شعر ولغز (نسخه لاصحاب التعارف والتسليه)

الكاتب : zhraltef   المشاهدات : 1,197   الردود : 12    ‏2007-09-03
      مشاركة رقم : 1    ‏2007-09-03
  1. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    عنوان القصيده
    (لقلتوها بتعرفو السوال بس بخليه جز من السوال)

    القصيده عزاء اديب يمني لاديب يمني

    ياراعيه اليوم يوم الاحزان
    يوم البكا على فراق نشوان
    شاعر مجيد وعاش فقير بردان
    قلبه انفجر والفجر عاده مابان
    والموت حضر بكر غبش بالاكفان
    ياراعيه الموت حزب خائن
    شل النجوم وسيب الجعانن
    يطحن بيوت ويقطف المحاجن
    من جزعته قلبي امتلى حبانن

    ياراعيه هذا الزمن غدار
    كل الملاح غابو وفارقو الدار
    زلو بعيد وانا حزين محتار
    عمري قصر وعمر حزني اعمار
    والحزن لو يكبر يصير اشجار
    لا الفاس يقطعبه ولا بمنشار
    ياراعيه نشوان كان شاعر
    وكان شعره نجمه المسافر
    اينما جزع ضوئ وظل سائر
    قلبه تريك وجزعته مشاقر

    ياراعيه هذي البلاد مغاره
    شاعر يموت والثاني قو بحاله
    كلما طفا شاعر طفت متاره
    طلعو لصوص وطلعو عماره

    ياراعيه يابنت ياحمامه
    الشعب ثار وقيم القيامه
    على الامام ودوله الامامه
    واليوم صار يتحمل الدقامه
    وصارله مضمد وله فدامه

    ياراعيه عرق الفساد يعارج
    والمفسدين تكورجو كوارج
    واذي البلاد مدخل بلا مخارج
    باب الامل مسدود بالمعالج
    محسوب مواطن كل ربح زارج
    اما الذي بعمله يحاجج
    فيحسبوه في زمرة الخوارج

    ياراعيه نشوان كان حساس
    قلبه رهيف رقيق مثل قرطاس
    لو ما راى المنكر وابصر الناس
    مثل السنف مشوك يشوك الراس
    قام اعتزل عزل وفارق الناس

    ياراعيه مافيش معك صداره
    ولا معك مكتوب ولا حواله
    جاء الطبل وجزع البشاره
    نشوان ماااات وموتته خساره

    ياراعيه قلبي عليك حزنان
    مو اشتعملي من بعد موت نشوان
    من شقبلك اهل الجبل والوديا
    رعيان كثير متركنين بالاركان
    مقرفصيين والشيخ عليك غضبان
    من بعد ما قلتي احب نشوان

    ياراعيه مافيش معك وسيله
    لاحزب معك ولامعك قبيله
    وجهك يتيم وصورتك عليله
    صوتك حسيم وقشمتك نحيله
    وصلعتك لاني ولا بسيله

    ياراعيه يانجمه المعافر
    مافيش معك غير الهروب باكر
    قومي اهربي وسابقي المواتر
    سيري غبش ليزهدو العساكر
    واتوجهي لا قريه العكابر

    ياراعيه نشوان كان قامه
    وكان لك مجدر وكان دعامه
    بعد ما سقط قامت لك القيامه
    قامو عليك وضيعو الشهامه
    كل يوم غريم وكل ساع غرامه
    حكم الغراب في مكوح الحمامه

    ياراعيه حزني عليك يشغب
    من الالم شفت النجوم خربب
    مو شتاكلي اكلك حلص وعثرب
    بيتك حوييييص ديمه بغير مسرب


    ياراعيه هذا الزمن يكابد
    مثل السنف في الحلق والصرادد
    مث الذي يقرط حصيص وراقد

    ياراعيه القلب حزين مكروب
    ماناش فرح انا بحزني موهوب
    ولو ضحكت ضحكي بكاء مقلوب
    حزني قدر والحزن علي مكتوب

    ياراعيه شبي عليك زياده
    لافرش معك ولا معك قعاده
    صدرك جهيش ودولتك جراده

    ياراعيه قاهم عليك عصابه
    والشعر ما ينفع ولا الكتابه
    لو تعزفي عمرك على الربابه
    لا شتحترك نمله ولا ذبابه

    ياراعيه عمرك زلج غلايب
    نشوان مات وغابت الجوالب
    لا عاد نجوم تبدي ولا سحايب
    دهرك عطش وعيشتك مصايييب
    مسكين كم سكين في الجشائب
    يانا عليك قلبي عليك ذائب

