قصة حياة جاكي شان ....

الكاتب : العمراوي   المشاهدات : 933   الردود : 6    ‏2003-07-02
      مشاركة رقم : 1    ‏2003-07-02
  1. العمراوي

    العمراوي مشرف سابق

    التسجيل :
    ‏2002-11-24
    المشاركات:
    7,510
    الإعجاب :
    4
    بسم الله الرحمن الرحيم
    مساكم الله بالخيـر




    حبيت أنقل لكم موضوع جدا رائع عن الفنان جاكي شان ..



    طفولة جاكي

    تفتحت عيون جاكي على ذالدنيا في 7 ابريل سنة 1954 وهو ولد لاب وام ملحطين لاعب في حسبتهم الفقر ( الله يكفينا شره ) لدرجة انهم يوم ولدته امه بغو يبيعونه علشانهم ما قدرو يسددون فاتورة المستشفى . جلسوا يكرفون عشان يدبرون القريشات حقت العمليه والحمد لله ربكم رحم اميمته وقدروا ياخذونه معهم للبيت يوم جو يسمون الولد سموه " تشان كونج سانج " واسمه معناه "ولد في هونج كونج " ( امحق اسم الله يحلل جاكي عند ذالاسم اشوى انه تغير )



    كانت العيله ساكنه في السفاره الفرنسيه وابوه شغال طباخ فيها واميمته اشتغلت مدبرة منزل ( يعني شغاله يالي ما يفهمون ). جاكي ما عجبه شي اسمه دراسه وتركها بعد السنه الاولى من المرحله الابتدائيه ( الله ابو الدجه وهو امداه يدرس علشان يكرهها )



    جاكي والدراسة

    يوم جا عمر جاكي سبع سنين ابوه اخذ منصب شيخ الطباخين في سفاره امريكيه في استراليا ( من قده ;3 ) علشان يزبط امور العيله المعيشيه .بداية جاكي تغيرت يوم قرر ابوه ان ولده لازم يتعلم حرفه ويصير شقردي قام ارسله ابوه لاكاديمية الدراما الصينيه . في ذالاكاديميه قام يكرفون الضعيف دراسه وشغل 19 ساعه في اليوم ( الله يخلف علينا يالله كتبت ذالموضوع ) تعلم ذالافنس فنون الصينيين التقليديه من غناء و تمثيل وحركات مطامر وتشقلب الي هي الاكروبات وفنون القتال . كل انواع الفنون القتال الصينيه التقليديه درست في الاكاديميه استخدمو مختلف الاسلحه من سيوف وعصيان ( والله ما يلعبون ذالبزارين ;4 ) . قام جاكي وشارك في فرقه اسمها "Seven Little Fortunes " وسووا عروض مختلفه في انحاء هونج كونج




    جاكي وبدايته مع الهبال في الافلام

    تخرج جاكي من الاكاديميه الصينيه وهو عمره 17 سنه وبدا يسوي حركات مهبل ويشتغل كبديل ويسوي عنهم الحركات الخطره حيث انه صار بديل في فلمين يعتبرونها اكبر اسمين بدت افلام الكونج فو في وقت بروس لي . والفلمين هي Fist of Fury وEnter the Dragon في الفلم الاول بروس لي طلب من مجموعه من البدلاء انهم يمثلون حركه خطره بس كلهم ذرقوا وخافو ذالدجاج بس جاك جاكي الخبل وقال الحمد لله وش يخافون منه ذالزلايب ;6 وقال انا يا بروس لي بسوي الحركه قام بروس ورجف جاكي رجفه دخلته في جدار وكسرت له ضلعين خلت بروس يضطر انه يسال جاكي اذا هو بخير والا يجيبون له الاسعاف قاله جاكي انا بخير وزي الي قاله بروس انك كويس ومن بعدها الظاهر جاكي انهبل وما صدق خبر وصار يكسر في عمره ;1





    من وين جا اسم جاكي

    بعد فتره سافر جاكي عند اهله في استراليا وقاله ابوه ابيك تشتغل يا وليدي فقام واحد من زملا ابوه اسمه جاك اخذ الولد في شغلة بناء وانشاء ويوم جا يعرفه على الشباب في مكان الشغل حس انه صعب عليهم ينادونه باسمه الصيني فقال ان هذا اسمه جاك مثلي ومع الوقت تحولت جاك الى جاكي الي نسمعه الحين




