جواب بن سعدان لبو صنعاء * (( الثاني )) *

الكاتب : صالح اليافعي   المشاهدات : 514   الردود : 3    ‏2003-06-29
      مشاركة رقم : 1    ‏2003-06-29
  1. صالح اليافعي

    صالح اليافعي شاعر شعبي

    التسجيل :
    ‏2002-02-06
    المشاركات:
    918
    الإعجاب :
    0
    هذا هو بدع أبو صنعاء

    يالله يامـــــن بك العبــــد اتكــــــل
    ياعالــم الســروتعالــــم مانقـــول
    2- وتحمــــدك عد مالماطـــر نــــزل
    وسال سيله وجة بعـده أيــــول
    3- وعالنبي المصطفى سلــــم وصـل
    الهاشمي ذي صطفه الله رســـول
    4- عدات مالمزن بالماطــر همــــــل
    وسقا اليمن كلها عرضــا وطـــول
    5- والان واهاجسي سر بالمهــــــل
    مالي بشوفك كذا دائــم عاجـــول
    6- وخذ من الجيد والصاحب وســل
    صالح ومحسن وسقيهم عُســــول
    7-الــزمــري قــال حيا مــن واصــل
    حيا بصــالح تراحيب السيــــــول
    8- بل جــــرملي بانــرحب به دبــــل
    برقـــم ماصب صالح من خمــول
    9- قلنا تأ خـــــــربيتغـــن بالعمـــــل
    وبايهــز المشـــاعر والعقــــول
    10- وبـايلاطـــم جـــــبـل لمــاجـــــبل
    وبايجيب الفـــوارس والخيــــول
    11- وبيقــــــاتل بسيفـــــه والنـــصل
    والشعر باينظمه حسب الاصـول
    12- ون العمل ذي رسله جردم وخـــل
    = اهال خلط عــلا صحنين فــــول
    13- كلامه اعــــــوج كما ظهر الجمــل
    ابيات مش متقنــه كلمــــات رول
    14- صايم سنه ون فطـوره لي بصـــــل
    فطرت صايم بصل منته خجـــول
    15- ليتك مــــع رسلت لي ذالا الهفــــل
    قد كنت باقــــول شاعرنا كســول
    16- ا ومثل محسن تنحــــا وعتـــــــزل
    قد كان ذا العــذرله عندي قبــول
    17- لكن تشطحت قــــدام العــــــــــول
    وقـمرت وصاحبي زادالفضـــول
    18- جيت تبارز ابو صنعاء البطـــــــل
    العظـــربه مايســو فيه قتـــــول
    19- ويش طلعك واظماري لسقــــــل
    حيد السقل بايبا شـد الرحــــول
    20- ماعـــاد باتنفعــــك كثــر الحيــــل
    لابد لابد مــــن شـــل الحمــــول
    21-والاشتـــراكي انتهى ماشي امـــــل
    وما بقي الامعـــك شله فســــول
    22- وذي شرد قدســرق ذي بالمقــــل
    وباع نفسه كما بيـــع البقـــــول
    23- وذي تحشم شـــــــويه وشتغــــل
    كــوده يحصــل مخيط لن نعـــول
    24- كم ناصرو الحــزب قبلك بدجــــل
    مابانصدق مهــاري ذي تقــــول
    25- كلام مغشـوش وغشـوك السغـــل
    وطبلـــو بك وخلـــــوك البتــــول
    26- قد قلــت لك دور لك بيت وظـــل
    برض اليمن كلها عرضا وطــــول
    27- وباتشــوف المباني والفلـــــــل
    وباتشـــوف المـــزارع والحقـــول
    28- رعا اليمن صار من ارقى الدول
    زعيمنــا بو حمد فحـــل الفحــــول
    29- وبالسياسه ترى مالــــه مثــــل
    ومن تحــــداه داســه بالرجــــــول
    30- ونته تحمــد لربك قـــم وصــــل
    الحــريه ذي منحهـــا لك قبــــــول
    13- قد كنت واشيــخ رابق بالوحـل
    عــــادك تبا اذن لو تبغـــي تبــــول
    32- لحرار كانون رهن المعتقـــــل
    وتحكمــو بالــوطن شلــه نــــــذول
    33- كفـار مايـــؤمــن بالله جــــــل
    ولا بسيـــد البشر طـــه الرســــول
    34- وجــاك وادي بنا دمــر وشـــل
    الشـــوعيه والمنافــق بن سلـــول
    35- والعفو ذيصدرعلي شوفه شمل
    ذي تاب وءامن بوحــدة لاتــزول
    36- وعاصي الام بيبيع العـــــذل
    ماعــاد بايئمنــونــه عالاصــــول
    37-خطات بللغز ماشـوه السبــل
    ولا العيون ذي تقولي والكحــول
    38- محزاتك الوزن ربي به عدل
    من يتقي الله بميـــزانه عــــــدول
    39- تسع تعشرحبهن مثل المقــل
    بنات تي الـــورد مافيهن ذبــــول
    40- القلب عاشق لهن مهما حصل
    ويعيش في حضنهن مابه ميــول
    41- والاب واحد وعمره ماغفــــل
    كائنه النجـــم ذي ماله افـــــــول
    42- ونا وياتك عسى نخرج بحــل
    لوتبت يمكن نلاقي لك حلــــــــول
    43- تجيني بالرايه البيضــا قبــــل
    تقول سلمت لك خاظع ذلــــــــــول
    44- ماعيدها والنبي مهما حصـــل
    والله شــاهد ويسمــــع مااقـــــول
    45- والختم المصطفى سلــــم وصـل
    الهاشمي ذي صطفــه الله رســول
    46- عدات مالمزن بالماطر همــــــل
    === وسقا اليمن كلها عرضا وطـول