    ياراعيه كتبتلك رساله
    تبطلي التخزين و السجاره
    لا تضعفي الضعف في هواره
    لا تقبلي من ايش شخص عاره
    ضمي يدك لو تبصري غراره
    لا تدخلي راسك في المغاره
    ولا تدني دنتك بثاره
    خليك عفيف وسمعتك مناره
    عيشي شريييف وشرفي الشتاره
    زري حطييط وحسك البكاره
    لو تخترش او تفتقش خساره
    ياراعيه يكفيك خبز طاوه
    لقمه حلال لا تكعمي الحلاوه
    كلي دلا والاكل بالهداوه
    لو توقشي شتبتسق الحقاوه

    ياراعيه نشوان مو جرابه
    جزع فطيس ومدا درا به
    لا اخوته علمو ولا صحابه
    شافو الصباح قد مات في ثيابه
    والجولبه تبكي على شبابه
    والشعر كان كبن كبن بابه
    وصاحب الدكان يشا حسابه
    مديون مات وثروته كتابه

    يالراعيه قولي لعمي عالم
    العولمه غطت على العوالم
    زالت حدود وزالت المعالم
    نظام جديد قلبه حديد صارم
    بالراجمات يحكم وبالرواجم
    بالقاذفات ارض العراق يهاجم
    يقصف بيوت ويقتل الاوادم
    صارو العرب تحت جزمه الاعاجم
    وكل شعب قد ابتلى بحاكم
    كم ياذنوبي ما اكثر المظالم
    والناس دجاج بغير ديك يناقم
    وانا تعبت وحدي وقلبي وارم

    يارعيه قامسك علي تمارع
    ثنتين دجاج غابين بلقف سافع
    والبقري ماتت والحمار ينازع
    والشيخ جزع يتفقد المواقع
    والناس بالطاسه وبالمرافع
    وابن العباهي قا سرح يشارع
    شجبه براسه جبهته فرادع
    مو قا وقع قالو وقع مصافع
    تضاربو والقاضي كان جازع
    فوق الحمار ولا وقف يفارع

    ياراعيه مافي ولا حكومه
    العدل فلت والظلم قده كدومه
    والناس جياع متساهنين عزومه

    ياراعيه كل الرباح تبعر
    تقرط بعر وفوقنا تبهرر
    واحنا قفا العلبه جلوس نفكر
    لو في شجاع من بينانا يكور
    يزقر بذيل الجثل يعت ويهزر
    لاكننا نخبز كلام نخبر
    فينا الشجاع من عومته يترتر

    يارعيه قا مسك علي مغارم
    تشتي السلوس وتشتي الخواتم
    ولو نقول مافيش تقوم تجادم
    كمقامعه ذهبان وكم لوازم
    زاد الطمع لو في خمع تشاغم
    اما الكبع فيعجبه تكاعم
    وان في وليمه فرحته الولائم
    وبرمته بين الدسوت تزاحم
    تكشح براسه راس دم وداغم
    دمه كثير وكل يوم محاجم
    قاهي عجوز وكل شهر واحم

    ياراعيه غدره وعبده راقد
    يسكر بقات وينتج الوساد
    يسكن قوبر ويبني المواقد
    يرقد دهور يقوم شهر يناكد
    يشهدله زور مثل العزيق شاهد
    يلف يدور ماكد وله مكايد
    مثل الصرور بموسم الموالد
    مافيش عقول كل الرؤوس قرامد

    ياراعيه نشوان مات مقهور
    موته قهير والقلب حسير محسور
    يانا عليه في البيت عاش مقبور
    في الظل عاش رفض شهاده الزور
    لو كان فاش مكان كسير مكسور

    ياراعيه قا مسك علي تخرف
    والشيخ قا ودف وقو مودف
    قا خلف المخلف يعد ويخلف
    يدق له ايمان يسير ويحلف
    والبير نشف والخادمه تنشف
    تعمل نشوف بالمشافه تشئف
    والدم مقعي في الجهي مقرفف
    لو ابصر الدمه جري مشهف
    راسه كبير وسبلته ترفرف
    ياكل وزف قا غلب الموزف
    واحمد فريس في حجفته مقرفف
    يكعم قرم مافيش بمو يهسف
    وصاحب الدكان يمين يحلف
    لعاد يبيع بالدينولا يسلف