    بعد ما رجع جاكي للصين قام وعرض عليه واحد نشمي وعنده شركة انتاج اسمه "لو وي " انه يسوي بطولة فلم اسمه New Fist of Fury يعتبر جزء ثاني من فلم بروس لي وكان الغرض من ذالفلم انهم يبون يسوون بروس لي جديد ومع ان جاكي موهوب بشكل استثنائي في فنون القتال الا ان اسلوب بروس لي ما ركب على جاكي ابد والا عجب الناس لانه حسوا انه قلودي مع ذلك" لو وي" ما تاب وطلع افلام كثيره من نفس النمونه ومن زود الحظ الشين ما صار اي تطوير في شباك التذاكر لدرجة ان جاكي صار سم شباك التذاكر وحتى الناشرين ما يبون يطرحون والا ينشرون اي شي من افلامه




    بداية جاكي الجديده

    في سنة 1978 استعارة شركة Seasonal Films جاكي من الدرج" لو وي " الي كان معابط ويبي يخلي جاكي يطلع بروس لي وخلوه يمثل في فلم اسمه Snake in the Eagle's Shadow في ذالفلم جاكي اخذ راحته وصار يستهبل ويضيف روح الكوميديا والخبال الي جعلت النوع ذا من الافلام ينتشر ويعطيه شعبيه وتقييم مهوب صاحي في شباك التذاكر بعد فتره سوا فلمه الي خلاه يتربع على عرش افلام الحركه الصينيه والي هو Drunken Master

    عالم جاكي تشان

    في عام 1980 وبعد ما اسس جاكي اسلوبه الخاص في التمثيل قرر انه يجحد شركة الاثول "لو وي "ويتعاقد مع شركة Golden Harvest وبدا يمثل مجموعة افلام اولها كان Young Master وكملها بافلام واجده منها فلم Dragons Forever الي سواه مع التفخ "سامو هنق " والمعصقل" يون بايو "( لا يفوتكم ذالفلم في خبال مهوب طبيعي )




    جاكي في فلم Dragons Forever


    وسوا بعد سلسلة افلام Police Story والي تعتبر من افضل الافلام الي مثلها الحاله من افلامه بعد الي كويسه بس ما شفتها للاسف اسمه Armour of God في الفلم ذا استلوح جاكي وبغى يموت من اصابه قويه فكان يبي يسوي حركه وطاح من فوق شجره ودبج على حصاة وكسرت دمجته ودخلت قطعه من عظام جمجمته في مخه طبعا سووا له عمليه في دمجته والى يومكم فيه حفره مستديمه في عظمة جمجمته وتاثر عنده السمع شوي بس ربك لطف وعاش ذالخبل ومن زود الطفاقه والهبال الي فيه قرروا يعطونه جائزه افضل فلم في هونج كونج


    جاكي في امريكا


    حاول جاكي انه يدخل عالم هوليوود في الثمانينات وبدا مع Kristine de Bell وJose Ferrer في فلم Big Brawl بس صار الفلم مخنز ;6 وبعدها مثل دور بسيط في فلم Cannonball Run والي مثل فيه مجموعه من المشاهير الامريكان وصار الفلم ضربه في امريكا بس ما سوا كثير لجاكي بحيث انه يخليه معروف للشعب الامريكي
    المره الثانيه الي حاول جاكي يدخل هوليوود كان فيه مجموعه من الافلام الصينيه الي صورت برا الصين ولقو وراها مكسب في شباك التذاكر فعرضوا على شركة انهم يخلون جاكي بصورة مختلفه ويمثل افلام تكون فيها شخصيته جديه وراعي محارش ;6 بس ما كان ذا اسلوب جاكي ففشلت كل الافلام الي في ذيك الحقبه ( يمديكم على الكلمه ذي )
    وفي اواسط التسعينات وللمره الثالثه يحاول يدخل هوليوود ( والله ذالادمي من جد نشب لهم )بس ذالمره استخدم اسلوبه في التمثيل افلام مثل Rumble in the Bronx وMr. Nice Guy كلها من اسلوب جاكي وبعد ما نجحت ذالافلام نجاح يشق الجبهه قام ومثل مع الخال Chris Tucker في فلم Rush Hour والخبل Owen Wilsonفي فلم Shanghai Noon والي من بعدهم يعتبر جاكي اول ممثل من هونج كونج قدر يكسر خشوم الامريكان ويدخل هوليوود

