اقوي برنامج لعمل مؤثرات حقيقيه علي الصور البشريه مع الشرح

الكاتب : مُجَاهِد   المشاهدات : 3,833   الردود : 5    ‏2003-06-22
      مشاركة رقم : 1    ‏2003-06-22
  1. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    اولا التحميل من هنا


    و هذا السيريال نمبر

    0a0NzaKFUhsb

    مع مراعاة ان اول رقم من الشمال زيرو ..
    الشرح:
    [​IMG]

    عشان نعمل مشروع جديد هانختار اول اختيار Create a new model

    ... بعد ما نختار الاختيار الأول هاتظهر الشاشه ....

    [​IMG]

    الاختيار الاول Front Image معناه الصوره الاماميه او صورة المقدمه .....

    و الاختيار التاني Side Image معناه صوره جانبيه

    احنا هانختار اول اختيار و هانضغط عليه هايطلعلنا مربع اسمه
    Select Fornt Image

    هانختار منه الصوره اللي هانشتغل عليها ... و طبعا انا بالنسبه لي قصيت صوره الراجل اللي في المثال و هاشتغل عليها ..... و كل واحد فيكو حر يستخدم الصوره اللي عاوزها ....
    ..

    بعد ما نحدد الصوره هاتبقي واجهة البرنامج بالشكل ده ....

    [​IMG]

    لاحظ الاختيارات اللي متعلم عليها بالحمر موش نشطه .......

    و لاجظ التحديد اللي علي وجه الرجل .... طب انا عاوز اخلي التحديد ادق شويه و يبينلي الانف و العين و الشعر و ما شابه ذلك ..... هانعمل ايييه ..

    هانيجي يا دكاتره و ندوس علي الامر Place Features الحليوه اللي متعلم عليه بالازرق ....

    هنلاقي التحديد بقدرة قادر بقي كده

    [​IMG]

    طبعا مع شوية شغل منك و تظبيط النقط علي الوجه بالضبط اكيد الشغل هايطلع الذ ....

    نيجي بقي للشرح الدسم ....

    هناخد الاوامر من الشمال لليمين ابتداء من New

    طبعا اول اربع اوامر طبعا واضحين للكل New ملف جديد Open فتح ملف موجود Save حفظ العمل Undo للتراجع و الاختيار الخامس الغير نشط Redo معناه لو عاوز ترجع اللي تراجعت فيه ....

    نيجي بقي للشغل التقيل ابتداء من الامر 6 – points

    و الأمر ده معناه اني اقلل عدد النقط اللي بتحدد الوجه ..... جربه و انت تعرف معناه اكتر ...

    اما الامر رقم 7 + Points فمعناه زياده عدد النقط علي الوجه و ذلك يمكننا من تحديد ادق لمعالم الوجه ....

    و هذه صوره بعد زياده النقاط للتوضيح
    [​IMG]

    نيجي للأمر رقم 8 Hair Stayle و وظيفته واضحه من معنااه .... نوع الشعر ...

    سمي بسم الله و دوس عليه و تعالوا نشوف ايه جوااه ...

    هاتظهر لينا الشاشه دي
    [​IMG]

    و كما هو مبين في الصوره ... قم باستعراض الستايل الذي يروقك و شاهده في الجزء الايمن في مربع 3D Preview و يمكنك من خلال علامة ال+ و علامة ال –
    ان تكبر و تصغر المستعرض حسب مزاجك .........

    بيتهيألي لحد كده اخر حلاوه ...
    ......

    نيجي بقي للأمر اللي بعده Spectacles و ده بنختار اذا كنا هانلبس صاحبنا نضاره و لا موش عاوزين ... تعالوا نشوف جواه اييه

    هاتظهر لينا الشاشه دي ....
    [​IMG]

    و طبعا لما تضغط علي السهم هتلاقي في مربع الاستعراض انواع مختلفه من النظارات لبسه منها اللي انتي عاوزه .....

    برضه بيتهيألي ان لحد كده تمام و اخر انسجام ......

    نيجي بقي للشغل الحلو و اللي عاوز منا شوية تركيز .....

