قصــــص عن الهاااااااااااكرز (( الخاكرز)) هههه

الكاتب : الصمود   المشاهدات : 425   الردود : 2    ‏2003-05-20
      مشاركة رقم : 1    ‏2003-05-20
  1. الصمود

    الصمود قلم فضي

    التسجيل :
    ‏2003-02-12
    المشاركات:
    3,693
    الإعجاب :
    0


    اول شي احب الفت نظركم الى ان القصص هذي حقيقة ومهيب خرابيط من راسي يعني واقعية بحته بس قبل لا يبدا الرمي وطلق النار حبيت اوضح لكم معنى الهاكر الصحيح


    --------------------------------------------------------------------------------

    الهاكر : اولا كتابة الاسم بالشكل هذا غلط والصحيح هو الخاكر ، لأن الهاكر هو نفسه اللي سوى البرنامج حقه وتعب فيه ، أما هالبزارين الملاقيف مالهم الا ولد يقرا ، او برنامج يخترق يعني حط الآيبي وقل ياربي ، وبــس وتبون الصدق خاكر وتخب عليهم بعد وهذي هي القصص


    --------------------------------------------------------------------------------

    واحد مسوي نفسه خكر ، قال للضحية في احد برامج الدردشة والله لا أدخل جهازك هالحين ، ورد الثاني بالتحدي ،المهم اخينا الأول قاله أنا في جهازك هالحين وش ذا الخلفية الزينة سيارة مكسيما مره وحده المهم وافقت صدفة ان الخلفية صحيحة قام المسكين الضحية ومصع الفيش وطفى الطبلون بكبره


    --------------------------------------------------------------------------------

    ياكثر اللي يسوون فيها مخترقين وفاهمين واحد منهم سوا لي فيها قال للضحيه والله لا ارسل لك الحين فيروز ( فيروس) يدمر جهازك المهم خوينا ضحك وقاله يرحم والديك ارسل فيروز واذا ماعليك كلافه ارسل معها اغنية حبيتك بالصيف


    --------------------------------------------------------------------------------

    واحد اخترق من جد جهاز ثاني وكتب له في رساله فورية وش رايك العب في جهازك قال الضحيه ببرود اصبر شوي بس ، عاد المخترق ذروق وارتاع خاف ان الضحية فاهم ويبي يجيب خبره نحاش ونسى حتى نعاله في جهاز الرجال


    --------------------------------------------------------------------------------

    واحد آخر اخترق جهاز واحد ثاني والمضحك انه يوم خذ لقطه للشاشه لقى الضحيه هو الآخر مخترق جهاز واحد ،،، ومافيش حد احسن من حد


    --------------------------------------------------------------------------------

    واحد يحلف لي ( لاحظوا ان اللي فوق كلهم ماحلفوا ) المهم يقول دخلت في جهاز طيب كله برامج وملفات وصور ويوم خذت لفه حبيت ارسل للضحية رسالة شكر واعجاب المضحك انه رد عليه الضحيه وقال له : انا دايم اطلع من الساعه كذا الى كذا واتمنى ان حنا نتقابل وفرصه سعيدة


    --------------------------------------------------------------------------------

    الخكر منهبلين على السب سفن ، قام واحد على نياته وسحب البرنامج من موقع وفتحه كله بالباتشات والتروجانات اللي فيه وصار جهازه مثل البايكه المفتوحه لكل من هب ودب واهي علئه تفوت ولا حد يموت ؟


    --------------------------------------------------------------------------------

    واحد حبيب اخترق جهاز وكتب رساله يبي يعلم الضحية ان جهازه فيه منافذ وسهل اختراقه رد عليه الضحية وقال : هلا راشد وينك ، انهبل خوينا وسأله من راشد قال مهوب انت ؟ هذا واحد يوميا طاق خيمه في جهازي وتعرفت عليه




    --------------------------------------------------------------------------------

    اثنين في مجلس يتكلمون في الانترنت ، قال الاول للثاني انت وجه انترنت الله يرحم حالك بس !، الثاني ضاق صدره وقال : وش عرفك اصلا بهالامور تعرف اللوك داون ؟؟ طيب تعرف السب سفن ؟ - طبعا الاول فاق خشته مايدري وش يقول - المهم خوينا كمل وقال تعرف الجمري ؟؟؟؟ وقتها تكلم واحد من الجالسين وقال وش الجمري اول مره اسمع به انت تقصد الجامر وضحك الجالسين عليه وخاصه عقب ماعرفو ان الجمري مطعم في الروابي ورفيقنا الثاني مرابط عنده ومحلل والديه ؟


    --------------------------------------------------------------------------------

    واحد دخل جهاز شخص ثاني ولقى المسكين يدهر في موقع يوضح طريقة الحمايه من الهاكر ، واخينا المخترق ماقصر انتظره الين خلص وقال له : هاه بشر عساك استفدت ؟؟


    --------------------------------------------------------------------------------

    واحد يدهر في جهازه ويضيف خلفيات ويعدل المهم زعق اللوك داون وانهبل اخينا وعلى طول عطاه امر ايقاف التشغيل وقام **** في الهكر ؟؟ والمضحك المبكي انه ماكان متصل بالانترنت ولا له نيه يتصل ؟؟


    --------------------------------------------------------------------------------

    واحد قام يدّعي عند رفيقه ويقوله انا هالحين تطورت عقبك وصرت **** منيب بسيط ، عاد خويه ماهضم كلامه وساله وقاله له : طيب وش أقوى برنامج اختراق ؟ رد عليه اللي يدّعي وقال : اكيد مافيه غيره ( سب يفن ) ؟؟؟؟ خويه عرف انه ماعنده سالفه وقال هذا اسم وجبه والا برنامج


    --------------------------------------------------------------------------------

    واحد فتح الباتش حق برنامج الهاكا تاك وشغل البرنامج والمعروف ان البرنامج فيه خانه يطلع فيها رقم الآي بي للشخص نفسه ، قام اخينا وقص رقمه ولصقه في خانة الاتصال وما صدق خبر يوم شبك معه ودخل على جهازه بدون ما يدري ومن الفرحه قام يدهر ويقلب الشاشه ويفتح المستندات يحسبه في جهاز الضحيه ولا تأكد انه يلعب على جهازه الا يوم عطاه امر اطفاء الجهاز وقبس جهازه على طول ؟؟؟





    تحياتي


    مبرود
     
  2.   مشاركة رقم : 2    ‏2003-05-20
  3. مُجَاهِد

    مُجَاهِد قلم ماسي

    التسجيل :
    ‏2003-05-11
    المشاركات:
    14,043
    الإعجاب :
    0
    واااااااااااااااااااو..
    وهل انت متأكد من هذه الأسماء ..؟؟؟؟؟؟؟ خاكرز..
    مشكور على هذا الموضوع وعلى هذه المعلومات ..


    مشكووووووور..
     
  4.   مشاركة رقم : 3    ‏2003-05-21
  5. الصمود

    الصمود قلم فضي

    التسجيل :
    ‏2003-02-12
    المشاركات:
    3,693
    الإعجاب :
    0
    مشكور مرورك البهي على الموضوع
     

مشاركة هذه الصفحة