الفرق بين البنت الناعمه والدفشه!!

الكاتب : مرســ الحب ــال   المشاهدات : 428   الردود : 6    ‏2003-04-18
      مشاركة رقم : 1    ‏2003-04-18
  1. مرســ الحب ــال

    مرســ الحب ــال عضو متميّز

    التسجيل :
    ‏2002-11-24
    المشاركات:
    2,058
    الإعجاب :
    0
    × نبدأبالناعمه :
    طبعاً هذي البنت وهي نايمه في غرفتها الدبدوب والارنوب كلهم في حضنها واذا قامت من النوم ماتقوم الا الساعه وحده الظهر واللي يقعدها من النوم الشغاله وطبعا تكلمها بالانجليزي بترجم لكم شنو قالت لها الخدامه ..تقول:
    قومي ماما يقول وقت واجد تأكير..
    والناعمه اول ماتصحى من النوم تفتح الستاره والشباك..علشان الغرفه تتنفس ,وشغلت موسيقى رومانسيه عشان يكون الجو رايق وتاخذ حمام محترم وبعد ماتطلع من الحمام (تكرمون) على المرايا تحط من هالكريمات والصبغ ..لازم تحافظ على البشره ..خلصت من المرايا وتتجه الآن الى الاستشوار وبعدين تلبس البنطلون الجينز والبلوزه ..وتنزل تاكل الفطور اللي يكون عباره عن دونت وكوب كابتشينو..
    × اما الدفشه :
    تقوم الساعه 8 الصبح وهي ماودها تقوم وتدخل امها عليها الغرفه وتصرخ عليها قومي ماشبعتي نوم ,ترد الدفشه على امها :زين زين الحين بقعد ,,وتقعد تأفأفففففف ويطلع من فمها نار ..بالاضافه الى انها وهي نايمه كل دقيقه تطيح من السرير .
    بعدين يدخل اوخوها الصغير ويصرخ ..يالله ابي انوم ..ترد عليه اطلع من الغرفه والا ارميك من الشباك الحين ..
    المهم اخوها اللي اكبر منها يروح لها الغرفه ويصكها بالمخده على راسها
    وتقوم من النوم امبوزه .
    × نرجع للدلوعه والنعومه :
    ماتتغدى الا الساعه 4والا 5 وماتتغدى الا على عيش ابيض مسلوق وسلطه تحافظ على رشاقتها .
    ×اما الدفشه,,,تتغدى الساعه 12 بالضبط ولاتغدا الا كبسه لحم او دجاج واذا خلصت تشرب بيبسي شربه وحده يعني مافي مجال انها تتنفس .

    ×نرجع للناعمه ,,,
    طلعتها تكون بعد صلاة المغرب وماتطلع العصر لانها تحافظ على بشرتها من ضوء الشمس..
    ×الدفشــــــه,,,
    تطلع الساعه 2 القايله تروح مشي لبيت خوالها لين ماتنقلب سمره

    ×الناعمـــــــه ,,,
    تروح ستار بكس او اي كافيه وقبل لاتطلع تمر الصالون تحط هذاك الميك اب..

    ×اما الدفشـــــه,,
    تحط كحل يملا العين والروج تقول ماكله آدمي ,واذا بتروح تروح سوق الخميس والجمعه (سوق شعبي ) والا سوق الحراج .

    × نرجع للناعمه :
    اذا تبي تضحك تقول (ههـههـهه) ويدها على فمها من الخجل والضحكه من الصعب انك تسمعها .

    ×اما الدفشــه :
    هاهاهاهاهاها .. الحي الثاني يسمعونها .

    ×الناعمـــــه :
    اذا تحب تسمع اغاني ماتسمع عربي ,ماتسمع الا ريكي مارتن ..طبعا لانه حلو ,وممثلها المفضل توم كروز لوسامته وميل جبسون وجيم كاري لخفة دمهم واحلى ممثله عندها جوليا روبرتس .

    ×اما الدفشه :
    ممثلها المفضل بو هلال وعبدالناصر درويش ومطربها المفضل خالد الملا ومزعل فرحان .

    × الناعمـــه :
    لما تتفرج على التلفزيون تقعد على الكرسي وتحط رجل على رجل وتبتسم لان الابتسامه تضفي بشاشه على الوجه .

    ×اما الدفشـــــــه :
    تنسدح على الارض وتحط راسها عالمخده وتمد رجلها وتحطها على التلفزيون (مكتبة التلفزيون ) ,,واذا تبي تغير القناه دقت التلفزيون باصبع رجلها وغيرت القناه .

    ×الناعمه :
    اذا تبي تحلم احلام اليقضه طلعت في حديقة بيتهم وقعدت على الكرسي هزاز وقام الكرسي يروح ويرجع .


    × اما الدفشــه :تروح بالحوش وتمد السجاده اللي فيها خمسين وثلاثين لون احمر واسود وابيض وجابت كاسة سته متر متروسه شاي .
    ×الناعمـــــــــه :
    في نهاية هالموضوع تقولكم ...تشاو ..او سي يو ...او باي

    × الدفشـــــــه
    في نهاية الموضوع تقولكم ....حياكم الله ..تامرون على شيء

    ولله في خلقه شؤون

    اكيد الجوري الحين بتقول حياكم الله ..تامرون على شيء هههههههه

    تحياتي لكم
     
  2.   مشاركة رقم : 2    ‏2003-04-18
  3. الجوري

    الجوري مشرف سابق

    التسجيل :
    ‏2003-01-13
    المشاركات:
    2,812
    الإعجاب :
    0
    هلا ابو الشباب سمعتك تناديني

    حياااك الله يالغالي تامرني بشي :D

    [​IMG]
     
  4.   مشاركة رقم : 3    ‏2003-04-18
  5. مرســ الحب ــال

    مرســ الحب ــال عضو متميّز

    التسجيل :
    ‏2002-11-24
    المشاركات:
    2,058
    الإعجاب :
    0
    هههههههههههه الاعتراف في الحق فضيله
     
  6.   مشاركة رقم : 4    ‏2003-04-18
  7. ahmadsoroor

    ahmadsoroor عضو متميّز

    التسجيل :
    ‏2002-12-06
    المشاركات:
    1,288
    الإعجاب :
    0
    المادح نفسه كذاب
    تحيـــاتي الخالدة
     
  8.   مشاركة رقم : 5    ‏2003-04-18
  9. اليماني1981

    اليماني1981 عضو

    التسجيل :
    ‏2003-04-14
    المشاركات:
    110
    الإعجاب :
    0
    - جميييييييييييييييييييييييييييل جدا عمي مرسال.....منكم نستفيد:)
    - جوري.....ولا بلاش أقول:)
     
  10.   مشاركة رقم : 6    ‏2003-04-18
  11. الجوري

    الجوري مشرف سابق

    التسجيل :
    ‏2003-01-13
    المشاركات:
    2,812
    الإعجاب :
    0
    لا قوووول

    حلفت عليك تقووول

    :D


    [​IMG]
     
  12.   مشاركة رقم : 7    ‏2003-04-19
  13. مرســ الحب ــال

    مرســ الحب ــال عضو متميّز

    التسجيل :
    ‏2002-11-24
    المشاركات:
    2,058
    الإعجاب :
    0
    صدقت احمد ههههههههههه

    وهلا بولد اخي اليماني

    تحياتي لكم
     

مشاركة هذه الصفحة