آه..ضاع مني

الكاتب : احمد الساحر   المشاهدات : 482   الردود : 3    ‏2003-04-19
      مشاركة رقم : 1    ‏2003-04-19
  1. احمد الساحر

    احمد الساحر عضو

    التسجيل :
    ‏2002-03-15
    المشاركات:
    217
    الإعجاب :
    0
    @@ انا .. وجدتي .. والفكس @@

    الموقف الاول:
    جدتي والفكس

    هذي جدتي الله يخليها لي وللماما (قوية للماما تعرفون الاخ لبناني)عموما

    جدتي صافيناز الله لايخليني كانت تقولنا اذا احد تعب او مرض او صار له اي

    شي ياعيالي عليكم بالفكس (طبعا هذا اخو ابو فاس من الرضاع) الفكس علاج

    كل شي ياعيالي تدهنو وتمرخو فيه (طبعا تمرخو من التمريخ وهو دعك الجلد

    الين تشب جبهتك هذا كما ورد في القاموس المحيط الاطلسي) المهم وجدتي تقول

    هاالكلام وانا اقولها يا grandmotherالفكس موب علاج لاي شي يعني يمكن

    يعالج اللي مسخن او اللي يوجعه ظهره تعرفون دايم اتفلسف المهم اني يوم قلت

    هاالكلام الا وهي تتعدل بجلستها وتقول go awayيعني قم هناك بالانجليزي

    تعرفون جدتي ديانا وسوالفها (الله من النصب) المهم انه يوم قامت وزفتني

    قالت شوف غسالتنا حقت الملابس الفكس مصلحها هي قالت هاالشي الاوانا اطير

    عيوني فيها شوي واتهابد انا واياها عاد انا ذيك الايام بالابتدائي ومسوي

    فيها محد قدي واقولها عاد هذي وسيعة وش الغسالة اللي يصلحها الفكس

    تدرون وش تقصد تعرفون الغسالات القديمة اللي العصارة حقت الملابس من فوق

    كانها بكرتين تقول انها كانت خربانه هاالعصارة ومعلقة ويوم دهنتها بالفكس

    تحركت واشتغلت وانا اقولها طبعا لازم تشتغل لانها كانت تحتاج لزيت او اي

    شي لزج عشان تشتغل(مسوي اينشتاين انا وخشتي )قامت تزبد وترعد وتقول

    لا ماشغلها الا حرارة الفكس طبعا الى يومك هذا وهي مقتنعة بهاالشي

    الله يرجك ياجدتي مونيكا

    @@@@@@@@@@@@@@@@@@@@@@@@@@@@
    الموقف الثاني:
    انا والبندورة(الطماط)

    هذا الموقف صاير لي من شهر يعني قريب موب مثل اللي طاف من سنين

    الشاهد اني في يوم من الايام كانت السماءو ممطرتن والشمس ساطعتن

    والعصافير مزقزقتن (**** ابو كذا اسلوب)

    المهم اني كنت طالع انا والاهل بالسيارة على الساعة 11 بالليل من بيت اخوي

    وكانت الوالدة والمدام معاي المهم وتونا راكبين السيارة الا المدام تقول محمد

    خذبنادورة وانا انقز واقول اخص يالشامية طبعا انا استغربت وشلون يبون طماط

    وانا من يومين جايب كرتون قلت يمكن خلص مايندرى عن الحريم وطلباتهم طبعا

    وبحكم اني زوج مثالي وش حليلي مطيع (موب بكيفي غصب علي)المهم اني

    وقفت عند اول سوبرماركت وانزل واقولهم ثواني وراجع واروح واجيب كرتون

    واجي شايلة واحطه بشنطة السيارة وخشتي شبرين بشبر قاعد اوزع ابتسامات

    للجميع كني اسماعيل ياسين ونجي للمهم

    يوم ركبت السيارة الا زوجتي تقول لي وش ذا اللي انت جايبه قلتلها طماط موب

    توك قايلة خذ بنادورة انا قلت هاالكلام الا وهي تتسدح بالسيارة ضحك وانا

    مستغرب لا وتطالع فيني وتضحك زود وقاعدة تقول يالمخ انا ماقلت خذ بنادورة

    يعني جيب طماط الله يرجك يالمرجوج انا قصدي خذ فينا دورة يعني خلنا

    نتمشى يعني الجملة تنقال خذ..بنا...دورةالمهم هي قالت هاالشي وانا احس ان

    اذاني طالت شوي وطلع لي ذيل يعني حسيت اني (حوحو هذا اسم تدليع لهذاك الشي اللي ينهق)

    انا عصبت عليهم وقلت والله ماتروحون ولا لمكان والوعد البيت ولا فيه طلعة ولاخرجة لمدة شهر


    بس كلها بكوم وموقف البنادوره بكوم ههههههه ولالا

    منقوووووووووووووووووووول
     
  2.   مشاركة رقم : 2    ‏2003-04-19
  3. عدنيه وبس

    عدنيه وبس مشرف سابق

    التسجيل :
    ‏2002-11-23
    المشاركات:
    6,449
    الإعجاب :
    0
    الاخ احمد الساحر .. اسعدك الله اخي الكريم نقل موفق

    مواقف ظريفة للغاية .. والفكس عندنا كلنا هو الطبيب البديل للاماهات الله يحفظهن ..


    خالص التقدير لروحك المرحة :)
     
  4.   مشاركة رقم : 3    ‏2003-04-19
  5. bash

    bash عضو متميّز

    التسجيل :
    ‏2002-11-18
    المشاركات:
    2,174
    الإعجاب :
    0
     
  6.   مشاركة رقم : 4    ‏2003-04-19
  7. احمد الساحر

    احمد الساحر عضو

    التسجيل :
    ‏2002-03-15
    المشاركات:
    217
    الإعجاب :
    0
    الاخت عدنيه & bash
    فيكم الخير................ :)

    واسال الله ان يجعل الابتسامه دوما مرسومه على شفاهكم:)
     

مشاركة هذه الصفحة