ليــش خليتنــي أحبــك.......

الكاتب : yemeni007   المشاهدات : 1,182   الردود : 27    ‏2007-12-02
      مشاركة رقم : 1    ‏2007-12-02
  1. yemeni007

    yemeni007 عضو فعّال

    التسجيل :
    ‏2007-10-23
    المشاركات:
    894
    الإعجاب :
    0
    سهى .. هي فتاة قصتنا .. هي الفتاة الحزينه المعاقه صاحبة الكرسي رفيق دربها بعد صدمتها في وفاة والديها .. كانت جالسه قريبه من دريشة غرفتها تنظر بحزن الى الغروب .. وكانها تنتظر المستقبل المظلم الذي صار مظلم من بعد وفاة والديها

    في لحظة سكووون رن تليفون النقال لي سهى .. وبلحظة شرود منها مسكت تليفون لانه كانت تنظر رفيجتها الوحيده ساره .. ردت بسرعه ..

    سهى : هلا ساره .. وينج طولتي ..

    جاسم : عفواا ... انا مو ساره اختي .. بس اختي هذا تليفون خالد ..

    سهى : " تنهد " لا اخوي غلطان ..

    جاسم : زين ممكن اصلح غلطتي .. واعرف منو الي وياي؟؟

    سهى : قلت ادب .. وسدت تليفون ..

    حسين : هاا شفيك ..

    جاسم : انا ما قلت لك عطني رقم عدل ..

    حسين : اقول عطني تليفون اشوف الرقم .. يبه شفيك هذا هو نفسه .. ما ادري تعرف خالد من زمان انا ما شفته ممكن غير رقمه .. بس على عموم انا راح اشوفه لك .. بس ما قلت لي منو رد عليك ؟؟

    جاسم : تصدق وحده صوته كروان ..

    حسين : " بتلهف " من صجك .. شلون صوته قول لي حلوه ولا جيكره ..

    جاسم : انت غبي .. اقول لك كلمتها ما شفته .. بس صوته وايد حلو بس للاسف شكله من نوعية الي ما تعطي ويه مو ليه .. وانا تبي صراحه احب هذه نوعيه وايد لانه لو حبت توفي .. وانا تعرفني ادور نصي الثاني ..

    حسين : لا تكمل حافظها من كثر ما تقوله لي .. مو انا صاحبك واعرفك . حسين صدقني تعبت من وانا ادور نصي ثاني .. وبعد فتره تقول حسين تصدق لقيت نصي ثاني .. لقيته ويه وحده خلاص انا سعيد خلاص راح اتزوج انسانه الي ادور عليها طول عمري .. وفي اخير تي تقول لي .. للاسف صدمتني ..
    يا اخي حرام عليك الي تسويه في بنات الناس تعلقهم وفي اخير اذا مليت منهم او لقيت شي لو صغير فيها تخليهم ..

    جاسم : انت عارفني عدل اني ما اومن في زواج الي خذوه وغلوه .. انا ابي زوجة مستقبل كامله من كل شي احبها وتحبني القى فيها كل شي يسعدني ويها طول عمر هذه شركة حياة ومستقبل مو شراكه عاديه ..

    حسين : ايل لو تزوجة هذا ويهي ..

    وفي نفس لحظه ..

    كانت سهى .. تدق على ساره الي كانت تجهز نفسها ويه امها لي موعد زوجه الي ما بقى منه الا ايام قليله ..

    ساره : " ترد على تليفون " صدقيني توني كنت ابي ادق عليج .. انا اسف كنت ناسيته من الصبح وهو على صامت ومن صباح الله خير وانا ويه امي نتفر في مجمعات .. تعرفين وقت ضيق ..

    سهى : الله يكون في عونج ..

    ساره : لحظه لحظه .. امي تبيج ..

    ساره تقرب من امها وهي ماسكه تليفون يمه تكفين كلمي ساره خلها تجي العرس تره تعبت وانا اطلبها وهي رافضه ..

    ام ساره : سهى شلونج يمه .. شخبارج ..

    سهى : هلا ام ساره انا بخير انتي شلونج والله يعطيج العافيه شكل ساره متعبتج في مشاوير اغراض العرس ..

    ام ساره : لا متعبتني ولا شي .. وان شاء الله يارب تكونين انتي ثانيه الي افتر علشانها من مجمع لين مجمع اشتري لها اغراض العرسها .. قولي امين ..

    سهى : " تنهد وتسكت "

    ام ساره : انتي عارفه يا سهى انتي نفس بنتي ساره ومعزتكم وحده .. وانا اطلبج لي اول مره انج تين عرس بنتي ساره .. صدقيني ما راح تكمل فرحتي ف ساره الا في وجودج ..

