
    السيات بص من فوق لتحت لصاحب العربية الشبح وقاله تبدل عربيتى بعربيتك وتدفع لى
    مليون جنيه؟ الراجل الثانى قاله إنت مجنون وللا شكلك كده؟ فرد عليه صاحب السيات
    وقاله أنا عربيتى فيها عفريت يحقق لك أى حاجة، المهم دخل صاحب الشبح معاه فى
    السيات وحرك الدركسيون فظهر العفريت فقاله صاحب العربية قوام هات شاى لى وقهوة
    للبيه، فراح جابهاله، المهم بدلوا العربيات وأخد صاحب السيات مليون جنيه كمان،
    واما دخل صاحب الشبح العربية السيات وحرك الدركسيون ظهر الجنى فقاله عيزك ترجع
    لى عربيتى تانى والمليون جنيه، رد الجنى وقاله معلشى أنا بتاع شاى وقهوة بس.


    سئلوا صعيدى : ليه جتلت أبوك
    الصعيدى : كانوا عاملين رحلة للأيتام , كنت عايز اروحها
    المحققين : طب ليه جتلت عمك ؟
    الصعيدى : كنت عايز ابن عمى يسافر معايا
    المحققين : طب ليه كنت عايز تنتحر
    الصعيدى : أصلهم لغوا الرحلة


    مرة واحد بلديات بيقول لواحد تاني و هو بيجري عليه بسرعة:الحق اخوك عواد
    غرقان في دمه ، آم اخينا ده قاله ماتخافش ما هو بيعرف يعوم



    مرة واحد صعيدي ماشي في الشارع ومعاه شوية مسامير فوقع منه واحد قعد يندهله
    و يقوله تعالى و مفيش فايده آخر ما زهق رما شوية مسامير و قالهم هاتوه


    صعيدي كان في جنازة مراته ... ويضحك ... سألوه ليه تضحك ؟؟؟ قال : اول مره
    في حياتي اعرف مراتي رايحة فين



    صعيدي واقف مع دوده في الشمس ليه؟؟؟؟الطبيب قال له اعد في الشمس دقائق
    معدوده



    في مره طفل خلوه عند جدته لان امه بتشتغل , بعدين راح الطفل يعيط عاوز امه
    ترضعه المهم بعد يومين مرض الطفل و كان علي وشك الموت يوم فحصوه قال الطبيب
    ابنكم شارب حليب منتهي الصلاحيه !!!!!
    طلعت جدته هي اللي رضعته



    فيه واحد اتصل ببيت صاحبه ورد ولده الصغير اللي عمره سبع سنوات قال الو قال
    الو بابا فين قال وطي صوتك ايوه موجودقال هاته قال لا مشغول قال طيب ماما فين
    قال الولد وطي صوتك ايوه موجودة قال هاتها قاللالالا مشغوله قال طيب في حد ثاني
    قال ايوه قال مين قال الشرطة قال هات اي واحد منهم قال وطي صوتك مشغولين قال كل
    دول مشغولين في ايه؟
    قال الولد بيدورو عليه !!!



    صاحت الأم في ابنها الصغير : لماذا تأخرت ؟ ألم أقل لك أرجع من عند البقال
    بسرعة
    فقال الابن : نعم يا ماما .. ولكن لم تقولي لي أن أذهب بسرعة !!!


    ذهب أحد الأطفال إلى أمه وقال لها : ماما .. أعطيني نقوداً حتى أعطيها لرجل
    مسكين يزعق في الشارع .فرحت الأم لقلب طفلها الطيب وأعطته النقود ، ثم سألته :
    ولماذا يزعق هذا الرجل يا ولدفقال الطفل : " إنه يصيح .. آيسكريم ... آيسكريم .
    "


    قالت الأم لطفلها : حط الحاجة اللي بتخاف عليها في الصندوق وأقفل عليه .
    فقام الطفل بوضع مفتاح الصندوق و افل عليه


