تعاريف00 تخاريف

الكاتب : صقر الجزيرة 2003   المشاهدات : 359   الردود : 0    ‏2003-06-24
      مشاركة رقم : 1    ‏2003-06-24
  1. صقر الجزيرة 2003

    صقر الجزيرة 2003 عضو

    التسجيل :
    ‏2003-05-30
    المشاركات:
    29
    الإعجاب :
    0
    تعاريف .. تخاريف
    ايام الدراسه .. كان احلى سؤال يجينى فى الاختبارات ( عرف مايلي : ... ) وكنت ابدع فى الاجابات ..والنهاية كل اجاباتى خطأ





    البنــــــات

    اكثر من حكى .. واكثر بكى ..... الطموح زوج وفيلا بـ( شيف ) .. وسفر فى كل صيف ..
    الجميله فارغه .. والعاديه دارعه .. والقبيحه ضايعه .....
    الحجاب خلوه موضه .. و( الماركات ) خلوها فوضه ..
    فيهم من طبع اللكاعه .. وماعندهم اية قناعه .....
    فيهم انوثه وفيهم الدلع .. وماعندهم اية سنع ..




    الشباب

    اكثر من كذب .. و نصب .... كل يوم يضبط الــ(سكسوكه ) .. والشماغ ( كوبرا ) محبوكه
    الطموح موبايل مميز وفياجرا .. حتى لو مايعرف يقرا .....
    والسنه مقضيها سفر .. الغنى لباريس و( الملحط ) لمصر
    ماعندهم اية سناعه .. وياحبهم للصياعه .. غزل .. عطل .. وضياعه
    .....كل يبي دور الامير .. وماعندهم اية ضمير ..




    المناسبــــــات الخاصه

    عزايم .. زواجات .. زيارات ..
    كل قبل يفكر يروح .. يلبس ( قناع ) .. لاجل الخداع ... معذور .. ماوده يروح .. بس مجبور ..
    ولازم يبتسم لذاك ..مع انه يذمه .. ولازم يسولف مع ذا لو يكره امه
    ولازم يضحك بوجهك هذاك ..مع انه مايطيقه .. وصعب يبوح بهالحقيقه
    مجاملات .. ملزوم فيها .. مع اننا محد يبيها





    العــــــرب

    مع العدو .. اضعف طباع ... ومع الاخو .. كلهم ضباع
    ( امة ) نوال وباسكال وموال .. ( امة ) نست تربي العيال ....
    اهل الخليج اهل الدلال .. والشام رقص ونواع الضلال .. ومصر تمثيل وهبال .. والمغربي العربي جهال
    مية وخمسين مليون .. لاطعم ولانكهه ولالون






    البنتــــــلي

    اذا ركبته صرت محبوب .. انسان تبي رضاه القلوب ..
    ( عاقل ) ولو انك لعوب .. ( صادق ) ولو انك كذوب
    ( شيخ ) ولو انك صبي .. ( فاهم ) ولو انك غبي .. خوفى يسمونك نبي











    الشــــــعر

    اسهل وسيله للظهور .. تصير مميز فخمسة شهور ....
    اكتب قصيده ( اي قصيده ) .. تحكى عن .. الموز .. اللوز .. او حتى ( العصيده )
    او تحكى عن ( انواع الاظافر ) .. او عن اشكال الدفاتر .. صرت شاعر
    بس المهم .. صوره .. واسم .. حتى الوزن ماعاد يهم ..






    القنوات العــــــربيه

    قنوات .. عربسات .. نايل سات ... كل شي فيها .. الا الصدق ( مات )
    تفاهات ... مصاخات ... رقاصات .. وبعدها يختمون من القران آيات
    نصها كذب ونفاق ... ونصها هرج وطقاق .. او بالاصح .. كله ( نهاق ) ..
    اخبار .. شجب واستنكار .. و المشاهد كنه ( حمار ) ..





    ,,,


    __________________



    هذا الزمن ..
    اى مسلم ارهابي ..
    0 - 8 ضد المانيا ..
    فيفي عبدة تحكى فى السياسه ..
    ( المورسليجو ) قيمتها مليون وميه ..
    مطربين من نوعية ( ابصملك على العشره ) ..
    عمرو خالد متهم بالتحريض على الحجاب ..
    كل هذا ..ومايبونى اكون شين

    تحياتي00صقر الجزيرة
    الدوله00عطارد ثاني لفه بعد المريخ
    bergoaze1@yahoo.com
     

مشاركة هذه الصفحة