    سهى : " بسرعه " لالا تكفين ما اقدر سامحيني ام ساره

    ام ساره : انا عارفه انتي ليش ما راح تجين .. ويا سهى لا انتي اول وحده ولا اخر وحده تنصدم في وفات امها وابوها وتسبب لها هذه صدمه انج ما تقدرين تمشين .. انتي مو معاقه .. ولا تنسين يوم من ايام وانا حاسه انه قريب راح تردين تمشين ولا وبعد راح تلحقين عيال ساره ان شاء الله لما يتهوشون ويه عيالج

    سهى : " تضحك " صدقيني لو مو معزتج ومعزت ساره ما جيت ..

    ساره :" تاخذ تليفون بسرعه " صج سهى .. قولي والله حلفي لي .. وتبجي ..

    سهى : يا خبله شفيج راح اجي خلاص عاد لا تبجين فشلتي امج ف المجمع ..

    ساره : والله من فرحتي .. انتي مو عارف شنو كنت مضايقه .. انا كنت ابي اجل عرسي علشانج ..

    سهى : معقوله .. وحبيب القلب تخلينه ..

    ساره : خليه يولي .. انتي وربي اغلى ما عندي في دنيا من بعد امي ..

    سهى : يا بعد قلبي والله ..

    وتنهي مكالمه بسعادة ساره بعد موافقة سهى انه تجي في عرسه .. لكن كانت سهى مضايقه من هذه جيه .. شلون راح تتقبل نظرات ناس لها وهي معاقه .. شلون راح تتقبل هذا نظره من ناس الجهله الي راح ينظرون لها انها انسانه ليس لها اي اعتبار في هذه حياة بل هي عاله على اهلها ..

    بعد يومين ..

    بعد ما خيم الليل على سماء الكويت .. وكانت هذه لحظه الي تكتب فيها سهى خاطره التي تجول في خاطرها او قصه كانت ناقصه في ايام السابقه وتكملها ..

    بلحظة تعمق في القصه وتفكير من سهى على احوال ابطال ونهايه مترقبه كيف راح راح توضع مشهد نهايه فيها ..

    كان هذا مسج الي كان هو سبب رئيسي في قطع احبال افكاره ..

    سهى : اوووووووووه .. وربي مليت من سوالف شركه ومسجاته بايخه .. يبه ما ابي اشارك في مسابقه سخيفه ولا ابي مليون دينار الي ينتظرني بعد حلي لي سؤال سهل في اخير حتى سعر مسج ما اشوفه من شركه .. هذا حظي وانا عارفه منحوسه منحوسه ..

    لكن كانت صدمه انه مسج مو من شركه بل من رقم غريب وكان مسج مختصر ..

    " هل ممكن اعرف انتي شنو تسوين الحين "

    سهى : استغربت .. وقالت اكيد هذا واحد فاضي ولا واحد مضيع ف الرقم حبيبتها ودزه لي .. وانا الي كسبته انه طير الفكره من بالي ..

    لكن كان الرد سريع جدا وخاطف في مسج ثاني ..

    " انا مو فاضي ولا ما عندي شغل .. انا شخص يهمني امرج . . ويتي في بالي انتي شنو تسوين الحين ؟؟ "

    سهى : استغربت اكثر .. ولا تدري شنو تسوي .. كان ودها تعرف منو هذا شخص .. الي يعرفني .. فكتبت مسج ودزتها وكان مسج " انـــــــــــت مــــــــــنو"

    ما لحظته ترسل هذه رساله والا رد بلحظات جاء لها ..

    " انا انسان يهمه امرج .. ودي يطمئن عليج .. "

    وتدز لها سهى مسج وكان رده صارم ومختصر ..
    " لا شكر وانا راح اسكر تليفوني .. "

    سكرت تليفونها سهى بعد ما دزت مسج ولا كانت تبي تشوف رده على مسجها الاخير .. وراحت لي فراشه وهي مضايقه شلون قدر هذا شخص بصوت مسج مالها انه يطير علي فكرة القصه .. الي تعبت وانا افكر فيها .. بعد لحظات من تفكيره .. خيم على جفونها ظلام النعاس ونامت سهى وفي اليوم التالي ..

    كانت سهى تحول تضيع الوقت لين يجي وقت روحتها لي العرس .. كانت مو مهمته انها تروح لي صالون تجميل او انها تدق على اي صالونه تجي لي عندها .. كانت هي معزمه تروح بس علشان خاطر ساره وامها .. كانت بينها وبين نفسها وهي تاكبر حتى على نفسه انه تبين هذا .. كيف راح تتقبل نظرات الناس لها

    بعد ما حان الوقت ذهبت ساره ويه سائق وجدتها التي عزمت تروح ويها خوف عليها من الروحه بروحه مع سائق ..