    ياراعيه يانجمه المعافر
    الدم عكير قا عكر العاكبر
    عكبر وراء عكبر ولافي صافر
    مقبر ورا مقبر



    السوال يقول :

    ايش اسم القصيده ومنو الاديب اليمني الي يعزي اديب يمني اخر ؟؟

    :)
     
  2.   مشاركة رقم : 2    ‏2007-09-03
  3. الشـرعي

    الشـرعي قلم فضي

    التسجيل :
    ‏2006-07-03
    المشاركات:
    3,743
    الإعجاب :
    0
    (القصيدة للشاعر الرازحي من ديوانه موت نشوان ونكبة الراعية)


    العمده على موسم الخير
     
  4.   مشاركة رقم : 3    ‏2007-09-03
  5. بنت الحمداني

    بنت الحمداني مشرف سابق

    التسجيل :
    ‏2006-10-11
    المشاركات:
    31,719
    الإعجاب :
    4
    ايش دا اني اصتبحت على الغاز او ايش :D


    دي القصيده للشاعر الرازحي بعنوان ( موت نشوان ونكبة الراعيه )

    الي بالاصل هي نقد للسياسه حول الشعب

    وهي بالاصل للشاعر الراحل عبد الله سلام ناجي بس توفى فقام الرازحي وكتبها ديوان سايسي بهذا العنوان

    ونشوان يعني بها الشعب
    والراعيه الارض اليمينه

    وهي اصلا ممنوع من نشرها


    ها صح :D
     
  6.   مشاركة رقم : 4    ‏2007-09-03
  7. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    :eek::eek:

    طلعتم تعرفو القصيده لمن ومن كتبها

    بس للعلم اجابه بنت الحمداني اقرب

    هي عزاء للشاعر عبدالله سلام ناجي

    نشره في الكتاب الي صدر بعد وفاته

    وفي برقيات عزاء كثير من ادباء وشعراء ثانين

    وهذي كانت اهداء لروح الشاعر عبدالله سلام

    مولف الروايه الشعريه نشوان والراعيه

    وفيها بعض الاشياء الي متعلقه بالراحل اليمني

    والبقيه هي تمثل الشعب اليمني بنشوان

    والراعيه للارض اليمنيه

    :)
     
  8.   مشاركة رقم : 5    ‏2007-09-03
  9. آلاشرف

    آلاشرف قلم ماسي

    التسجيل :
    ‏2006-07-30
    المشاركات:
    11,327
    الإعجاب :
    0
    يا اخي بالله عليك ايش هذه من قصيده كلها يا راعيه من اولها لتاليها :p
     
  10.   مشاركة رقم : 6    ‏2007-09-03
  11. GreenDay

    GreenDay عضو نشيط

    التسجيل :
    ‏2007-07-23
    المشاركات:
    298
    الإعجاب :
    0
    وبعدين ما بطلتش سيرة الجعانن
    لا تكثر بالجعانن عشان عيالك ما يطلعوا جعانن
    :D
     
  12.   مشاركة رقم : 7    ‏2007-09-03
  13. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    هذي القصيده الي فيها من اولها لاخرها ياراعيه

    لما تلقيه مات وما معه الا كتابه

    المقصود كتاب نشوان والراعيه

    ومن اروع الكتب الي تكلمت بذكر الادب اليمني وكان يحكي خرافات يمنيه ونقد سياسي بنفس الوقت

    :)
     
  14.   مشاركة رقم : 8    ‏2007-09-03
  15. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    هههههههههههههههههههه

    قول بعااااااااااع بقلك ميوووو

    :D
     
  16.   مشاركة رقم : 9    ‏2007-09-03
  17. بنت الحمداني

    بنت الحمداني مشرف سابق

    التسجيل :
    ‏2006-10-11
    المشاركات:
    31,719
    الإعجاب :
    4

    :D

    مله صلي على النبي

    ايوه نعرفه وابي يموت فيبه وحفظت بيها بجهازي كل مره اقراها ليه :D


    ايش ما فيش غيرك مبعسس :D
     
  18.   مشاركة رقم : 10    ‏2007-09-03
  19. zhraltef

    zhraltef قلم ماسي

    التسجيل :
    ‏2005-11-08
    المشاركات:
    23,396
    الإعجاب :
    58
    اللقب الاضافي:
    نجم التعارف والتسلية 2007
    يعرف الرازحي والا سلام

    ؟؟؟؟

    :D

    اعرفهم الاثنين شخصيا

    :D
     

مشاركة هذه الصفحة