    ==================================
    &&&&&&&&&&&&&&&&&&&&&&&&&&&&&&&&&&


    [TABLE=width:100%;background-color:transparent;background-image:url(backgrounds/8.gif);border:10 solid limegreen;][CELL=filter:;][ALIGN=right]


    جواب صالح اليافعي على الأخ أ[و صنعاء



    يا قايد الجيش أيش اللي حصل &&& يا ذي على الحرب بتدق الطبول
    بالأمـس قـد كنت قـدامي بـطـل &&& ثلاثـه أعـوام بالســاحة تـجــول
    مثـل الجـمـل ذي تـحـمـل لثقـل &&& ما هـمة الحمل في وقـت النـزول
    واليوم كـني بشـوفـك تالـثعـل &&& بتلف جـوف المـزارع والحقــول
    تبقي دجاجة مليحـة شـا تصل &&& ذي لحمها خير من لحـم العجـول
    قال أبن سعدان من فوق الجبل &&& برمي حجرتي على راس البتـول
    ذي لا أشتغل ما يبـين له عمل &&& ولا بـيـعــرف تعـالـيـم الأصــــول
    أهبـل مخـبـل وهــاذا أكبر مثل &&& بيـقـلـد أهـل النصارى والمغـول
    من قبل لا ابدى تراحيبي تصل &&& للظـيـف ذي كان متسرع عجـول
    ترحيب ترحيب يشمل من شمل &&& أهل الكرم والشهامة والفـضول
    والزمـري با نرحـب بـه دبـل &&& في كل يومـين يبعـث لي رســول
    أنا أعتقـد ما معه أيـت عـمـل &&& تـأيه وفـاضي بأرض الله يجــول
    ساعة بيدخل على بحر الغزل &&& وأحيان فارس على ظهر الخيول
    وأحيان بيقول دمعة عالمقـل &&& يـبــيت سهـران والليــلة تـطـول
    ماذا جرى فيك يا ذيب العول &&& أصبـر وبالصبـر باتـاتـي الحلول
    أمشه طريقك ولا تجزع سيل &&& وبنصحـك لا تـزيـد في الكحـول
    لو تبقي الشور خد دبه عسل &&& من شأن تقدر على شل الحمول
    شفني شربته وقد قال المثل &&& صيني عسل خير من جونيه فول
    يا الزمري ليش بدعك لي طول &&& ما كان تحـتـاج أبيـاتـك تطـول
    لو جبت بيتـين حـلوه با تصل &&& لكل سامـع وأصحـاب العـقــــول
    من كثر ما أقرى بدى فيني الكسل&&&وحس جسمي دخل فية الخمول
    والحزب ذي قلت ما شي له أمل &&& جبت السلاسل وقيدت الرجول
    ضحكـتـنـي يـوم بتـقـيـد جمل &&& وهوه مرمي ومكـدي بالصـلـول
    وأحزابنـا كل من يحكـم عـدل &&& حسـب الشـريعـة وما قاله يقـول
    لو ما نشـمناه بأيخـرج بـحل &&& يا كم من الناس ذي صارت قتول
    قلت اليمن صار من أرقى الدول&&& زعـيمـنا بو حمـد فحـل الفحول
    كذبت والكذب عمرة ما طول &&& حبله قـصيـر وما عـمرة يطـول
    بيـدك خيـاتم وأنا بـيـدي دبل &&& وخـالـنا سـي لبنـتـة عـقـد لــوُل
    وذي تزوج أخد شهر العسل &&& في أرض خضرا على مر الفصول
    أكـل وأكـل وسـاعة ما أكـــل &&& يطـلب عـيالـه يـزلـونـه زلـــــول
    هذا كلامي وللصاحب وسل &&& يحتاج له وقـت ما الجاهـم يحــول
    شف أبن سعدان لو عقلة زجل &&& يطـلـسم أبيـات ويجـيب الحلول
    حلل وعدل وبأ يخـرج بحل &&& قـم دن ظهـرك على شـأن الحمـول
    من شأن تضرب بك الناس المثل &&& وتصير ناجح بمدرسة القبول
    ولو نجمك الدلو شف نجمي الحمل &&& قرني براسي وباطلك طلول
    والختم صلو عدت ما امزن شل &&& رشخه برشخه لما تأتي السيول
    على محمد عدت ما البدر هل &&& صلوا معــيا على طــه الرســول