    جاكي والمستقبل

    في الوقت الي جاكي يسوي افلام في امريكا يضطر يرجع لاسيا علشان يسوي افلام في هونج كونج لانه يقول المفروض اغطي كل السوقين علشان ذوق الامريكان الي هو اغلبه هرج وبربره يختلف عن ذوق الصينيين الي هو اغلبه مشالخ وملاعن رجع بعدها بفلم Rush Hour 2 والي دخل من وراه 200 مليون دولار ;4


    جاكي عنده مشاريع كبيره قدامه بس ان الرجال مقارنة بالسنين الي فاتت تهرهرة عظامه وصار ما يقدر يسوي حركات مثل يومه صغير ومستنشط علشان كذا يبغا يركز اكثر على التمثيل ويستعمل الكمبيوتر علشان يقلل من خطورة حركاته واول فلم بيستعمل فيه تقنية الكمبيوتر هو فلمه الجديد The Tuxedo الي تمثل معه في الممثله الكتكوته Jennifer Love يوم سالو جاكي اذا المؤثرات ممكن تخيه يغير اسلوبه في افلامه قام وقالهم معصي مراح اغير اسلوبي انا مجرد اخوض تجربه في مجال الاخراج واذا ما عجبتني اقدر اتركها من دون ما تاثر علي مثل باقي تجاربي في افلامي ( عساه بس ما يصير يمطرس مثل جت لي هذاك حوم كبودنا )




    جاكي قدر يسوي اسلوبه الخاص به والي مستحيل انك تلقطه من كلمات وتقدر تشوفه بس في سحر افلامه وبعتبار مكان جاكي في تاريخ السينما جاكي يقول "انا ابي الناس تذكرني مثل ما انا اذكر Buster Keaton فالناس لين تكلمت عن Buster Keaton والا Gene Kelly تقول ايه هذولا الناس الي توسع الصدر فيمكن يوم الايام يتذكرون جاكي شان بنفس الطريقه هذا كل الي ابيه ".




    مع تحياتي ..

    ملطوش ....
     
  2.   مشاركة رقم : 2    ‏2003-07-02
  3. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    مشكوور على هذا النقل الجميل...


    وتحياتي لك..
     
  4.   مشاركة رقم : 3    ‏2003-07-02
  5. البحار

    البحار قلم ماسي

    التسجيل :
    ‏2002-12-22
    المشاركات:
    19,341
    الإعجاب :
    17
    حلووووووووووووة يا شنكوتي

    بس ناقص مسلسلين ما ترجمتهم بالله ابحث على يدك او على رجلك على مواضيع ملطوشه .......... وووووووووووو منتظرين
     
  6.   مشاركة رقم : 4    ‏2003-07-03
  7. اليمن السعيد

    اليمن السعيد قلم فضي

    التسجيل :
    ‏2003-06-06
    المشاركات:
    3,891
    الإعجاب :
    0


    خالص الموده ( اليمن السعيد )***
     
  8.   مشاركة رقم : 5    ‏2003-07-03
  9. الربـــان

    الربـــان عضو

    التسجيل :
    ‏2002-05-18
    المشاركات:
    160
    الإعجاب :
    0
    ربان شان

    انا

    بصرحه ممثل رهيبويعرف يسوي حركات خطرة بنفسه

    شكرا
     
  10.   مشاركة رقم : 6    ‏2003-07-03
  11. مشاكس

    مشاكس قلم ماسي

    التسجيل :
    ‏2002-12-14
    المشاركات:
    16,906
    الإعجاب :
    0
    ما قريت الموضوع كامل

    بس حلوووووووه منك


    اشتي منك يجيب لي قصة البحار ( الممثل العالمي ) واللي هو عضو في المجلس اليمني
     
  12.   مشاركة رقم : 7    ‏2003-07-04
  13. الطير الجريح

    الطير الجريح عضو

    التسجيل :
    ‏2003-05-30
    المشاركات:
    38
    الإعجاب :
    0
    حلاوة يا شنكوتي اتمنا لك المتابعة

    عن كل الفنانين

    وتقبل تحياتي
     

مشاركة هذه الصفحة