    الامر Animate تحريك اضافة المؤثرات الحركيه و الصوتيه الي الصوره ....

    تعال ندوس عليه و نشوف عانعمل اييه

    اول ما ندوس عليه هاتظهر لينا الشاشه دي
    [​IMG]
    و كما هو موضح بالصوره ان الاختيار الاول عمل حركه باستخدام صوت موجود في جهازك ....... و لتحديد هذا الصوت قم بالضغط علي زر Browse و حدد له ملف الصوت بتاعك ....

    اما احنا فهانشتغل علي الاختيار التاني بدون صوت خالص عشان نتعلم ازاي نضيف صوت علي المشروع بتاعنا ...

    يبقي هانختار الاختيار التاني و هانقوله Ok

    Ok يا اساتذه ....



    طبعا لوحة الفريم اللي باينه في الصوره دي اساس العمل ....

    طيب عاوزين نضيف الحركه ....... نعمل اييه ....

    بص ف شمال الشاشه عند كلمة Actions و معناها الاحداث و موجوده في الصوره باسم المؤثرات الحركيه ....

    هنلاقي اربع مربعات مكتوبه بالطول و هم علي الترتيب

    Emotions - Exprissions – Crazy morphs - Look At

    نعالوا نفتحهم واحده واحده و نشوف اييه اللي فيهم ...

    اولا Emotions و دي معناها انفعلات و احاسيس ..... لما نفتحها ندوس عليها يعني هنلاقي اييه ..

    1- Surprised و واضح من معناها ان التعبير المقصود هو تأثير المفاجأه علي الوجه

    2- Happy و تعبير الوجه واضح لو عاوزين نخليه سعيد و مبسوط ....
    3- Sad معناها تعبير حزين
    4- Afraid و معناها اسف او ندم علي شئ ......
    5- Angry و دي طبعا معناها انه غضبان و زعلان ....
    6- Disgusted و التعبير ده معناه الاشمئزاز و القرف من شئ ....

    كده يا حلوين خلصنا اختيار Emotions

    ثانيا / اختيار Expressions و ده مختص بتعبيرات الوجه تعالوا نشوف ايه فيه

    1- Smile و معناها ابتسامه ....
    2- Frown و معناها عبوس و مكشر ...
    3- Pout و دي معناها مبوز و مستاء من شئ ....

    4- Nostriles و ده معناها انف واسع و تأثرها لو حبيت توسع للراجل انفه و هو بيتكلم ......
    5- عندك بعدين اختيارين Browse up و Brows Down و ده لو عاوز ترفع للراجل الغلبان حواجبه و تنزلها تاني ......
    6- wink left و wink right اديله غمزه و رمش بالعين شمال و يمين ....
    7- Blink لو عاوز تخليه ينظر بطرف عينه ......
    8- Squint ده لو انت زهقت الراجل في عيشته فهاتخليه ينظرلك شزرا بيستحلفلك يعني ....... و لو مسكك هاتبقي كده
    9- wide eyes معناها عيون مفتحه واسعه و ثاقبه
    10- Mouth open و معناها طبعا افتحله بقه يعني فمه ....

    كده خلصنا الامر Expressions

    اللم لك الحمد يا رب ....

    نيجي بقي و نشوف ايه اللي بعده ...

    ثالثا الامر Crazy Morohs .... و معناه تعبيرات جنونيه علي الوجه و سنفهم المقصود بعد ان تستعرض سويا محتويات الأمر

    1- Big smile و معناه ابتسامه كبيييره ....
    2- Big Kiss و معنااه قبله او بوسه كبييييره ...
    3- Big Ears و معناه اذن كبيييره
    4- Big Noise و معناه انف طوييييل و كبيير
    5- Jaw Drop معناها تدلي الفم ببلاهه و فعلا فيه ناس لما يتفاجئوا ده اللي بيحصل لهم ...
    6- Ape تحويل الفم ليصير مثل فم القرد ..... اعاذنا الله و اياكم
    7- Eangle تحويل الفم ليسير مثل الحدأه او النسر ....
    8- Alien تأثير اخر مضحك علي حركة الفك يجعل الفم طويلا بشكل ضاحك ..
    9- Dog يجعل الفم و الوجه مثل الكلب الله لا يورينا ....