    [/CELL][/TABLE]

    هذا جوابي والذي أتمنى أن ينال أعجاب أبو صنعاء

    وينال أعجاب اخواي ألأعظاء


    لكم من جزيل الشكر والآحترام

    بن سعدان
     
  2.   مشاركة رقم : 2    ‏2003-06-29
  3. saah2002

    saah2002 عضو

    التسجيل :
    ‏2002-11-04
    المشاركات:
    14
    الإعجاب :
    0
    بسم الله

    اخي العزيز صالح اليافعي

    تسلم على الجواب الشافي

    معروفه منك ياشيخ

    اثلجت صدورنا

    كلام جميل

    crazybulls

    اخوك على الدوام/ بن مســـــعود
     
  4.   مشاركة رقم : 3    ‏2003-06-29
  5. أبو صنعاء

    أبو صنعاء شاعر شعبي

    التسجيل :
    ‏2003-03-30
    المشاركات:
    3,410
    الإعجاب :
    0
    مرحا مرحاباخي الحبيب ببن سعدان كلامك درر

    مرحا مرحاباخي الحبيب ببن سعدان كلامك درر مقبول مقبول على عيني وراسي
    انا اعرف كم حُبك للاشتراكي لم يخيب ظني فقد غسل عقولكم زمان
    لقد وجهة بندقي صح
    انتظر مني بدع جديد خلال 12 ساعه انشأ الله
    لاتخاف انا عمري ماكذب لك مني افضل سلام ياغالي صاحبي العزيز
    اخوك على الدوام ابوصنعاء
     
  6.   مشاركة رقم : 4    ‏2003-06-29
  7. صلاح اليافعي

    صلاح اليافعي مشرف سابق

    التسجيل :
    ‏2003-04-19
    المشاركات:
    4,198
    الإعجاب :
    0
    الله الله الله عليك يامبدع
    صح الله لسانك رد راااائع
    صراحتا كان الرد بمعنى الكلمه غاية في الروعه
    ولكن ليس بغريب من بن سعدان
    فهو المبدع دايما ...
    وكذلك لا انسى البدع من الاخ الزمري
    فقد كان بغاية الروعه لو لا الاخطأ الاملائيه..
    المهم ربنا يعطيكم العافي والله انكم اتحفتونا ... استمروا
    ومنتظرين المزيد...
    ولكم مني خالص الموده والاحترام..
    اخوكم الصغير صلاح اليافعي..
     

مشاركة هذه الصفحة