    قال الأب لإبنه بغضب : عندما كان نابليون في سنك كان الأول على فصله !
    فرد عليه الإبن : وعندما كان نابليون في سنك .. كان إمبراطور فرنسا



    ذهب أحد الأشخاص لزيارة صديقه ، وعندما ضرب الجرس خرج له إبنه الصغير .
    فقال له : السلام عليكم يا حبيبي .. أبوك موجود ؟قال الولد : نعم موجود .
    فقال له : طيب ..انت تعرف أسمي ؟فذهب الولد إلى أبوه بسرعة وقال له : بابا .
    فيه واحد عند الباب ما يعرفش اسمه



    على سلم احدى العمارات .. طفل صغير يحاول أن يرن جرس باب احدى الشقق لكن
    الجرس كان عالى عليه
    بعد قليل كان فيه رجل كبير فى السن طالع السلم فرأى الطفل فرن الجرس نيابه
    عنه
    قال له الطفل : عمو عمو ياله نجرى بسرعة قبل أصحاب الشقة مايفتحوا الباب


    مدرس رياضيات خلف ولد و استنتج اتنين


    مرة واحد دخل مطعم بيتزا فقالولو تحب نقطعلك البيتزا 8 حتت ولا 16 حتة
    فقالهم كفاية 8 علشان انا مش جعان قوي


    مرة واحد كان عيان بمرض قاتل وكان عارف ان هو هايموت قريب فراح للدكتور
    الدكتور كشف عليه وقال :عندى خبر وحش وخبر كويس الخبر الوحش هو ان فاضل 24 ساعة
    وتموت الخبر الوحش هو ان أنا كنت لازم أقول لك ده امبارح


    عضو مجلس شعب صحوه من النوم... قال موافقة


    قابلت مذيعة اثنان مساطيل
    سالت الاول : مصر بالنسبالك ايه ؟
    >فقال: مصر دى امى.
    ثم سالت الثانى :وانت مصر بالنسبالك ايه؟
    قال:مأدرش اتكلم عن أم واحد صحبى


    مرة واحد الدغ في 24 حرف...جه ينادى واحد صاحبه اسمه تامر قال له يا
    وليييييييد


    مجموعه من بلدياتنا ماتوا غرقانين في غواصه وبعد التحقيق في الحادث أكتشفوا
    أن واحد فيهم سمع خبط بره راح فاتح الباب يشوف مين


    واحد بلدياتنا كان قائد فى الجيش و قدامه أربع صفوف عساكر ....واحد من
    العساكر كح..القائد سأل أول صف مين اللى كح محدش رد فتح عليهم النار قتلهم كلهم
    و بعدين سأل الصف التانى مين اللى كح محدش رد ..راح فاتح النار عليهم....و إدور
    على الصف التالت قام واحد خاف و قاله انا اللى كحيت ياباشا...قاله القائد
    يرحمكم الله


    واحد بلديتنا اشتره كمبيوتر شال الفاره وحط جاموسه


    مره واحد بلدياتنا حب واحده ....أتجوز أختها علشان يضمن يشوفها كل يوم


    قالت الزوجة لزوجها..هل تحب المراة الذكيه ام المراة الجميله؟؟
    فرد عليها لا انا احبك انت يا حبيبتي...


    مره المدرس سأل الاطفال فى الفصل الى يفتكر نفسه غبى يقف ... بعد شويه وقف
    تلميذ ....فساله المدرس و ليه بقه يا سيدي بتفتكر نفسك غبي ..فرد عليه التلميذ
    اصلي محبيتش اشوفك واقف لواحداك يا أستاذ


    مرة كلب فقد الذاكرة ماشى فى الشارع بيقول صوصو...لا نونو.....لا
     
  2.   مشاركة رقم : 2    ‏2003-07-11
  3. ابن وادي حضرموت

    ابن وادي حضرموت عضو نشيط

    التسجيل :
    ‏2003-06-25
    المشاركات:
    337
    الإعجاب :
    0
    شكرا على النكت الحلوه
     

مشاركة هذه الصفحة