    خلاص هانت ... كده احنا خلصنا الامر Crazy Morohs ......

    نشوف اللي بعده .... يالا بينا ....

    رابعا / اخر امر في الاربع اوامر الاساسيه للحركه .... Look At و طبعا ده بيدينا تأثير اتجاه النظر .... تعالوا نشوف أوامره اييه ....

    1-اول اربع اوامر سهلين خالص ....
    (Look (Right-Left-Up-down و دول معناهم النظر الي اليمين و اليسار و فوق و تحت بالوجه كله موش بالعين بس .....
    2-و نفس النظام للأربع اوامر اللي بعديهم ..... .....
    ( Eyes(Right – Left -Up–Down
    بس دول بقي للنظر يمين و شمال و فوق و تحت بالعين بس موش بالوجه ...

    كده يا حبايبي خلصنا اتقل نقطه في البرنامج كله و هي ال Animate


    اللي بعده ايييه ....

    ايوه شاطرين الامر Record

    لما نختاره هاتظهرلك الشاشه دي
    [​IMG]
    هاتكلم في الموكروفون بتاعك و تشوف النقط الزرقا و هي بتتحرك مما يدل علي ان الموكروفون بتاعك شغال اخر تمام ... اما لو ما كانتش النقط الزرقا بتتحرك فده معناه ان الموكروفون موش شغال فتدوس علي زر Adjust Microphone level و تظبط مكروفونك .....

    طيب خلاص ظبطنا تبقي تدوس علي امر Record و معناه تسجيل و تسجل الكلام اللي عاوز تدخله علي الحركه ....

    و بعدين تضغط Stop

    هتلاقي الشاشه بقت بالمنظر ده
    [​IMG]

    و هتلاقيه رجع تاني لاختيار Animate ....

    و الخرابيش اللي باينه في لوحة الفريم معناها ان فيه صوت دخل علي الفيلم ..

    انا بقي انصحكم بحاجه انكم لما تيجوا تصمموا حاجه علي البرنامج ده انكو تسجلوا الكلام الأول و بعدين نحطوا التعبيرات علي الوجه عشان يبقي منطقي اكتر .... يعني بدل ما نختار Animate و بعدين Record لأ نختار Record و بعدين هو من تلقاء نفسه هايرجعني تاني للاختيار Animate عشان احط التعبيرات ...


    نيجي بقي لأخر حاجه و هي Preview و مجرد ما تضغط علي الامر ده هيفتحلك متصفح انترنت و تستعرض شغلك و ابداعك .....


    منقوول
     
  2.   مشاركة رقم : 2    ‏2003-06-23
  3. ناصر الفروي

    ناصر الفروي عضو متميّز

    التسجيل :
    ‏2002-06-20
    المشاركات:
    1,222
    الإعجاب :
    0
    مشكور اخي العزيز

    يعطيك العافيه

    لك خالص تقدير على جهودك

    تحياتي

    يمانيون :(
     
  4.   مشاركة رقم : 3    ‏2003-06-24
  5. alprince.org

    alprince.org عضو

    التسجيل :
    ‏2003-06-23
    المشاركات:
    4
    الإعجاب :
    0
    شكرا اخوي على الموضوع
    وسوف يتم تجربة البرنامج
     
  6.   مشاركة رقم : 4    ‏2003-06-29
  7. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    العفوو منك

    وتحياتي لك..
     
  8.   مشاركة رقم : 5    ‏2003-06-29
  9. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    العفوو منك..

    وتحياتي لك...

    ومشكوور على المرور والرد على الموضووع..

    وتحياتي لك..
     
  10.   مشاركة رقم : 6    ‏2003-07-11
  11. بلادي اليمن

    بلادي اليمن عضو نشيط

    التسجيل :
    ‏2003-07-09
    المشاركات:
    436
    الإعجاب :
    0
     

مشاركة هذه الصفحة