مذكرات صعيدي في الغربة

الكاتب : QAWI   المشاهدات : 525   الردود : 0    ‏2003-06-11
      مشاركة رقم : 1    ‏2003-06-11
  1. QAWI

    QAWI عضو

    التسجيل :
    ‏2003-05-13
    المشاركات:
    139
    الإعجاب :
    0
    [ALIGN=JUSTIFY][ALIGN=JUSTIFY][ALIGN=JUSTIFY][ALIGN=JUSTIFY]واحد صعيدي في غربة

    في الأول السلام عليكم جميعاً
    أنا فرحان قوي قوي قوي قوي بالموقع ده وخصوصاً أنه علي أسم واحد من بلدنا تور الله في برسيمه ما يعرف الألف من كوز الدورة ، أنا دلوقتي في الإمارات وناوي لما أنزل مصر بعد 15 يوم أحكيله أن أسمه علي شبكة الإنترنت ، يا دي المصيبة وأفهمهاله إزاي دي !!!!!!!!!!!!!
    عموماً أنا حبيت أعرفكم بنفسي الأول ، أنا وعوذ بالله من كلمة أنا أسمي يوسف (أحنا هنكدب من أولها ) معلهش دي كدبة بيضة ، أنا سوهاج ، من قرية تابعة لمركز المنشاة وبيتنا جنب القديم قدام المصطبة ، أشهر مصطبة في الصعيد كله ، أما البيت الجديد فهو علي الترعة عند المكان اللي أتعلمت فيه العوم وأنا صغير وياما البهارسيا أشتكت مني :haha: :haha: وتحت الصفصافة كنت بقضي أحلي أوقات عمري في صيد السمك للقطط اللي عندنا في البيت ، حكم السمك اللي ف ترعتنا ما ينفعش غير ما القطط وبس ، علي العموم أنا مسافر من أربع سنوات ، ثلاث منها في جامعة السلطان قابوس في عمان ، وهذه السنة الرابعة وإنما في جامعة الإمارات ، بشتغل في وظيفة تقنية أحبها مهمة والحمد لله علي كل حال ، الناس أحياناً تفاجأ بأني صعيدي (أنا مش بمدح في نفسي ، اللهم أخزيك يا شيطان ) .
    كنت بدور من زمان علي موقع هتم بشئون الشباب المصريين في الغربة وخصوصاً اللي علي وش يعنسوا ، بصراحة أحنا بنعاني كتير ، إجازاتنا قصيرة في بلادنا وغير كده مفيش وقت تدور علي بنت الحلال ، تعرفوا أنا عندي واحد صاحبي هنا شغال في السفارة المصرية (طبعاً في منصب محترم :cool: ) مسكين أتعقد من الزواج وأسمه ، نزل مصر في إجازة وخطب واحدة من الوسط بتاعهم البنت طلعت مؤدبة جداً وأعترفت له بأنه الرجل الأول في حياتها ، وبعد شهر ونص أكشف فعلاً أنه الرجل الأول في حياتها بس بعد المئة الثالثة :waa: ، وهكذا يا أخواني أحلامنا في إيجاد بنت الحلال ذهبت مع الريح ، أما أنا فأتمني أن أجد الفتاة التي تقبل الحياة معي في الصعيد في بيت العيلة قبل أن تقبل الحياة معي في الإمارات حيث الرفاهية والسيارة والشقة اللوكس ، يعني بالعربي الفصيح تكون معايا علي الحلوة والمرة ، أتقدمت لبنات كتير من القاهرة والجيزة وطنطا وكلهم أجمعوا علي إستحالة الحياة في الصعيد ( أنا مستعدة أعيش معاك في أي مكان أما الصعيد لأ ) :maaad: قتالين قتله أحنا في الصعيد ولا بناكلوا لحوم البشر ، ولا يكونش أحنا مش بني آدمين من الأساس ، مهما أوصف وأقول وأتكلم عن الحياة في الصعيد مش هوفيها حقها ، عموماً أنا حبيت أعرض عليكم مشكلتي مشكلة الشباب المغترب ويا ريت أسمع منك الإقتراحات والأراء حول هذا الموضوع ، ولي رجاء خاص الردود تكون بأدب ولباقة ومن غير تجريح ، لسانك حصانك إن نته صانك وإن هانته هانك .
    تحياتي للجميع وأتمني أن يكون الحل بين ثنايا تلافيف مخيخكم
    المهاجر


    منقـــــــــــــــــــــــــــــــــــــــوووول:):):)
     

مشاركة هذه الصفحة