(( قصيدة لعبدالرحمن بن مساعد اسمها مبادى ))

الكاتب : مشاكس   المشاهدات : 472   الردود : 3    ‏2003-03-12
      مشاركة رقم : 1    ‏2003-03-12
  1. مشاكس

    مشاكس قلم ماسي

    التسجيل :
    ‏2002-12-14
    المشاركات:
    16,906
    الإعجاب :
    0

    [​IMG]


    بدء ذي بادىء ..
    هذا تعريف المبادىء ..
    كل وقت .. وله أذان ..
    الزمان .. غير الزمان ..
    ياكلام الليل .. يمحيك النهار ..
    باختصار ..
    المبادىء .. شىء تحكمه الظروف ..
    مثل طفل .. ترتبك في الحروف ..
    ما اجمل أغلاطة ..
    المبادىء .. للأسف ..
    كلمة مطاطة ..

    بدء ذي بادىء ..
    يا بايع إحساسك ..
    وش احساسك ..
    وأفكارك لغيرك ..
    ياشاري إحساسك ..
    وش احساسك ..
    واحساسك لغيرك ..
    ليتك توصف متعتك ..
    لاخذت من غيرك مشاعر ..
    تدري لو تقدر ترى ..
    ماهو بعيد تصير شاعر ..
    كيف الخلاص .. من ناس تغتال الشعر ..
    و حد القصاص في كل سرقة ..البتر
    الا الفكر ..

    بدىء ذي بادىء ..
    هذا تعريف المبادىء ..
    يا بايع أموالك .. لفقرك ..
    وللعذاب اللي في بيتك .. ودمعة عيالك ..
    ليت توصف متعتك ..
    ليت أوصف ضيقتك ..
    لو جرى لك ..
    في القمار .. اللي جرالك ..
    ليت نعرف ..
    متعتك أو ضيقتك ..
    أيهم اللي بقالك ؟

    يا بايع أعصابك .. لخمرك ..
    ياكثر ماحرت بامرك ..
    يابايع الصحة .. لخمرك ..أو سمومك ..
    وش يفيد أني ألومك ..
    كيف تلقى متعتك .. لا ضاع عقلك !
    وبان بين الناس ذلك
    وكيف تسعد في شعورك ..
    وانت خارج عن شعورك ..
    يا بايع اعصابك و وعيك ..
    ياللي تهرب في عذابك ..
    من عذابك ..
    لو بغيت في يوم ..
    تهرب من هروبك ..
    وش هو احساسك ؟

    بدء ذي بادىء ..
    هذا تعريف المبادىء ..
    يابايع بلادك .. بكم كان الثمن ؟!
    يا بايع بلادك ..
    انسى المباني .. والبيوت .. والحب الأول
    انسى غبار المدرسة .. و وجوه اصحابك ..
    انسى فؤادك .. وميلادك ..
    وارمي ورا ظهرك ..
    كل العبارات الكبيرة ..
    عن الوفا .. والتضحية ..
    وعن حب الوطن ..
    يا بايع بلادك ..
    لو كبروا أولادك ..
    وكان السؤال في عيونهم ..
    سجنك وجلادك .. !
    " احنا يابوي من وين ؟! "
    وش هو احساسك ؟!

    يابايع آخرتك .. يالعاصي القاسي ..
    اسمع نصايح صاحبك " ابليس " :

    " لا تترك التدليس ..
    اظلم ولا تفكر في باكر ..
    هيم في العصيان جاهر ..
    واختار من بين الذنوب ..
    مايسعدك ..
    ولاسار عمرك للغروب ..
    لاتتوب ..
    لا تحسب للعمر ..
    ولا تفكر بالقبر ..
    ولا العذاب ..
    توك شباب .. "

    هذي نصايح صاحبك ابليس ..
    يابايع آخرتك بدنياك ..
    لا عدمناك ..
    لو عدمناك ..
    وش هو إحساسك ؟


    منقوووول
     
  2.   مشاركة رقم : 2    ‏2003-03-12
  3. مـــــدْرَم

    مـــــدْرَم مشرف سابق

    التسجيل :
    ‏2002-10-02
    المشاركات:
    20,314
    الإعجاب :
    1,592
    وهل يخُفى القمر

    بسم الله الرحمن الرحيم



    يا سلام كلام في منتهى الروعة والجمال كلام له مغازيه كلام له اهدافه النبيله لمن يدركه ويفهم معانيه
    تسلم أخي مشاكس على هذا النقل للشاعر الكبير / عبدالرحمن بن مساعد
     
  4.   مشاركة رقم : 3    ‏2003-03-13
  5. الجمري

    الجمري عضو فعّال

    التسجيل :
    ‏2002-11-12
    المشاركات:
    974
    الإعجاب :
    0
    صحيح والله مشاكس اسم على مسمى .ابيات جميلة وهادفة تسلم على نقلك لنا هذه القصيدة الرائعة ويسلم قائلها الشاعر المبدع / عبدالرحمن بن مساعد.

    تحياتي

    الجمري
     
  6.   مشاركة رقم : 4    ‏2003-06-20
  7. مشاكس

    مشاكس قلم ماسي

    التسجيل :
    ‏2002-12-14
    المشاركات:
    16,906
    الإعجاب :
    0
    مشكورين اللي ردوا

    وانا كنت منتظر تعقيبات اكثر من كذا
     

مشاركة هذه الصفحة