    وبصعوبه صعدت سهى وبمساعده ام ساره وجدتها على مسرح الي كان يزينه الضواء وفي الوسط كان كرسين ذو الوان ذهبيه مخصصين لي العروس و المعرس .. وكانت ساره .. تنظر بشوق لها لي درجه انه احتظنت سهى وكعاده ضع كلام ولا بقى الا الدموع لتعبير شدت السرور على مجيئ سهى لها ..

    سهى : خلاص عااد يوم عرسج ..

    ساره : مو قادره .. صدقيني ما كملت فرحتي الا في جيتج .. يا بعد قلبي والله ..

    سهى : ممبروك ساره .. والله يوفقج ان شاء الله ..

    ساره : تسلمين يا قلبي ..

    وتنزل سهى بصعوبه برفقة ام ساره وجدتها .. وكانت تحول انها ما تنظر لي معازيم الانه ما كنت تبي تشوف نظرت العطف منهم ..

    جلست لي ساعات قليله .. وبعد زفت العروسه وكانت تنظر لها وهي سعيدها بقرب من زوجها .. وكانت تنظر لها وتبتسم لها وتودعها بايدها ..

    ام ساره : " بقرب من سهى " الله يوفقها يارب .. راح تسافر الحين ويها زوجها لندن منه شهر عسل وبعدها ترد لي الكويت وبعدين ترد تسافر ويها زوجها يبي يكمل دراسه .. ..

    سهى : شلون هي ما قلت لي؟؟ الي اعرفه انه تبي تسافر شهر عسل لندن مو بعد تكمل ويها دراسه ..

    ام ساره : صدقيني انا ما عرفت الا امس .. بس شنو اسوي .. الله يوفقهم .. ما راح اوقف في مصلحته ريالها مهم يكون هذا مستقبله وهذا ارتقى راح ترتقي ويها بنتي .. معها ..

    بعد ما انتهى العرس ردت سهى ويه جدتها وكانت طول الطريج العوده تفكر في ساره وشلون راح تتاقلم ويه حياته اليديده بعد ما راح تسافر ساره بعيد عنها .. وتكون هي بقاره وساره بقاره ثانيه .. ممكن تجمعهم تليفونات القليله ولا رسائل الاكترونيه .. لكن الي بينها وبين ساره شي اكبر من مكالمه بدقائق ولا رساله باسطر اكترونيه


    في وسط صالة البيت

    الجده : " وهي مقابله سهى " ياربي ان شاء الله اشوفج قاعده مكان ساره يوم من ايام وافرح فيج ..

    سهى : يمه ما افكر في زواج انا الحين ..

    الجده : الله يسهل عليج ان شاء الله يمه .. وتروح لي غرفتها ..

    وتساعد سهى الخدامه على ذهاب لي غرفتها ..

    في الغرفه ..

    الخدامه : ماما انا ابي اروح انام ..

    سهى : اوكي .. روحي وسكري ليت الغرفه ..

    بشعور غير ايرادي تشغل سهى تليفونه .. وتتفاجئ بمسج من نفس الشخص الي دز لها مسجات قبل

    " اذا شفتي مسجي .. ردي علي علشان اطمئن عليج "

    سهى : والله شر البليله ما يضحك .. وهو حده واثقه منو يشوف نفسه هذا ..

    جلست تفكر في نفسها .. وفي حاله يديده .. حولت تنام لكن ما قدرت .. حست بروحها ودها تتكلم .. بس ويه منو تتكلم .. ساره وتزوجة ولا عنده رفيجات .. ودها تتكلم .. وده احد يسمعها .. ودها احد يفهمه .. بلحظة ياس وحرقت قلب انزلت دمعه من عينه .. قاطع سير دموعه مسج من تليفونها .. بايد ترتعش مسكت تليفونها ولا نفس رقم الي كان يدز لها ..

    " لو كنتي صاحيه صباح الخير .. لو كنتي نايم نوم عوافي .. بس حبيت اطمئن عليج .. لو انتي فاضيه اقدر اكلمج "

    لقت روحها سهى .. بدون شعور تدق على نفس الرقم .. لكن ما رد عليها ..

    وتكلم ويها نفسه سهى وتقول .. انت ليش ما ترد رد علي .. ابي اكلمك .. ابي اعرف انت منو؟؟

    وجاه مسج ..

