المره صارت رجال ..... والرجال صار مره >>> تعالوا ن

الكاتب : hammam   المشاهدات : 473   الردود : 0    ‏2002-11-11
      مشاركة رقم : 1    ‏2002-11-11
  1. hammam

    hammam عضو

    التسجيل :
    ‏2002-11-07
    المشاركات:
    26
    الإعجاب :
    0
    المره صارت رجال ..... والرجال صار مره >>> تعالوا نتخيل
    هذي مشاركه مني سرقتها من احد المنتديات ههههههههههههه بس لاتعلمون احد سررررررررررررر المهم حبيتكم تقرونها لانها بجد تضحك





    سعد عمرة 26 سنة خلص دراسته وقاعد ينتظر بنت الحلال الي تضفه (الله من واحد بيقعد بها لو الوضع كذا )... سعد تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد (الحمد لله على النعمة الي انحن فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
    ـــــــــــــــــــــــ

    2
    ـــــــــــــــــــــ
    ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …

    ابو محمد/ قومي يا ام محمد … قومي يابعد عمري افطري وروحي للدوام …

    وبعد ربع ساعه من التدليع والتخقيق قامت ام محمد ….

    التفت عليها ابو محمد وقال/ صباح الخير ….

    ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي يالدبشه والا لا ….

    ابو محمد/ يرد ويقول نعم ياحبيبتي كلش زاهب ….

    ام محمد / طيب اقلب وجهك عني ابغسل وجهي واجي افطر هاالحين ....

    ابو محمد/ شوفي يا ام محمد هذي الوريقه فيها بعض المقاضي للبيت

    ام محمد / هذا الي انت فالح فيه يالثور

    ابو محمد / الله يسامحتس ياام محمد ويخليتس لي ولعييلتس … وش انحن بدونتس.

    ام محمد / المهم بكره انا عندي مشوير قريب وبوديك عند اهلك يومين .

    ابو محمد / وين بتروحين … (خايف تعرس عليه )

    ام محمد / ابروح لجهنم … هماني اقولك لا تسالني وين ابروح وين ابجي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .

    ابو محمد / العذر والسموحه طال عمرتس … وش تبين اصلح لتس على الغدا طال عمرتس …

    ام محمد / صلح سم … طرقع (لطخت بالباب وطلعت)؟؟؟؟
    ــــــــــــــــــــــــــــــــــــــــــ

    3
    ـــــــــــــــــــــــــــــ
    الساعة 3 من الليل …. أبو محمد سهران ماجاه نوم … محمد مريض مرتفعه حرارته وملتهبه لوزه … والصغيره حصه جيعانه ولكن ثمها منفر ماتقدر ترضع … وابو محمد ضام بزرانه لصدره ويصيح معهم مايقدر يسوي لهم شي … يوم جت 3.15 اليين باب البيت يفتح ام محمد توها جايه من الاستراحه …

    ام محمد / اسمع انت ووجهك ضف بزرانك … ورح نم انت وياهم في الغرفه الثانيه انا تعبانه وواصله معي مافزت في الورقه ولا مره … وابغى انوم وما ابغى احد يزعجني .

    ابو محمد / سمي طال عمرتس ما لتس الا طيبة الخاطر …

    وخذ ابو محمد بزرانه وراح للغرفة الثانيه … وهو يبكي بحرقة على حاله وحال اطفاله … ووضع الصغيرة حصة في حضنه واخذ يهزها علها تنام … وفي يده منديل مبلل يضعه على راس محمد لخفض الحراره .

    ام محمد قبل ان ينام اخذ يتحدث مع ام راشد في التلفون … اسمعي ياام راشد بكره تكفين لا يفوزون علينا … واستمرت المكالمة اكثر من 20 دقيقه كانت الضحكات تتعالى وكأن المرضى الموجودين في البيت لايعنونه بشيء؟؟؟؟؟؟؟
    ــــــــــــــــــــــــــ

    4
    ـــــــــــــــــــــــــ
    ابو خالد يترجى ام خالد انها توديه لهله …. يشوف اخوه مصخن … ام خالد رافضه ... تقول انا تعبانه وماني فاضيه لك ... وفجئه رن التلفون
    تررررررررررررررررررررررررررررن
    ام خالد/ الو مين
    ام حمد / هلا ام خالد انا شاريه نخلتين خلاص من الحسا وابغى نروح انا وياتس نجيبها بكره على سيارتس
    ام خالد / ابشري والله لو تبين للقمر ؟؟؟؟؟؟؟؟
     

مشاركة هذه الصفحة