    " انا ما اقدر اكلمج بتليفون خلينه على المسجات .. "

    عصبت سهى .. انا ولا انت .. خلاص انا اصلا ما وري شي .. على اقل اتسلى وياك لانه بروحي منبطه جبدي ..

    كتبت سهى مسج ودزتها ..

    " انا اسمي سهى .. وعمري 23 سنه .. وانت او انتي لانه مو عارف منو يكلمني اصلا "

    ورد عليها ..

    " انا اسمي خالد .. وعمري 25 سنه وانطر الوظيفه "

    ردت عليه :

    " زين انت شنو تبي فيني ؟؟ ليش تطاردني في مسجاتك "

    رد عليها ..

    " انا انسان يهمه امرج .. وانا ابي اطمئن عليج من لحظه لين الثانيه "

    فكرت سهى شوي .. وقالت حق روحها .. انا صج محتاج احد يطمئن علي لو لحظه يحسسني في وجودي .. ما خني اجرب حظي ويها على اقل اسلي روحي من ملل الي راح يكون رفيق دربي بعد سفر ساره .. لو شفته يقل ادبه ولا هو بس قصده مضيعت وقت اكسر الشريحه وتليفون من وراه لانه من بعد ساره ما اعتقد احد يهمه امر وحده معاقه مثلي كانت موجوده ولا مو موجوده ..

    يــــــــــــــتــــــــــــبع
    :(
     
  2.   مشاركة رقم : 2    ‏2007-12-02
  3. ابن كريتر

    ابن كريتر قلم ماسي

    التسجيل :
    ‏2006-09-10
    المشاركات:
    46,455
    الإعجاب :
    0


    هيا بربك مين فيبه حيل بيقري لك الكتاب اللي منزله انتا الان ؟؟؟ :D
     
  4.   مشاركة رقم : 3    ‏2007-12-02
  5. yemeni007

    yemeni007 عضو فعّال

    التسجيل :
    ‏2007-10-23
    المشاركات:
    894
    الإعجاب :
    0
    انت بكيــفك ترد والا ............. :mad: :mad:

    للمهتــمين ............ فقط :mad:
     
  6.   مشاركة رقم : 4    ‏2007-12-02
  7. ابن كريتر

    ابن كريتر قلم ماسي

    التسجيل :
    ‏2006-09-10
    المشاركات:
    46,455
    الإعجاب :
    0

    مين فين لطشت الموضوع ؟

    قولي سريع وانا مابقول لحد سر بيني وبينك :D
     
  8.   مشاركة رقم : 5    ‏2007-12-02
  9. yemeni007

    yemeni007 عضو فعّال

    التسجيل :
    ‏2007-10-23
    المشاركات:
    894
    الإعجاب :
    0
    خخخخخخخخخخخخخخخخخخ


    قولــى.......... :rolleyes:


    روح الدردشــه لا تسولف في موضوعي الأبداعي ممكن......
     
  10.   مشاركة رقم : 6    ‏2007-12-02
  11. ابن كريتر

    ابن كريتر قلم ماسي

    التسجيل :
    ‏2006-09-10
    المشاركات:
    46,455
    الإعجاب :
    0
    قولي سريع من فين قبل مايدخلو الاعضاء :D

    اريد اروح الطش لي موضوع ولا موضوعين :D
     
  12.   مشاركة رقم : 7    ‏2007-12-02
  13. ابن كريتر

    ابن كريتر قلم ماسي

    التسجيل :
    ‏2006-09-10
    المشاركات:
    46,455
    الإعجاب :
    0
    طيب اوكي حبيبي ولايهمك

    حط ايدي على ايدك وبنطلع سواء ياللا :eek:
     
  14.   مشاركة رقم : 8    ‏2007-12-02
  15. yemeni007

    yemeni007 عضو فعّال

    التسجيل :
    ‏2007-10-23
    المشاركات:
    894
    الإعجاب :
    0
    بررررررررععععععععععععععععع
     
  16.   مشاركة رقم : 9    ‏2007-12-02
  17. ابن كريتر

    ابن كريتر قلم ماسي

    التسجيل :
    ‏2006-09-10
    المشاركات:
    46,455
    الإعجاب :
    0
    كلكم اصحاب قطر كدا هبل
    ماعندكم غير كلمت بررررررررررررررررررع :D
     
  18.   مشاركة رقم : 10    ‏2007-12-02
  19. yemeni007

    yemeni007 عضو فعّال

    التسجيل :
    ‏2007-10-23
    المشاركات:
    894
    الإعجاب :
    0
    وانت اشدخــلك ؟؟؟؟؟؟؟؟؟؟؟؟ :mad: :cool:
     

مشاركة هذه الصفحة